Guwahati ka zin laiin vawikhat chu ka exam zo “Nei lemlo mah ila engemaw tal ka’n naute kha kan hawn ve teh ang” tiin khawlai ah chuan ka vak chhuak a. Ke a thui tak kal ka ni bawk a in hriat fo tawh ang bawk mirethei kut dawh tam tak ka hmu a, an tawp in an bal khir ngiang mai, nu pakhat phei chuan ek rimchhe tak bulah thu in chhang (biscuit) bal zet mai hi a tho bawm chung chuan a ei nuap nuap a, chu chu ek bulah chuan a ti tlaa tifai leh lem hleilo chuan a ei leh maia ka lo uak deuh dawn dawn a.
A fa te ni awm tak chuan a kiangah nu ber ei lai chu an en dauh dauh a. Kei min han hmuh veleh chuan lokal ru ka tih pawh an ngailo, mi hlauhawm ka nih leh nih loh pawh an dawn lova ka hauh dawn leh dawnloh pawh ngaihtuah buai hman an nilo. Ka kut ah an mamawh engemaw tal a awm an rinna chuan tu nge ka nih lam ngaihtuah buai hauhlo in a rang a rang chuan an kut hmalama pharh in an rawn tlan phei a, pawisa ka ngah loh avangin tlanchhiatsan mai ka rilruk a, mahse a tih hleihtheihloh, min ngen dan kha ka naupan laia ka nu thil ka ngen ang maiin min ngen a.
Ka pawisa thir neih ang ang chu ka pe a, duhtawk aliam an neilo an la dawh zel a ka thin a ur lek lek a, mahse heti zawng hian ka rilru ah thu a lo lut taa “Kei mamawh tam tak nei a chhungte thawhchhuah tlemte ring a helai hmun pan hi, ka neih tawhloh chin ka laka phut ngawih ngawih tu hi tu siam nge mawni le!” ka ti a, a chhannaa min ti luhai em em tu chu ‘Engkim neitua‘ tih hi a ni.
Mumbai ka thleng thla leh a, India rama kan chhuan em em leh hmun mawi tak tak te chu ka hmu a. Mahse hetah pawh an bang chuang lo, “Bawlhlawh kara seiliana kutdawh nimai tur hian tu duhthlanna piang nge maw an nih le? Hria sela chu a piantirtu hi an dem mai lawngmaw?” ti a ka ngaihtuah chang a awm a. Mihring pahnih khat mai tanpui leh enkawl sen annilova, mihring khawngaihna in retheihna ata a ko chhuak seng hek lo, theih nise Kolkata khawpui ah khuan rethei pakhatmah awm tawh lo in Mother Teresa khawngaihna khan a siam ngei ang.
Hei hian thil tam tak min ngaihtuah tir a, “mihring hi Pathian hmangaihna ah chuan angkhat vek emni kan nih? Kei hi anni aia mi vannei nge ka nih a Lalpa min din chhan atanga en in mi vanduai ber zawk? Mihring sualna hian eng ang chena pawi nge alo khawih ang?” tih te thlengin ka ngaihtuaha. Heng hmangaihna te thlengphak nun nei tu leh an tana hlan tu hi eng sakhua ah hian nge a awm? Kristian ka ni a, hei hi ka huat em em ka pian hma atanga lo awm tawh chu a ni “Pawl hrang hrang neia, kan in huatna leh in chirhthehna tawngkam hi.” Ringtu leh ringtu pawh kan inhmangaih zolo anih chuan engtin nge ringlo mi chu kan hmangaih theih tehlul ang le?
Khawvel Kohhran pawl ang ah chuan Presbyterian mi ka ni a, Baptisma changin kan Kohhran thurin pawh ka zir tawh a, kohhran dan zawhkimah chhiar niin ka awm zel na tur pawh a ni. Pathian thu sawi tam tak ka ngaithlaa, kan Kohhran mi leh sa sawi a ni emaw ni lo emaw ngaithlak hreh ka nei ngai lo. Catholic inkhawm ka chhim ve a thenkhat chuan ‘i inpe ange aw‘ tiin an sawia, min hmangaih vang nge a pawl an huat vang pawh ka hre lo.
