MIZO HNAM SAKHUA: Engkimte siamtu Pathian Chungkhuanuah bul tanin Amahah kan innghat tlat a, Amah atang leh Amah vang chauhin thil zawng zawng hi lo awm a ni tih kan hrechiang. Chungkhuanu chauh lo chu rin tur leh biak tur dang reng reng an awm lo.
KRISTIAN SAKHUA: Juda nu Mari fapa Isuaah bul tannin, Isua rin chauh loh chuan vanram kaina a awm lo. Isua chauh chu khawvel mi zawng zawng chhandamna chu a ni. Isua hming lo chuan Pathian pawh biak theih loh, Pathian hnena thil dil dawn pawhin ‘Isua hmingin ka dil e’ ti thei chauh Kristian an ni.
THLARAU KRISTIAN ZIRTIR DAN: Mihring hian thlarau kan nei a, kan thlarauah chuan Pathian lakah thiamlohchang kan ni a, Isua kan rin loh chuan kan thlarau chu hremhmunah Meidilah kan tla ang. Isua kan rin chuan vanramah Isua hnenah kan kal ang an ti a.
THLARAU MIZO HNAM AWMNA:Mihring reng reng hian thlarau kan nei hran lo, kan lo pian hian thlarau kan pianchhuahpui lo reng reng a, mipa chi leh hmeichhe chi infin atanga mihring a lo pian hian, mipa chiah thlarau a awm lova, hmeichhe chiah thlarau a awm hek lo., chi ve ve a infin a, nausen a lo insiam khan thlarau a rawn insiam chawp ve reng reng lo. Mihring rawn awm ruala thlarau lo awm ve a i ngai anih chuan mihring thih rualin a thi ve dawn tho a ni.
Mihring thih hnua van a kal thei emaw, hremhmuna tla thei emaw, thlarau kan nei lo hrim hrim. KAN THLARAU NEIH DAN: Chungkhuanu chuan he khawvelah mihringte chu ama aiawh a ding tura a ruat kan nih avangin kan hringnun tisa a thih ni a ranrual anga kan tawp nghal hmiah chu a remti lova, amah anga kan lo chatuan theih nan Kan Pathian Khuanu chuan amah atanga chhuak NUNNA chu min pe ta a, chu Pa atanga chhuak Nunna chu kan thlarau kan nunna chu a ni zawk.
Pathian Khuanu atanga kan dawn kan thlarau kan nunna hi tlan leh chhadam ngai a pek kan ni lova, hremhmuna kal tur a pek kan ni lova, lei lama piang a ni lova, van lama piang Pathian Khuanu atanga kan dawn a ni a, tisa mihring thih hnua Chatuanpa a awm kumkhua tur chu a ni.
MIHRING KRISTIAN ZIRTIRNA: Mihring lo piang reng reng hi chhe lailetder, thatna reng reng nei lo an ni a, a lo piantirh atang hian Pathian laka thiamlohchang chatuana hremhmuna tla tur boralfa chu a ni an ti a.
MIHRING ZOFATE DINNA: Mihringa kan lo piang hi Khuanu remruata lo piang vek kan ni a, misual chhe lailetdera lo piang kan ni lova, chatuan Lal remruat ang zawka piang kan ni.Setana pian tir kan ni lova, ramhuai pian tir kan ni hek lo. Kan lo pian khan Pathian Khaunu remtih leh remruata lo piang kan nih avangin Pathian thu kan ni nghala, Pathian Khuanu kut ami kan ni nghal zawk a ni.
KRISTIAN CHUAN: Juda tlangval Mari fapa Isua khu kan nunna a ni an ti a, Isua chu lei leh van Lal a ni an ti a, Isua chu mitin thinlungah lalber rawh se an ti a. Lal Isua chu kan engkima kan engkim a ni an ti.
