Pathian hmangaihna hi a thuk tak meuh em? Enge a thuk em em na chu? A fapa thihna in min tlan hi maw? A nih leh Isua hi lo ni ve dawn ta ila, kum 33 chhung vel lek mihring a lo chan a, chuta thih a, thoh leh dawn bawk si chuan keipawh in ka hreh vak bik hlei nen, chutah Pathian in min la chawimawi nasa zui dawn bawk si…..ka ti thin.
Tih tak em ah chuan a tul phawt chuan nakin nakin lam ngaihtuah lovin thianchhan thihngam Taitesena te, Chawngbawla te kan nei a ni lawm ni… ka ti thin.
Chutah Pathian hmangaihna rilzia, thukzia chu Davida leh Goliatha chanchin ah hian alo inphum reng mai zu nia. Pathian hmangaihna hi ka question leh tawh ngailo reng reng, hriat chu ka hrethiam in ka hria, mahse a mak hi ka ti tawp theilo.
Setana leh Pathian inkar hi politics a ni a, Setana thiltum No.1 chu Pathian tluk leh Pathian ang a awm hi a ni, Pathian paihthlak nilovin.(Isaia 14:14 chho) Indona a lo chhuak ta a, a domain nei sa pawh chu a hloh ta a, trial a awm lai chuan Setana chuan plan B a hmang ta a, chu chu Pathian in mihring Setana hloh tawh Lei a rawn dah tak hian Pathian rorelna lak atanga inlakhran a, mahni a ro inrelna thatak hi a theih tiin a cho leh ta a ni. (a tactic chu Joba bu ah kan hmu, deduction hi chu Daniela bu ah a hriatthiam theih). Pathian in tha a tih chu a challenge a, Pathian rorelna(Theocracy) huang pawn ah pawh rorelna tha(human government endorse by Satan) a awm thei a tihna a ni ber.
Hei hi Pathian in a hnawl chuan DIKNA a palzut dawn tihna a ni thei a, Van mipui ho thinlung ah ‘zawhna chhanloh’ a awm reng phah thei a, khuarei ah HELNA dang a chhuak leh thei bawk dawn a ni. Chutichuan JUSTICE, 50/50 chance chu Setana chu pek a ni ta a ni. A rei zawng ah ni 6(Kum 6000) pek a ni ta a ni.
First round ah Adama hmasa chu an knock-out ta pek a. 50/50 chance ah chuan Setana chu a chefuh palh thei a, chuvang chuan second round atan leilung pian tir a talh tawh Pathian beramno chu ruatlawk a ni, pre-plan a ni lo va, back-up plan zawk a ni. Chutichuan Isua chu a pathianna leh vanmi nihna zawng zawng, a hriatna zawng zawng pawh hlip thla in Adama hmasa ang chiah chiah in THU chu TISA ah a rawn chang ta a ni.
First round ah Adama hmasa chu Setana’n awlsam em em a a lo knock out tawh avangin Adama hnuhnung(Isua) chu a hneh leh mai hi a inring em em.
He bout hi Goliatha leh Davida inbeihna ah khan a hlimthla a lo lang ta a ni. An in ‘bet’ chu LALRAM a ni. Davida khan Goliatha kha hnehlo se Israel lalram kha Philistia Lal ta tur a ni.
THUMAK CHU!!!
Isua kha he khawvel a a alo kal khan Setana kha a hneh ngei ngei dawn a, mihringte hi min chhandam ngei ngei dawn a, chumi hnu ah chuan Vanah a let leh ngei ngei dawn tih guarantee engmah a lo awm miahlo nia mawle ! Hriatlawk ni se Pathian in Setana chu a bum tihna a ni dawn a, justice a kalh dawn a, sawitawh ang in vanah helna dang a chhuak leh thei dawn bawk a ni.
Chu Isua, kan aiawh a Pathian anchhia phur a thi tur chuan thing a khaikan ngei ngei a ngai(tupawh thing a khaikan apiang chu Pathian anchhedawng a ni, lei si lo, van tawng lo hi Pathian anchhia, bottomless pit chu a ni). Chu chu Setana chuan a hrechiang khawp mai, hmeichhe hrin lokal tur chu kan anchhe phurh min phurhsak hma ngei a tihhlum tum in a lo che ta zar zar zel a, Abel-a kha a ni dawn emaw a ti a, a u a vuakhlum tir a, Sari chhul ah a lo tlankhalh thul, Mosia a nih a ring leh, chutiang in Josefa, Jakoba, a ring thelh nasa ve khawp mai.
