Nikhat chu khua a lum em avangin inchhungah fan hnuaiah ka thu thlandai mai mai a. Hemi ni hi holiday a nih avangin thian thenkhatte chu an in lamah an haw hlawm a. Kan hostel pawh chu a reh ruih a, ka tihtur hre lo chuan thlalak hluite ka bih mai mai a. Lehkha zir tur chu dawhkanah a inchhawp hnur nachungin ka zir peih thlawt loh avangin melh pawh ka melh peih lo.
Chutia ka awm lai chuan tuna ka lehkha zirna khua Kanpur ka thlen hnua ka hun hman tawh dante ka ngaihtuah kir neuh neuhva. Ka la awm rei hle nachungin hun hlimawm tak tak ka tawng hnem ve ta hle mai. Chung ka thil tawn hlimawm tak takte chu thamral mai tura pamhmai ka tih em avangin ka Kawmpiutar ka tinung a, ka chhu ve ta kauh kauhva….
Zawngin min um
Hei hi ka thil tawn tawh zingah chuan ka theihnghilh tawh ngai loh tur a ni hial ang. Kanpur ka awm tan tirh lai a ni a, Pathianni a nih avangin kan tho tlai hlawm hle a. Khua a lum em avangin ka thianpa nen inchung zawlah thlifim dawn tumin kan chho a, hetih lai vel hian thian dangte chu an la tho hlawm lova, hostel pawh a reh thuap nghe nghe a.
Kailawna kan chhoh lai chuan ka phone ka theihnghilh tih ka hrechhuak a, hmanhmawh deuhvin ka tlan let leh thuai a. Chutah le…, room ka thleng tep tihin bawlhhlawh bawm phen atangin Zawng lian em em mai hi a rawn zuang chhuak thut mai a leh!
Ka ding chawt a, rang lutukin ka tlan let; min rawn um! A rawn tlan chak nasa mai a, min rawn ban pha deuh zuau zuau hman a. Chuveleh ka tlanchak zual sauhva, kan ri le lu ta mai a. Kan thawmah thiante an rawn chhuak a, an rawn hnawt bo ta hram a ni.
Motor-in min su leh lo
Inrinni a ni a. Inrinni apianga Mess an khar thin avangin ka thianpa nen Gumti (bazar hmun pakhat) lamah chaw ei turin kan kal a. Kan kalna tur hi cycle rickshaw in minute 15 vel kal a ni awm e.
Chutia kan kal lai chuan kawng kan ngei ngei a ngaihna hmun kan thleng a. Rickshaw pu chuan motor kal vel pawh ngaichang map lovin tlan tlang nghal mai a tum a.
Chutih lai chuan vei lampang atangin bus lian em em mai hi chak takin a rawn tlan a. Min rawn su ngei dawnin kan hria a. Ka thianpa nen chuan kan mangang nasa mai a. Khawlai mi tamna lai takah chuan kan au ri teng tung ta mai a. Bus chu a rawn hnai zel a, min su lo tawk chiahin kan hnungah min tlanpel fua! Rickshaw pu kan hau nasa ngei mai.
Vaitawng ka thiam lo
Vaitawng kan tih mai ‘Hindi’ hi Mizoram ka awm lai atang tawh khan ka harsat em em mai a. Naupan lai atanga vai film en duh ngai lo leh an tawng phei chu zir tum eih ngai lo ka nih avangin hetia vai tawng hmanna hmuna ka zuk awm pawh hian harsatna ka tawk hnem ngei mai.
Tum khat chu Haematology lab ah kan awm a. Hemi lab-a kan tih ber chu kan kut kan vit thi a, mahni thisen kan exam thin a ni.
Chutia mahni buai buaia kan invih sawk sawk lai chuan zirtirtu pakhat hian min rawn kova, ka va phei a. A bul ka la thleng lo, ka kal phei lai chuan a ngai leh lo a ti a niang chu, ”Tum jao” a rawn ti a. Kei pek chuan hmanhmawh rawh a tihna a niang chu tiin hmanhmawh tawkin a lam panin ka la tlan phei ta deuh deuh. Min nuih dur dur a, ka sen ve deuh ten ten..