ZOFATE CHUAN: Engkimte siamtu Chungami, Chungkhuanu hi kan nunna a ni a, Amah hi lei leh van Lal a ni a, Amah chu kan nun kawng hruaitu a ni a, Amah chu englai pawhin kan hnenah a awm a, min thlahthlam ngai lo. Amah chauh lo chu Pathian dang reng reng an awm lo.
Aw zofa Kristiante u, hmeichhe hrin reng reng hi Pathian ah chuan i be lul lo ang u, min siamtu ngei hi i biain amah chauh hi i ring ang u. Mihring Pathiana nei hnam chu an boral dawn si a.
Sources- Hnam kawngbo hruaikir lehna
April 27th, 2011 at 12:20 am
zoho post maw tih dawn chu..
Report this comment
April 27th, 2011 at 12:52 am
Zirtirna diklo.
Report this comment
April 27th, 2011 at 1:03 am
Pathian thu hi rin thu anga sawi pawh hi ka duh ngai lo. Duh aiin mi hian anlo sawi huai thin ngei mai.
Hnam sakhua ho hi Baptist ho tan chuan Rev Hrangena General Secretary lai khan emaw ni kan buaipui vak tawhin ka hria. Sakhuana hian thil tha a zawn avangin min ti ‘a’ thei tih hi a chiang tulh tulh a ni.
Report this comment
April 27th, 2011 at 1:37 am
A chang hi chuan hnial tlakloh khawp a nawi Post hi a awm ve thrin! Calm down all…
Report this comment
April 27th, 2011 at 1:47 am
Pathian thu hi kan tidanglam tur ani lova, Pathian thu hian min ti danglam zawk tur ani. He post chu ka support lo hulhual e. Thlarau chu ka piantirh atang khan ka nei sa…saaala
Report this comment
April 27th, 2011 at 2:01 am
He thil hi ka hria…nunna lalchhungkua kha ni maw…in rin dan pangai hian ring ve mai2 ta ula, Hindu ho nena in ‘compromise’ vel khu a ngai kher em ni ? Bhagavat Gita ka translate in ti thul, eng eng nge in tranlate tawh chu..Ramayana kha in zo leh tawh em ni….Pastor Chhawna’n kawnghlui lam a kal a tihte kha in ni chiang mai….
Report this comment
April 27th, 2011 at 3:07 am
Pasarihna…….
Report this comment
April 27th, 2011 at 3:34 am
Engkimtithei, Pa Pathian,
Lei leh van Siamtu chu ka ring.
A Fapa mal Isua Krista,
Kan Lalpa ka ring a.
Ani chu Thlarau Thianghlimin a paitir a,
A nulat laiin Marin a hring a.
Pontia Pilatan nasa takin a tuartir a,
Khenbehin a awm a.
A thi ta a,
Phumin a awm ta a.
Mitthi khuaan a zuk kal a,
Ni thum niah mithi zing ata a lo tho leh a.
Vanan a lawn chho leh a,
Engkim tithei Pa Pathian ding lamah a han thu ta a.
Chuta tangin a lo chhuk leh ang,
Mitthi leh minung rorelsak turin.
Tin, Thlarau Thianghlim ka ring a,
Mi zawng zawng tan Kohhran thianghlim awm hi ka ring a,
Sual ngaihdamna ka ring a.
Taksa thawhlehna ka ring a,
Chatuana nunna nen. Amen.
Report this comment
April 27th, 2011 at 8:43 am
A post-tu sukthlek chu a va dang teh ha ve!! Pathian thu hi in ring lo a nih chuan ring lo hle hle ula, duh ang ang leh in lunglen zawng zawnga kawih her a tul lem lo ve!
Mizo sakhaw rin dan i rawn sawi thenkhatte pawh khi a original lo lutuk! Nangmahni pawla in zirtirna zulzuiin i rawn thual kual vel mai mai a ni lo maw? NOI
Report this comment
April 27th, 2011 at 10:10 am
“a chiang lo ve Lelte va lam leh rawh” tih ang deuh a ni i hre thelh nasa duai duai; hnam sakhua, i ti a chu pawh chu i chiang chuang lo reng reng.