Tlantu tur diktak Isua a lo pian khan a naupan lai a tihhlum a lo tum nghal a, astrologers te hnen ah eng thuam in arsi(vantirhkoh) ang ten a rawn inlar a, a hlawhchham leh a(Astrology hi Pathian huat em em, milem biakna leh witchcraft thil a ni a, an hnen a Pathian inpuan hi a rinawm hlawl loh a ni). Isua rawngbawl tantirh khan thlaler ah a shortcut zawng in an Lalram chu a lo offer vel bawk a, a hlawhchham zel.
Isua rawngbawl lai khan chu Lalram chu a pumpelh zawng bawk in Isua kha mipui vote hmang in an offer vel thul, Getsemani huan ah khan mihringte min tlan theilo tur chiah in mental war in a rawn bei leh a, a hlawh chham zel, Rom sipaite hmang leh Golgotha kawng ah khan min tlan theilo tur a tlu hlum leh sawisak hlumtir tumin theihtawp a chhuah leh bawk a, mahse Isua khan a mission a hrechiang si,a thi thing hrihlo a ni. Anchhe sutna chu thing a khaikan a ni miau si. Isua tlanna hi a RISKY zia hi sawi in a siak lo ve.
A KIN TA. A thawk theih ta, mission accomplished.
Isua kha thing anchhedawng ah lei si lo, van tawng lo a khaikan nilo se, thihdan dang in thi ta se……nang leh kei ang bawk hian a boral hlen ve dawn zuk nia! Thihna hneh in a tholeh dawn miahlo ! Van ah a let leh thei dawnlo bawk! Chatuan ata tawh a a lalthuthleng rawn kalsan chu chatuan atan a chan dawn bawk! Tin, Lei (or solar system) hi Setana ta chatuan in a ni hlen dawn bawk!!!!! A mak ka tih em em chu chatuan mi, thi theilo leh thi reng reng lo tur in min tlan tur a chatuan a BORAL a rawn RISK hi a ni.
A hriatna(fore-knowledge) rawn pianpui tal chu ni se Pathian a pa ropuizia a hrechiang a, ngaih a tha deuh tur, mahse chu pawh chu a rawn pianpui si lo, a lo thanglian a, mihring diktak angin (a ni chiah bawk a) a lo fing chawp chho ve bek bek zawk a ni. Pure blood erawh chu a ni, mahse Adama hmasa pawh kha a tluk khan pure blood tho a ni, han confi em em na tur thil a ni si lo.
THOLEH ISUA tih hi a ril rapthlak lutuk . Isua a tholeh hi selfish deuh in nge I lo lawm thin amah Isua hi I lawmpui ve em? Isua hi I hero a ni ve em? He thu ka hriatfiah hian ka lawm lutuk a, kei chu boral mah ila pawi pawh ka ti tawh lo, Isua a tholeh hi ka lawm em em a ni. Hremhmun kalhlauh leh van lawn chak game a ni lo. Isua tlanna risky lutuk hi a thlawn tur a ni lo.
THUBELH
Third and Final round, Millenium zawh ah Setana chance pek a ni leh zuai dawn a,(best of 3 a nih chu) Pathian hmangaihna, a rorelna dikzia leh fair zia hi ka ringhlel leh ngai ta reng reng lo. RINNA ah hi chuan ka ding nghet bur, Setana hian rinhlehna leh rinlohna thlipui engang a nasa pawh in min bei se ka nghing tawh lo ang. Amaherawh chu sualpu taksa, corrupted DNA kan la pu si, kan at luat ah tleirawl laiin chakna,itna,adt,adt an lo in triggered laklawh tawh si a, he hringnun hi chu tluklehdingawn tak meuh in ka hmang chho dawn ta anih hi. Pure blood nih hun Pathian ram hi kan nghakhlel ngawih ngawih mai a ni. Kum 1000 chhung he leithar a zirtirna dik a Isua nen a kan lendun hnu a Setana rawn thawk leh hmachhawn tur kan ni si a.
Similar Posts:
- Eden natna
- Setana hi a awm tak tak em?
- Immortality of soul
- MIZO HNAM SAKHAW DIK PHOCHHUAHNA ~ I
- Battle Ground (Mihring)
May 8th, 2011 at 12:38 am
Hmangaih bawn tawp!
Report this comment
May 8th, 2011 at 12:45 am
1st leh ta lo…chhiar leh ang le
Report this comment
May 8th, 2011 at 12:48 am
Hei chuh miva copy deuh ve….lolzzz
NOI
(Similar post no. 3 na khi)
@Post tu, Ka chhiar hman lawk loa min lo hrethiam rawh, ka chhuah angai. Mahse ka mengrei dawn haw veleh ka lo chhiar ang
Report this comment
May 8th, 2011 at 12:49 am
Sawi tlawr dupa nunpui si lote hi ka vei a ni.
