Tun tum chu ka pa nena kan chanchin tlem kan hrilh hlak ang che u. Ka pa hi zirtirtu a ni a. Thil duh tui leh dik thlap duh mi a ni a. Kei a fapa fello ve tak hi min zilh in thu tha tak takin min fuih thin a. Mahse ka zawm hleithei thin lo. Tunah erawh chuan ka theih chinah chuan a thu ka zawm ta khawp mai.
Ka tlangval lai a ka pa nena kan chanchin, tun hnu a ka ngaihtuah a ka nuih tiza tu leh ka lo mawl zia min ti hrechhuak tu tlem azawng kan hrilh ve mai mai che u anga. Misual member thalai te tan mai bakah nu leh pa ni tawh te pawhin mahni nu leh pa te thu kan awih theih nan he post hi ka hlan e.
ZO ZIAL KA ZUK CHHAN
Meizial zuk ruk atanga bul tan in zuk tak tak stage kan kai chhova. Sikret ngat lo chu kan han zu duhlo chho tan a. Ka pa hian,”Sikret te hi zu zu tawh suh u, a bawm ah pawh hriselna a ti chhe thei tih a inziah hi,” min ti thin a. Tichuan sikret zuk bansan in zo zial ka zu ta a. Ka pa bulah chuan inti thei fe hian,”Zo zial bawm ah chuan hriselna tichhe thei a awm tih a inziak ve lo a. Ka zu ta mai. A inziak ber ah pawh Vanglaini tih vel te ania, engemaw chang in Kristian Tlangau tih te ania,” kan ti mai chuhh. Nawi reng hian min kalsan tawp. Fing leh remhria ka lo in ti viau thin a, tunah chuan ka lo at zia kha ka hrechhuak ta.
KA LU KA ZIAT KAWLH A
Ka sam a sei tawh em avang chuan ka pa hian met turin min ti fo thin a. Ka lo zuah rei ve tawh em avang chuan ka ui hle mai a. Mahse min tur nasat em avang chuan mittui tla zawih zawih chungin ka lu chu ka meh tir ta a. A sei zualpui chauh kan met a, kan duhtawk ta a. Ina ka va haw chuan ka lu meh dan chu a lo sawisel a. Meh that tir leh turin min ti a. Tichuan a tuk ah ka va meh that tir leh a, chu pawh chu a la sawisel leh ta fo mai a. Ka thin a rim ve ta deuh a, a tuk ah chua ka va meh tir leh a.
Meh kawlh bakah blade in ka ziah kawlh tir vek a, oil mawm tawk in ka chulh chhuah tir thlap bawk a. Ka va haw chu min lo en vang vang a.Sawisel vak ngaihna a hre talo deuh a ni ang,”Khatiang lutuk kha chu thil tauh palh in a na duh asin mawle,” tih zawng a sawi a. Chuta chin chu vawi khat mah hi ka lu meh dan hi ka pa hian a sawisel leh ngai talo reng reng.
Tun atan chuan heti chin hi ni phawt mai rawh se. Ka lawm e.
Similar Posts:
- February ni 29
- Vaihlo Par
- YLA (YMA hming hmasa) General Conference hmasa ber
- A sawt tawh thin silo!
- ZOO hi ransa te tan Jail chikhat a ni
May 16th, 2011 at 7:32 am
Hmm…chhiar chiah ila
Report this comment
May 16th, 2011 at 7:53 am
Ngaihnaw reuh e, a tawi deuh mah mah a ni
Report this comment
May 16th, 2011 at 8:03 am
pa ten min hmangaih zia hi hrethiam teh ila aw. Rawlthar ka han nih chhoh hian zu tem ve zeuh zeuh ka ching a, in thang te angin ka doz ka lo hre ta thin lova, tum khat chu ka lo chatthla der mai a. Ka pu te inah min dah a, atukah ka harhfim hnuah ka pa in, “ka lo rin ang ini lo hle mai” zawi sup hian ati a, a kal nghal daih a, vuak hrep aiin na ka ti zawk. Hetiang chiah hian college kan picnic naah kan rui buai kan insual a, ka bialnu u, tleirawl hmeltha leh fel zet maiin zawi sapin ati bawk a, a zawngchhang chi vak loh khawp mai. Ka comment na hi adik lo palh mai thei. Ka mobile chiang kuan loh vang ania.
Report this comment
May 16th, 2011 at 8:06 am
Ngaihnawm khawp mai . a dang pawh han post belh la . Kum 30 chuang ka ni tawh .vawin thleng hian ka pa hi mei ka la zuk khum lo .ka zu tih a hria .a that loh zia min hrilh thin .Nghei hi a har a ni . ka lu hi kum 10 chuang ka ti kawlh tawh, a duh dan chu ani vak lo. .keimah in ka in met mai a .awl sam phian . .lumeh man ah ka in seng tlem khawp mai .