Sevenday Adventist Pastor Sermon ka ngaithla leh a, “Nang hi Sevenday ah i inlet ange aw? Thuthlunghlui serh leh sang rinna anneia, kei chu ka duh miahlo” min ti leh a, TMEF Evangelist Sermon ka ngaithla leh a “E! ngaithla tawh suh a him lo, zirtirna diklo a ni” tiin min hlauhthawn pui leh bawk a. An mi hlauhthawn puina zawng zawng hi ka ngaihthlak chhan leh ka beiseina pawh a ni lo, “Isua ringtu dik tak chuan enge maw ngaihthlak ngamloha hlauh ala neih cheu ang le, nangmah kha in enfiah rawh” tih hi ka thinlungin a zawh let na a ni.
Khawvel awm chhungin keini Pathian pakhat chauh nei tute hi kan infinkhawm dawn lo reng reng tih hi ka ring tlat. Kohhran pakhatin Kohhran dang chu rinna dik lo leh vanram chang lo tur thawthang in kan in chhuah vek, heng hi kan rin Lal Isua atanga chhuak a ni thei lo, kan mihring siamchawp doctrine atanga in bei vek kan ni.
Hetiang inbeihna tawngkam a awm chuan mên ah ka thlak ngai lo, Pathian thu sawi erawh eng pawl/Kohhran mi pawh in sawi rawh se ngaithlak hreh pakhatmah ka nei lo, pawl hamthatna lam an sawi chuan chu lai sentence chu ka bengkhawn lo mai. A pawng ataka a pawl anga inhmera an thu zawng zawng diklo vek anga in chhuahsakna hi Isua thlir dan a ni ve thei angem aw ka ti. Tin, mi thu ngaithla ve miahloa haw tu an tam avang maia lo huat ve ringawt hi rinna ah chuan mi chak tak annih ka ringlo, mahni hriatchianloh chu huat ve kher tur a ni lo.
Inhuatna ngawr ngawr hi kan in zirtirin kan in tuh nasa ta mah mah em aw ka ti thin, kei aia an thu ngaithla tlem leh an diklohna sawi tur hre tlem zawk in pawngpaw huat ve ringawt a “Ngaithla tawh suh” ti a min zilh ve ngawt thin hi ka leh huat angreng zawk thin. Kristian leh Kristian inti te kara ka thil hmuh tam leh thalo ka tih em em chu a ni.
Zirtirna dik lo lakah chuan fimkhur tur a tih kan ni, fimkhurna chhan ber pawh hre ngawtloa a zawng zawnga in hmer ngawt hian tumah a siamtha lovang. Tirhkoh Paula pawhin a hnampui Juda te hnenah a theih tawpin rawng a bawl zeta, tihngaihna a hriat ngangloh hnuah Jentail te hnenah a kalsan chauh a nih laiin a tihngaihna hriatloh chhan sawi tur pawh neih a hma hmaa inhuat kan in zirtir ngawt hi a fel lo a ni.
Sanhedrin committee khan an rorelna’n thurin an neia, chu chu rin dan in anglo nei Pharisai leh Sadukai inhmukhawm lungrual taka an awm theihna a ni. Isua an man tum a Pharisai leh Sadukai lungrualna pawh kha Pathian thu ah nilovin an dan ah a ni, chutiang bawkin Paula chunga an in lungrualna pawh. Anmahni dan leh thurin an hmachhuan tlat avangin Isua kha an hre theilo reng reng a ni. Pharisai te chuan Pathian thu nasa takin an zirin an bel em em a, mahse Pathian fapa ngei kha an haw tlat, hei hi thil awm thei tak a ni.
Isua nun chhungril an zirloa a chet tlatna te, a awmna te leh a thian kawm te atangin a chanchin an zir a chu chu an Kohhran dan in a kalh tak avangin ramhuai fapa ah an chhuah ringawt. Isua nun chhungril kha zuk zir sela misual anih leh nihloh chu an hre mai tur, pawngpaw huat ringawt, mi tih avanga ngei ve ringawt kha an tam lutuk, Pilata hmaah engmah an huatna chhan mumal tak sawi tur an hriat leh si loh kha.