In chhia leh ṭha hriatna kha a pawimawh zâwk. Nangni rinna e khàw ê bàl ê hi kan ramin kan ṭangkàipui loh khawp hi.
Thatchhiat vàng chauhvin a ni, rinna, hmangaihna tih vêl in sawi vàwng hluah ṭhin ni.
Hë in chènna ram piahah hian finna tak tak leh hlimna tak tak chu a awm. Chü ram thleng tawhte tán chúan in veiawm êm êm a ni.
Report this comment
May 8th, 2011 at 1:13 am
Zoho a ngaihdan hi ka pawm dan ani. Pathian hian mihring a hmangaih em em (a lam hawi te chauh!)
Engvangin nge mihringte min hmangaih? A chhan chu Setana a huat vang ani. Mihringte hi gambling a ‘token’ ang deuh kan ni. Mahse token hian duhthlanna a nei tlat thung!
Report this comment
May 8th, 2011 at 1:20 am
Pathian hian mihring te min hmangaih em em. Min hmangaih chhan hi hmangaih tlak kan nih vang emaw A hmangaih kan phu vang pawh anilo. Sawi fiah tur chuan thui tak ziah angai dawn. Chuvangin tihian kan kai tawi mai ang e.
Engvangin nge Pathianin mihring te min hmangaih?
Amah Pathian anih vangin. Pathian chu “Hmangaihna” a ni si a. GOD IS LOVE
Report this comment
May 8th, 2011 at 1:23 am
A va thui ve, Sermon darkar khat vel chu a daih hrim hrim,… chhiar tan dawn ila,.. a
tawh fu nain,…
Report this comment
May 8th, 2011 at 1:29 am
SETAN ( DIABOLA) awmzia hi zir leh deuh la ka va ti em,…..
Report this comment
May 8th, 2011 at 1:37 am
Pathian ropui rapthlak zia hi chhut phak ani lo tawp mai. Zoho-a rinna hi bible pel ani lem chuang lo in ka hria. Keini mihring tan chuan ‘dan’ pahnih a awm a. Pakhat chuan hremhmun, pakhat chuan vanram a kawk a.
A mak chu Pathianin mihring a siam a, a siam tirh atangin setana a inrawlh nghal a..hemi awmzia chu ‘engemaw super power’ chihnih a awm tihna ani. Min siamtu lam a tan hi a har viau a, A tana rinawmte ‘award’ a pek tur hi chan loh palh mai a hlauhawm khawp mai..
A tha lam kawng a harsa a, a chhe lam kawng erawh a mam hun mai..!
Report this comment
May 8th, 2011 at 1:43 am
#6 vangchhia
mizo i.p.s pakhat trawngkam takin…keichu Pathian awm hi ka ring bur a ni! Pathian a awm chuan Hmangaihna khat a ni ngei ang tih ka ring leh bur !
Report this comment
May 8th, 2011 at 2:58 am
ziak tha khawp mai sawi belh tur em em pawh ka neilo. Pathianin Isua pianna tura setana rin loh lam a sual zawk lam zel a thlang khi sawi tur a tam khawp mai, Josefa khi chu i ti sual a nih khi, a ni chu Israel fate chhanchhuaktu a ni a Isua pianna kawngah a lang lo, a che sual ber a u Juda zawk a ni a thlan.
Kross a khai kan (lei si lo van si lo) kher kher a ngai i tih pawh khi han sawi chiang law law la maw le.
Report this comment
May 8th, 2011 at 3:08 am
Tuntum zet zawng i ziak tha hle mai a. A ni lo zawngin i lo bilh luh ka lo hlau viau a…I online hunah comment tha leh ang.
Good Post.
Report this comment
May 8th, 2011 at 3:17 am
i zawhna ka chhiar a, ka rilru lo lang hmasa ber ‘I Pathian fiah suh’….
A thu chhiar lo in ka lo comment e, kei leh ka chhungte chu min Hmangaih na sa
Ka lawm e…
Report this comment
May 8th, 2011 at 9:18 am
A tha hle mai! A ngaihnawm bawk si. Hei zet chu,’ sermon-new dimenson version’ ka ti mai!
Report this comment
May 8th, 2011 at 9:44 am
Report this comment
May 8th, 2011 at 10:08 am
Pathian hmangaihna hi RISK ang zawnga hrilhfiah chi em ni dawn ?
Isua Krista hmanga min tlanna hi RISK thil thu nilovin THUTIAM a ni zawka, Pathian thutiam reng reng risk-ah a innghat ngai lo tih hi hriat a va pawimawh em!
