Chung Khuanu chu pakhat chauh a awm a. Kan hmuh theih leh hmuh theih loh, thil awm zawng zawng hi Amah atanga lo awm vek a ni.
Chung Khuanuin he khawvel a din tirh ni aţang leh vawiin leh hun lo awm tur zawng zawngah pawh Pathian dang a din belh ngai lova, a din belh dawn bawk hek lo. Thil engkim mai hi Ama aiawha a hmante hi Amah Pathian anga biak leh rin tur an awm rêng rêng lo, eng hunah mah an awm dawn bawk hek lo.
Hmeichhe chhul keuva lo piang zingah Pathian anga biak leh rin tur an awm reng reng lo. Mihring aţanga lo piang chhuak rêng rêng hi mihring vek an ni a, thiltihtheihna nasa tak pawh nei mah se Pathian anga biak tur an ni chuang lo. Pathianin a thiltihtheihna a hmantir mai zawk a ni.
Isua pawh Pathian a ni lo a, Mari fapa mihring Isua tho a ni. Judaho zinga rawngbawltu a ni a, mihring dang aia danglamna reng reng a nei lo. Kristiante’n Isua an rin dan te, Hindu-in Rama an rin dan te, Muslim-in Mohammed-a an rin dan te, Buddhist-te’n Buddha an rin dan te hi mihring pangngai aia danglam bik, Pathiana chhuak ni bik, anmahnia Pathian nihna awm bik tlata ngaihna an nei ţheuh a, an inpawmsak lo ţheuh a, an za hian keimahni ang mihring pangngai vek an ni a. Pathian anga cheibawl tur an ni lo.
Isua pian hmaa mihring zawng zawng te khan anmahni siamtu Khuanu nunna chu an nun nan an hmang vek a. Evi leh Adamate hun hmaa mihring thi tawh zawng zawng pawh khan Pathian nunna chu an nun nan an hmang vek a ni. Kan pi leh pu te, Isua leh Bible reng an hriat hmaa thi tawh zawng zawng pawh khan anmahni siamtu Pathian nunna chu an nun nan an hmangin khawvel an lo hmang ral tawh a. Isua pawh khan amah siamtu Pathian nunna a chan bak nunna dang a nei chuang reng reng lova, mihring dangin Pa aţanga chhuak nunna an dawn ang bawk a dawng ve tho a ni.
Kristiante bumtu ţawngkam lian ber chu hei hi a ni;”Kei hi kawng leh thutak leh nunna ka ni. Keimaha kal lo chu tumah Pa hnen an thleng ngai lo” tih Isua sawi hi a ni.
He ţawngkam avang hian Isua chu ring a, amah chu pawm a, amah vuantute chuan Pathian khawpui, vanram kal tur niin an inring a. Pawm lova, ring bawk lotu chu hremhmunah an kal dawn a ni an ti hial a ni.
Amah Isua hi kawng a ni lova, thutak a ni lova, nunna a ni bawk hek lo. Amah vekin vawi tam tak a sawi a,”Mihring fapa ka ni a, engmah ka tithei lo. Pa chu keimahah a nung a, a thil a ti zawk ţhin a ni” a ti a.Pa nunna amaha awm hi kawng leh thutak leh nunna chu a ni a, Pa nunna, Pain mihringte min pek hi Isua te nena kan vân kalna kawng chu a ni.”Keimahin engmah ka tithei lo. Pa keimaha nung reng chuan thil a ti zawk ţhin a ni’ a ti a. Mahnia engmah tithei lo kha kawng a ni thei lo a, thutak a ni thei lo a, nunna a ni thei hek lo.
Pathian, Khuanu chauh hi chatuana nung chu a ni a, Amaha chhuak nun neitute chauh hi chatuan nun neitute kan ni. Nangmah ngei pawh kha Khuanu siam i ni a, a nunna chu nangmah a pe che a (Isua hre mah la, hre lo mah la) nangmaha chhuak nung awm chu i tan kawng leh thutak leh nunna chu a ni si a.
