“Dimtein kal rawh aw, tah hian ka duhlai chu chham ang a zal a nia”
War Cemetery pakhatah chuan he thu lungchhiatthlak zet mai hi a awm a. Ni e, he leilung hian kan
duhlai ngawih ngawihte vut leh vap chu a lo chhekkhawl thin anih hi!!! Thihna hian bawhchhiatni atang tawh khan hringnun hi a sual reng a, inhriatrengna reng awm tawh lohna hmunah nun hi a hnuk liam thin a lo ni
Kan duh reng vang ni lova kan hmangaih tak ten hringnun an herliamsan ni chuan -‘rihsang mualliam kan la tiam lo’ tiin au lawm lawm mah ila auh kir rual an ni tawh lo. Thenkhat chu an neihchhun, an hmangaih em em leh an innghahna neihchhun liau liau te chu he Thihna kutvawt hian a lo laksak tawh hlawm a. Chutiang hun a lo thlen a mangthana thu hnuhnung sawi a tul chang a – “Thlamuang takin kal rawh, ka duhlai” han tih dam diai mai te hi keichu khawvela thu sawichhuah har ka tih ber pawl a ni thin.
Ni e, kan duhtak, kan hmangaih em em leh kan la thlakhlelh ngawih ngawih ten mual min han liamsan a. Kan pawm nin loh leh kan duat em em laite chu Thihna chuan a hnuaia kun turin min chhuhsak lui a. Tlangval tlawmngaite thlan laihah kan han zalh a, thlan vur zawnga lungnawi leh leiin an thlan thing kuang a zuk den rik te chuan thinlung hi a nghawr dawt dawt a. Thlan vur zawh anih tawh lah chuan a pawng thur ringawt a. Leivung tharlam sen seng sung chuan, “I duhlai chu ka angchhungah ka lem ta” tia chapo hmel takin min rawn hmachhawn a, chutih hunah zet chuan patling dawn hi a tawi tuk tawh mai thin
Hringnun tawp dan chu chuti zawng chu ani a, hringramah hian beiseitur reng reng an awm tawh lo. Anmahni ngaiin lokir leh turin han au thin mah ila khawvel kalphung leh nihphung bawhchhia a he hringrama rawn let leh te zawng rapthlak leh tihbaiawm mai an chang tawh thin
A nih leh Thihna chu anchhia em a lo nih chu le? Keichuan anchhiaah ka puh phal dawn hauhlo. Hringnun par rimtui leh vulmawi lai ber chu Thihna hi a ni zawk!!! Mifingte chuan mihring hian hunpui pathum kan
nei tiin an sawi thin. PIANNI, INNEIHNI leh THIHNI te hi. Heng hunpui pathum zingah hian a ropuiber chu Thihni hi a ni. Tu dang vakin an hriatpui loh in i piang thei a, i damchhungin inneihni i tawng miahlo thei bawk. Thihni erawh chu i tawng ngei ngei dawn a, mi tamtakin an hre ngei bawk ang. Chuvangin Thihni hi ni ropui chungchuang a ni!! “Thihna ropuina em em chu chatuan nun nei tur a kailawn, zawh ngei ngei ngai a nihna hi a ni”.
Thihna hi malsawmna a ni tih hi thilmak a ni hran lemlo. Hringnun zinkawngah hian kan hriat leh thiamna te, kan ropui leh theihna miltawk ang zelin mitinin phurrit kan phur theuhva, chu nghawngkawl kan khenthlak theihna awmchhun chu Thihna chauh hi a ni. Thihna lui kan daikai hunah chauh engthawlna kan chang mai dawn a lo ni. Kaltaten ngaiin min au ngai lova, an kalsanate hi a ni lunglenga kur thin zawk ni
William Shakespeare khan Thihna hi Siamtu’n thiam taka a ruat a ni tih a hmuthiam ngawtin ka hre thin. HAMLET thawnthuah khan ti hian a sawichhuah kha, “Khawvela ruang hmasaber kha ruang chhiarsenlohin a zui tawh a, i pa khan a pa a lo sun tawh a, chutianga insun chhawng zel chuan tun hun hi min thlen a ni” tiin a sawichhuak a nih kha. Thihna awm talo se, khawvela mihring piang tawh zawng zawng hi khawvelah la awmin hringnun hi han hmangho vek mai dawn teh ila chuan khawvel hi a buai ve ngawt ang le!!