Krista tlanna hi backup plan mai nilovin Pathian chatuan program a ni zawk. Preplan ti paw’n a sawi theih tho ang chu:
Bible-in Pathian min hmangaihna kan hriatfiahna tura min hrilh dan chuan Krista khan RISK a rawn la tih lamin min hrilh lova, boral tur misual ten thiam kan chan theihna turin Pathianin a huat ber leh a ten ber mai SUAL kha Krista’n chatuan atan a phur ta kha a ni. Pathian chu hmangaihna avangin a thil ten ber leh a huat berah Amah leh Amah a insiam hi hmangaihna chu a ni zawk.
‘Isua kha he khawvela a alo kal khan Setana kha a hneh ngei ngei dawn a, mihringte hi min chhandam ngei ngei dawn a, chumi hnu ah chuan Vanah a let leh ngei ngei dawn tih guarantee engmah a lo awm miahlo nia mawle!’ han tih te phei hi chu ‘over speculation’ leh Bible kalh a ni.
Lal Isuan a lo kal chhan a sawi chu: “Pathian fapa lo lan chhan chu Diabola hnathawhte tiboral tur hian a ni”
Hei hian Risk a kawk lova thil chiangsa sawina [fully guaranteed]a ni zawk :-). A thawhleh tur thu pawh chaing takin a sawi kha.
Report this comment
May 8th, 2011 at 12:18 pm
Lal Isua kha a thing ah an khengbet ngei dawn ani tih leh mihringte ala tlan dawn ani tih hi bawhchhiatna awm rual a thutiam ani, a danglam theilo.
Kan sual tlan nan a Pathian in a ruatlawk anih avangin banphar a thisen chhuaklo chuan min chhandam thei mahse, kross ah ngei thih hi Pathian ruahmanna ani. Thisen chhuak khawp a thih hi tlanna chu a tling teh meuh mai, hmanlai chuan thisen vanga tlanna entirna atan khan ran thisen te an lo hmang thin ani. Heta
Pathian hian amah fak tur hian mithiam te a thlang ve tho ani, an thiamna hmang leh an ropuina hmang a an fak leh chibai buk hi a lawm ve tho ani. Khan hunlai khan an phillosophy ah khan astrology a innghat thui hle ani. A tul hun chuan heng pawh hi hmanrua ah a hmang tho bawk tih Estheri bu a an aienna atangin kan hrethei ani.
Chulovah tunlai hian predestination ring lo hi kan awm ta nuk mai. Han ngaihtuah chiang ila, aien thiam mahin hmalam hun tur an sawi theih chuan kan Pathian hian a thei lutuk nilovin a hre vek dawn ani lawmni. Tunhma chuan he thu hi ka hrethiam thin lo a, heti hian ka ngaihtuah ta a khang ka lo ngaihtuah na ang kha Pathian thuneihna (sovereign of God) thikna tlukzet a sual alo ni.
Report this comment
May 8th, 2011 at 5:14 pm
Hairehai, chhiat tawh kalzel vangin Weekend chu inlam ah ka awm hman lo leh tlat thin, hei midang connection atangin ka hman veleh ka rawn lut juai. Zan in ah inkhel en zawh ah online cher cher mai ang aw.
Ka hmuh dan chuan mi 4/5 vel in in chhiar, a dang chuan chhiar lovin in comment a nih hmel, in thu thu.
Report this comment
May 8th, 2011 at 5:22 pm
#8 @ D_auaChwngthu says – SETAN ( DIABOLA) awmzia hi zir leh deuh la ka va ti em,…..
Setana(Diabola) hi ka hrechiang ve tawk fu in ka lo inhria asin, a chanchin hrim hrim pawh hi post mai tur ka nei a, ka la pending hrih.
I han sawi dan ah chuan i hrechiang zawk viau em ni? Ka va chhiar chak ve mawle, han post teh a, a nih loh leh a gist tak meuh comment ah han thai lang teh a,ka ti tak tak a nia aw.
Report this comment
May 8th, 2011 at 5:32 pm
@lrp – he post hian unity leh trinity a kalh tlat tih i hria em aw?
(ka risk sual maithei- post hlui lam a comment hlui a i rindan ah unity i ni in ka hre deuh tlat a, chiang chiah lo) Universal issue hi chu JUSTICE anih thu hman a comment ah ka chhanna che kha i lo chhiar em? Kha lam hawi tho kha a nih hi. I ti lawmawm e. 
Report this comment
May 8th, 2011 at 5:36 pm
Pu Zoho__Van indona Satana khawvela paihthlak a nih dan vel hi post tur i neih chuan rawn post teh khai, a ngaihnawm ka ring tlat. I thuziahte hi pawm ve em em lo mah ila, i ziak ngaihnawm thei e mai, ka chhiar chhuak parh thin a nia.
Report this comment
May 8th, 2011 at 5:40 pm
@Zoho..lo hre lem hlei nem! :-). Nizan khan i post hi mumal takin ka chhiar lo a..sorry!