Report this comment
May 16th, 2011 at 8:13 am
I ziak ngaihnawm hle mai.
Ka ngaihtuah lut chang hian ka mei zuk chhung, kum 26+ khan kapa hmaah hian kala pak khuk reng2 ka ngaituah chhuak zolo.
Lu ziahkawlh mal hi chuan a tir tak hian a hring deuh nghel asin
Report this comment
May 16th, 2011 at 8:28 am
Haha. I pa lu i tihai ve fo thin anih hmel e. Mahse, thuawih hram i tum thin na hi entawn tlak tak a nih hi.
@5, HV, i tlangval lai a i intih pa/ngen awm tehreng nen (ka rindan), i pa i zahthiam tlat chu tunlai thalai ho tan entawn tlak a va ni em.
Report this comment
May 16th, 2011 at 8:30 am
A tha ltk ka nau tet lai min t hrechhuak alom. A luhlul ltk kapain a phuar a ” (Thu ka awih tawh ang) vawi 10 i tih hunah ka phelh ang che” a ti a, ani ta pek chuan zawite hian, “Thu ka awih tawh ang vawi sawm” an ti mai chu kan nui dir char char mai mo le.
Report this comment
May 16th, 2011 at 8:31 am
Pafa inkar hi a lo in ang lo hlawm khawp mai . then khat chu zahmawh te an sawi ho a an nui dar dar mai nia , kan thianpa te pafa pawh hi an veranda ah zing thingpui in pah in nula tui chawi an lo hisap dun vel
.fa te bialnu rim pui pawh ka hria . .then khat ve thung erawh chuan pa te bul ah fiamthu pawh an sawi ngam lo .
Report this comment
May 16th, 2011 at 8:39 am
rin ang nih loh hi a hrrehawm…
Report this comment
May 16th, 2011 at 9:01 am
Ka pa nena kan inrem em em lai nia ka hriat chu, pindan hrana zan kan mut lai hun hi a ni deuh ber … chu pawh engnge kan ngaihtuah kan sawi chhduah chiah loh avangin! Ka lawm e.
Ka nu nena kan inremna em em chu, chawhmeh tuihnai kan duh dun. Ka lawm leh e.
Lu hi tum hnih ka zitkawlh tawh a, Elvis Presley a thih khan, a tum khatna. A tum hnihna chu kumtluang run lumpui atana ka hualin eng sawi set set vak lovin mi bansan a, ‘vai a ngaizawng a’ han ti mai ilah! PWD danin an innei chuang lo. AAAAAAAAAAAAALEH! Ka lawm vak lo.
Report this comment
May 16th, 2011 at 9:02 am
Nu leh pa han neih loh chiah hian an hlut zia kan hre chiang chho zel zawng a nih hi.
Report this comment
May 16th, 2011 at 9:08 am
sawive lo mai teh ang. Mahni pa te bula zuno dawm larh larh ngam hi zofa te zingah kan tam vak ka ring lo.
Report this comment
May 16th, 2011 at 9:25 am
Pa thlazar hnuaia awm lai hian a thlamuan thlak zia kan hre pha tak tak lo…Pa neih loh chiah hian mawhphurhna san zia kan hre chauh thin an ti. Pathian zara Pa ka la nei hi a va vanneihthlak em!!! Long Live Father
Report this comment
May 16th, 2011 at 10:23 am
Mei zial hi ka zu rei ve ta viau mai. Ka pa hmuh lai hian vawi khat chiah ka la zu. Chu pawh ka zu ru lai min man i ania.
Report this comment
May 16th, 2011 at 10:43 am
ka pa hian Pa i neih chhung chuan min hmangtangkai tum rawh a ti thin, a tangkai bawk ee. “PA” i ringawt pawh hian ka hnuk a ti ulh thin
Report this comment
May 16th, 2011 at 10:44 am
@Pu Chawnghilh.. ha ha ha … Hnim hnah ro zial chawp zuk a tangin a bung zawn ah( A bung sei deuh hmu thei kha chu kan Boss khan min duat thei rapsss..) chutan Pâ te ta in ruk tir(Ka pa zial kha Ms-a vang khan vawi 3 vel chu ka ru ve hman ” Kid number 2 ah ka kai phah nghe nghe). Chutah thir chhia leh Bawtawl ruak zawn ah kan kai a, mahni ngei in “Zial” kan lei ve ta Charminar ngat mawle…. Pu Laibâta a te inhnuai ah kan zuru thin a, râl veng tu ah min dah velll Mahse,vanneihthlak takin tunthleng mai hian ka zu ru ve miahlo, Kuhva leh sahdah pawh… (adang chu tiam lovin)
Report this comment
May 16th, 2011 at 11:07 am
Kei chu tun thleng hian meizial ka la zu ru. Ka pa hmuh lai hian ka zu ngamlo eng reng.