Vawiin ni ah a thar in Isua kha misual te lam turin lokal leh sela mahni Kohhran chauh Pathian chenna anga ngaia, Kohhran dang inzirtirna zawng zawng hnawl tu hi chuan a hmu sual leh tho ang ka ring. Ram siamthatna lam vei aia party buaipui ang vel hi a ni. Thenkhat chuan Kohhran danga inkhawma an thusawi ngaithlak chu an Kohhran rinnaa min hruai luh takin tiin an hlaua an ngaithla duhlo thin, Hlauhna hrim hrim hi khawi atanga lokal nge tih kan en chuan Pathian atanga chhuak a lo ni reng reng lo tih Bible in chiang takin min hrilh, “Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si a.” (II Timoth 1:7)
A chunga rethei tak tak tanpui ngai ngawih ngawih te chungchang ka rawn ziahlanna chhan ber chu, khitiang mi te tluka Isua mamawh tu hi an awm bik chuang lovang, Isua mamawh hi Kristian kan nihna chhan a ni a, a mamawhtu ber te zing atang kan mamawh ber ka rawn tarlan duhna a ni. “Mi hriselte chuan daktawr an ngi lo va, mi bawrhsawmte zawkin an ngai a ni,” Kohhran min daidang tu pawl chanchin hi hriat an mamawh ber lo a, Lal Isua mamawhna tak takah chuan pawl hi a awm lo a ni.
Engpawl pawh zawm rawhse, an retheihna ata chhanchhuaktu an hmuhna anih phawt chuan an hriatloh ai chuan a tha hle zawk si a. Chutiang bawkin miin Isua a mamawhna tak tak atanga kan thlir saka hre ve se kan duh chuan kan pawl tihdan kher kher hian hmun alo chang hmasa reng reng lo, kan Kohhran a zawm dawnloh chuan Kristian suh se tih chu tumahin kan duh lovang.
I Kohhran tan rinawm takin thawk la, Kohhrana i awm chhan leh i rawngbawlsak ber chu Isua a ni tih hre reng ang che.
Kohhran inpumkhat tir tum hi chunglam atang lo chuan engmahin a thlen dawn lo, amaherawh chu Kohhran a danglam avanga inkawm serhna te, in huatna tawngkam in zirtir hi chu keimahni lam siam that theih a ni. Kohhran te zawk annih avanga kawm nel that duhloh leh inhmusitna tawngkam leng fo hi kan in zirtir tha lo tak niin ka hria, ringlo mi tan thil hmuh nuam tak a ni.
BNS: Presbyterian ruh deuh chuan TMEF/UPC an ti thei thak lo anga, UPC ruh tak lahin Presbyterian leh trinity ring zawng zawng chu vanram kailo tur ang hialin a dah leh vek anga, Sevenday ruh lahin Pathian Dan ngei Sabbath serh loh avangin chhandam nilo tur ah a ngai hlawm bawk ang a, Baptist ruh lahin Baptisma chan dan diklo zawng chu chhandam annilovang an ti bawk anga, TMEF ruh lahin ‘in inti hah peih mai mai nangmahni tih ve lam a nilo Pathian lam a ni zawk’ a ti leh cheu ang a, Catholic ruh ho lahin Kristian tak pawh nilo Protestan alawm innih a ti ve leh bawk che u anga. 
Similar Posts:
- ZU HI SUAL A NI LO, A IN A TE PAWH AN SUAL HEK LO
- Gospel hmaikawr vuah ho hi..
- Kristian sakhua leh Mizo hnam sakhua danglamna
- Krista leh Mizo Literature
- Kamal Saleem
May 19th, 2011 at 9:06 pm
1sua ringtute hi Kristiante chu an ni mai alom, denomination lamah i buai deuh a van nag veee..
Report this comment
May 19th, 2011 at 9:12 pm
A tha thin khawp mai.
Report this comment
May 19th, 2011 at 9:15 pm
I ziak tha hle mai…
Kohhran rawngbawl lo va Pathian rawngbawltu Christian hi Zoram hian a mamawh.
Report this comment
May 19th, 2011 at 9:20 pm
ka mutchhuak lutuk, chhiar chhuah vek ka chak hle mai, melh vawng vawng chungin naktuka chhiarah dah mai ang aw
post tha tak a ni tih ka hria e
Report this comment
May 19th, 2011 at 9:21 pm
hah…ka rin ka chiang a…ka rinnaah ka chiang…
Report this comment
May 19th, 2011 at 9:36 pm
“Chutiang bawkin miin Isua a mamawhna tak tak atanga kan thlir saka hre ve se kan duh chuan kan pawl tihdan kher kher hian hmun alo chang hmasa reng reng lo.”
