Helh ‘ol ol’ tur chu kan tam leh awm mange. Mahse chutiang avanga thil dik ni si auchhuahpui ngam lo khawpa dawih lah ka ni hek lo. Fonz-a’n keyboard phenah chuan a huaisen theih khawp e a tih te pawh kha ka in chan rum rum mai.
Tunlaiin eiruk hlemhletna kan sawi huai huai a, kan peh ngam tawk te kan pet pawr chup a. Kan peh ngam loh leh peh phak loh te erawh chuan Zoram hi an la vat chhe mek lawi si. Thalaite hian thawhchhuah nei lo mah ila, he eirukna driving force chak lutuk hi kan ni thei tih hria ila ka duh takzet a ni.
Ka nu hian kan la naupan deuh lai hian heti hian min hrilh thin a, “Mite angin thawmhnaw nalh pui puite, eitur tuihnai tak takte leh thil changkang leh tha pui puite hi lei tur chuan ka hlawh ringawt hian a tlin dawn lo a.
In lo puitling anga, in zir sang tulh tulh anga, sum a la hautak tulh tulh dawn a ni. Chuvangin, sum ren thiam takin, mi anga nuamsain lehkha zir tum lo ula, chutiang anih loh chuan in duh leh mamawh min hrilh hi chuan tihsak ngei che u kan duh thin avang hian eiru lo thei lo dinhmunah hian min dah hlauh ang e” a tih hi ka hrereng thin. Ka nu eiruktirtu nih hi khami ni atang khan ka tum ngailo hrim hrim a, tun thleng pawh hian ka lehkha zirna kawnga harsatnate ka tawh chang hian min khalhngiltu a ni fo thin.
Rampum huap ang pawhin kan khawhawina tarmit hi i han pharh zau teh ang. Kohhran upa eiru te kan kawk a, kan sawi luih luih. Kohhrana rawngbawlna nei chung hian thlamuang takin mi chanai hi an eiruk duh i ring em?? Kei chuan an tih theih hi ka ring thei lo. Tute nge mawhphur ta ang le???.
Tunlai thalaite hian bike/scooty kan duh,petrol leina kan mamawh nghal, incheina changkang ber ber kan duh, kan sas-te restaurant changkangah kan treat duh, city/town bus ah kan chuang zak a taxi kan ti, huau huau awm se ‘ka tel lo chuan an ti thei lo’ ti ni awm fahranin kan lo va tek thleng hman zel sumpai heksakin, thianzaho picnic/chaweikhawm kan ti….aaaa..ka sawi seng lo… Thalai tam zawk lah chu thawhchhuah neih chu sawi loh, thawhchhuah tum emaw thawkchhuak peih pawh hi kan tam lo em a ni.
Chutiang khawpa sum hrawm na chu nu leh pa hlawhin a lo tlin reng lo a. Fate rualawta an awm bik hlauin midang chanai pawhthensak duhna khawp hial thinlung an lo pu ta thin a ni. A va rapthlak em!! Thalaite hian kan thiltih hi kan chiang lo a ni. Chuti anih tawh ahnu, eirukna duhloa au ring ringah a thalaite chu kan la tang zui. Kan ram hruaitu leh sawrkar fawng chelhtute eiru chu kan bauh vak vak a, eiru tura nawrtu chu keimahni kan ni tih hre hauh lo chuan.
Vawksa kan ei chak a, kan nu leh paten mi vawk ruin min talhsak a, tui ti takin a thau te kan hmawm thawih thawih a, a tisen tui lai lai kan ei hmawk hmawk a, a thin, rilphiar leh thithun te chu kan lim zo duak duak a, kan thenawmte vawk bo pawi kan tihzia leh a rubotute kan huatzia kan tlangaupui leh chiam chiam thung si.
Thalaite i harh ang u. Zoram hi kan kuta awm a ni. I theih ve tawka i bei anih loh chuan he Zoram hi kebaiin a thanglian anga, a lo rei tulh tulh anga, hnamdang chak tak takte nena intlansiak tura mualropuia a din hunah mualphoin kan Zoram hmangaihtak hi a tlu mualpho hlauh dah ange…
Similar Posts:
- CM ni ta ila!
- Corruption leh CBI koh hla
- Thalaite I tangrual ang u
- Mizo thalaite kan chep lo, kan thawl mah mah!