1) Thlarau chungchanga pre existance leh post existence theology te phei chu han sawi ve lo la tha mai tur.
2) chhe lailet der(totally corrupt) chungchangte i han khawih kual a, kohhran pa ho ngaihdan pakhat mah i hre lo tih ka hre reng. Christian Teaching hi huai deuha pawn lam atanga sawi chi a ni lo.
3) i post chhiar hian – Khuannu leh Pathian chungchang mizo ngaihdan pawh hre lovin i sawi pawlh hmiah mai a; Sa leh khua i hriat hran hmel miah lo bawk a; i chiang lo vel vek a ni. Inhnial i duh leh min rawn chhang rawh.
I last para khi a dengkhawng em a, ka thu pawh a dengkhawng deuh a ni.
Report this comment
April 27th, 2011 at 10:26 am
A post tupa hi i tawngtaipui ang u, chhanchhuah a ngai ve hle mai……..
“Kei hi Kawng leh Thutak leh Nunna chu ka ni,..keimah a kal lo chu TUMAH Pa hnen an thleng ngailo.”
Report this comment
April 27th, 2011 at 10:31 am
Ka chhiarchhuak ve thlap. A blog-a a thuziakte phei chu a ngaihna a awm lo. Hnam Sakhua hi double nick a nih ka ring tlat. Khawnge Pu Shaia kha!
Report this comment
April 27th, 2011 at 10:50 am
He post tu pa hi a la piangthar lo a nih hi,, i tawngtai pui theuh ang u..
Report this comment
April 27th, 2011 at 10:56 am
a eng lai tak hi nge zirtirna dik lo kan tih chu…? a ngaihdan a post ve a ni mai lawm ni…
Report this comment
April 27th, 2011 at 10:58 am
Hei chu pawm a va har deuh ve! A Pathian thu atang ngawt lo paw’n, secular deuhin ngaihtuah paw’n… pawm a va har tho em! A thusawi khi kan pawm dawn chuan ‘moral’ standard engmah kan vawn a ngai lo tihna a ni dawn a.. ka duh duh, tu chungah pawh, kan ti thei tih a kawk dawn a. Christian lo paw’n ‘karma’ te an tia, kan thiltih ang zelin ka chungah a thleng thin tih ang deuhin… chutiang pawh chu a paihthla chu a ni der bawk sia. Thil thalo ti chu an thil sual tih man an chawi a ngai – “basic law of human nature” i ti teh ang. Khitiang ang thu ring tawpa, ‘chhandam’ lehchuan ngai tawh lova ngaih tha deuha kan duh duh kan tih ngawt chu a that theih ka va ring lo! Hmanlai Mizo hnamzia a rilru mil tura a kaihlek kual erawh khi chu a thiam roh khawpin ka hria
Report this comment
April 27th, 2011 at 10:58 am
a tawp point lai tak erawh..khi chu engemaw deuh viau mai…enge a sawi tum ber pawh ka hre lo….ISUA a ring lo tihna ni awm tak a ni..
Report this comment
April 27th, 2011 at 11:06 am
#14 Epistemology. Zirtirna dik lo lai pawh hmuh thiam loh chu!! Kan ngaihdan kan sawichhuah hian zirtirna a keng tawh sa.
A ngaihdan a rawn post mai kha Kristian ngaihah chuan a dik lo va, a ma lamah a dik a ni mai thei. A ma lama a tan chhan Mizo Sakhua tal hi chu sawi dik rawh se. Tran vak chi pawh a ni lo.
Report this comment
April 27th, 2011 at 11:06 am
I sua a ringlo va, a mah khi “hnam sakhua”…a nih khi. Lal Isua pawimawhna leh hlutna hre hman lova, mual a liam mai lohnan i tawngtaipui ang u….
