ziaktu- J.Malsawma{Thanpuii Pa}, ziah kum – 1960
Kristian ram, tualthat, suamhmang, rukru, bumhmang, mitdawihvaih thiam, nawhchizuar leh kutdawh awm ngai lohna, Ram Thianghlima cheng MIZO te mizia dik tak hi ka ngaihtuah vang vang thin a.
Hnam hnufual em em, mahse hnam fing anga lan tum lui tlat, neih zawng zawng nena tuallaia lenga inpenparh mi, buh leh bal leh sumdawn kawnga pachhe hle si, mahse khawsak rel thiam lo ber, nei hlei lo, ren hlei lovate kan ni.
Mi dawihzep, awmhmuna inhrosa vak vak mi, min thelhtu tur an awm tih hriat chhung chu pawngpawrh tur tur a, a sa seh meuh erawh ngam hauh lo, mahse huaisen ber anga lan tum tlat mi kan ni. Thenawm khaw-vengte hmangaih hle anga lang si, aruka an chhiatna zawng ruai si, ‘Ka mei rap se, chu ila’ ti thrah. Tunlaite hian mautam tampui a thleng mek a, thenawm khaw-vengte riltamin an thi ang tih hlau hliah hliah awm, buh man a la san tawk loh avangin hralh phal lo, inngaitlawm leh thuhhuairawlh fu anga lang si, mahse chapo ru riau kan ni. Zu hi hnam hmelma a ni ti si a, zu tihbo phal hauh si lo.
Kristian inti si, Krista mizia reng reng zir duh lo mi, Pathian thuhriltu inti si a, sual lawm mi, rilru taka sakhaw hmang lo va, vangtlang ngaiha mawi tur chauhva sakhaw ngaihsak mi, a tawi zawngin “Rilru fai si lova puan chang tivar,” te kan ni.
Mi awm laia an laina ber, mahse an awm loh hlana rel hmang em em, mi chanchin titi tui bera neih mi kan ni leh a. Tualthahte hi sual anih vanga duh lo ni lo va, dawihzep vanga ti ngam lo chauh, a remchan chuan suam leh ruk pawh pawisa miah lo; thatchhe hle si, taima tak anga lan tum, mahni hlawkna turah chuan mi bum hlum thak pawh hreh lo, mi rinawm anga lan tum theuh, mahse tehna leh bukna dik pawh hmang duh miah lo, tihdik tumtute pawh haw zel si, mi depde tak kan ni.
Nawhchizuarte hmusit hle si a, a ruka zawrh ching, kutdawh anga insawi duh miah lo, mahse dawh si. Thamna hi bawlhhlawh e tia iak iak si, tham ching ber bawk si, aia upa zah der a tha tih hre renga mi pawisak nei miah lo, mahni hotu tur duh thlang zut zuta an thu awih tum leh si lo. Induhsakna leh hleihneihnate hi a tenawm e, ti si a, mahse hleih neia te. Mahni hma sial em em, thiante kuta rul kaw zen tum, thiante phatsan mi kan ni.
Mahni chipui hotute zah nei miah si lo va, vai hotute hlau hlum dawn. Inpawihfak haw hle si a, fak der ngaina em em, mahni thiam channa turah chuan dawt pawisa miah lo. Taksa, rilru leh thlarauva hausa inti hle si a, a eng a kima pachhe ngawih ngawih zawk kan ni. TICHUAN A SUAK VEK KAN NI A, HMAITHINGHAWNG KAN VUAH THEUH A NI.
post tu thuchah :- a bold hi tunlai khawvel nen inhmeh ka tih vang in ka ti bold kher anih khi.
June 2nd, 2011 at 6:01 am
Kan vai chuan kan ni vek dawn a mawn le?
June 2nd, 2011 at 6:02 am
Post tha leh ril tak a ni.
June 2nd, 2011 at 6:02 am
Ngaihtuah chian a ngai hle mai.
June 2nd, 2011 at 6:03 am
Kawng lehlamah chuan a dikna chen a awm ang.
June 2nd, 2011 at 6:03 am
Mahse, a thim zawng ringawt thlir lovin a eng zawnga thlir chuan mi tha tak an la tam ka ring.
June 2nd, 2011 at 6:04 am
Hmaithinghawng tih Mizo film kha a hmuhnawm ka ti.
