Hei hi Central YLA kawl en tirh, 1941 October ni 23-26 khan an ko va,Central zawmna Fee pe leh pe lote pawh kal theuh turahriattir leh sawm an ni. Conference thupui atana an thlan ‘Kan tihtur’ (Our Duty)tih chu hetiang thupuia vuahhian mi hrang hrangin an sawi : Mahni chunga kan tihtur;Chhungkaw tana kan tihtur; Kan ram tana kan tihtur;Hnam tana hmeichhiate tihtur; Pathian tana kan tih tur.
Hetia Aizawla Conference hmasa ber an koh tumhian thingtlang lam Branch atangin palai 120 lai an kal a.Thupui sawituten an sawi zawh hian urhsun takin an sawiho zui thin. Palaite’n thu pawimawh tak an rel thluk chu, “Intawhkhawm leh hmain member zawng zawngin la kaihthiam i tum vek ang u. Puan mawl pakhat daih kaih tumtheuh ila, ziaktu tinin intawhkhawm lehah la puang rawhse. Chumi hunah chuan Mizo tah ngei sin leh hak tum theuhila tha kan ti,” tih a ni.
Hei bakah hian ‘Entirsiakna’ (Exhibition) huaihawt an rel bawk. Heng hun lai hian‘Inzawmkhawm hote’ an ti mai thin a, Central YLA-a teltean insawina a ni a. Hemi tum hian pawl ruangam tilian turatan an lakna hmanrua ‘YLA thuchah’ an sem chhuak a. Hnam rilru atanga an phurna kal zel kha indona thli khan arawn chhem alh zual emaw tih tur a ni.
Reilote 1942 March thla vel khan Dan Bu thar siam chhuah a ni leh a, hei hi Central YLA an inthlunkhawm hnua Dan Bu hmasa ber a ni a. Central zawmna fee pe lo Branch chu he dan buhian YLA hming put a rem ti lo nghal nghe nghe a. An thil zir dangte: Hmasawnna beihpui an thlak kha a ni ber a, Mizo Khawtlang nun lah an tidanglam nasanangiang a. YLA sulhnu dang la awmte chu khaikhawmmai a remchang zawk hmel e.
Khawtlang hriselna lamah chuan a din kum 1935 September thla khan Zunram thiarthua chet fel inzirtirna lehkha, khawl chhut Copy 500 lai ansiam a,thingtlang khaw tin hotute an thawn a, chu chu vantlang kalkhawmnaa chhiar tura ruahman a ni. Hengthu hi Chanchinbu lamah sawi reng a ni bawk. Kum 1939 January ni 9 zan khan YLA inkhawma ‘Vantlang HriselnaThu’ sawi turin Sipai Doctor Capt. Tennant an ruai a. A hnu June 23 zanah chumi thu leh Sikserh chanchin sawiturin Pi Zaii leh Dr Hrangbuanga an ruat leh a, heng hi mitam tham takin ngaihthlak a ni thin.
Kum 1938 December-ah khan Durtlang YLA chuan Faina chungchang Essay inziahsiak an buatsaih a, Rev. Saiaithanga kha pakhatna a ni a. Khang lai khan thingtlang lamah pawh khawlai tihfaite, ei tur leh in tur tihthianghlim chungchang te, tuikhur enkawldan te, nausen enkawl dan leh mut hun chungchang inzirtirna te an tan a, hmunpui lama an sawi khan thingtlang pawh a thleng nghal zel a ni.
Hmasawn an tumna pakhat chu infiamna (Sport) lam hi a nive. YLA an din fel hlawt tihin 1935 Favang khan YLA-hochuan Hockey an khel a, ruai theh nan BawrhsapinRs 20/- a pe a, October ni 19-ah hlim takin ruai an theh a. Badminton te pawh an uar tan bawk. Kum 1939 February thla khan Helme Cup Hockey Tournament-ah YLA leh Assam Rifles Left Wing ten final an lut a, YLA chuan Cup an la ta nghe nghe. Sapho hian thlai thar leh thiam thilentirsiak hi an uar a, chutiang chu Zoram hmun tin atanga mite chah khawmin Sorkarin Aizawlah a lo buatsaih tawh thin. YLA pawhin 1937 May ni 12 khan Entirsiakna(Exhibition) ropui tak a buatsaih a, a hlawhtling hle. Hmuntin atanga lo kal te chu Lammualah hian an khat mup mup mai niin an sawi. Kum 1938 December ni 27 -ah DurtlangYLA ten hetiang hi an buatsaih ve leh a, anni pawhin anhlimpui em em. Mahse an uar zui ta lo a ni awm e. Economics leh intodelhna lam hawi pawh hian anlo infuih tam khawp mai.
Chutiang lama an thiltih ngaihnawm tak pakhat chu Mizo vaihlo zial thu hi a ni. Tun laia zuk leh hmuam do kan tih te hi chu hla tak a ni a. Miin mei azuk rau rau chuan Sap zial leh Vai zial man to leia intihtheihnan hmang lovin mahni hnam vaihlo ngei zuk ching rawhse, an ti a ni ber.