Atan, Lal Isua kraws ah a thi tih te kha ala hre velo nge…hrilhtu an awmlo le…
Evangelist te kha an awm hnai lawm ni……khawngaihthlak dawn em mai… 
Report this comment
April 27th, 2011 at 11:12 am
Vakul: ka sawi awmzia chu, a ngaihdan/duhdanin a lo pawt ve mai maiah ka ngai zawk a ni e. A thil post hian min tibuai pha lo lutuk a..a chunga comment ang khian, secular zawnga ngaihtuah pawhin, he post hian validity a nei reng reng loh avang hian, “zirtirna dik lo” kan tih thin te, zirtirna inghahchhan/foundation mumal pawh awm lo hi, “zirtirna dik lo” pawh a tling phak chiahin ka hre lo.
Report this comment
April 27th, 2011 at 11:16 am
#19 Epis…
nia kei pawh no.10-a ka comment khi ka inchhir hnuhnawh leh khawp mai. Mi hnenah ‘Misual.com ka’n chawkbuai leh vek ang e’ a ti awm si a. Tuman comment pe lova liam tir mai mai chi a ni tih ka hre hnuhnawh a nih loh leh OT vek ila.
Report this comment
April 27th, 2011 at 11:42 am
#20 vakul hi i rawn comment thin vel dan atang hian Mahanaim-a i nih duh hmel..:risk: OT i sawi ta sa sa..hhehe
Report this comment
April 27th, 2011 at 12:28 pm
21 mahanaim-a chu tu tak nge ka va hre chak.
Report this comment
April 27th, 2011 at 12:29 pm
21 mahanaim-a chu tu tak nge ka va hre chak…
Report this comment
April 27th, 2011 at 12:32 pm
ilo nih mial tak chuan Mahanaim tih khian i rawn hrethiam nghal dawn tih ka hria a, hming tak ka rawn thup kual vel mai mai nih kha…hehe
Report this comment
April 27th, 2011 at 6:55 pm
Hepa post leh ui bengah hlin tur ka hmu love.
Report this comment
April 27th, 2011 at 7:13 pm
keimah thingtlangpa…i hming a va sei ve..ti tawi deuh la
Report this comment
April 27th, 2011 at 7:14 pm
mirage_isme #2 6 An khuaah tikhan a lar laklawh tawh a, tih danglam chi vak pawh anih ka ringlo hairehai
Report this comment
April 27th, 2011 at 7:25 pm
HV, i dik ang. in la thingtlang deuh te hi a tak ah chuan an in la high thei lutuk an ti
Report this comment
April 27th, 2011 at 7:29 pm
#28
Report this comment
April 27th, 2011 at 7:39 pm
#28 mirage(i nick pawh hi type nuam tak a ni chuang lo.hehe) zahngai- i pawi a sawi loh kha. Kan nau a nih khi, fel deuh a nia.
Report this comment
April 27th, 2011 at 7:55 pm
vakul…muje maf kardo
Report this comment
April 27th, 2011 at 8:05 pm
#31 Kichu problem hobe naa.(Bangla ve thung)
Report this comment
April 28th, 2011 at 11:05 am
# 6 loneeagle26016 : Ka ngaihdan i ngaihdan! Ni e, Hnam Sakhua an tia, vai hnam sakhaw lehkhabu Bhagvad Gita Mizo Tawnga lehlin kawngah a meizanghlaptu ber ber an ni leh lawi si a. Enge maw an awmzia ni? Anni ho hi chuan ‘Lal Krishna’ hnung an zui tawh ni berin ka hria.
Report this comment
August 7th, 2012 at 4:00 pm
Ei tlak mang hleilo, an CHAW THING anrawn herlum leh ta peke.
Report this comment
December 15th, 2015 at 12:10 pm
Chaw thar ka han hlui che u a, kan la inhlui zel ang chu.
Report this comment