June 2nd, 2011 at 6:06 am
Pu Muantea te, Zualbona te, Pu Kawlpuia te, Ts-a te, Krista te, Zoho te, Pu HV-a te, Tatrawta leh midang tam takte hi chu a suak an ni lo chiang.
June 2nd, 2011 at 6:07 am
A rawn sawi tam zawk khi chu inenfiah nan kan hman a tul hle mai.
June 2nd, 2011 at 6:08 am
Fonz-a hian you tube chauh lo pawh a post thiam tho a nih hi!
June 2nd, 2011 at 6:09 am
in va reh ve maw le. Rawn ti ve ta che u.
June 2nd, 2011 at 6:11 am
Mi dawihzep, awmhmuna
inhrosa vak vak mi, min thelhtu
tur an awm tih hriat chhung chu
pawngpawrh tur tur a, a sa seh
meuh erawh ngam hauh lo khilai khi a tha khawp mai.
June 2nd, 2011 at 6:12 am
Mahse tur tur tih lai khi turh turh tih ni ta se a dik zawk angem le ka ti mai mai.
June 2nd, 2011 at 6:13 am
Mi thianghlim lawr a thleng ta a niang a?
June 2nd, 2011 at 6:14 am
Post tu thuchah khi a ril khawp mai.
June 2nd, 2011 at 6:16 am
Hnamhnufual em em, mahse
hnam fing anga lan tum lui tlat,
neih zawng zawng nena tuallaia
lenga inpenparh mi, buh leh bal
leh sumdawn kawnga pachhe
hle si, mahse khawsak rel thiam
lo ber, nei hlei lo, ren hlei lovate
kan ni helaite hi ngaihtuah chian a va ngai em!
June 2nd, 2011 at 6:18 am
depde he thumal hi ka vawikhat hriatna a ni tlat mai.
June 2nd, 2011 at 6:19 am
thrah tih lai khi ka lo ngaimawh deuh a.
June 2nd, 2011 at 6:21 am
Tunlaite hian mautam
tampui a thleng mek ahei hian tlemin a ziahna a rei deuh hlek tih a entir.
June 2nd, 2011 at 6:24 am
buh
man a la san tawk loh avangin
hralh phal lo hetiang hi economics kan zirlai khan hoarding an ti. Ka huat zawng tak a ni. Silchar kawng a ping dek dek a therhlo man a sang nghal ringawt zel.
June 2nd, 2011 at 6:25 am
Post chu vawi 5 ka chhiar chhuak ta.
June 2nd, 2011 at 6:26 am
Semi colon (;) dahna tura dah loh ka hmu nual mai.
June 2nd, 2011 at 6:27 am
Ka edit theih miah loh chu le! Kum 1960 a ziah tih khi ka lo hmuh hmaih a lawm maw le.
June 2nd, 2011 at 6:30 am
J.Malsawma chu pa rorum tak a ni ngei ngei ang.
June 2nd, 2011 at 6:31 am
Rooney chu va bei nasa ve….(D)
Thuziak tha tak a ni, MZP te paw’n an helh viau kha
June 2nd, 2011 at 6:31 am
Inkhel turin ka’n kal daih teh ang. Tumah pawh in awm si lo.
June 2nd, 2011 at 7:11 am
Rooney chu va tangtha duh reuh ve a..ka tan hranpa che…OT..
Fonz i Post chu rilru tak tak a mahni in enfiahna tham a ni e..Tha khawp mai, Nun suak tak hi hmuh tur leh hriat tur kan awm ta tlat reng a ni.
Mahse TKP/KTP conference boruak te thlir hi chuan, Thalai rual Pathian faka tih tak zet a Nun pe kan la neih tam zia hian min ti lawm thin..
Nun Suak duh lo avanga Chan ngam Pa hi an la tam mai.
June 2nd, 2011 at 8:03 am
Rooney chu ka style i la..
Post tha tak a ni. Mahse, misual.com-ah chhiar tawh thãna inhriatna ka nei. Ka hre sual pawh a ni maithei bawk.
June 2nd, 2011 at 8:09 am
rooney chu amah in alo inhnial ani hi..
A ziah na khi a rei ve toh ee..
June 2nd, 2011 at 8:11 am
A va han tha piap piap ve
June 2nd, 2011 at 8:14 am
A dik ka ti ngawih ngawih e..kum tam fe liam tawhah pawh a la dik tho anih hi
June 2nd, 2011 at 8:16 am
Ka inkhel zo ka haw chiah. K’u Ts, nia, tumah an awm si lova, ka lo chen a nih kha.
