Tunlai kan thangthar te’n an uar em em, thil thing sawinana an hman thin chu ‘zo’ tih hi a ni a. Pa pakhat tunlaimi lo ve tak hmu ta se, “sawlai pa saw a zo tiah tiah..” tiin an sawi thin. Hetianga kan tawngkam hman hi engtia han phuahchhuak ve ngawt nge an nih ang aw? tiin ka ngaihtuah mai mai thin.
Rual u deuhte pawn he tawngkam ‘zo’ tih hi an lo hmang ve tawh thin a. An hmanna ho kha han ngaihtuah tlang dawn teh ang. Ramhnuaiah an han kal a, “helai chu a hmun a la zo hle mai” titein an sawi thin. Chutilaia ‘zo’ an tih chuan a kawh ber chu ‘kha hmun a boruak kha a la thiang a, khawl ropui tak tak khu in a boruak a la bawh buai ve lo’ tihna a ni.
A tawp berah chuan upa zawk te’n ‘zo’ tih hi ‘hmun sang, hmun thengthaw, boruak la thianna hmun sawinan’ an hmang tlangpui thin a. Tunlaia kan hman dan nen chuan a inanglo khawp mai. Tunlai hian he thumal hi a awmzia pawh hre lova thil thing sawinan hmang kan tam khawp mai. Ka hriatdan khi a dik ber e ka tihna a ni chuanglo. Midang ka zawhna leh upa zawkte hman dan atanga ka thlirna mai a ni tih erawh min hriatsak dawn nia.
Ka zawhna awm ta chu- ‘ZO’ tih thumal hi engnge a awmzia nia i hriatdan ka hre duh a? Tunlai kan thangtharte hian kan mizo tawng hi a nihdan leh hman dan pawh ngaihtuah lova an chinglet thin hi eng nge i ngaihdan?
Similar Posts:
- ‘Zu’ tih thumal hi kan hrechiang em?
- Zokhua hi!
- Tlawmngai nge Tlawmla? – Part 2
- Martaw-Ka-Baw
- Mizoṭawng tlema zäwng
May 28th, 2011 at 5:03 pm
first hnuah chhiar chauh teh ang.
Report this comment
May 28th, 2011 at 5:08 pm
“ZO” tih thumal hi thil thing leh changkang lo sawi nan a mi tam zawkin kan hmang ta hi a pawi ka ti ….MI(ZO) kan ni a, MI(THING)(MAWL) kan ni kan tihna a ni dawn a sin….i sim ang u…
Report this comment
May 28th, 2011 at 5:08 pm
Dik chiah.Kei pawh ka vei khawp mai. ZO tih hi thil thing nuihzatthlak sawina a hman ka phal reng reng lo. Zo hi miin thing nia a hriat tlat chuan Mizo hnam hi a hmusit hle tihna ah ka ngai hmiah, chu chu hnambo or hnammawl( inferiority complex nei) zia diktak a ni bawk.
Report this comment
May 28th, 2011 at 5:10 pm
A dik a ni. Mi’n ‘I zo lutuk’ an tih che chuan thinlung leh tihtakzetin, ‘Ka lawm e’ ti zel ang che.
Report this comment
May 28th, 2011 at 5:10 pm
a dik chiah. Thil thing sawi nan kan hmang hi a dik lo.
Report this comment
May 28th, 2011 at 5:12 pm
Pu KL Biakchungnunga’n hemi chungchang hi Vanglainiah a ziak tawh a, tunah hian a soft copy ka dil mek a. A remchan chuan ka lo post ang e.
Post tha tak a ni.
Kei chuan ka hmang nasa ta khawp mai. Zonunmawi lanna – Tlawmngaihna, taimakna, rinawmna, tuarchhelna, mitepuihduhna leh adang tamtakah hian ka hmang vek thin.
Report this comment
May 28th, 2011 at 5:13 pm
“Zo” hi “Thingtlang” sawi nan kan hmang zawk em aw! Kan politician te, local cable ah te, chanchin bu ah te thingtlang sawi nan “Zo khua” an hmang a. Thingtlang nu/pa chu a zo kan ti a, a thing kan ti bawk (em aw?)
Report this comment
May 28th, 2011 at 5:18 pm
In fakna tawngkamah te hian hmang uar ta ila, chu chuan thrangthar teah a dik zawnga influence a neih theih nan(eg. “Liana chu ZO vah vah tak ani Thlanlaih leh hnatlan ni khuaah te hian thahnem a ngai thei khop mai”…a dik zawnga kan hmanuar loh chuan kam siam tha mai mai tawh kher lo ang…
Report this comment
May 28th, 2011 at 5:21 pm
@Zero: Thingtlangkhua hi Zokhua tih pawh ka duh zawk khawp mai, ka hmang ta zawk fo. Khawpui ai chuan Thingtlang khaw lamah hian Zonunmawi hi kanla chhunzawm zawkin ka hria. Kan nunphung pawh hi a zia zawk mah ania. Kohhran nung tak pawh hi zokhaw lam a ni duh chawk bawk.