He hringnuna Siamtu’n themthiam taka Thihna a lo dah hi nun tihlutu, nun timawi a tithlakhlelhawmtu a lo ni a, anchhia awzawng a lo ni love
Similar Posts:
- Hmangaih Di Bawihte
- Thinlaiah a thar leh thin
- Zawlpala Leh Taulvungi
- Ka lung a leng a…
- HMANGAIH PAHNIH
April 27th, 2011 at 7:21 am
Thih ve leh a thlarau vanram leh meidil a kal nghal tur angaih hi a dik thei lo. Isua lokal hunah mithi te a kaitho dawn bible in a ti sia, vanram leh meidil a an direct nghal vekin isual lo kal hunah kaihthawh tur leh vana hruai tur a nei nag?
Report this comment
April 27th, 2011 at 7:41 am
Zirtirna nen a inmil dawn loh avanga Bible lehkhabu paih teuh ah khan a chiang khawp mai. Tuna Protestant lehlin Bible ah chuan, Isua Kross an khenbeh a a kiang ami a hnenah a hruaitur/chawlhtir lailawk tur a sawi bak kha a awm ta lemlo anih hmel. A dang chu ngaihruatna leh zeldin/suangtuahna thu bakin protestant te hian kan sawi thiam talo.
Hetiang hi chhiar ula in hrethiam deuh mahna, luhlul sawhsawn theih anih ngai chuan
Catholic kohhran vuana thi te thlamuanna pakhat, hahdam thlak leh awh awm em em mai chu, thih hnua intawngtai sak theih hi a ni.
https://en.wikipedia.org/wiki/Purgatory
Report this comment
April 27th, 2011 at 7:43 am
tha lutuk. thihna hi chu mihring tan chuan a va’n tawp chiang tak em!! a bak sawi zui tur hi a awm tawh lo reng reng,a awmchhun pawh imaginary ang tluk a ni si a, mahse mizote “vanram leh meidil” ringtute kan ni a, chu chuan sawi belh tur min siam sak chauh a ni si a, vanram thlakhlelhawmna chhan ber pawh “thihna” awm tawh lohna hmun tur a nih vang mai niin ka hre thian. khawvelah hian thihna hi a va’n tawp chiang em!!
Report this comment
April 27th, 2011 at 7:51 am
Bible in mitthi khua a tih kha hremhmun hi a ni thei angem?
Report this comment
April 27th, 2011 at 8:04 am
Mary Baxter-i lehkhabu, “Divine Revelation of Hell” tih atanga alan dan chuan thih veleh hian hremhmunah emaw vanramah emaw kan kal nghal niin a sawi. Chu chu Luka ziaka Isuan mihausa leh Lazara thu a sawi nen pawh a inmil thlap. Amaherawhchu, heta hremhmun tih hi ‘hrem lailawkna’ ang deuh ni awm tak a ni a, nakinah Lal Isuan mitthi a kaihthawhah pawh an tho leh vek ang a, Lalthutthleng Var hmaa rorelsakin an awm ang a, chumi hnuah Mei dil (lake of fire) tak takah chuan Setana leh a hote nen ‘permanent’ takin an la paih leh dawn a ni awm e.
Catholic hovin thih hnua thlarau Vanram kai tura tawngtaisak leh theih nia an sawi hi chu Lal Isua zirtirna piah lam thil niin ka hria.
Report this comment
April 27th, 2011 at 8:15 am
keimah helaia article ho hi lo chhiar ve chhin ta che
https://www.spiritlessons.com/
Report this comment
April 27th, 2011 at 8:30 am
@rose10, thanks. He site hi ka lut nual tawh a, ngaihnawm ka ti bon tawp! Heta Mary Baxter audio te hi ka download a, thiante ho ka ngaihthlaktir nghe nghe. A ngaihnawm khawp mai. Thanks again.