Ka rindan hi chu a tluangtlam khawp mai.
Setana leh Pathian hian competition an bei a. Mihringte hi tah chuan kan pawimawh viau ni mai in ka hria. Thil dangte pawh a inrawlh mahna. Entirnan Blackhole kan tihte pawh hi setana thiltih theihna an nih te ka ring mai mai..
Report this comment
May 8th, 2011 at 5:46 pm
@Bawngtlai – hmanah min zawt a, khawvel hmasa vis-a-vis setana leh ramhuaite tih ah khan tlem chu ka thailan kha, i lo chhiar ta em?
Van Indona cc ziah sa, ziah zawh siloh chu ka nei, ka lo ziah chhunzawm dawn ang e. A sei deuh lo thei lo a, a nawlpui hi chuan an chhiar peih lo deuh thin a, chhiar peih in lo awm hian min tiphur thin.
Report this comment
May 8th, 2011 at 5:55 pm
Lal Isua mihrinna lam hi hriat fuh thiam har hlein ka hre thin. Pathian Fapa a nih avangin krwas-a thihna te pawh kha tuar vak lo leh tho leh tur tih inhre sa a nih avanga amah rawn inpe mai emaw tih mai a awl khawp mai. Amaherawhchu, mihring tak tak a nihna leh, a rawngbawl chhung pawhin engkim hresa leh tluang pur pura rawng bawl chu a nih hmel lem lo. Hman kum deuh tawha Rev Lalngurauva ziak em ni Sunday School-a kan zir, “Nazareth Isua” tih kha a tha khawpin ka hria.
Setana leh Pathian inbeihna chungchangah chuan @zoho, i zeldin thiam khawp mai. Ngaihnawm viau e.
Report this comment
May 8th, 2011 at 5:59 pm
#11 @ Asteric – Setana’n Isua line a hre reng reng hleinem, Isua line chhutchat a tum pawh a ni lo a,Evi thlah, a lu tithitlingtu tur kha a lo risk ve miah miah mai zawk a nih hmel ber, Abel -Isua line a nilo, Mosia, Isua line a ni chuanglo, he he.
Kros(kei chuan thing ka ti, Kros hi ka pawmlo a) a khai kan (lei si lo van tawng lo) chungchang chu post ah khian ka sawi chiang viau in ka hria asin mawle… lo ngaihtuah in lo chhui zui la ka ti mah mah zawk a, comment ah a fiah zo lo ang- boruak,tartarus, bottomloss pit, vantirhkoh bawhchhiate, anchhia, darrul, thing a khaikan, anchhia, replacement theory te hi…
Report this comment
May 8th, 2011 at 6:00 pm
@23__Hmanah khan ka chhiar chhuak a, tunah pawh ka chhiar chhuak leh a. ”Van Indona Chanchin” i ziah mek chu lo beisei teh ang, kimchang deuhin aw..a sei lam kha chu lungkham vak duh suh. Kan tuizawng a nih loh chuan post tawi deuh pawh kan chhiar chhuak peih chuang lo.
Report this comment
May 8th, 2011 at 6:06 pm
@ Thianpa Krista – han thaipawr la mawle, good post hi i ti zo deuh vek mai a,ka lawm vak miah lo a nia aw.
Nang hi chuan min hmu sir he deuh laklawh a nih ber hi maw… i approach hi a constructive mai pawh a. tiraw ?
Report this comment
May 8th, 2011 at 6:14 pm
#14 @ Benny – I ti lawmawm e,he post hi i hrethiam anih chuan i chhia leh tha hriatna a fimtha hle tihna ah ka ngai e. He post ka buatsaih nachhan pakhat chu, hmanni lawk khan kan titi ho na ah ka sawichhuak a, ngaithlatu pakhat chuan a man fiah lutuk a, a nun a khawih takmeuh mai. Nang pawn lo sawichhawng ve zel rawh aw..
Report this comment
May 8th, 2011 at 6:23 pm
16 @ Donald – Theologian i ni emaw ni le ka ti hial mai, higher criticism hi i expert riau mai. Khawvel hi criticism tarmit atangin i thlir nasa mah mah lo maw?
Hriat hi chu i hria mawle, mahse real-life application ni lo, bookish deuh zel anni thin. NOI.
Report this comment
May 8th, 2011 at 6:35 pm
23
zoho # Lo in zep ve lawk, ‘Van Indona’, Chhinga Veng thian pakhat ziah min ti hre chhuak zawk mai – a mah chu i nih ka ring chiah si lo va….lung hlui a leng zuai a lawm le
Chhiar ve chak awm hle mai, rawn post ve la…
Report this comment
May 8th, 2011 at 6:57 pm
mr.Duhlova – OK ka lo ziah chhunzawn ang e. I hriat chu ka nilo hlauh. Tunah kan haw dawn, inkhel en phawt ang a, rawn lut leh ang e.