Report this comment
May 28th, 2011 at 5:22 pm
adik khop mai in hmuhsitna deuh atan ten kan hmang ta deuh2 a tha lo khawp mai tun hnuah chuan a hmeltha tia sawi nan hman daih chi mawle
Report this comment
May 28th, 2011 at 5:23 pm
@KT i post hi tha hle mai, tawng thar kan chherchhuak hi chu thudang, a awmsa hmang khawlo hi chu kan sim a tul tak zet.. post hi ka like e…..
#7 chu pawh kan hman sualna dang leh bawk!
Report this comment
May 28th, 2011 at 5:41 pm
Inter village football a thingtlang VC team ten, ‘hlo kan vat zo chiah a, kan rawn kal nghal’ an tihte chu Aizawl tlangval chawmhlawm ho chuan an sawi lehna ah an nuihsawh a ‘a ZO tiah tiah’ an ti. Ka theihngilh thei nganglo. Thatchhia in a taima a nuihzat pawh khi ka haw tawh a, hnam hmusit zawng a ZO TIAH TIAH an ti lehzel kha chu ka eilo hem hem. A sawitu chu tunah pro-pastor a ni tawh, a thusawi ngaihthlak chakna reng reng tun thleng hian ka la nei ta lo.
Report this comment
May 28th, 2011 at 5:44 pm
Ka lo inrawlh leh lawk. He ‘zo’ tih thumal hi an hman dan tlangpuiah chuan hmunhma vel sawinan an hmang thin in ka hria a. Keini hoin thiltha lam sawinana hman lo rawt ngawt hi a dik ber em aw? A chhan chu rual u te ho in lo hmandan an nei tawh tlat a. Tlema upa deuh ho khan he thumal awmzia hi min hrilhfiah thei angem?
Report this comment
May 28th, 2011 at 6:20 pm
Heti zawng hian i han ngaihtuah teh ang. Tawngah hian tawng upa, tawng tluang pangngai leh tawng tualleng (slang) hi hnamtin hian kan nei theuh awm e. Mizo tawngah pawh hian tawng tuallenga kan hman ve mai, ent. Nguar ang, bawn tawp, star, chhas, ldt. kan nei nuala, veng leh khaw thenkhatin anmahni huam chhung bika an chher thar a awm teuh bawk. Ent. Tas, stringtial, tek, threl, ldt.
ZO tih pawh hi a tawng tluangah chuan ‘hmun sang sawina atan leh hnam sawi nan ‘ kan hmang a, a tawng tuallengah thenkhatin ‘thing/changkang lo’ sawi nan an hmang bawk. Thenkhat chuan ‘a va tri (tribal) tak em!’ tih hmangin changkang lo sawi nan an lo hmang ve bawk . Amaherawhchu, heng tawng tualleng ho erawh hi chu ziaka thu dahah leh thusawinaahte hman chi a ni chuang lo.
Tawng tualleng chu chher chawp a nih miau avangin a dik lo tih ngawt theih pawh a ni hran lova.
Report this comment
May 28th, 2011 at 6:26 pm
Thingtlang sawi nan Zokhua tih hman “A diklo let der,” ka tih laiin, nunphung thing deuh/che khir thei deuh te sawi nana ZO hman hi a dik lohna ka hre lemlo. Zokhua nen tehkhin chi emaw, hmun sang (hilly area) sawi nana Zo kan hman nen pawh thekhin chi emaw hriat pawlh chi aniin ka hre lemlo. Alo chhuah na tak erawh Thingtlang mi te an mawl deuh bik tura ngaihna atangin, Zokhua ti a thingtlang lo sawi ching ho atanga chhuak ani maithei thung. Thumal khat (a word) anga kan hman dawn erawh chuan alo chhuahna aiin a nihna/awmzia zawk kha en chi ani tawh zawk ngei ang.
LOL pawh tunah English dictionary ah thumal (Word) angin an seng lut daih tawh a, alo chhuahna chu internet chatroom a Lauhing out loud atang mai a ni. Chatroom atanga lo chhuak anih vang erawhin thumal anih loh phah chuang hauhlo.