- Mizoram ka hmuh dan
A lawmawm thin e…
April 26th, 2011 at 11:44 pm
Kan tuihnih leh lawk…a bul berah chuan sorkar accounts hi transparent tak2 thei sela chu eirukna tam ber hi chu a kiang duak ang…..entir nan, tute dept emaw chuan farmers ho an ko khawma, an ni 1 hlawh leh refreshment an lo pe veka. Policy hi chu a tha lutuk…mahse he meet hi paper ah chauh alo awm thin ta pek a…. farmers ho hming pawh chu a khaw neitute ngei2 pawhin an hre thei lo..ngatinge ? Hming phuah chawp hlir an hmang tlat alom…a transparent loh avang hian project in-charge anlo ngampa ta viau a..a chunga i sawi ang khian fate expensive deuh2 emaw an lo nei bawk nen…pawisa an lo siam ta mai2 thin …..
Report this comment
April 26th, 2011 at 11:48 pm
#46 ka ngaihtuah ziah thin. Income tax kan pe lo hi kan zalen leh lutuk a, kan chhek awk awk mai a; phai lamah chuan account che velah an fimkhur hle si a.
#lrp(kan hming a inangin ka ring tlat, tumkhat phei chu lrp-a kha i ni em min ti tawh nghe nghe) dik khawp mai Sawrkar sumah hi chuan sawrkarin mawh a phur lian ber a ni. corruption ngaimawhna sawrkarah chuan a zia chu awm tak a ni.
Report this comment
April 26th, 2011 at 11:49 pm
Kan thil neihte hi han buk vel ta se, concrete in ti riral duh hi vanglaini phek chu an ti lun khawp lawng maw te ka lo ti asin..
Report this comment
April 26th, 2011 at 11:54 pm
52..vakul..a lo in ang reng tak ange..!
Pi BMW pawn ini em a rawn ti tawh ( i sawi takah chuan a hmelhriat zawk ini mai thei)
Report this comment
April 26th, 2011 at 11:54 pm
Chief Commisioner of Income tax ka hmelhriat pakhat nen kan titinaah pawh a sawi chhuak nghe nghe a sin. Kan account hi a transparent lo tlat hi a buaithlak lai a chu a ni. Min check saktu leh lo vil rengtu hi awm se kan tha khawp chuan ka ring.
Report this comment
April 26th, 2011 at 11:57 pm
Thla hmasa khan ka broke angrenga Pathian laka ka income tax (sawma pakhat) ka ba tawp, ka chhungte bulah thla leh ah thla 2 hu ka rawn thawn mai ang che u ka ti ta ringawt.
Report this comment
April 26th, 2011 at 11:59 pm
@funny hi fair hmel riau, kan sawrkar hnathawk account endiktu nise a thra fu lo maw@vakul..
Vigilance commisioner kan nei nange aa???
Report this comment
April 27th, 2011 at 12:00 am
PiBMW hi ka la hmelhriat lo; a awmna ka hria a, mahse ka thian nu(a awmna rama awm tho) hnenah i hria em ka ti a, a hre tlat lo. A fel ngawt ang.
Facebook-a Misual chat group ka join lai khan min zawt chhen a, ‘lrp-a kan bye bye tawh kha i ni em? te min tia an lo bye bye tawh che mi haha..a chungah khian tumkhat ka ti nang a, fb ka sawina.
Report this comment
April 27th, 2011 at 12:06 am
#57 a insawi anga a awl ruk zeuh zeuh dawn chuan thlithlai hmasak phawt a ngai ang. Mihring sumah a inthlahdah zual palh ang. hehe.
Report this comment
April 27th, 2011 at 12:08 am
mahse funny hi chu a nick ang hi ni maihlo, mi serious tak a ni tlat..
Report this comment
April 27th, 2011 at 12:09 am
vakul..ni maw..misual hi ka bansan a, a lut leh a!! :-D, tun thleng hian ka email ah hian comment hi a rawn lut zeuh zeuh, chhiar lo in ka delete zel, ka banna post a comment pakhat mah ka chhiar lo, chhiar loh kha a finthlak zawk dawn in ka hria a..
tak tak a, lrpa@rediffmail.com hian email rawn thawn keuh la, kan in hre chawp zel ang chu…(2000 vel bawr a Richarda nau lo rimtu kha ini angem aw ka ti mai mai!!)..
@ Chewmtatrawt…sorry..OT ta mah mah e..