Mizoramah Mizo niin i lo piang a, i ram chu Mizoram a ni a, i mihring chu Mizo niin i awm a, nangmah siamtu Chungkhuanu chuan Amah aţanga chhuak nunna hlu tak chu Mizoramah, Mizo hnenah a pe che a. Nang leh Pathian chu pumkhat niin in inzawm reng tawh a. Isua te, Rama te, Buddha te hmanga Pathian biak a ngai reng reng lo. Zana i muthilh lai te, hna rim taka i thawh lai te, Office i kal lai te, i infiam lai te; englai pawhin Chung Khuanu chu i hnenah a awm reng a, koh chawp a ngai lova, Amah chuan engkim hmang hian min be reng zawk a ni.
Chung Khaunu chu leilung pian tirh aţangin a nunna hmangin kan hnam Zofate hnenah a awm reng a, englai mahin min kiansan lo.
Hnama min dintu, chênna tur ram min petu chunga mi Chung Khuanu chauh chu biak leh rin tur chu a ni e. Amah lo chu Pathian dang reng reng an awm lo.
Sources-Mizo hnam mipui hnena lehkhathawn
Similar Posts:
- Kristian sakhua leh Mizo hnam sakhua danglamna
- Zo Sakhaw Zepui
- MIZO HNAM SAKHAW DIK PHOCHHUAHNA ~ I
- Chungkhuanu (Pathian)
- Harhla, Fingla, Hre Ve Teh.
April 29th, 2011 at 2:55 pm
Phek tharah pawh hian a la sawi zel theih ania….
Report this comment
April 29th, 2011 at 2:56 pm
2nd hram e
Report this comment
April 29th, 2011 at 3:06 pm
#97 feeder a duhthlanna thiang tak hmangin in nawr liam a tum a nih tak hmel hi, a sa a tih zual huna pumpui tih vawh nan
hi kan pai nghe nghe ange 
Report this comment
April 29th, 2011 at 3:07 pm
Ho + ho = D aua…
Report this comment
April 29th, 2011 at 3:08 pm
HE THU RAWN ZIAKTU IN COMMENT LUIH LUIH HI A VA HAN MAWL EM EM VE AW. TUIKUK TLANGVAL MIZO TAWNG THIAM HNIAL HRAT DEUH A NI ANG.
Report this comment
April 29th, 2011 at 3:08 pm
a_aua mai mai achu
Report this comment
April 29th, 2011 at 3:16 pm
@105 ____ Uisa… awh sorry,… Usha Fan____ i thu ziah hawrawppui khi ka hre thiam lo,….. enge a awm zia,…. ?????????????????
Report this comment
April 29th, 2011 at 3:24 pm
BC 7-na atanga hma lam zawngah khan let leh ila i ngaihdan hi a dik a ni. Isua lokal hma chuan Pathian kha Hnam Sakhua a ni a, chumi rinna pawh chu a dik a ni. Thil mak a niloa keinin Isua kan ring hi kan mak zawk a ni, chu chu tihdanglama kan awmna chu a ni. Nang chu ila danglam lo anih chu.
Bible hi uluk taka kan bih chuan Pathian mihringa lo chang hi Genenesis atanga tum lawksaa Pathian duan char char a ni, Thu tisaa chan (Incarnation) hi a Goal, a achievement a ni. Keini Kristian chuan Isua hi Thu tisaa lo chang ah chuan kan pawm taa chu chu i pawm velo a nih chu.
Bible ah hian Isua chanchin zawng hi paih ila kei chuan ‘Philosophy awm ze nei lo’ ah ka puang ngam. A chhan chu a thutiam engmah hlenna a neihloh avangin, Hinduism rinna ai pawhin a nep zawk hial ang.
I rinna hi Isua tello zawng kha a ni a ka hah pui khawp mai che, kei chu Isuaah ka chawl tawh e.
