Tun hma kan pi/pu te kha, an khawvel kha ala zim a, an in elna leh intlansiakna te, an hmingthanna kawng, khawtlang invawn felfai na kawng te kha tunlai nen chuan a danglam ta hle. Hmanlai Pi leh Pute rinawmna, tlawmngaihnam leh huaisenna te kha, tunlai hian a ho zawng a sawina a awm ta zeuh zeuh a. Chuvangin, he zawhna hi misualho hian I han chhang liam liam teh ang u le:
1) Hmanlai ai-in, tunlai hian mihring hi kan rinawm ta viau em ni le?
2) Hmanlai aiin kan tunlai tlawngaihna hi a tak-in, a ropui ta viau zawk em ni?
3) Hmanlai pi leh pu te ai khan kan huai zawk ta viau em ni le?
An hunlai chanchin ka chhiar hian, Pasaltha te chauh pawh ni lovin, khawtlang nunphung inkaihhruai dan hrim hrim leh an thuro chhiah te kha a zahawm kan la ti em?:
1) Ai upa zahna
2) Piangsual te chunga an ngilneihna
3) An tlawmngaihna (mipui mimir reng reng)
4) Thatchhia leh nunrawng chunga an ngaihdan.
5) Nula te nunchang mawina…
6) Hnatlang…..
Sawi tur a tam awm e, tunlai hi chuan, “Enge a nih bik?” “ …tu neih ka ei hlei nem?” tiin ai upa te pawh kan zah ta lemlo. Kan intih fin tak em avangin..hmanlai nun pawh kha kan hmu hniam ta hle em ni…?
Min chawikangtu Missionary te kan hmusit thul, pi le pu te kha mawl kan han ti thar leh vel thul…dawizep te kan han ti thar ve leh vel hi chu, keimahni lam kan in enfiah hle a ngai ta zawk ni lo maw?.
Tunah chuan khawvel tukverhah kan lo dak chhuak ve ta tak tak a, missionary te nise, Zoram pawnah an vak chhuak ve ta tak tak a. Tunlaiah, BA/MA mai ni tawh lovin Civil Service lamah te IAS, IFS, IPS, India ram pawn a Ambassador hial ni pha te, Ram chhunga MLA/ Minister (Eiruk chingte tel lovin) hial ni thei te kan tunlai pasalthate anlo ni ve ta mai em?
Heng ho bakah pawh USA, Australia, Europe, Asia ah te pawh ‘mi entawn tlak’ leh mi chhuanawm tak tak kan nei a, hmanlai nun a kan let theih tawh loh avangin, kan tunlai thangchhuah dan leh pasalthat dan te chu – helam hi a nih tawh zawk mai zawk em? Tunlaia kan pial ral (van ram) luhna chu Isua rin kha a ni mai ta zawk a.
Hmanlai nun sawi sel lo leh hmusit zawng a thlir lovin, kan tlawmngaihna leh huaisenna te hi helam hawizawng, Mizo hnam ti hmingtha tur zawngin, nun a lantir chung zelin, ‘tu leh fate’ zirtir ila, kan Mizo ‘ro hlu’ hi chher thar/nun i tum zawk ila a tha lawng maw?
Hnamdan pi leh pu te kha chuan,” in ropui ” ‘thlan ropui” “kulh ropui” te anlo din a, vawiin ni thlengin ram leh hnam ro a nih bakah, a lo dintu te hriat reng na tangkai a ni. Kan hnam “ro hlu” neih ve chhun hi chu – a dangdai hle hle. Ram tin hnam tin hian ramdang neih ve loh, hnamdang te neih ve loh hi an ‘roh’ thin. Mahni thil hlu neih ‘roh’ thiam apiang mi ‘ awh ‘ an hlawh thin.
Keini Mizo te pawh hian, mi neih ang kan nei lo a ni thei e, mahse, mi neihloh kan neih te hi hmusit lovin, ti hlu thiam ila…artificial lam kan nei ve lo, mahse kan thil neih ‘natural’ leh ‘special tak tak’ te hi…i vawng hlu thiam ta zawk ila, kan pi pu te kha kan chawimawi tihna a ni zawk lo vang maw?
Similar Posts:
- Transitional Period leh Thlirna Thar
- Tlawmngaihna hi a tlahniam em?
- Zo Par Mawi
- Valued system…………
- Tute Nge Kan Nih!? Part 5
May 28th, 2011 at 9:31 pm
Post tha khawp mai. Zawhna pawimawh tak niin ka hria.
Report this comment
May 28th, 2011 at 9:32 pm
Mizote hi kan tha teh a nia aw..
Report this comment
May 28th, 2011 at 9:32 pm
Post tha tak a ni e. Kan hnam thil kan humhalh a ngai a ni.
Report this comment
May 28th, 2011 at 9:33 pm
Khawnge Amah Hnam Sakhua hi le?
Report this comment
May 28th, 2011 at 9:34 pm
Kan hnam thil hlui kan roh thiam a tul takzet a ni.
Report this comment
May 28th, 2011 at 9:34 pm
Thil hlui kan neih ve chhun hi chu kan roh thiam ve viau tawh in ka hria. Post tha khawp mai.
Report this comment
May 28th, 2011 at 9:34 pm
A va reh em aw..
Report this comment
May 28th, 2011 at 9:38 pm
Ni e ti raw @ TS. Hnam Sakhua kha awm se sawi tur a hre teuh ang.
Taka a ni chu a buai theih em kha, ngaithiam ang.
Report this comment
May 28th, 2011 at 9:42 pm
zanin cu inkhel en ve ngei chu ngai ang. Barca tan phot ila. Chuan, tunlai hunah hian kan la tlawmngai tho ka ti. Kan tlawmngaih dan a dang toh mai a ni. kan hma a diklohna leh rinawm lohna hrang2 lo awm te hi chu kan khawvel changkang in a ken tel ve hrim2 ah kan ngai ngam toh mai ang em?