Report this comment
April 27th, 2011 at 12:11 am
@lrpa, ho lutuk..ka post reng2ah hian lo ziah hmasak zel tur emawni ka lo tia..ka post a reng2 OT ka phal vek tih hi ziah ka lo tum asin.. OT na tur post a awmlohin khawiah nge heng thu ho hi kan sawi chuan ang…Ka post hi lo hmang tangkai zawk ula ka lawm daih zawk ania oo..
ka lo khilai nghe2 teh ang che u
chhunzawm zel ru, min lo vilsak pah ula
Report this comment
April 27th, 2011 at 12:12 am
lrp tun atanga minute 5 chhungin a lo thleng ang. \
sory chemtatrawt.
Report this comment
April 27th, 2011 at 12:14 am
@vakul, @62 khi chhiar rawh..ka post hi chu ni nuai se ka hlim ber keichu..
Report this comment
April 27th, 2011 at 12:14 am
Chemtatrawt, khawimaw laiah a hmingte chuan kanneih ve khep zel hi….mahse tuman an tihtur an tih si loh chuan enge sawt chuang ang ? Bill lem pawh a ti thei tu ten an haider luih tlat si chuan….buaithlak deuh asin.. ! Democracy kannia, thil dik thlip thlep hian ti vek ila, heti hluai hian politician pawh kan ngahhauh lo ang….thil dik lo hi a in chawbe kual a…chutiang kal kual vel hnuaiah chuan kan su vel mai2 anih hi…tutan pawh ‘a zung atanga kan pawt chhuaka kan pho ro dawn anih chuan’ hlawkna a awm miah lo ang…ram erawh chuan a thatpui ang..
Report this comment
April 27th, 2011 at 12:16 am
mifing tak2 hi in lo ther khup anih hi le..@loneeagle,,i ngaihdan chu ka trawmpui lutuk che…kan system thleng hian a corrupt tawh em a ni..
Report this comment
April 27th, 2011 at 12:22 am
trawta: hahaha
ka serious khawpmai, ka trap trep ani.
My whole day work was done just now giving another failure. We have been failed for more than 6 months.
Ka hmanhmawh deuh tawh in nichrome wire ah voltage maximum a set sa in 3 ampere ka’n pass mai chu a bung hmawk. A bun lai tak chuan 2.7 Ampere leh 28 volts vel aniang. A nichrome wire hi 0.2 mm diameter ania.
Report this comment
April 27th, 2011 at 12:25 am
@funny, hetah kan lo nuihpui chiam2 mai dawn che mi??..a kuaa leng lo thil hnawhluih i la ching reng a ni maw@funte..
Report this comment
April 27th, 2011 at 12:30 am
@funny, i hair style kha i thlak tak tak ami?
Nang hi i lo bei nasa lutuk ange..chhawchhawih khawpin engmah tih loh tur..
Report this comment
April 27th, 2011 at 12:31 am
A chhip black top kawng ang deuh kha mi , @lrpa..
Report this comment
April 27th, 2011 at 12:40 am
70..CTR (thui deh duah em mai), ni e…ani hi a lo ti lutuk palh (tantir) ta mai emm aw tiin ka ngaihtuah deuh a…hehe
Report this comment
April 27th, 2011 at 12:44 am
#71, vaihoin an hlau zek maithei sin
Report this comment
April 27th, 2011 at 12:52 am
Grass root level tangin kan tan ngai a ni. Moral reformation lamgpangte nen. Kei chuan ka vei thei khawp mai. Exam na a entawn duh loh atangin a intan a ni.
Tha hle mai. Hetiang lam post hi awm zeuh zeuh se a tha.
Funny: Va pawi awm ve aw…..
Report this comment
April 27th, 2011 at 12:56 am
Ruah sur nen , net speed a chhe kher mai….han belh leh kan rilruk deuha, in khel hmuhnawm vak loh nen…..fin bik vang ni lem lo hian mi sawi duh vak loh hi sawi chhuak zeuh2 ila, mi pawi kan sawi em lo ang chu…engtikah emaw chuan politician mahni pumpui ngaihsak lo,sorkar duhthu sam, hnathawktu pawh tha ber ber, transparent financial accounts, project, works etc kan la nei ve ang ka ring…Pathian ringtute kan ni si a….
Report this comment
April 27th, 2011 at 12:59 am
loneeagle usa ah ruah a sur a maw?
Report this comment
April 27th, 2011 at 1:00 am
Breaking news, lunglei ami theiriat veng johnny a chu jalandhar,punjab ami colg kal lai a boral .!!! tun ah dmzp nen an in be mek ni in a lang..!!! hriate kan lo awm mial tak ah ka lo soi ve mai2 e..!!