Good post. A va tha kher em.
Report this comment
May 19th, 2011 at 10:13 pm
Ava tha ve. Bible Society ah tal hi chuan thawhho theih a tha khawp mai.
Report this comment
May 19th, 2011 at 10:27 pm
Presbyterian leh Baptist ho hi thurin pakhat, dan leh dun pawh thuhmun vek. Kohhran hming danglam mai chauh turah ka lo ngai thina, amaherawhchu, Baptist ho chanchinbu Kohhran Beng, January 2011 issue ka’n chhiar chiah mai chuh. Presbyterian nen an hming a hrang satliah lo hle tih ka hriat phah. Party politics ang thawthangin alawm Baptist ho chuan Presbyterian an lo beih le.
In awih loh chuan chhiar ve mai r’u…
Post tha tak a ni e. Tum loh lam daiha ka’n comment chule…
Report this comment
May 19th, 2011 at 10:33 pm
an bei a ni maw?
Report this comment
May 19th, 2011 at 10:35 pm
chhana nia,a chhungrila chhui chian chuan kan rin dan leh pawm dan hi danglam taka sin
tuemaw fin zawk avgnin kan heti mai mai alawm,.
Report this comment
May 19th, 2011 at 10:36 pm
Tuber hi nge kristian ?
Ans ( kan naupanlaia kan tih dan ) : Kei ang te hi
@ Chhana, commentna-ah hian han tarlang teh, Baptist ho thuziak chu ! Baptist hovin chutiangin an tih k avan ring lo
Report this comment
May 19th, 2011 at 10:37 pm
Ziak tha bawk a… hei hi lo ngaithla rawh…
https://www.youtube.com/watch?v.....&NR=1
Report this comment
May 19th, 2011 at 10:43 pm
Hnam Sakhua ah in pe vek mai ang u!
Report this comment
May 19th, 2011 at 10:44 pm
Kan Missionary te pawh hi Mission field ah hian an in bei leh zauh zauh thin tih thawm te ka hriaa. Hmana ka thiannu missionary in a sawi chu Catholic Kohhran hruai tuten an rawngbawl an khap sak thu a ni daih mai
Report this comment
May 19th, 2011 at 10:48 pm
foot ball hmasawn nan chuan team tam tepawh a ngai ve bawk ania. . . . Chutiang in Kristianna ah pawh.
Report this comment
May 19th, 2011 at 10:49 pm
ziak tha khp my.beram inruksak vel te hi thom ngaihthlk ninom tak a ni.missionary te poh hian field a an hnathoh ah an chak tok loh phah fo an t tlt…
Report this comment
May 19th, 2011 at 10:55 pm
kalo ngaihtuah mai mai thina..ramthim vei,Lalpa ram zauh te kan tia..Kohhran hrang hrang kan awma,hmundanga Missionary kan intirh hian eng kohhran pawh nirawh se..kha hmuna kohhran pakhatin missionary hna an thawh tawh chuan tinge kohhran dang hian an zuk kalve zel le..kan kohhran ho a tha ber bik ani siloa..in huatna a thleng theia..member in lak vak2 tumna ni berin ka hria…
Kohhran dang hrim2 hmusittu leh sawisel rengtu te hi chu Pathian pawh hian a hre reng lo ang tih ka ring ve tlat..mahni rinna a chian,mahni leh mahni bak kan in chhandam dawn chuanglo…
Kohhran dang, Denomination dang hi eng vanga piang nge tih hi lo ngaihtuah teh u..mihring chi hrang hrang thlir dan in ang lo lutuk vek nia…kan kohhran lawina theuhah chuan kan in tan hlur vek ang ka ring..mahse a dik ber bik awm theiloa….keimahni hi kan pawimawh ber mai..Ringlo te hnena Chanchin Tha hril kha a pawimawh em em bawk.. adang pawh tam..Sawitur atam emai..
Report this comment
May 19th, 2011 at 10:55 pm
Asteric hi a kawmen a puitlingin ngaihnawm ka ti thin khawps! He a paws pawh hi naktuk zingah uluk takin ka chhiar ang.
Report this comment
May 19th, 2011 at 11:15 pm
How many Christians does it take to change a light bulb ?
Charismatics: Only one. Hands already in the air.
Pentecostals: Ten. One to change the bulb, and nine to pray against the spirit of darkness.