Khawnge vakul-a hi aw? Rawn ziak rawh a ti a, ka rawn ziak a, a bo leh vang vang bawk si ?? VAKUUUULLLLLLL…….
Report this comment
May 8th, 2011 at 8:39 pm
@Thianpa Zoho: I lo lang har em alawm tunah chuan boruak a dai zo tawh tlat…..
Nia sawi thiam a har,Pathian nih dan leh a thil tih kual dan vel hi i hre lutuk(or zeldin) hi a tha ber em ka lo ti mai mai…Tunlai Tirhkoh Paula ini ringawt alawm.
Mihring finna ang zawngin i chhui mah mah…. Van ram kawtkai kan thlen hunah chuan mihring nunphung leh Van nunphung danglam zia hi i hre chiang ang….
Report this comment
May 8th, 2011 at 10:03 pm
#32 @Krista_nia tiraw,Pi Aduhi ten nizan zanlai pelh ah an tichhuak pek a, vawiin nileng ka out-of-station leh bawk si a, post a inchilh hnem tawh khawp mai.
@comment_Nia sawi thiam a har,Pathian nih dan leh a thil tih kual dan vel hi i hre lutuk(or zeldin) hi a tha ber em ka lo ti mai mai…Tunlai Tirhkoh Paula ini ringawt alawm.
E khai, Bible a inziak kan remkhawm keuh keuh a, a lo chhuak mai alawm.Tradition and customs, kum sangtam a upa chu ka kalh nasa tih ka hria, Bible erawh ka kalh miahlo asin.
@comment-Mihring finna ang zawngin i chhui mah mah…. Van ram kawtkai kan thlen hunah chuan mihring nunphung leh Van nunphung danglam zia hi i hre chiang ang….
Nang lehzel chuan hetiang rilru hi pu teh suh. He khawvel ah hian
I kut lo chu Pathian in kut dang hman a tumlo,(a dik tiraw?)
I ke lo chu Pathian in ke dang hman a tumlo,(a dik tiraw?
I finna lo chu Pathian in finna dang hman a tumlo(a dik ta lo ami?)
I finna chu Pathian in refine sak che se la, law of nature la haichhuah loh chu han haichhuak mawlh teh, i zirna ah hlawhtlinna duhsakna ka hlan a che.
Report this comment
May 8th, 2011 at 11:02 pm
Zoho @ 28, ka chhia leh tha hriatna chu fim bik em em lo ve! I sermon hi sawi dan ki dang, tunlai deuh mila sawi a ni e ka tihna a ni ber e. Eden bawhchhiatna chu sex, homosex.adt tih ang lam kha ka pawmpui ta che tihna lam a ni hranlo.
Report this comment
May 9th, 2011 at 7:04 am
I post chu sei deuh mahse chhiar nuam tak a nih nachhan chu mihring reasoning power hmang nasa peihte suangtuahna vak vel leh zeldin thubawl tarlanna tha tak a nih vang a ni. Kei ngei pawh heti lam zawng leh adang tam tak hian ka lo zeldin ve nasa thin khawp mai. Mahse a atthlak zia ka hre tawh. A atthlak ka tih tak chu, hetianga suangtuah vak vak hi a tha lo ka tihna nilovin, hetianga kan zeldin thubawl midangte hrilh hriat ve kher hi thil tul lo tak a ni. Pathian thu hi zeldin thua hril/zirtir chi a ni hauh lo.
“Ka unaute u, in zinga mi tam tak hi zirtirtuahte lo awm suh u, zirtirtuin rorelna nasa lehzual kan tawk ang tih kan hre si a.”
“I thu chuan thiam a chantir ang chia, i thu vek chuan thiam loh a chantir bawk dawn che asin”
“tupawh heng mi ringtu mi tete zinga pakhat pawh titlu apiang chu, an nghawngah buh rawt sawmna lung lianpui awrhtirin tuifinriat thuk laiah thlak daih sela an tan a sawt zawk ang”
Lal Isua khawvela a lo kal khan risk a rawn la tia zirtir hian Bible chiang takin a kalh a ni.
‘Mihringte hi min chhandam ngei ngei dawn tih guarantee a awm lo’ i tih hian Mathaia 1:21 a kalh tlat a ni:
“Fapa a hring anga a hmingah ISUA i sa ang: ani chuan a mite an thil tihsual lakah a chhandam dawn si a”.
Hei lo liama guarantee a awm lo ang — Pathian thuchhuaka kan pawm a nih si chuan.
