Kei zawng, ka ngaihtuah ka ngaihtuah hian kan Zosapte’n thahnemngai taka A Aw B min lo siamsakah hian ‘J’ a awm reng hi tûl ka ti ta dêr lo mai!
Tûn hmaa Sapho hun lai khan Zosapte kha Mizo tawng pai leh thiam tha mang lote an nih avângin ‘J’ chu hawrawp tangkai tak pawh a lo ni maithei e. Mahse, kan Zosapte’n min chhuahsan hnu hian ‘J’ hmanna kan lo nei tawh rëng rëng lo mai hi a lo ni a. Hmanna kan hriat loh luatah ‘Jahau,’ ‘Jongte’ tihah te kan hmang ta vêl mai mai a nih ber hi maw..!
Ka han ngaihtuah a. Mizo hawrawpah hian ‘J’ hi awm lo se a awm loh a hriat dâwn miah loh mai. ‘Jeremia,’ ‘Johana’ kan tihte lah chu mihring hming a ni mai a. Mihring hming, khaw hming adt. ah chuan Mizo hawrawpa tel kher lo pawh kan hmang nasa em em tho va. Johana tih vel kha chu ‘J’ awm loh vânga ngaihmawh tham tur a ni hauh lo. Hnam hminga ‘Jahau’ leh ‘Jongte’ tihah chuan ‘Z’ a hman theih tho va, a lam rîk dân atangin a dik zâwk hrim hrim bawk a. A bâk ‘J’ hmanna ka va hre ta lo em!
Mizo hawrawp chungchânga thil eng emaw tih leh buatsaih dâwna hmanna awm miah lo ‘J’ a lo tel ve hian nasa takin a tibuaithlâk thîn. Mizo tawng tihausatu atana thumal thar siam nan a tangkai han ti dâwn ila, ‘Z’ a lo awm zêl bawk si a, hman tangkai hleihtheih a ni lo. SMS hawrawp atan bâk kan hmang ta meuh lo chu a nih hi.
Chuvângin Mizo hawrawpah hian ‘J’ hi i paih ngam ang u. Mizo A Aw B tihnawktu mai a ni e.
I inchhûnga dawhkàn hman theih miah loh a awm chuan dahbo hmak la, i inchhûng a lo thawveng zâwk ang a, i rilru a nuam zâwk bawk ang.
Similar Posts:
- Mizotawng chungchâng bawk!
- Intihsiak ang u!
- Ng Chungchang
- Ka ngaihtuah mai mai a..
- Hmasang Zomi Hawrawp
May 6th, 2011 at 2:34 pm
Lal Mr, i competition buatsaihah khan ka rawn thehluh ve kha. Consolation prize tal min ve pe laaaa
Report this comment
May 6th, 2011 at 2:37 pm
Joint Action Committee hi ka ning lek lek.
Report this comment
May 6th, 2011 at 2:41 pm
@K’u Chawnghilh, i ‘J’ hmanna kha Mizo tawng lo vek. Mizo tawnga ‘J’ hmanna hria chuan mi han hrilh teh u.
@Pi BMW, i submit-ah khan kim lo a awm tlatin ka hria. ‘G’ nge ‘J’ zawk ka chiang ta lo.
Report this comment
May 6th, 2011 at 2:41 pm
“NG” pawh hi paih ila…a hranin “N” leh “G” a awm ve ve tho a
Report this comment
May 6th, 2011 at 2:42 pm
Tuaite J hi a paih theih loh,June te July te kan sawi thei nang.engmah paih lo mai ang u,tangkai na tlem a la neih hi.
Report this comment
May 6th, 2011 at 2:44 pm
kawlhawk, zune, zulai….kan ti mai dawn lawm!
Report this comment
May 6th, 2011 at 2:48 pm
TS #9, Jacob, Jeremia leh Johana hi Mizo ten Zakawpa, Zawhana, Zakawpa tiin kan lam chiang alawm. Tunlai inti lam nalh deuhin an lam J ta vel anih loh chuan engang pawhin ziak Jacob in, Johana mah ila Mizo lam danah chuan Zakawpa, Zawhana a ni chiang em em. Hawrawp reng reng a inziak ang angin lam kher ani lo reng bawk. Pharisai pawh Farisai kan tih tho2 hi maw!