Report this comment
April 27th, 2011 at 8:33 am
Thihna lo awm kher hi chuan Nunna hi ava ti hlu em!
Report this comment
April 27th, 2011 at 8:57 am
keimah w.c o.t heta angelica article hi a ngaihnawm fuu mai a
Report this comment
April 27th, 2011 at 9:11 am
“Dimtein kal rawh aw, tah hian ka duhlai chu chham ang a zal a nia” tih thu hi ka duh thin teh a sin aw
Report this comment
April 27th, 2011 at 9:20 am
ot bedbawih chu kal dim thiam ve leh pek lo ang a XD
Report this comment
April 27th, 2011 at 9:51 am
@rose10 #9, heng article ho zawng zawng hi a ngaihnawm deuh vekin ka ring. Mary Baxter hian a la sawi chipchiar leh zual. Ngaihnawm mai bakah an pawimawh lutuk bawk. Mi(sual) ho hian chhiar sup sup ila a tha ngawt ang.
Report this comment
April 27th, 2011 at 10:39 am
@11@rose: pawm chung che pawh in zawh te ang den den in ka kal thei ang chu mawle
Report this comment
April 27th, 2011 at 10:42 am
keimah nia, he site hian min tiharh sawng sawng mai, misual ho zawng zawng khan chhiar ve hram teh u
@bedbawih lolzz.. thehlei pathaumi ang khan tum ve tuk tuk ang e
Report this comment
April 27th, 2011 at 11:12 am
@rose:haha ka in fit rapthlak hehe
Report this comment
April 27th, 2011 at 2:50 pm
Aryan : #1 I tidik e. “ka lo kir leh ang a, ka hnenah ka la ang che u” titu kha Isua ngei a ni. Amah, tholeh Isua kha vana lut thei awmchhun, puithiam lalber a ni.
Report this comment
April 27th, 2011 at 2:57 pm
@rose10: i link rawn dah khi a thra kher mai. ka lo la hre ve ngai lova. Thanks!
Report this comment
April 27th, 2011 at 2:59 pm
ka chhiar chhuak dap e.
Report this comment
April 27th, 2011 at 4:13 pm
Ka pawm lo hle mai. Hmelma hnuhnung ber a ni tih hi Bible zirtirna a ni e. Tawngthuchhelovah, i duhlai ngawih ngawih, i enchimloh, i duatlaiber mai thihna kutvawt in laksak ta che se la, i ngaihdan hi i sawhsawn loh chuan ah….
Report this comment
April 27th, 2011 at 4:19 pm
keimah #5 bawlhhhlawh/sual themte pawhin vanram a luh dawn loh thu kan hria. Sual neilo mihring kan awmlo tih a ni bawk si. Isua zarah keini jentail te pawhin vanram kal theihna kan nei ve chauh ani zui…
Tichuan, 2 Macc 12:46 ah chuan, “Thus he made atonement for the dead that they might be freed from this sin.” tih a chuang ta a.
1 Pet 1:7 ah chuan “Meialh a tlenfai” a sawi bawk a. 1 Korinth 3:15 ah chuan Mizo lehlinah pawh, ” Tu hnathawh pawh a kan chuan chu mi chuan a chân ang; amah tak erawh chu chhandamin a awm ang, amaherawhchu meia kal tlang ang maiin.” tiin lehlin a ni. A English chuan, St. Paul warns us that if someone builds on the true foundation of Christ but doesn’t take care to build well, “the person will be saved, but only as through fire”.
Mizo tawnga lehlin Bible hi an tawngkam hman hi English a lehlin ngawt pawh a phawk chhuak zolo lulai em mai a a hahthlak a ni. Protestant bible a kimlo tam lutuk hian zeldin thu leh ngaihruatna “Ka ngaihdan chuan” tih ang chi a siam tam lutuk a pawi ka ti.