Report this comment
April 29th, 2011 at 3:33 pm
He post atanga thil chiang em em mai lo lang chu a post-tupa hi UPC a ni lo tih hi a ni
H.Vangchhia…a tir lama i comment Khuanu chungchanga i concept khi ka trawmp[ui khawp mai che.
Report this comment
April 29th, 2011 at 3:35 pm
Pathian thu hi kan palzut ta hlawm lutuk a, a pawi hle mai. A zir chhuak te sawi hi ngaithla ila chumi chu vawng mai thin ila kan buai a zia mai tur. “Ka ngaihdan chuan,” lo tih ve sek hian kan buai zo ani ber awm e.
Report this comment
April 29th, 2011 at 3:40 pm
#110.. like.
Report this comment
April 29th, 2011 at 3:40 pm
an sawi nasa tawh hlawm bawka sawi ve vak tawh lo teh ang. A post-tupa hi Bible-in hun hnuhnunga thil awmdan tur a sawi hrang hrangte zinga mi tihlawhtlingtute zingah a tel ve…..census ai chuan heng mite hi hlauh zawk tur
Report this comment
April 29th, 2011 at 3:55 pm
93
coolsoul09 # I va reh ve..i email add anlo format tel daih a ka rawn be thei lo che, khawngaihin min lo mail lawk teh..a pawimawh fu…serious
Report this comment
April 29th, 2011 at 3:59 pm
A HO.
Report this comment
April 29th, 2011 at 4:08 pm
Mi dangdài deuh deuh hi kan awm~ah . . . han tih mai ka tum a.
Ka ngaihdàn chiah chu sawi lovin . . . ngaihtuahna lamah chuan i pángngài hmèl fú a, mahsé i chhiar tlèm hmèl deuh.
Inchhiar záu deuh la, tùna i rinnaah hian i lo nghet sauh dáwn nia!
Mahsé nang hmangaihtû che chûan engvang mahin a kalsan lo tùrah che ka ngái, a hmangaih tak tak che chuan.
Report this comment
April 29th, 2011 at 4:10 pm
A thupui reng mai hi!
Report this comment
April 29th, 2011 at 4:15 pm
#115 a dik….a thuziak han chhiar hi chuan thil chhut peih mi tak a ni ve tih chu a hriat a, mahse a inchhiar tlem lua deuh hi a pawi nih hi. Han chhiar zau deuhin han chhui kual zau thin deuh se zawng mi thil hre thei tak pawh ni ve fa hmiang
Report this comment
April 29th, 2011 at 4:27 pm
Lehkha chhiar tam hi a tha ania.
Report this comment
April 29th, 2011 at 4:30 pm
Chhan tlakah pawh ka ngai tawh lo ve. Setana, boruaka thuneitu lalpa hian thutak hre thei lo turin @Hnam sakhua-a thinlung mit hi a tidel tawh a nih hi. Mahni mitdel mai duh tawk lovin midang mit tih del hram a la tum zui a ni awm e! Hremhmunah a la inhmu chhuak ang a, mi(sual).com-a a post te hi a la hre chhuak uar uar ang chu! Khawngaihthlak khawp mai.
Bakah, a post pawh vil ngam lo, sawi belh tur hre tawh chuang lo a ni a, i ngawihsan tawh mai ang u. Kan inti hah thlawn mai mai e!
Report this comment
April 29th, 2011 at 4:45 pm
Mihring tak a ni a,Pathian tak pawh a ni e.
Report this comment
April 29th, 2011 at 5:01 pm
A pa kiangah Thu-a (Logos) a ni te te a, kum 33½ chhung mihring a rawn ni a, thihtheih tawh lohna changin a Pa Pathian, amah kaithotu hnenah a kir leh tawh. Kan puithiam lalber leh sawipuitu ni fawmin a awm mek a. Pa Pathian leh mihringte inkara Palai a ni. A lo kal leh thuai dawn, lalte Lal leh hotute Hotu a ni ang.
Report this comment
April 29th, 2011 at 5:37 pm
Mi pangngai ve mai mai chanchin ziahna Post ah chuan a thui pawl tak a ni awm e, Source te chu a la awm ve thlap lehnghal a! Engemaw tak zawng a ni tho tho tih a lanchian phah zual.