“nang leh hmeichhia hi ka indotîr ang che u a, i thlahte leh a thlahte pawh ka la indotîr bawk ang: chu mi {Isua) chuan i lû a la tithitling ang a, nangin a ke artui i la tithitling ang”
Hei hian Isua’n Setana a hneh ngei ngei tur thu a gaurantee bawk a ni.
Ka rin sual loh chuan Bible i chhiar tlema, i tawngtai tam vak lo a nih ka ring. Chutih rualin lehkhabu dang i chhiar nasa hle a nih hmel. Chung i thil chhiar leh Bible chang tlem i hriatte leh i reasoning power chak tak hmangin Pathian thu hi i duh dan dan in i zeldin thin a nih hmel. Tichuan chung i zeldin thubawl chu dik bera hriain puandarh chakna sualin a man ta tlat che a ni. Hei hi chapona sual lian tak a ni a sin.
Report this comment
May 9th, 2011 at 9:51 pm
#35 @ Art-a, tlai deuh a i rawn bei tha thuai thuai ve.
Kei pawh ka post ber ah ka tlai lutuk a, ka ui ve viau asin.
I rawn tanna point te khi an valid vek, logos level ah chuan, rhema level ah erawh an thiah zar zar theih tho mai.
Kan rindan hi RINNA kan ti a, kan rindan kalh deuh, kan phak chiah loh hi ZELDIN kan ti duh fu a nia aw. Roman Kohhran khan Galileo, Kepler leh Copernicus te thu rawn vawrhchhuah kha zeldin mai pawh anti lo, BLASPHEMY an ti hial zawk a sin,mahse anlo diklohzia kha kan hre vek tahw e.
A.D. 35 chho ah kha chuan Greek ho khan Isua thawhlehna kha ZELDIN an tihsak tak meuh meuh asin, chutiang in Juda ho khan Isua kha Pathian nung fapa, an nghahfak Messia a lo ni tih kha ZELDIN an ti taksak meuh meuh bawk. Tun thleng pawh hian atheist ho chuan sakhuana hi chu zeldin thubawl min tihsak mek a nih hi.
Nang in Isua divinity atangin i thlir a, keiin Isua humanity atangin ka thlir thung a, chu chu ni maiin ka hria e. Isua hi perfect Adam, Eden huan a bawhchhiatna sual a tlu tawh ang chiah chiah khan a rawn piang a, a fore runner pawh a tlukchhiat theih chuan Isua kha tlu theilo, sual theilo, invincible, demi-god, partial god in a rawn piang si lo, chuti chung a ‘sual erawh chu sual silo’ a a hlenchhuak thei hi ka rawn uar ber lai chu a ni, Ni e, ka ti lutuk deuh a, rinna a chaklo tan chuan a khal mah mah a nih hmel.
Mahni rindan, dik ni a hriat puan hi setana bumna, chapona sual ah i khung vek dawn takzet em? Heti teh ngawt a awlsam a i hmetpuak zung zung dawn a nih chuan vawi 100 ah vawi 99 chu i kahthelh ka ring mai mai mang e.
Pathian in a hmangaih zia che hi i la hrefiah tawk lo, i dawhthleng erawh a khat tawh lawi si.
Report this comment
May 9th, 2011 at 10:38 pm
@ zoho:
Rhema level-ah chuan han thiat ta che
Ka rindan chu last para chauh khi a ni, a dang khi chu Bible thuziak a ni zawk. Tin, Bible thuziak chiang tak leh Roman-Copernicus te inkar thu chu khaikhin chi a ni lovang.
Chuan ‘Mahni rindan, dik ni a hriat puan hi setana bumna, chapona sual ah ka khung vek lem lo; Bible nena a inkalh loh phawt chuan. I rindan erawh hi chu a inkalh lulai deuh lutuk a ni
Bible nena inkalh chiang lutuk, mahni ngaihdan dah lal mai pawh nilo, midangte hmaa manfuh/hmufiah/hrefuh bik, fing bik, rinna chak bik, thlarau lam thil hrethiam bik nih chakna hi chapona sual a ni tih hi kan sawinawn leh hram ang e.. 
Rinnaa chaklo, Pathian hmangaihna hrefiah tawk loa min ngai erawh khi chu i tidik tlat
.
Mahse a risk ang zawnga hrefiahtu nih ai chuan ka hriatthiam chin tlemte ah hian ka lungawi nang e .. hmim hmim
I tanhmunah hian i tang tlat dawn a nih chuan ‘Isua khan mihringte hi min chhandam ngei ngei dawn a, chumi hnu ah chuan Vanah a let leh ngei ngei dawn tih guarantee engmah a awm loh dan chu Scripturally in han prove teh khai — i tihdan takah rhema level chuan han sawi fiah ta che
I ZELDIN a nih si loh chuan Bible-ah a awm ngei tur a ni awm si a. Tichuan i reference-te chu kan bih chiang leh ang chu — Risk lam a kawk nge kawk lo
Report this comment
May 10th, 2011 at 7:46 am
I ring dik e zoho. Mahse theologian-te hi awrdein an ni vek kher lo tih i hriat kha
.
