Thuhma
He he. Bung hnihnaah khan phuailuai deuh pakhat a lo awm bâkah chiangnial lo deuh deuh a awm nual bawk. Chu phuailuaia chu, comment #4-a Bawngtlaia ( 
) sawi kha a ni. Heti tùr hi:
“Lawng keh chhiat vànga tuifinriat lailia thing ilo chunga lang kual lang kual ai te pawh chuan ka awmna chu a fal fé zâwk tihna a nih chu”.
A dang leh chu comment #23-naa TuaiSialA sawi nui sen sen tih vêl bawr kha a ni. “Nasa takin a nui sen sen a” tih aiah hian ‘nasa takin’ tih hi paihin ‘Ka thianpa të chu a nui var var a’ tiin thlâk ila a fuh zâwk awm e. A lawmawm takzet e TuaiSial!
Thulai!
Hei hi chu a tihkimna atan ka dah mai mai a ni e.
Bung 3-na
A lo kalna chin ka hre har angreng viau va. Lal fapa naupang të, zawhna min zâwt ṭeuhtu hian ka zawhna a ngaithla vè ngai pawhin a lang lo. A kahpaha a thu sawi chhuah te chuan a ni, zawi zawia min tivar uar uar zâwk ni. Chutichuan, ka thlawhna a hmuh hmasak ber ṭum pawhin (ka thlawhna lem chu ka ziak lo mai ang; ka tan chuan lem ziah har tak a ni) tihian min zâwt a:
«Hë thil të reuh hi engngê a?»
«Thil a ni lo. A thlawk thei. Thlawhna a nih kha. Ka thlawhna »
Ka thlawk ṭhin tih han hrilh vêl chu ka inchhuang hlë a ni. Chutah
«Ehe! Vàn atang i rawn tla tihna em ni? »
tiin a au chhuak ṭhat a.
«Aw», ka ti a.
«He! A va nuihzatthlâk vè . . . »
A nui hak hak chuan min ti thinrim angreng. Ka vanduaina min tùarpui vè sé tih mah nâklaia. Chutah,
« Chu nang pawh vàn atang i lo kal vè tihna elo? Khawi khawvêl atangin nge i lo kal a? »
a la rawn ti zui a.
A vêl mak takah chuan eng ka hmu chawp chilh nghâl a,
«Khawvêl dang atang i lo kal a ni maw chu?»
ka ti ta rawih a.
Min chhang lo. Ka thlawhna en chung chuan a lu a thing nä nä a:
«Hla tak atanga lo kal chu i ni thei lo phawt mai, saw mi chhungah saw chuan . . .»
Rei fé hi thil a ngaihtuah vang vang a. Chutah a ip atang chuan ka beram chu phawrh chhuakin a ro chu a bih ta ngar ngar mai a.
Inring ngam chiah lo chunga hë « khawvêl dang » a sawiina ka ha a hawlh dan tùr chu in zëldin thiam mai awm e. Hriat chian lehzual ngei tumin ka insangmar tâ a;
«Mambawihtê, khawi atangin nge i lo kal a? Khawiah ngê i «awmna» chu? Khawi lamahnge ka beram kha kalpui i tum? »
A ngawih ran ran hnuah
«I bawm min pêk ṭha ka tih deuhna chuh, zanah riah nan a hmang thei nghal dawn a»
«Tehrëng mai. I fel viau phei chuan chhuna i thlunna tùr hrui ka pe bawk ang che, a thlunna tùr ban nèn»
Ka thil pêk tiam chuan lal fapa naupang të chu a barakhaih hmèl hlë a.
«Thlun nan a ni? A va nuihzatthlâk ve leh!»
«I thlun loh te chuan a duh duhnaah a kal ang a, a bo daih dawn asin! »
A nui baw leh hak hak a.
«Khawiah nge kal se i tih!»
«A duh duhnaah maw le! A hma zâwn char charah! »
Chutah lal fapa naupang të chuan khùn khàn deuh mai hian
«A pawi lo rëng rëng, a të lutuk, ka awmna chu! »
a ti a. Chutah, ngui deuh riaiin a ni mahna,
«Mahni hma zâwn char chara kalin a kal hlat tak tak theih loh»
a ti chhunzawm a.