Report this comment
April 29th, 2011 at 6:50 pm
Pathian thu hi mihring ngaih dan a kalpui leh sawi vak vak chi ani teng tung lo..
Report this comment
April 29th, 2011 at 7:24 pm
A tlai deuh tawhna kan comment ve lawk ange.Isua hi Pathian a ni a (upc ka ni lo a nia) fapa angin khawvelah a lo kal. Chu chu ka rin thiam ve dan a nia in ngaihdan a nìh loh chuan min rawn hrilhfiah ula. Tuna kan thu post tu ngaihdan hi chu ringlotu ngaidan nen enge a danglamna awm ka ti deuh kan thawhpui thenkhat hi vai kan tih te an ni hlawma pakhat phei chu muslim a ni a, Isua chungchang ka han sawi ka han sawi hian Zawlnei pakhatah chuan an pawm thei mahse Pathian ang erawh chuan an pawm thei lo chutiang vel chu niin ka hria i post awm dan hi
Report this comment
April 29th, 2011 at 7:27 pm
AW HAW LE
Report this comment
April 29th, 2011 at 7:30 pm
A nick atang hi chuan rilru lam chianglo anih duh hmel.
Report this comment
April 29th, 2011 at 7:44 pm
Kan chanchin Tha hril dan leh i chanchin tha hril dan a dang.
Bible i kalh sak mai….Lal Isua i sawi chhe zui leh nghal a
lo in enfiah teh aw…..
Lal Isua hi tu nge a nih.
…..Pathianin hman laiin a Lehkha thianghlimah chuan a zawlneite kain a tiam tawh a; ani chu tisa lam thu-ah chuan Davida thlaha piang a ni a, (chu Chanchin Tha, a Fapa kan Lalpa Isua Krista thu chu, Pathianin hman laiin a Lehkha thianghlimah chuan a zawlneite kain a tiam tawh a; ani chu tisa lam thu-ah chuan Davida thlaha piang a ni a, thianghlimna thlarau lam thu-ah erawh chuan mitthi zing ata a thawhlehna chuan Pathian Fapa a nih nasa takin a hriattir a….;Ro 1: 3-4
Mi tin tan a ni.
Tin, vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni.Vawiinah hian in tan Davida khuaah Chhandamtu a piang ta, Lal Krista chu.Tin, hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang,” a ti a. Lk 2:10
“Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan….”. Jn 3:16
Lal Isua lo kal kawng.
Thlai chi te hian lo tiak na tur hmun a mamawh a, tha taka alo tiak na turin, lei tha a ngai. A hmun a pawimawh a nih chu. Pathian Fapa he lei a alo pian chhuahna turin, (tisa a alo chan naturin) Pathianin duhtui takin, Abraham atangin- kawng alo sial tawh a (Ge.12:3,18).
Mahse, a pawimawh zawk tak a chu ‘a chi’ a ni. e.g: Sailo fa ni tur chuan,Sailo ‘chi’ a ngai. Lal Isua lo pianna ‘chi’ chu “Thlarau Thianghlim” atanga chhuak daih a ni.
Johanan “Ani chu khawvelah a awm, khawvel ama siam a ni, khawvelin amah a hre si lo. Amah a mite hnenah a lo kal a, amaha miten an lo lawm si lo.Nimahsela amah lawm apiang chu, an hnenah Pathian fate nih theihna tur a pe, a hming ringtute chu; chung mite chu thisen hrin an ni lo va, tisa duhzawnga hrin an ni hek lo, mipa duhzawng pawha hrin an ni hek lo, Pathian hrin an ni zawk e”.
Petera’n, “..chi chhe thei lakah ni lovin, Pathian thu nung reng leh awm rengah chuan chi chhe thei lo laka piang thar in ni zawk si a..” alo tih kha…. kan piantharna Isua Krista chu ‘chi chhe theilo’ a nih chu.