Report this comment
April 27th, 2011 at 1:08 am
#75, Fonzie..USA lam chu ka hre lo…kei chu Aizawlah ka awm….
#76, a va han zia lo thin ve aw….
Report this comment
April 27th, 2011 at 1:08 am
@loneeagle26016: Ka beisei khawp mai keipawn. Ram hruaitu hi Pathian pawn a ngai pawimawh thin a nih kha. Davida pawh kha rinawm takin beram a veng a Lal tha takah Pathianin a dah mai chutiang zelin Pu Josefa pawh kha…..
Mi in-a an lawm tak tak miah loh,an hnunga an sawi chhiat reng fo Politician-eiruk ching an tih mai ni tur hian Pathian hian nakinah chuan a mifelte hi ala thlan ka ring.
Report this comment
April 27th, 2011 at 1:26 am
Eirukna leh hlemhletna do dan hi kawng tam tak a awm thei a, tha tak tak a ni deuh vek. A tak taka do ngam hi a har lai ber chu a ni awm e.
Mi huat hlawh pawisa miah lo, mahni nunna hial pawh thap ngam tak tak hi mi za rual lek pawh intelkhawm se chuan awmzia an nei thui thei khawp ang. Bul tan ngam kan awm em?
Report this comment
April 27th, 2011 at 1:38 am
Hei bul chu an tan reng tawh alom, SOSA, PRISM etc tih vel an dinga, mahse an tha hi a chak lutuk rih lo. A chhan chu mipui tam ber support an la dawng rih lo a ang… Tih tak2 ah chuan, mipui tam be rhian eiruk hi haw tak2 ila chu, a bo hmiah ang…democracy chu mipui te ta, mipui sorkar ania..mipui tam ber hian tunah rih chuan kuttling lo sum hi a umin kan umin a lang tlat…kuttling lovin hna an thawk a…chumi endiktu chuan diklohna chu a nemngheh a ngai a…tikhan an lo in chawbe kual ta thin a…mipui thlan lal te pawh an in rolh a…a puluta, apu chhuak a tih ang mai khan…kohhran/voluntary NGO thleng2 in min chi kual ta anih ber hi….
Report this comment
April 27th, 2011 at 3:29 am
Saala ka room ah ka haw tawh a, thil ka switch off theihnghilh avangin switch off tur ringawtin 1.5 km ka rawn kal leh, ka mut chhuak a reh vek. Zing ka thawh tlai phah ngei anga, boss in min trim leh deuh dawn anih hi. Ka haw lehnghal dawn. hehe
Krista: Tunlai chu ka che chhe thei rap, hmanni a zin haw in min lim deuh tawh bawk, easter sunday pawh awl lovin ka ti ve trawk trawk a ka mark a that phah chuang der lo. Lolz
Hetia duh duh sawi theihna misual alo awm hi a hlu ve riau. Lolz. mangtha u.
Report this comment
April 27th, 2011 at 8:28 am
ehe!! ka ngaihdan min thlak tir tep mai a he post zet chu
fate mawhphur rualin nu leh pa mahni fate pawh thunun zo lo, mahni fate hlau fate chuan engang in nge an thlir ang aww ka ti thin. chhungkaw pawimawhna i rawn hailang chiang kher mai 
Report this comment
April 27th, 2011 at 11:02 am
I sawi dan hi a dikna lai chin chu a awm a, tumah mahni fate/chhungkaw tana thahnemngai lo an awm lovang tih theih tur a ni. Tin, sum duh lo nu leh pa tumah an awm hek lo. Thalaite vanga eiruk a hluarna erawh a nih lem loh hmel. An duh vang hrim hrima ti an ni mai. Mawhpuh tur kan zawn hian thiam kan inchantir chawp duh vang mai a lo ni. Eiruthei te mawhphurhna liau liau a ni zawk.
Thalaite kan incheina, kan chet vel dan erawh kan inenfiah a hun khawp mai, nei anga lang, neih baka chet kan intihhmuh hi chu tunlaizia a ni na a, a tuartu chu thalaite tho kan ni. Kohhran hian Eiru tih hriat rengte hi phuar ve ngam se, an thawhlawm duh vangin nihna te pe mai lo se…. a…. kan tih ngam chuan loh tur kan sawiho mai2 niin ka ngai. Hetiang sawi chu a ninawm, a sâwt si lo.
Zawlaidi te hi vei mai mai ila, kan inhmeh tawk vel lek….
Report this comment