Report this comment
May 28th, 2011 at 6:31 pm
ZO tih chuan hmun sang lampang sawi nan kumkhaw tlaitluana kan lo hman thrin chu a ni ngei mai. Mahse, trawng hi a kum telin a danglam ve hret hret a, hmanlaia ZO an hman dan leh tunlai thrangthar threnkhat ten ZO an hman dan pawh a inang tawh hek lo. Trawng danglam chhoh dan chu Mizo Bible lehlin hrang hrang atrang hian a chiang khawp mai.
Kan petek sual nasa lutuk tur vei em em leh, venpuitu thinlung pu, a post tupa ang hi an hlut phah reng bawk.
Report this comment
May 28th, 2011 at 6:36 pm
Zo ve lo ho chu eng hnam nge an nih ang le?
Report this comment
May 28th, 2011 at 6:44 pm
Kei chu “Zo’ tak ka ni.. Inhmuhsitna tawngkam hrim hrim hi society a gap zau loah chuan a hmang rim pawl kan ni mai lawng maw??
good post..
Report this comment
May 28th, 2011 at 7:34 pm
Kei pawh Zo takin chaw kan ei phawt teh ang!
Report this comment
May 28th, 2011 at 7:41 pm
khawi hmunah pawh awm ila, ‘ZO’ hmuh sit awm leh zuam awma siamtu ni lovin, ‘ZO’ ti thang mawi tu, hnam dangte ngaihsan, chung en leh zah awma siamtu nih zel ka tum thin.
Report this comment
May 28th, 2011 at 7:50 pm
kei chuan i va thing ve tihnan zo tih hi ka hmang ngailo. A hmang ka hriat chuan ka hrilhfiah awk2 zel
Report this comment
May 28th, 2011 at 8:21 pm
zanin chu barca tan teh ang
Report this comment
May 28th, 2011 at 8:25 pm
@swiftymcvay: I bula ZO hmansual ava hlauhawm awm ve le
Report this comment
May 28th, 2011 at 8:27 pm
A post hi zo triah2.. hahahaha phiamthu phiamthu..
Report this comment
May 28th, 2011 at 8:36 pm
Ka insum rih tlat. Ka lo OT daih te’ng.
Lunglei pa zinga ka hero ber te zing ami Roliana(L) hlaphuah pakhat hi lo ngaithla ve r’u.
https://www.youtube.com/watch?v=EnGVDqm6mKc
Ka birthday lawmnana misual dawt kawmar member pakhatin Youtube-a a lo upload thar ania mamawh in awm takin.
Report this comment
May 28th, 2011 at 9:14 pm
Tunlaiah chuan Zo tih hian awmze hrang hrang a nei thei ta in ka lo hria a,ka lo hnualsuat vak hlei law…
Report this comment
May 28th, 2011 at 10:19 pm
21
swiftymcvay Says:
May 28th, 2011 at 7:50 pm
kei chuan i va thing ve tihnan zo tih hi ka hmang ngailo. A hmang ka hriat chuan ka hrilhfiah awk2 zel
Hrilhfiah tur a awm chuang hleinem. ZO tih kha slang-ah hmangin ‘i va thing/changkang lo’ tih nan a hmang a ni mai alawm, dik lohna a nei love.
Report this comment
May 28th, 2011 at 10:42 pm
Post tha khawp mai
,ZO tih hian awmze hrang2 a nei a,mahse thil thalo sawina lam a kan hman chuan heng ZOtuithiang, ZOthlifim leh a dangte a ti hlu lo thei.
Chulovah Pu HV, MI(ZO) kan nih ang ngeiin Zo tih tawngkam hi thumal khat pawh nise a thalam sawinan kan hmang tur a ni dawn lawm ni? Entirnan:Sawpachu a ZO hlemai kan tih chuan Sawpa chu a tlawmngai hlemai / a taima hlemai adangte, Hei hi a nihna tur dik tak pawh keichuan a ni zawkin ka hria.
Report this comment
May 28th, 2011 at 10:44 pm
ka vei em em i rawn post chu le .hnamdang te hian thil thing leh changkanglo sawi nan an mahni hnam hming hi an hmang phal tawp lovang . ZO tih thil changkang lo sawi na atan a hmang thin te hian an ZO loh chuan enge ni a an in hriat le ka ti thin . .American hian i thing i changkang lo tih nan ‘i american tiah tiah,’ an ti ngai lo tawp ang ,chutiang bawk in hnam dang tu mah in an hman ka hre ngai lo . I post tha khawp mai .