Presbyterians: None. Lights will go on and off at predestined times.
Roman Catholic: None. Candles only.
Baptists: At least 15. One to change the light bulb, and three committees to approve the change and decide who brings the potato salad.
Episcopalians: Three. One to call the electrician, one to mix the drinks and one to talk about how much better the old one was.
Mormons: Five. One man to change the bulb, and four wives to tell him how to do it.
Unitarians: We choose not to make a statement either in favor of or against the need for a light bulb. However, if in your own journey you have found that light bulbs work for you, that is fine. You are invited to write a poem or compose a modern dance about your light bulb for the next Sunday service, in which we will explore a number of light bulb traditions, including incandescent, fluorescent, three-way, long-life and tinted, all of which are equally valid paths to luminescence.
Methodists: Undetermined. Whether your light is bright, dull, or completely out, you are loved. You can be a light bulb, turnip bulb, or tulip bulb. Church wide lighting service is planned for Sunday. Bring bulb of your choice and a covered dish.
Nazarene: Six. One woman to replace the bulb while five men review church lighting policy.
Lutherans: None. Lutherans don’t believe in change.
Amish: < What’s a light bulb?
Report this comment
May 19th, 2011 at 11:18 pm
thudang daih, kristian [p-iangthar dik tak chuan pawl issue thutak khukpui tlakah a ngaih ka ring lo. lala Isuaah pawl a awm lo
Report this comment
May 19th, 2011 at 11:42 pm
#20
Report this comment
May 19th, 2011 at 11:51 pm
#20 doctrine pakhat ami tho a ni hairehai
Report this comment
May 20th, 2011 at 12:00 am
#22
Report this comment
May 20th, 2011 at 12:29 am
A tha khawp mai.
Presbyterian kohhran hian kohhran pawl dangte hi kristianlo, vanram kallo tur angin rilru a pu ngai lova, a zirtir ngailo bawk. Hei hi ramthar/ramthimah leh mizoram chhungah pawh a ni.
Kohhran thenkhat chuan mizoram chhunah leh ramthar/ramthim ah pawh, an tihdan phung ang e.g. Baptisma chan dan anga tilo chu kristian tak nilo leh vanram pawh thleng velo tur ang hiala zirtir an awm.
Pawlah chhandamna a awm lova, Lal Isua-ah a ni a awm ni. Lal Isua hi lal leh chhandamtu-a pawm a, ring a a thu zawmtute hi kristian dik tak zawk chu an ni.
Report this comment
May 20th, 2011 at 12:33 am
Uluk taka ngaihtuah zui chungin ka han chhiar a; sawi belh tur ka nei lèm lo. A post tu hian a phuhchhuak fai hneh khawp mai a. A mi nâwlpuite chhiar theih turin tàrchhuah mawlh mawlh a pawi miah lovin ka ring.
Report this comment
May 20th, 2011 at 4:01 am
Asteric____ FB _ ah min rawn add ve la maw le, i sual ru riau mai…. lolzzzzzz. Mi kawm serh phah kher lo la…hahaha …lolz
Report this comment
May 20th, 2011 at 5:13 am
Post tha kati hle mai. Kristian hmasa te pawh khan, kei Paula pawl kani, kei Apolova pawl kani tiin an inti hrang in an inhnial ve rap rap thin a, Serhtan leh tanloh thu ah te thu inchuh in hmaisen in an intawng ve tho. A hnim ani emaw, a thlawr ani emaw, sabath kan serh emaw serh lo emaw, trinity e ty love…TMEF hovin ‘VARPAWH’ lo viauin min hre mahse,’Pathian thuawih’ te zawng hi chu vanah THISEN THISEN ti a kan zaiho tho tho ka ring tlat
Report this comment
May 20th, 2011 at 5:20 am
@ Pu April____ Vanram hi chhut chiang phawt rawh,….
Report this comment
May 20th, 2011 at 5:23 am
D_auva leh ngawt ngawt thin hi chu aw !!!
Report this comment
May 20th, 2011 at 5:27 am
Pawl a tamin doctrine a tam,vanram hi kan tum a ni vek bawk si,option a tam ti dawn ila pianthar chauh hi a fuh ber tur chu a ni si,tifuh zet zet pawh an awm ang,tihfuh loh chuan game anga a thar khelh leh chi a ni dawn si lo.Famkim kan awm lo he lei kohhran te,kan innghahna chu Isua a nih chuan a him tawk.Atheist te,theist te etc rindan inkalh leh inang lo a va tam em!Kan sense organ leh mind hmangin a dik ber kan zawng a,rinna bakin hma kan sawn si lo, tihfuh loh ka hlau ber,a nuam dawn lo e mai.Kristian tak tak nih hi a fuh ber ka RING.