Report this comment
May 28th, 2011 at 9:44 pm
A thupui leh Post tupa hming ka hmuh khian Hnam Sakhua ka rilruah lo lang nghal..hehe..
Zawhna i rawn chhawpchhuah khi tha hlawm khawp mai. Zanin chu inkhel turin rilru luah hneh tlat. In kawmen zing lamah ka rawn chhiar leh ang. Good Post.
Report this comment
May 28th, 2011 at 9:52 pm
Hnam sakhua awm ve tak se, lungrualna tlang ni thei mai ang em? good post
Report this comment
May 28th, 2011 at 9:54 pm
Yawn. Ethnic tribal thil bawk. In ning ve em em lo emaw ni aw.
Report this comment
May 28th, 2011 at 10:07 pm
1) Hmanlai ai-in, tunlai hian mihring hi kan rinawm ta viau em ni le?
Ans: Phak tawk tawk ah kan rinawm loh hmel zawk!
2) Hmanlai aiin kan tunlai tlawnmgaihna hi a tak-in, a ropui ta viau zawk em ni?
Ans: A hlu tawh khawp mai, thil vang anih tawh vang aniang!
3) Hmanlai pi leh pu te ai khan kan huai zawk ta viau em ni le?
Ans: Huaisenna hi teh a har! A hun leh hmun a zir ani! Pu K.L. Liana te ang hi Khuangchera U ani mai thei.
A dangte,
1) Ai upa zahna
2) Piangsual te chunga an ngilneihna
3) An tlawmngaihna (mipui mimir reng reng)
4) Thatchhia leh nunrawng chunga an ngaihdan.
5) Nula te nunchang mawina…
6) Hnatlang…..
Kan zawm tha viauin ka hria. Keimah bikah phei chuan
Aia upa zah hi interpret dik ila. Naupang te hi kan zah thiam hi a tul zawk em aw..te ka ti deuh ta.
Tlawmngaihna bik ah chuan ka sawi ve fo, ka chhuang over mah mah ani! Manner tha pangngai hi tlawmngaihna ah ngai lo ila. Nun mawi, midangte tana tangkaina pangngaite hi tlawmngaihna huan a kan dah luh chuan a chhe zawngin min vaw let thei ani!
Report this comment
May 28th, 2011 at 10:08 pm
va thui duh ve..copy paste!
Report this comment
May 28th, 2011 at 10:09 pm
Tha khawp mai. zanin hian UCL Final pual post awm theise. liverpool, chelsea leh arsenal fans te tan ava tha awm ve. en chak si, tui em2 silo in an awm dawn ani si a. haha..sorry 4 OT
Report this comment
May 28th, 2011 at 10:38 pm
13. Lrpa comment khi ka rilru ve tho ani e. Pu kL Liana hi kei pawh ka ngai sang khawp mai. Mahse, Pasaltha Khuangchera aia huaisen zawk te chu a awm theih dawn em ni? Man U lamin rilru a luah lian tan tlats.
Report this comment
May 28th, 2011 at 10:49 pm
Hnam sakhua= Mizo kohhran a ni thei mai em? Pu HV-a te kha in hre mial em? Hetiang lamah hian ka ril lo ltk a. Kei leh ka chhungte erawh hi zawng in BARCELONA tan mai loh chu tih tur dang reng kan nei lo. Mahse,hmanni ah ka fapa neih chhun @2yrs in a jersey tur lei kan tum a,Man U jersey lei a ngen tlat!Ka leisak ta tho a,an chak dn tihna chu a ni chuang law.
Report this comment
May 28th, 2011 at 11:04 pm
@Chhanapa..i fapa man.utd jersey ilo leisak chu ava tih chi ve..champ tur jersey hrilhlawkna ani si a. khawnge hnam sakhua hi a awm le aw? kei chu Wembley ah Kuhva hring leh Nihawi chi zuar a chhipchhuan lu2 ho karah ka thu kek tawh mai..hehe
Report this comment
May 28th, 2011 at 11:19 pm
Barcelona….an champ hrim hrim, tunge in chawi ngam?
Report this comment
May 28th, 2011 at 11:27 pm
17
ChhanaPa #
Zawhna: Hnam sakhua= Mizo kohhran a ni thei mai em?
Chhanna: Aih, ni thei lo ngang lo.
Sakhua leh kohhran hi thil hrang daih a ni.
Mizo sakhua chu – Kristian a ni, chhandam nihna leh Vanram kaina a ni.
Hnam sakhua hi chu – kawng bo, awmze neilo leh innghahna bulbal nei lo, suangtuahna riltam leh riangvai a ni a, tawngtaipui ngai tak a ni. Mahse Isua ringin baptisma a chang tep tawh.
Report this comment
May 28th, 2011 at 11:31 pm
Mr.Duhlova, i ziak thra thruai thruai lutuk. Khawvela hnam changkang leh entawn tlak zawng zawngte hian an hnam an chawi larin an dah sang a, hnam dang ngaihsan zawk te phei chu mumang lamah pawh an mangphan duh lo. Chutih ahnekin an hnam chawi lar tumin theihtawp an chhuah zawk thrin a. Sap/Korean a ka lo piang lo hi chu ava pawi tak, pawh an ti an ti ve lo.
Chuvangin khawvel hriata hnam entawn tlak kan nih theih nan thrangthar ten tihtur kan nei. Heihi kan hnam, ral mai lova a din chhuah vena tur a ni e.
Report this comment
May 28th, 2011 at 11:32 pm
post tha tak ani e..
Report this comment