Tu tan pawh
German te French te chhiar ila sipel ang zelin chhiar kher a nilo tih kan hria ang… ti duah 
Report this comment
May 6th, 2011 at 2:50 pm
Sialte mi thil chik mi tak i nih hi mawle!! A nghawng tur pawh i ngaihtuah sa tho chu ka ring a, tunhma lama alphabet siam that duhna leh rawtna lo awm tawh thin te kha han ngaihtuah ila, t(tri) paih bo a tr hman mai zawk te. ‘ch’ leh ‘aw’ aia ‘c’ leh ‘w’ chauh hman mai te, ‘j’ paih te, kan ngaimawh chin a inang si lova, eng chin nge kan paih ang tih hi ka lo inzawt mai mai thin. Tin, awze tawng hmang alphabet nei hrang lemlo te hi eng chiah in nge a nghawng dawn tih erawh ka chhui phaklo an tawng ka thiam miau loh avangin. ek/eg(G hi ni em kha) anlo paih erawh kan tawng/alphabet insawhrem hma tak tak a nih avangin nghawng a nei thui em em lo in a lang.
Report this comment
May 6th, 2011 at 2:50 pm
Henry tih pawh hi a root trace chuan honorary tih na..:fact:
Report this comment
May 6th, 2011 at 2:50 pm
@K’u Kawlpui, a chung lama ka comment ang khi a ni mai! Kan alphabet atang kan paih thei. Kan alphabet atanga kan paih avang khan hnamdangin an paih kher chuang lo va. ‘June’ tihte pawh hi kan tawng a ni lo va, hnamdang tawng a nihna ang anga kan lak a ni a. ‘J’ kan paih hnua ‘June’ kan la ti thei, mahse, hnamdang ‘J’ kan hawh tawh tihna a ni mai. Ka va sawifiah thiam lo em! Keimahah chuan a chiang khawp mai.
Ka ti leh ang. Mizo tawng diktaka ‘J’ hawrawp hmanna hria chuan min han hrilh teh u. June tih vel kha chu Mizo tawng a ni lo tlat.
Report this comment
May 6th, 2011 at 2:51 pm
TS, J leh G a awm ve ve ( G kha ‘ng’ a mi ka va hman trawm tir..nangpawn a hranin G i hamng bik lo)…mak eeee…i fet lutuk!!
Report this comment
May 6th, 2011 at 2:51 pm
#35 Mr.Sangte hi thil a hre zeih zeih thin ka ti!!! Engtikahnge,tu thu in nge G leh J te hi Mizo hawrawp atanga paih anih tih te pawh i hre hial lo maw? Tin,G hi chhimah chuan Mizo hawrawp a mi pawh ni se ‘GI’ti a lam rik a ni,hmarah ‘EG’tiin an lam,a lam dan dik leh dik loh ah erawh keini sawi tur pawh a ni tawh nang,a tir atanga an lo in zirtir dan a ni ve tawh miau sia.Tin,Z hi American in ZEE an ti a,British in ZED angin an lam ri,Mizo tawngah chu chu kan lo chhawm ve a ni e.
Report this comment
May 6th, 2011 at 2:52 pm
zualbona tih pawh hi J-a Pawi tihna :fact:
Report this comment
May 6th, 2011 at 2:53 pm
Mizo tawng tharah ‘juai’ a awm a nia aw TS.
Juai khat hi Rs. 200/- vel an ti.
Report this comment
May 6th, 2011 at 2:57 pm
‘J’ ka duh lohna a lian telh telh sia, newspaper lamah pawh ka la ziak ang.
Pi BMW, ka tihpalh. Consolation Prize i dawng e! I lawmman chu i lo haw hunah aw..
Report this comment
May 6th, 2011 at 3:00 pm
TS, C.Lalrinmawia hla, Di Cham Bawihpuii kha khawiah nge i hriat hmasak ber?