Engpawh nise, chhungte thi thlarau tana la tawngtai sak theihna rinna neih chu rinna rau rauah beiseina ala awm zawk hle, a hahdam thlak ka ti.
https://i55.tinypic.com/1t4op4.jpg
Report this comment
April 27th, 2011 at 4:25 pm
2 Mac 12:45
Deuterocanonical Books
For if he were not expecting that those who had fallen would rise again, it would have been superfluous and foolish to pray for the dead. But if he was looking to the splendid reward that is laid up for those who fall asleep in godliness, it was a holy and pious thought. Therefore he made atonement for the dead, so that they might be delivered from their sin.
1 Cor 15:29
New Testament
Otherwise, what will those people do who receive baptism on behalf of the dead? If the dead are not raised at all, why are people Baptized on their behalf?
Link hi chhiar chi tak anih hmel:
Hebrews 9:27-28
Just as man is destined to die once, and after that to face judgment, 28 so Christ was sacrificed once to take away the sins of many people; and he will appear a second time, not to bear sin, but to bring salvation to those who are waiting for him.
We are now waiting for Jesus’ second appearing and only those who have obeyed the Gospel will be able to receive His salvation:
https://crosswordspage.blogspot.....atory.html
Report this comment
April 27th, 2011 at 4:44 pm
Pu HV, Bible chungchangah hian inhnial theih tak a nih ka ring. Tunah nang chuan “Protestant Bible” chu kim lo nasaah i ngai a, Bible chhunga pawm tur lehkhabute hi kohhran hruaitu hmasaten ngun taka an ngaihtuaha an pawm tlante ni awm tak a ni. Kei chuan Thlarau Thianghlimin pawm tur chin a hriattirah ka ngai hmiah mai. Catholic Bible pawh ka kawl ve tho va, ngaihnawm tak tak a awm laiin lehkhabu thenkhat hi chu i sawi ang hian a zeldin thu bawl deuh leh thawnthu lam a ang mah mah hlawm.
Engpawhnise, helamah hi chuan ka hre tlem ve lutuk a, sawi tur ka nei tam lo khawp mai. Mitthi tana tawngtai thuah hi chuan a chunga i rawn quote changte khian min la hmin chuang lem lo. Khing changte khi mitthi thawhlehna awm dawn thu leh Lal Isua a mite lam tura a lokal lehna lam a ni zawk lo maw? Mitthi tawngtaisak lam reng ka hmu thiam lo.
Report this comment
April 27th, 2011 at 4:54 pm
keimah, Kristian ngat phei chu inhnial tur niin ka ngailo asin, sawi ho tur zawkah ka ngai sakhaw lam thil hi chu (Kristian leh Kristian inkarah chuan)
Kei phei chu theology zir chhuak kani lova, ka sawi thui ngamlo. Ka sawi duh zawk tak chu protestant denomination hrang2 ten rindan/ngaihdan an nei a, chutiang thoin Catholic Church pawhin rindan/ngaihdan an nei ve leh bawk a. Chumi karah chuan chhungte thi tawh Isua lo kal leh nghak mek te thlarau tan, ala dam tena tawngtai sakin awmzia nei anga zirtirna, rinna neih chu a hahdam thlak bik dawn mange, tih lam a ni kan sawi zawk chu.
Report this comment
April 27th, 2011 at 5:10 pm
Pu HV-a sawi an ban tak a tih hi, ‘Apokrifa’ kha a ni em le? Siamthat lehna (Reformation) hunlai khan Catholic duh tawk lohna a awm si a. Self indulegence hunlai vel kha a ni awm e. Mizoramah pawh Catholic school-ah chuan hetiang lam hi chu an ommited daih zel, an ti!
Kan Bible hman lai hi a phuahkhawm nan kum 1200 chhung zet an hmang a; a ziaktute pawh Pathian mi hriat, thlarauvin a pawl te an ni.
Report this comment
April 27th, 2011 at 5:16 pm
1) Kan tawngtai chhan hi enge?
2) Enge a tulna?
3) Enge dil tur?
4) Engvanga tawngtai tur nge kan ni?