Thutàwp
Hnam sakhaw post pakhat-a TuaiSialA’n ‘a hma chuan short story lam ka post thin a tünah chuan … ‘ tih vêl a sawi leh, Krista’n chutiang lam deuh bawk a sawi khân min titim angreng a. A dik khawp mai. Mi chhiar atan kan post a, an chhiar peih si loh chuan engngê a sâwtna? Tihtàwp mai a tha zâwk. Kei pawh hian in chhiar tha peih lo nia ka hriat chuan heta rawn post chu ka bànsan mai ang. (A lehlin erawh ka letling zo dawn chiang a! Misual hi ka lehlin chhan ni pakhat mah sé a ni pumhlüm lo)
In chhiar peih loh chu thuhran ni tâ sé, Hnam sakhua anga min nin hi ka hlau deuh bawk 
. Bâkah miin fiamthu leh thu ho dang leh thu zängkhai dang an duh laia, mi puithu ber ni awm fahrana rawn inhmuamûp tùm hmuk reng hi a tih chi fahran loh.
Thawnthu tawi chu TuaiSial rawn post chhunzawm teh a? vakul pawh Misual Log Home-a a ngawih bopui daih mai. Thil chhui tùr dang awm leh sé a tha ngawt mai! Ozima’n tual that sé a tha awm e, chemtatrawta
Thu tàwp tak tak. Hmanni ka post hnuhnung berah khan Esopa thawnthu ‘lehlin hlui’ rawn post tùrin ka ngèn che u a. Kha kha lehlin hlui ka duh hrim hrim vang a ni lo. Lehlin thar a awm tih ka hriat loh vang liau liau a ni e 
. Rawn post peih in awm lo a la nih hmel.
Tlipna
He thawnthu hi a tawi angreng nain a pên muang angreng! Ka sawi nawn leh ang: a ziaktu kha Antoine de Saint-Exupery a ni e. Tin, Esopa thawnthua ka thumal hman in hriat loh kha: ”tawngnawng’=’tawngpawng’. In hre tawh em? A nalh zân lo. Hui ha.
Similar Posts:
- Le Petit Prince
- The Case for Mizo Wikipedia
- Mizo thawnthu leh novel internet hmanga chhiar theih tura dah
- Misual.com a thil mak ka tih chu
- Esopa thawnthüte kha . . .
May 22nd, 2011 at 10:32 pm
Chhiar phawt ang
Report this comment
May 22nd, 2011 at 10:45 pm
dangdai reuh hle mai a
Report this comment
May 22nd, 2011 at 10:55 pm
A chhiar a hahdamin a ngaihnawm khawp mai. Chuan, short story hi a chhiar peih kan awm a, a chhiar peih lo an awm bawk. Midangte chhiar peih loh hlauh vanga i post loh mai mai te chuan, thungaihnawm tam tak kan chân dawn asin le.
Report this comment
May 22nd, 2011 at 11:03 pm
Ka hrethiam teh nek lo e. Post tha tak ah ngai hmiah ila hahdam mai.
Report this comment
May 22nd, 2011 at 11:08 pm
ngaihdan fum fe ka neilo ve
Report this comment
May 22nd, 2011 at 11:13 pm
Taimakna zawn theuh kan nei hi chu mihringte min tifamkimtu a lo ni.
Report this comment
May 22nd, 2011 at 11:16 pm
I post dan teh nuaih chu a, a mak ve, thu hma, thu lai, thu tawp ti nuaih lo khian, a chhunzawmna ti la, a story ah lut nghal la, chhiar a nawm bakah a dik thlap zawk ngei ang. Thawnthu ngaihnawm tak a ni ngei ang. mahse tlem te te, a eng emaw changa rawn post zeuh zeuh chauh a nih chuan, a ‘thu’ ah min hruai peng zo tlat lo, a feeling a awm thei lo. I letling zo a nih chuan ka leisak ngei ang che.
Report this comment
May 22nd, 2011 at 11:19 pm
I rawn chhunzawm har lutuk a, a hmasa zawk thawnthu kha ka lo theihnghilh hman tep a ni. Ka lo beisei reng zawk. Kei chuan thawnthu tawi ka ngaina reng a, ka chhiar peih reng bawk. Ningtu i nei hran lo ve. Le Petit Prince pawh a tawp thlengin i rawn dah law law ang chu le.
A hmasa thawnthu aiin he thawnthu hi a tawi zawk. A ngaihnawm loh zawk bawk. I letling uluk tih erawh a hriat. A thawnthu tak aiin a chhehvel (tuihnihna adt) a tam zawk a. Kei chuan a thawnthu ai mahin ngaihnawm ka ti zawk! A thawnthu hmasa lam chhiar miah lo tan phei chuan he post hi awmze nei lo leh ngaihnawmna pakhatmah nei lo ang a ni. Ka comment hian a tihhnual loh che ka beisei. A chhunzawmna han beisei leh phawt ila..