Report this comment
May 6th, 2011 at 3:06 pm
Pu Hv, ngatinge?
Report this comment
May 6th, 2011 at 3:10 pm
laltuaia’n a bawl rawn leh luih luih tawh ceh u a ni maw?
Report this comment
May 6th, 2011 at 3:15 pm
J in paih vaih chuan na tak in ka dem ang cheu
Report this comment
May 6th, 2011 at 3:24 pm
A nih leh Tuaite tang fan fan,i ngaih dan atanga thlir chuan i thlir dik e,mahse kan lo neihsa tawh tih pun aia paih then hi a tul ka ti lem lo,ka ngaihdan chuan.
Report this comment
May 6th, 2011 at 3:25 pm
badboy hi Mirc uar deuh hun lai vel a badlydrawnboy kha i ni mial lo maw?
Report this comment
May 6th, 2011 at 3:28 pm
TS #67 i rilru ka rawn la peng mai mai hairehai
Report this comment
May 6th, 2011 at 3:33 pm
G hi A, AW, B atangin an paih maw? Tute nge lo paih ringawt a..ka awihlo reng reng..mahni duh thu thua lo pawngsual chawt chawt chi a ni hlei nem..
Report this comment
May 6th, 2011 at 3:39 pm
Jacka Pi: ka ni hauhlo mai a
Tuaite j i paih daih chuan Jacka Pi te pawh hian a nick hi thlak a ngai dawn sin 
Report this comment
May 6th, 2011 at 3:44 pm
bedbawih pawh hi i hmingah j telh hram la a tha ang a
Report this comment
May 6th, 2011 at 3:45 pm
@RenghangMan: G (zhi) chu paih love ek/eg an paih, a hawrawp ber ka chianglo, @H.vangchhia te hovin an hria em aw?
Report this comment
May 6th, 2011 at 3:48 pm
TuaiSialA, i ti ṭha ṭhìn e
Kei chuan Jj leh Gg hi ka rilrû aṭang ka paihna a rei tawh.
‘Jongte’, ‘Jahau’ ‘tiangrenga ziah chíngho hi mi pángngai tak ka la hmu lo; an ä ka tihna lam ni lovin an mäwl. Mahni hnam áia inglît mingoho ńgaisángtû, mi chènbeh khawhawi zím an ni vek.
Down with J!.
Magsé Gg hi chu ‘gêih gûih’ tih vêl ziah nán a la ṭangkái tal.
Newspaper lamah pawh zîak mawlh teh.
MBSE leh kan a, aw, b lam ‘enkawltûte’ hi an mäwl rei ta mah mah. I tihṭhanharh zawh loh pawhin, ka sawi fo angin(a ni, ka theory a ni), CM LEVEL AṬANGA TIH NGÁI ENGMAH A AWM LO. Keinîho hian paih ila a fel vek a ni mai.
Report this comment
May 6th, 2011 at 3:50 pm
badboy @ #74 Ni tak e!!,ka lo ngaihtuah chhuak miah lo a,mahse Zeka Pi pawh ti ila,a hriat theih tho alawm
Report this comment
May 6th, 2011 at 3:52 pm
rose, nang pawh rose10 parvulji ti ila
Report this comment
May 6th, 2011 at 3:57 pm
badbawihji guruji
Report this comment
May 6th, 2011 at 4:03 pm
Kan naupanlai chuan G hi hmarlamah pawh ek tiin kan lam thin .Kan len hnu deuhah kan ti gi leh zawk niin ka hria.
Ch poh hi c chiah dah ta ilang tin aw pawh hi w
Upalam ho chu kan bah nuai dawn a ni chu.
Report this comment
May 6th, 2011 at 4:07 pm
@Jacka Pi: Zeka Pi i nihna tur a awm lo! Jacka Pi i la ni reng tho vang! A chhan chu Jack tih hi Mizo tawng a nih loh miau avangin. Ka sawifiah peih tawh lo.
Report this comment
May 6th, 2011 at 4:14 pm
Pu Tuaite,hahaha!!! keipawn Zeka Pi nih chu ka duh hleinem,ka ui hi Zeka ni loin Jacka a ni miau a,ka han fiam ve mai mai lawm…
Report this comment
May 6th, 2011 at 4:24 pm
Ngaituah tham tak a ni e.