Hei lo pawh hi sawi tur tam tak a awm a, mahse, a sei lutuk dawn e, duhtawk phawt ang.
Thubelh : Kanpur-ah hian Mizo kan tlem viau na a, mi(sual) dot commer hi pathum lai kan awm ve a, kan MI ve laih laih thin.
Similar Posts:
- Silchar Jail atangin – II !!
- Ka Lawm A Ni 21
- Relin min tlansan !!!
- Hyderabad-ah! (Bad Holi Day)
- Chhawrtui Khua hmingput chhan
May 28th, 2011 at 3:25 pm
#15 dumaka..mi awm tha hle hle lai meizial linga han deh chuh..a suahsualtukhumpawnthlak em mai..bus alo awm hnai remchang hlauh chu i vannei
@Rooney Opa..tiang thil tawn hi a hunlai chuan nuih a za duh mawh hle mahse a hnu hian kan hlimpui duh chawk..ngaihnawm ltk, part 2 lo beisei ang.
Report this comment
May 28th, 2011 at 3:40 pm
@ Rooney opa : Dr. Feel_Good-a pawh hi Durtlang lam tho a ni lo maw ? Rin aiin Durtlang lam hian misual.com hi an tlawh nasa….
Report this comment
May 28th, 2011 at 4:03 pm
# 52, ka lo hre lo re re.
Report this comment
May 28th, 2011 at 4:04 pm
Kei chu zawng tawng ka thiam a. Min nel thei lutuk. Sakei, Savawm leh Sanghal te chu hlauh reng reng loh tur. Beih an awlsam lutuk. A tih dan in hriat duh chuan ka hrilh ve ang che u.
Report this comment
May 28th, 2011 at 4:40 pm
sangpuiipa, min lo hrilh ve. Savawm beih dan chu, mawh mawh mawh, pliz
Report this comment
May 28th, 2011 at 4:42 pm
Post tupa ka hming ah khian “lal rascal” lal tih i tellh kher
Rawn ti leh thuai thuai theila kan va lawm dawn em
Report this comment
May 28th, 2011 at 4:51 pm
# 56, haha. Nawi bawm atangin i rawn phei a mi?
Report this comment
May 28th, 2011 at 4:51 pm
@ Rooney opa – U ronald a cu.. Lalraw lo tir’u… in va tam toh ve..kan hun lai chuan sawm poh kan tling nang…
Report this comment
May 28th, 2011 at 4:54 pm
# 58. Nia, hei kan thahnem ve tawh khawp mai. Kanpur Mizo Fellowship te kan din a, U Lalraw-a
chu ziaktu ah kan hmang alawm. A phur suah suah lutuk.
Report this comment
May 28th, 2011 at 6:00 pm
#57 khawilai nge nawi bawm chu??
Report this comment
May 28th, 2011 at 6:18 pm
haha, ka han uang vel mai mai a nia.
Report this comment
May 28th, 2011 at 9:13 pm
Ka la awm rei hle nachungin hun hlimawm tak tak ka tawng hnem ve ta hle mai.
2nd para-a helai thu hi kawmentu atanga zawhna emaw, pawstu atanga sawifiahna emaw ka hmu miah lo!
Ka la awm rei lo hle nachungin hun hlimawm tak tak ka tawng hnem ve ta hle mai.
tihtur a ni zawk em?
Fugitive, a ngaihnawm phian thin mai a…! Dr. i zir chhuah hun chuan, damdawi tel lo pawhin mi tam tak i enkawl dam theih ngei ka ring tlat.
Report this comment
May 28th, 2011 at 10:24 pm
Eeee, ka tihsual!
. Ka thil chhu thiam lo lutukin ka lo chhut hmaih palh a nih khi! Pu Kawlpuia nge nge, i mit a var hle mai. Ka chhiar chhuah lehna ah pawh ka hmu miah lo. 
. Ka lawm em em e.
Report this comment