Report this comment
May 22nd, 2011 at 11:23 pm
A tir tea i lehlin atangin ka chhiar chhuak nawn leh thlap a, tunah mai khan. Chhutsual/hmaih leh thu ulh deuh lai chu tute thuziak/lehlinah pawh hian a awm deuh vek mai a, uluk zawkin chûl mam ta la; chûngho anga sawiselna a awm loh nan i ti thei tih ka rawn hria a nia.
Report this comment
May 22nd, 2011 at 11:36 pm
I Comment a laktlakloh thin ang bawkin i Post ho pawh hian eng an ang teh chiam theilo a nih hi.
Report this comment
May 22nd, 2011 at 11:42 pm
@10,juda Iskutrawta, ka support em em che.
Report this comment
May 22nd, 2011 at 11:43 pm
Khaih khaih khaih!!! @ZoIITian, i tawngkam ang tia tia in an vawm let che a i dawl zo meuh dawn na nge?
Midang i dim em em lem loh avangin an lo dim vak bik lo che pawh a niang, kan ningin kan chhiar love tihna a ni reng reng lo, han chhunzawm zel teh, hnamsakhua post sawisel peih deuh deuhho pawh hi chhiar chhuak peih peih kan niang chu maw le!! Aryan nen hian chuk rawn in hlawh viau a, in awmloh chang erawh chuan khawhar thlak ve viau lawi si a nia. 
Report this comment
May 22nd, 2011 at 11:59 pm
Ka va hrethiam teh nuaih lo ve..
Report this comment
May 23rd, 2011 at 12:10 am
thaenthu mak dangdai tak a ni
Report this comment
May 23rd, 2011 at 12:10 am
Comment submit a tumna lam ah a Post palh ni ngei tur a ni. Mahse a sei zia en erawh hi chuan a paste tawp te a nihloh chuan hun a seng ve fe awm tho sia, Pa rem hrelo pa tal hah, rem hrelo a tar thi tur.. an tih ang chi chu i ni lemlo ang chu.
Esopa thawnthu a “tawngnawng” tih hi typing mistake a ni e.
Report this comment
May 23rd, 2011 at 2:30 am
Nangzawng i fakawm thin e. I fimkhur bawk a, i kuthnu pawh a mam tha khawp mai; sawiselna tur kan zawng ruai ruai mai lawm le. A thawnthu hi kan tan chuan a sang deuh a ni mai thei a ni. Kan man pha mang hlei ne’m le. Nang chuan i hrethiam pha mai ni loin i tuipui tak tak a ni.
Good Post.
Report this comment
May 23rd, 2011 at 2:37 am
Report this comment
May 23rd, 2011 at 6:42 am
Report this comment
May 23rd, 2011 at 8:56 am
Parenthesis rem khawm luih em ni? Ka pawchhuak pha lo. “Sawtah tlem te, hetah tlem te” ti ang velin ka chàn! Hriatthiam chian hunah, ka tui pui phian ang le!
Report this comment
May 23rd, 2011 at 3:52 pm
Thawnthu ngaihnawm ka tih hoah chuan, hetiang hi a awm thin:- 1) A thawn thu kal zel dan tur a sawi lawk theih loh. Min barakhaih phut phut thin. e.g. Sherlock holmes, Sydney sheldon’s. etc. 2) Character ordinary/common lo deuh, ngaih san awm tak a awm tur a ni. e.g.Mithiang hlim Luka(a commitment), Count of monte cristo(a hmangaihin a ngenna avanga silaimu ruaka a fapa hmachhawn a tum dan), Nunna kawng thuam puiah.(A bialnu chhan chhuah a duh avanga IAS aia IPS a thlan dan leh nawhchizuar hmela Vantirhkoh hmel a hmuh theih dan, Pu Hv leh Judy nu) 3) Thil thiam/finna chung chuang, dang lam bik nei an awm tur a ni.(Holmes,puithiam tang(monte cristo), cowboy phawi rang leh huaisen). I thawnthuah hian, heng hi a awm vek chuan, a ngaih nawm ngawt ang. Mahse, tuna i tih ang hlek hlek hi chuan, a ngaihnawm mawh awm. Editing purpose atan chuan atha ang, Tsa te zarah.
Report this comment