Report this comment
May 28th, 2011 at 10:49 pm
Thangthar tawngkam thiam te u fimkhur rawh u .i tawng kau chheh a tang in hnam dang in i hnam i hmuh hniam zia a hre palh ange . .vai leh hnamdang mizo tawng thiam tak in i hman thin dan ang in nuih sawh tak in ‘ i zo tiah tiah ‘ ti che sela . i hnam a hmusit tel a ni tih i hrethiam mai em ?
Report this comment
May 28th, 2011 at 10:50 pm
Amaria.vch leh Vahkhuai te leh midang ZO fe fe ho kha hairehai
Zo: hmun sang (hilly area), changkang lo etc.
Lei: thil lei (to buy), khawmual lei (earth).
Mawng: mihring mawng (buttocks), Engemaw hnuailam tawp sawina (Bottom of a pit, pot etc.)leh a dang….
Mizo tawngah hian thumal leh thluk inang, hmanna hrang leh awmze danglam a awm nual. Chumi chu Mizo tawng hlutna pakhat leh a harsatna chhan ani thei ang.
Report this comment
May 28th, 2011 at 11:20 pm
Zo tih hi thil changkang lo sawina atan chuan a pamhmai lua ka ti. Kei chu a zo e min tih chuan ka lawm lutuk hi ka nui ru ver ver thin. HLa pawh mizo hla chiah ka ngaithla thin. Hnamdang hla chuan ka lunglai a kuai ve thei der lo.
Report this comment
May 28th, 2011 at 11:32 pm
ZO tih thil thing sawi na a tan a hmang te hi ZOFA ah an in chhal ve tho sia
. .thil thing sawi na a tan a in ti tawngkam chher thiam nan chuan a chi loh khawp mai . .
Report this comment
May 28th, 2011 at 11:43 pm
kei chu ka zo vah mai
Report this comment
May 29th, 2011 at 1:19 am
CFL, Maya leh eL #31 khi rilru takin lo chhiar ula ngaihtuah zui mai mai teh u aw.
Report this comment
May 29th, 2011 at 2:09 am
In hnial teh chiam a ngai lem em ni? Thangthar then khat ten, thil thing leh chang kang lo sawina atana slang thar ‘Zo’ tih an hmang hi, Mizo hnam hmangaih tu ten, thil pawi thei tak ani thei dawna hria in, hman chhun zawm loh an duh hi, a zah awm a, tun tlai khaw hnua kan tawng chher thar mai ani bawk a, a chhe lam pang sawi nana hman chhun zawm loh leh mi dangte pawh in zir tir hi thil tha leh tul a nih hmel e.
Report this comment
May 29th, 2011 at 4:22 am
Kan culture hi a dynamic ang chiah hian kan tawng pawh hi a danglam zel a ni. Kan kalsual tur kan ven ve deuh a ngai ang bawk hian kan tawng pawh hi kan ngaihven ve deuh chu a ngai a lawm. Zo tih hi thing tih sawi nan kan hmang thin a nih chuan engah nge thildang sawi nan pawh kan hman theih loh teh lul ang. Kan tawng hi a danglam dawn chauh… a la danglam zel ang. Thil thlak danglam hlauh lutuk hian problem hi a solve lo thin a nia. A duh chuan ZO tih chu thing tih sawi nan hmang ula, a vengva deuh chin chuan thiltha sawi nan bak an hman ka ring lo e.
Report this comment
May 29th, 2011 at 7:42 am
MiZo kan ni a, enge hmuhsit tur? Zo chu hilly area sawina ani mai a… tlang mite kan ni…enge hmuhsit tur…? Good post! HVa sawi ang hian word in ang awmze nei hrang si a tam. ngaih pawlh loh a tha…
Report this comment
May 29th, 2011 at 10:00 am
Zo Khuaah lo zin ve r’u Vai Khua a cheng, Mizoram chhunga awm ve tho si te u! Hahaha
Report this comment
May 29th, 2011 at 11:51 am
@ 35 Pu HV ka lo chhiar e . word in ang ni mahse .thil thing leh hlui , changkanglo sawi na word a tan chuan ZO kher hi chu ka pawm ve thei lo . I post ‘ Zokhua hi! ‘ tih kha ka chhiar ve leh tlai khawhnu a . i tih dan tak ah ‘ ZO tih thil changkang lo sawi na a tan a hman hian thinlung a ti changel hmun .
.
Report this comment
May 29th, 2011 at 3:36 pm
Hui-ham….’ZO’ tiah tiah- tih tawngkam ka la hmang ve miahlo hi ka van lawm em, Mahni hnam tawng hi chu a dik thei ang ber a hman hi Mi Puitling leh changkang zia a nia…Post Tha Lutuk.
Kha hei kan present ve ang che..
Report this comment