Kei chu ‘O’ ti mah u la au ka ti thau thau ti erawh kan awm ngei ang :lol:
Report this comment
May 6th, 2011 at 4:36 pm
@TS: I thawh tha thei riau mai. Zotawngah hi chuan ka U vang vang che a,mahse tunah hian i duh dan hi ka duh lo leh tlat.
J paih bo chu sawi loh C pawh hi lakluh hial ka duh thin. J leh Z hi inhne reng chung si hian kan ngaipawimawh a nih chuan kan thliar hrang thei. Chutiang bawkin C pawh hi. Mizotawng ti hausa tu ah kan hmang thei.
Entirnan: ‘Chawhmwh ka ciam’ tiin ka C hi kan hmang thei a.’Thil zum chuan sawh hlek suh a thler ang’ tiin S hi kan hmang thei bawk. Hemi sentence pahnih ah hian kan lei leh hmui tih dang lam dan a in ang lo.
Chutiang bawkin: ‘Kalo kal juai’ tih leh ‘Kawng dik zawh tur’ tih ah te pawh hian kan lei lah hmui tih chet dan a danglam in ka hre bawk.
Good Post.
Report this comment
May 6th, 2011 at 4:55 pm
@K’u Krista: A dik alawm. Kan leiin a lamdan chu a inang miah lo va. Mahse, a ri han hriat hian a inhlat lovin leiin a lamdan a inang lo tih a hriat miah loh. Chu vang chuan a lova awm theih loh a ni chuang lo va, kei chuan tul ka lo ti lo reng mai!
U zawng a in-u em lo teh ang!
Report this comment
May 6th, 2011 at 9:12 pm
Jewel inti nu pawh
hi mizo atang in paih daih ila, misual.com atang pawh hian delete daih se 
Report this comment
May 6th, 2011 at 10:31 pm
A intaite zawng a kal chu ka sapawt lo e. A hun lai a Greek ho ropuina leh sap ho ropuina (a ni, Sailo ropuina thuruk pawh – Duhlian tawng lo pian chhuah na a Sailo ho policy kha) a huam zau zawng in an kal a, an chhehvel a hnamdang tawng an pawm zel a, an tawng a hausa zel a, an ropui tual tual zawk kha a ni e.A original erawh sacrifice a ngai fo thung.
Ka ngaihdan diktak ah chuan tun ah hian Mizo tawng(Zo hnahthlak zawng zawng huap) a la piang lo.A chhan -tuna mizo tawng kan tih, duhlian tawng hmangtute ngaihtuah tawi leh chapo vang(Senvawn convention inphatsanna kha ngaihtuah ula).
Thui tak tlir tur, zo hnahthlak luankhawm hun thlir tur. G leh J kan paih chuan zo hnahthlak hnam hrang hrang kawng kan khar nan leh dawn tihna a ni e. Thui tak thlir rawh, kum 50, kum 100 lai pawh, Indian politics chiri zia i hria e, NE States a hran a inrelbawl hun, chumi hnu ah Zo-reunification, J- hi nakin a min zawmkhawmtu tur a ni maithei asin.
Report this comment
May 7th, 2011 at 3:38 am
“J” hi nakinah chuan tangkai taka hmanna kan la neih ngei ka ring. “Zawngte” hovin “Jawngte” tiin emaw, “Jongte” ti emawa an ziak hi a tha ka ti. Mizotawng a ni ve tlat. “Zahau” pawhin “Jahau” tiin ziak mahse sawisel lovin pawm mai tur, mizo hawrawp diktak a ni.
“Kawlni” hovin “Colney” tia an ziak erawh hi chu, mizo hawrawpah “C” leh “Y” a tel loh vangin, a sawisel duhtu tan pawh zau taka kawng hawn a ni.
“J” leh “Z” hi min siamsaktu te khan a ruala min siamsak a ni a. Kan duh zawk zawk kan hman theih nan zalenna zau tak kan nei.
Report this comment