Tichuan,
“Hmeichhe chhul keuva lo piang zingah Pathian anga biak leh rin tur an awm reng reng lo. Mihring aţanga lo piang chhuak rêng rêng hi mihring vek an ni a, thiltihtheihna nasa tak pawh nei mah se Pathian anga biak tur an ni chuang lo….i tih khi,….
Lal Isua kha “ Hmeichhe chhul keuva lopiang pawh chu lo ni ta se “ I nu leh Mari in an lohna i hre thiam pha em? Tu chi atanga lo piang nge i nih? tih leh, Lal Isua kha TU CHI atanga lo piang nge a nih tih hi” han thliar hrang teh le. Nge level khatah I in ngai?
He miah hian Pathian Thlarau chu in hria ang: thlarau engpawh Isua Krista tisaah alo chang tih tan chu Pathian laka mi a ni; thlarau engpawh Isua tan lo chu Pathian laka mi a ni lo ve; chu chu Krista dodaltu thlarau, lo kal tur in hriata kha a ni e; tunah pawh khawvelah a awm tawh reng a ni….i va lo hlauhawm em..
Isua chu Krista a ni tih awih lotu aliama dawthei tunge awm? Krista dodaltu chu Pa leh Fapa awih lotu hi a ni.Tupawh Fapa awih lo chuan Pa pawh a pawm chuang lo; Fapa awihtu erawh chuan Pa pawh a pawm a ni.
Report this comment
April 29th, 2011 at 8:02 pm
Lal Duhlova comment chu a va ngaihnawm teh hrep ve mawle..
A Post tupa hian nick dangin a comment ve angem aw… te ka ti rilru mai mai a. Mizo ni si, duhlian tawng pawh hmang, Juda hnam a indah chawp ngaihdan a nih duh hmel in ti ve lo maw??
Report this comment
April 29th, 2011 at 8:06 pm
Hnama chu a va bo tiah tiah ve le e! Mr Duhlova hi ka duh tlat. Kan number a in mil tlats
Report this comment
April 29th, 2011 at 9:16 pm
RAMHUAI A HRING HRAN CHU AMAH NGEI HI ANI.HE POST HIAN KA RILRU ATI NA A,KA THIN ATI RIM SETANA TAKHI CHU AWWWW……..LET’S PRAY 4 HIM…..
Report this comment
April 29th, 2011 at 9:24 pm
Nilenga Isua vanga kan buai laiin “Isua hi Pathian a ni lo” tih thuin min lo hmuak chu- a va khal elh awlh ve le(h).
Englo a nia, a posttupa hi councelling chiam chi pawh a ni lo; a rawn post-a, a comment leh ngam si lo va- kan comment-te a chhiar a kan thinrim vel a hriat hian nuam a ti a. Hma lak dan tha ber chu comment-sak lo ila a post rei peih tawp lovang. Thenkhat lah hi eng khaw kha chhiar hawt lo hian ‘ka first’ tih ringawt buai hian kan buai a.
He pa post-a ka comment hnuhnung ber a ni e.
Report this comment
April 29th, 2011 at 9:29 pm
Administrator te u hetiang thu duk dak lo hi chu chhuah tawh teh suh u.Zoram Christian ram he ti tak hian ani maw a lo thim le??? hahthlak mep mep mang e.
Report this comment
April 29th, 2011 at 9:38 pm
Kum 2011 kan kai tawh a hetiang la post te chu a,,a post tupa hi Lal chhungkua anh ka ring
Report this comment
April 29th, 2011 at 9:54 pm
Hnam Sakhua?????? A hming atang reng hian aaa……… Cult anih hi.hlau ru……Tlan chhe vek ruuuuuu………
Report this comment
April 29th, 2011 at 11:19 pm
Ka sawi tawh kha mawle…..hengho rinna/rindan hi chu a hinduism ruih mai, chuvang chu aniang..bhagavat gita te, ramayana etc mizo tawnga an lehlin nghe nghe hi…mahse a senso chu hindu ho tumsak an ni tlat bawk si…..Pastor Chhawna inlarna a, kawnghlui lama kal ta te a tih ho kha an nia…an khawngaih thlak lehling khop mai….