Report this comment
May 20th, 2011 at 5:34 am
@seki: wise crack!
Report this comment
May 20th, 2011 at 5:55 am
Churchianity everywhere. ‘FEAR NOT LITTLE FOLKS,’ rather (said) SAD Jesus.
Report this comment
May 20th, 2011 at 6:31 am
Kohhran kan hmuh dan pawh hi a thlirtu thlirna a zir mai a ni. Missionary field a an thawhho dan te, mizo kohhran atanga intan a PCI leh BCM alo inthen dan te, chung kohhran ho atanga kohhran thar rawn piang chhuak te, leh mizoramah kohhran pangngai tak a awmtawh hnu khawpkham lo tak a kohhran thar kan chawk luh zel dan te, burma lam atanga rawn tla thla te…. heng zawng zawng hi a thlirtu thlir dan a zirin a danglam mai mai a ni. Mahni lawina nilo Kohhran dang hi uluk tak in en la, enge i hmuh?
-> that’s your reflection.
Report this comment
May 20th, 2011 at 7:58 am
foot ball hmasawn nan chuan Team tam tak an awm a ngai reng a nia, chutiang zel in Kristianah pawh.
Report this comment
May 20th, 2011 at 9:08 am
#26@ D_auaChwngthu_ I fb nick pawh ka hriat si loh
Report this comment
May 20th, 2011 at 10:40 am
I ziak tha, a thui bawk
. Kut dawh i sawi takah chuan Delhi a ka awm laiin kutdawh naupang pakhatin auto rickshaw-a kan chuan laiin engmah kan pek loh avangin ka malpui ah min chum vak a, a tlan chhe nal nal maw le.. 
. Dik tak chuan vairamah te khu chuan pek sen an ni lo. An tam e mai
Report this comment
May 20th, 2011 at 12:16 pm
kutdawh naupang pakhat in kan thianpa a thil ken (frame) tlang in a rawn nawr pilh a bazar lun lai ah ben tumin a um vak tawh….hehe..
Mahni hi chiang phawt ila a tha ber e.
Report this comment
May 20th, 2011 at 2:23 pm
#28 eh!! anih Pu D_au….Vanram chu engtia chhut chian tur nge i tih?? Vanram chu Pathian thuawih te kalna tur, Pathian thu awihlo te kalna tur chu Hremhmun Meidil…
kha kha kan Sande Sikul zirtirtu te min zirtir dan ania….. 
Report this comment
May 20th, 2011 at 6:21 pm
@ April___ alo ni maw. ka han zawt fiam mai mai che nia.
@Asteric_____ “D Aua Chwgthu” tiin rawn zawng mai rawh….hehehheh . mahse i in sawi ngei a ngai ang.
Kan inhnial ang….. hehhehe 
Report this comment
May 20th, 2011 at 11:56 pm
Khawvel khawi ramah mah Baptist leh Presbyterian hi an thawkho in an inkhawm ho ngai lo in an sawi,doctrine hran daih nei ve ve an ni.Mizoramah kan Zosapte in hriat thiamna in London Baptist missionary leh Welsh missionary te kha an lo thawk ho thei mai zawk a ni.Doctrine in anglo chung a Mizo nihna avanga an lo thawkho thei reng kha a tha ngawt a sin mawle.Thawhho tak loh avanga in beih vak kher erawh a thalo hle.Zoram a kohhran lian ber hian an aia te zawkte hi beih let thamah ngailo in thiam takin dawm se a Kristian hle zawk awm e.Tin,SEVEN Day nilo in SEVENTH Day tih zawk tur a nih hmel,te ka han ti ve mai mai a nih hi.
Report this comment
May 21st, 2011 at 1:22 am
Asteric, i ziak tha thlawt alawm! keipawh, kohhran pawl hrang hrang hian min ti buai lo khawp mai! Engkim hi Pathian nen kan inkar ani mai! Pawl hian ka Lalpa nena kan inkar engtinmah a tibuai ve lo!
Report this comment