Report this comment
May 16th, 2011 at 11:09 am
@HV : Mei ka pak bial vel, ka khu laih laih mai a. Ka hnung lamah ka pa a rawn kal ta thut mai. Ka la hre lo vel. Mi rawn bia. Amah en chunga a thil mi zawh chhan ngai a ni si… ka tawng khu talh talh mai a … chutih rualin chhuatah zial bung ka paih thla vat, ka rap per vel, hnuk kual titih velin! A khu thenkhat lem ka tum … ka pual awrh awrh mai maw le! Pa hmaa pak khu palh, lem helh awl awl, khuh khek khek ka nih hi!
Report this comment
May 16th, 2011 at 11:17 am
Hmanni lawk khan THLARAU THIANGHLIM LEH KEI tih an hmu a, tunah KA PA LEH KEI tih a ni leh ta! KA FAPA LEH KEI tih a la ngai a nih hi!
Report this comment
May 16th, 2011 at 12:41 pm
Ka Pa mi va ti ngai e. Min parawl pui thrin a, Lunglei a kan awmlai te kha. Sunday tuk khat chu Rahsi vengah nula kan rim dun vel. A office a mi hruai chang te hian a hmel ka chhun si a, a thohpui ten i fapa em ni an tih chang hian, ‘ka chhang chiah lom’ a ti fiamthu mai zel.. Thriante anlo len changte hian a awm ve chuan thingpui te a lo lum diam zel.
Trumkhat cu bf ka lo en, ka off nghal a on leh si, mahse min hau lovin sex education mi sawipui vak, leh lam tak chuan ka zak hle
Ka Pa tluka rilru zau leh mi hrethiam tu Pa dang ka nei toh don si lo. Min damreipui lo mah mah alawm le..
Report this comment
May 16th, 2011 at 12:55 pm
a engamah hma in ka nuih azat nghal ringawt chu le….Tu emawni hmel ka mitthla ah lo langa,i sammet kawlh haw alo dawngsawng tur che chu he2….ziak zel teh ngainawm chho dawn tlat…..
zial hi ka zuk loh vang in ka la zukkhum lo a,,beer no chu kian dawmdun tawh dad nen…e zawlaidi poh ha2,,,,
Report this comment
May 16th, 2011 at 1:29 pm
Vawi khat chu, College chawlh hmanga ka haw in ka pa’n, “Mampui, Zu hi i in ve tawh lo maw??” min ti chiah chu, amah a inthiam lo leh deuh. Mahse a rin aiin a fapa hi ka lo inthunun thei reuh a
Zu ka la in lo a, zu in erawh ka kawmngeih thu ka hrilh, a nui ve mai 
(Zu in hi sual ka ti lo a, zu ka in lo ka tihna mai a ni..)
Ka nu’n min boralsan bakah, hmun danga ka awm vang hian, ka pa nen hi chuan biakhlatna (mobile phone) hian kan titi tui thei khawp mai… Nula bem huai dan te thleng in
mahse hei erawh zawm har ka ti 
Report this comment
May 16th, 2011 at 2:00 pm
Pa la nei ho hian in vanneihzia in hre mawlh teh u
Report this comment
May 16th, 2011 at 4:58 pm
“Tun tum chu ka pa nena kan chanchin tlem kan hrilh hlak ang che u” han in hrilh hlak chu a nuam vak lo, ka helh deuh hlek,..
Ka zu lai min hmu te a nih loh chuan ka zuk khum ngam lo hrim hrim. Beer chu kan indun tawh! 
Ka pa hian meizial ka zuk chu a hria, sim turin min ti fo thin, mahse a mah pawhin a zuk ve tho avangin a chang chuan, a hre lo der ni ten ka hre thin,.. Pawl sawm vel kan kal lai khan, a that loh thu leh zu tawh lo tura min hrilh zo chiah, in hnuaiah mu chungin ka zu a, a lo lut thut a, tihlum hman tawh silo, puan hnuai ah kan thukru ngawt ta a nih kha!, a lo hmu hman tawh sia, e ee e! ngahnge puan hnuaiah chuan i dah, a kang anga sin min ti mai chu(h)! a nuam vak duh lo,
Report this comment
May 17th, 2011 at 12:30 am
Kan upa telh telh a Pa te hlutna kan hre tial tial anih hi. Nu leh Pa te hmusit ching mi hmuingil an awm ngailo. Thufingte hi chhiar fo a tha khawp mai.
Report this comment