Report this comment
April 30th, 2011 at 12:19 am
I khuannu chanchin chu i va hrechiang awm bik ve,eng tin nge i hriat bik a,he ti taka sawi huai tur hian enge tan chhan i neih?
Report this comment
April 30th, 2011 at 12:33 am
Art & culture ah a thawk hial lo mw?? Mr. Duhlova comment khi a tha piap2 khawp mai… Hnam sakhua..heh ramhuai te chi i ni lo maw??
Report this comment
April 30th, 2011 at 7:13 am
The Priory of Scion (‘The Da Vinci Code’ by Dan Brown) te pawh min hriatchhuahtir alawm le; eng emaw chenah chuan a influence che a nih hmel ka ti mai mai
Report this comment
April 30th, 2011 at 6:27 pm
JESUS IS THE ONLY GOD
Report this comment
May 2nd, 2011 at 9:44 am
He thu hi tunlai khawvel puma zirtirna lar tak a ni, pawm a nuamin a dik hmel hle mai. Rilru zau tak pu ve lem lo(kristian)te tan chuan helh a awl viau mai thei a ni. Ka pawm thlap e!!!!
Report this comment
May 2nd, 2011 at 10:15 pm
Rilru lo tih zauh vak kha….a atthlak deuh e a.
Report this comment
May 2nd, 2011 at 10:22 pm
140
Darwin hp # Hnam sakhua a kha i ni chiang e…..sapawt tu i neih loh avangin nangmah leh nangmah i rawn i sapawt….
Comment ho khi ngun takin chhiar la… harh teh. Pu Duhlova comment phei khi chuan i ngaihdan a phet viau che a nia..
Report this comment
May 2nd, 2011 at 10:28 pm
haha kan man chhuak e kan man chhuak e Darwin hp = Hnam sakhua
Report this comment
May 2nd, 2011 at 10:32 pm
Darwin hp = Darwin hindu pa
Report this comment
May 23rd, 2011 at 10:47 pm
“Tupawh Fapa zah lo chu Pa a tirtu pawh zah lo ani” Johana 5:23
“Tupawh ka hnena lo kal chu ka hnawtchhuak tawp lovang” Johana 6:37.
@Hnamsakhua, tawngtaipui i ni e. I tan Krista Isua a inhawng reng. Chatuan Thu tak Isua i hnenah inpuangin malsawm che rawh se.
Report this comment
June 15th, 2011 at 10:49 pm
Ka rilru i ti na,Pathian meuh pawh hlau lo a,i sawi chhiat avangin,chuan ka tawngtaipui ve peih lo che …Huiha
Report this comment
June 19th, 2011 at 1:55 am
Pathian khan mit aiah mit ha aiah ha kha mihringte tan a hlawhchham zia hria in a fapa kha a aiah a rawn tir ta zawk a chu chuan chanchin tha min rawn hlui ta a, chanchin tha in a tih var zawh loh kan lo la awm ta cheu anih hi mawle! Juda ho ngaihdan zuk pawm chawp leh in thlarau bo te zingah a zuk in kulh leh chu a nia he pa roh hi! ti hian lo iak lo iak ve se, helamah thlarau thianghlim tih var zawh loh in ka la bo chhah zual zel e ti mai se a tha zawk ang! Juda ho in a thluak an suk sak a mawl chhah sa tawh nak alaiin, a la hre ve ang chu Pathian hi tunge anih, enge a thil tum, van rorelna a tel pha ve ang ziazang a mawl tak in at huai a so vel ni!
Report this comment
December 15th, 2015 at 12:17 pm
Hetiang ka post tirh laia comment that hleih theih loh comment tur pawha nghah fe ngai thin kha tunah chuan tlemin a zia ve ta deuh.leh, thu post tur pawh khan nghah peih kha ava ngai thin tak ve aw.
Report this comment