Heng zawhna hi in zawt theuh ila mitthi tan a tawngtai hi a sawt reng em tih chu a fiah mai in ka ring.
Lal Isua’n mi pakhat hnenah “Mi zui rawh” a tih khan ani chuan “Lalpa, ka pa ka va vui ta zet ang e aw?” a ti a. Isua erawh chuan, “Mitthiin anmahni mitthi chu lo vui mai rawh se….” a ti daih.
Report this comment
April 27th, 2011 at 5:20 pm
Pu HV, ka hrethiam e. Ka lawm e.
Tum khat chu nu pakhat hian ka patea (uncle) thi tawh hi a mumangah a lo hmu a, “Hei kan awm dantur pawh kan la hre lo va, min lo tawngtaipui rawh se” ati a rawn tih tlat chu maw le!
Ka tawngtaisak ta chuang lem hlei lo va!
Report this comment
April 27th, 2011 at 5:39 pm
keimah #26 Ka chhungte leh thian thi tawh te tan hian ka tawngtai fo mai
Report this comment
April 27th, 2011 at 5:46 pm
Dam lai intawngtaipui a hlawk zawk. “Ngai teh u, tun hi hun lawmawm (accepted time = pawm hun) a ni a, ngai teh u, tun hi chhandamna ni chu a ni,” tia Paula ziak hi DAM LAI HUN-a perform ngei chi a ni zawk. Mitthi tawh tawngtaipui hi chu … PURGATORY, Bible pawn lama mi a ni e.
Report this comment
April 27th, 2011 at 5:49 pm
keimah #26 chhunzawmna (Ka type laiin a bo vek)
Kan thinzaho hi Hmingliana te inah kan inhmukhawm thin a. Tumkhat chu, thlarau a awm tak2 anih chuan a thi hmasa sa intlawh turin kan sawi uangthuang mai mai a.
A hnu mai chuan kan thian pakhat Davida a thi ta hlauh mai a. A tuk zan chuan Hmingliana chuan a mumangah alo hmu pek alawm mawle. A sawi dan chuan, “Kulikawn khampheiah khian alo chhuk thla a, “I thi tawh si a enge ila tih a,” ka ti a,” a ti. Davida chuan, “Nia ka hria alawm mahse theihnghilh ka nei a,” a ti a ni awm e. Chumi a sawi ni chiah chuan Davida nupui Hmingliana dawrah lo kalin, Davida fanu sikul kal turin apa room atanga plastic bag khaia a chhuak zuai a hmuh thu a rawn sawi leh bawk.
Hmingliana chuan a hlau mai mai asin aw hairehai. Kan thianpa pakhat Lalhmingliana (Kuara) chuan hriain, kuhva eisen huam chuan ahnung atangin HAAAUUUU tiin a ban an phar khum mai chu hahahahaa a khek nasa teh asin aw
Report this comment
April 27th, 2011 at 5:53 pm
@Asteric : “Mitthiin anmahni mitthi chu lo vui mai rawh se….” Isua zuitu ni lote hi MITTHI tiin Isuan a sawi pawp mai!
Juda tlangval pawh khan ZUI nghal sun sun mai duh lovin, delaying tactics a play kual vel a. “Let me bury my father … Ka pa mi phumtir zet la …” tiin.
Juda tlangvala pa khan Isua a zui lo tih lah chiang sa, Juda tlangval pawh hian Isua sawmna a bawhzui ta lem lo va … a pa kha hetih hun laia thi hi a ni der si lo va, nakin deuh, muangchanga la zui dawn chauh mai kha chu Isuan a ter thei bau lo.
Report this comment
April 27th, 2011 at 11:30 pm
Aw thihna khawiah nge i tur chu ?
Aw thlan khawiah nge i hnehna chu ?
Thihna tur chu sual thil tih theihna ni mahse
Isua zarah hnehna chu kan chang ta…
Thih hi thil chakawm tak chu a ni hauh lo, mahse Pa hnen kan thlenna kailawn a ni tlat si..
Report this comment