He thil hi indopui chhuah tirh phat 1939 Favang lai, October ni 6 zana Kulikawn YLA vaihlozial hnatlang atanga rawn intan a ni ber a. Mizo tlangval kei ka ni in ti, sipai leh zirlaite bakah Sorkar hnathawkte khan Mizo vaihlo sitin Cigarette zuk an intihhmuh a, hnam rethei tan insensona a lo tling a. Chu chu an duh loh bakah mahni hnam thil chawisan an duh a ni.
Mei zu tura infuihna lam a ni lo. Mizo vaihlo an sawimawina chu -(1) Kumkhuaa kan lo rin ber a ni a, hei aia sikret that zawkna kan hre lo.(2) Sikret zuk hi a senso thlak mai mai a ni.(3) Mizo Vaihlo hi a thar kan zu reng thei a, a hrisel zawk.(4) Kan ram thil chhuak a ni.
Kulikawn YLA chuan an vaihlo zial chu October ni 8-ah zuarin Dawrpui khawlaiah Poster mawitak an tar a, ‘Mizo Vaihlo Zial’ tih leh Micky Mouse zial zu, “A va tui em ve le! America-ah pawh hetianga vaihlo tui hi kan hmu lo,” tia a sawi lai lem hi an ziak tela, boruak a siam hle. Phur em emin Thakthing veng YLA-ho pawh October ni 26 zanah an hnatlang ve ta a. Mizo vaihlo hming chi hrang hrang Sangau, Zurpui, Kauzing leh Mineu hi Rubber Stamp siamin vaihlo zialah an nemkai a,sikret ang tak hian an cheibawl thei a ni. Heng hnu hi chuanphai lama lehkha zirte pawh vaihlo fun nena thawkchhuak turin an infuih a, mi tam takin an ti ngei bawk. Indo lai khan Mizo sipai rammute tan YLA chuan vaihlozial sing tam a thawnchhuak a ni.
Source: KYMA (cyma.org.in)
Similar Posts:
- Vaihlo Par
- Kan hnam peng hming kan sawi fo hi
- The Smoker’s Body
- Meizial hi kan sawi ve teng
- World No Tobacco Day Pualin
October 10th, 2011 at 9:24 am
first ava khat ve ngaihnawm thin teh e
Report this comment
October 10th, 2011 at 9:34 am
‘Mizo Vaihlo Zial’ tih leh Micky Mouse zial zu, “A va tui em ve le!
Looshai ho chuan Second World War laiin an lo zu khu tulh tulh mai ani maw? A ngaihnawm hle mai, Pu VH a post chu.
Report this comment
October 10th, 2011 at 10:26 am
Pu Vankhama khan ‘Mizo Vaihlo’ kha YMA tan hian a phuah nghe nghe kha maw le.
1.Thiante u nangni mei in zu ngai em?
In zukin engte nge in zuk le?
Ka sawi hi in awih duh chuan ka han hrilh ve ang che u;
Sen tlemna leh kan Zoram thil a ni
Thunawn
Mizo Vaihlo hi zuk ching la,
Tui ber mai aw Sangau, Zurpui leh Kauzing;
Sen atlem, a hrisel a, Zoram thil ani bawk a,
Tui berah chuan Lengi zial tir ang che.
2.Ru tawk leh rimtuiah Zurpui a tha,
A ru deuh duh tan Parsen a tha;
Sangau, Zurpui, Kauzing,theihtawpa i zuk pawhin,
Nitin pahnih manin a daih ang che.
I Source khi a link i dah dik lo lo maw? https://centralyma.org.in hi a dik zawk em?
Report this comment
October 10th, 2011 at 10:27 am
Kumin CYMA inthlan kum maw kha ?
Report this comment
October 10th, 2011 at 10:33 am
YMA motto hi 1. Hun awl hman that 2. Kristian nun dan tha ngaihsan 3. Zofate hmasawnna ngaih tuah (Tanpui ngaite tanpuikha a awm thin khan ka hria a)
Tunlai hi chuan kan motto pel hian kan kal fo thin niin a lang. Hruaitu aia Hotu nih duh an lo pung nen. Mahse he pawl hi sawi bawrhban chi ngawt a ni lo. Mizo thalaite huang khata min khungtu a ni tlat.
Report this comment
October 10th, 2011 at 10:39 am
a van mak ka cawikhat hriatna!
Report this comment
October 10th, 2011 at 10:42 am
Korekson! VAWIKHAT
Report this comment
October 10th, 2011 at 12:01 pm
Hruaitu nih chak ai chuan, “Kei ve hi zawng ka tling lo a ni..” tia inthlahrung taka min hruaitu hi kan la mamawh zawk ang.
Report this comment
October 10th, 2011 at 12:50 pm
CYMA hna hi sorkar hnathawk lo tan chuan thawh chi pawi ani lo. Mimal sumdawnna emaw nei tan chuan committee leh function tam tawk kal chu a hmanawm loh khawp ang. Sorkar hnathawk annih chuan office ah an beisei lo tawp an ti.
Report this comment
October 10th, 2011 at 1:24 pm
#9 Sony,
Report this comment
October 10th, 2011 at 3:06 pm
lushai_er #3 ka source KYMA chanchinbua a inziak dan ang ang anih khi. Zep lovah chuan cmya website hi ka luh awm pawh kala hrelo.
Report this comment