Critical lutuka min ngai pawh hi a awm tho ve.. mahse i thu post thinte hi i ngaihtuah let chuan ka critical deuh nachhan pawh awm chu i ti ve tho maithei..heheh.
Real-life application chungchangah pawh hian kei chuan Bible in min zirtir leh hrilh chin hi apply mai turah ka ngai, Bible zirtirna kal pela mimal suangtuahna auchhuahpui vak vak ai chuan. Mihring finna atanga suangtuahna vak vel hi chu Bible nen hian a lo inkalh duh khawp mai. Amaherawhchu Bible nena harmonize emaw compromise tralh kan tum chuan a theih dan kawng chu a awm ve zel mai. Heng hi heresy loh awm theihna chhan pawh a ni reng a ni. Thu awmlo lutuk leh awihawmloh lutuk atang chuan heresy hian hmun a chang thei bik reng reng lova, thil ni thei awm tak leh Bible nena khaikhin thuak chuan inrem thlapa lang atang hian a lo chhuak thin zawk a ni.
Cheers
and peace out !!
Report this comment
May 10th, 2011 at 8:22 am
Tunah chuan Zoho VS Art-a
Subject: Rhematos Christou
Context: Christian philosophy
Report this comment
May 10th, 2011 at 11:59 pm
E khai,,zanin ka net han muan zia hi a va mak em em ve?
A big picture a thlir loh chuan inhnial leh indem vak theih ani reng e.
@Art-a, i la tidik zel e, one side of the coin i rawn thlur a, keiin other side of the coin ka rawn post si a, a big picture in han thlir ve chhin teh a. Christian paradox hi a tam teh mai a nia.
JUSTICE leh FREEDOM OF CHOICE hi lo ngaihtuah zui teh, equal oppotunity, 50-50 a ni reng tur alawm. Pathian hi omnipotent chu a ni chiang e,chu chu i rawn champion pui a, kei pawh in 100% a ka pawm tho a ni, mahse Justice,a ma zepui tho hi a kalh thianglo, i.e.a mah leh amah a inkalh theilo. Court room scene ang in ngai rawh,Setana hi 50/50 chance zuk han pe a, in the name of JUSTICE.
Pathian hi omnicient a ni a, mahse kan duhthlanna, a ma min pek ngei hi a overrule duhlo a, a hriat theih reng chu zuk han maimitchhin san a!(predestination hi ka ringlo anih chu).
Christian paradox tam tak,Pathian hmangaihna leh tihbaiawmna, ngilneihna a khat leh sual a huat zia, Isua chatuan mi, thitheilo a nih chian zia leh a thih si zia te, mihringte kan tenawm zia leh mithianghlim kan nih leh lawi si zia te, kan nep zia leh ropui taka din kan nih zia te pawh hi kan la chai ho zel ang chu mawle.
Two sides of the same coin, bias awiloh, divine bias pawh awih loh. 
peace.
Report this comment
May 11th, 2011 at 12:16 am
Tunah debate thawkhatna result puang ang:
Zoho – 3 points. Art- 4 points.
Thianpa Zoho a tehtu (judge) hi i hre chiang tawh tiraw…..
I tan deuh a ngai,i chak zawk loh chuan Van atangin ka paihthla dawn che…… 
Tak tak in…A ngaihnawm khawp mai han chhun zawm zel teh u…
Report this comment
May 11th, 2011 at 12:52 am
Ekhai Thianpa Krista, i la rawn tel peih e law? Nangni hi chu in fast leh lutuk a, post thar ah hian in zuang zung zung zel a (:phun nuah nuah:) a nawm dan hi a nuam lo. Kei ni ang, mi hnung a mei kawh a tlan ve luap luap tan chuan kan pha hleithei lo che u a nih ber hi maw!
Nang pawh hi i bias lutuk, misual tak i ni.
Ka ni(L) ang mai. Ka ni pawh hian kan CM pakhat hi an tan mai mai khawp a, kan chhungkaw tan thil tamtak ah min lo pui ve tawh a(:personal affairs:), a diklohna zeuh sawi pawh hian min hau hrep zel mai mawle. 
Pathian kan tan lutuk leh adt,adt ah hian JUSTICE hi kan palthlu nawk nawk fo thin in ka hre thin. (:ka va han kalsual leh hmel tak ..huizzzz:)
ka out dawn, zanin chu hna dang, naktuk a zawh ngei ngei tur ka nei tlat)
Report this comment