June 2nd, 2011 at 8:22 am
Francis Bacon of Mizo tiin ka keuh, Mizo Vernacular hi ka subject-ah tel ngai lo mah se, College zirlaiah khan ka chhiar ve hrim hrim thin a. A thu han remkhawm dan hi dangdai leh mawi hlein ka hre thin. Kan Alternative English Class-ah keh chauh ka nih thin laia khi thuziak khi ka chhiar a ni tih ka hrechhuak, ngaihnawm leh bengvarthlak ka ti hle. Thuziak hian mi tin hrut ruala ziak hi a circulation a zau thei ber bawk. Khaw pakhata nula artui tham ruk ching pawh, a sim theih nan a pehhel zawngin an khaw thalaiten skit an buatsaih a, tlar hmasa bera artui tham ruk chingi chu a lawm ber ber leh khek ring ber bera a tang ta ang kha ni lul lo ila, Thanpuii Pa thuziak hian thukna pawnlang chu a neh ve lo thei lo, mahse kan hnam hmaikawr a ni chiang hle si.
June 2nd, 2011 at 8:52 am
a thim zawngin a thlir ve a nih hi..amaherawhchu hei hi kan ram awmdan a ni a…kan pawm mai tur a ni…chu tih rual rualin, kan ram Zoramah hian, Zofate zingah thahnem ngai tak leh tih tak zeta A rawng bawl thin an/kan la awm ve a, hengte avang hian Pa thinrimna kan la tawng darh lo ni maiah ka ngai…Rooney chuh!!!
June 2nd, 2011 at 9:03 am
Negative deuh hlir nimahse a dik khawp mai. Positive lam pawh sawi tur a tam ka ring. Mizo zawng zawng a huap lovang. Kei leh Aryan-a min huap lo tih ka hria
A tlangpuiin a sawi tha – amaherawh chu a kimchang lo. A solution lampang paragraph hnih khat lek talin a tawpah han tlip mawi zan sela, mark 100 ah 100 ka pe hreh lo ang.
June 2nd, 2011 at 9:33 am
a va han tha kher em! Vawi hnih kan chhiar chhuah chu le
June 2nd, 2011 at 10:00 am
Thuril, thuk leh takna pai a ni e.
Kan huaisen lo tih hi kei poh ka pom dan ni. Insual vel chu kan hreh lo fu, mahse nunna dahkham meuh chu har tak a ni
June 2nd, 2011 at 11:31 am
Kum 1960-ah tiang hian an lo ziak tawh alo nih hi, ‘Zu hi hnam hmelma a ni ti si a, zu tihbo phal hauh si lo’.
June 2nd, 2011 at 11:46 am
Mautam tam hun laia kan ze dik tak lan chhuah zia a chiang anih khi. Tunah pawh hian sum leh duhamna hi kan tan ruihhlo hlauhawm ber ani. Thawk si lo leh, nei si lo khan neih kan tum chuan sual chi hrang hrang chu kum in zawn zawn in a ron pian chhuah tir nawlh nawlh mai dawn ani.
June 2nd, 2011 at 12:03 pm
a nolpui nunah a dik. Mi bik te cu lo om bok mahce..
June 2nd, 2011 at 12:38 pm
Hei chu a van tha em! Biakin a mithianghlim ber ang a awm, real life a kristian nun hmuh tur om miah si lo, kan va tam em. Thil dang chu engpawh ni se, Pathian kher hi chu bum i tum lo ang u.
June 2nd, 2011 at 12:52 pm
High School ah khan kan zir thin tlatin ka hria. Thlirna kawng khat atang chuan a ni ve tho mai, hnam anga han huap tir puk atan erawh chuan a dik vek lem lo thei bawk. Good Post
June 2nd, 2011 at 1:23 pm
He article hian ngaihtuahna a luah thin khawp mai
June 2nd, 2011 at 2:24 pm
In en fiah nan a that hi. Tha hnem ngai takin ram leh hnam vei takin a ziak tih a hriat a, Darthlalanga hman atan a that riau hi. Baal hmaa thing thi duh lo 7000 chuang erawh kan awm reng tho ang.
June 2nd, 2011 at 2:26 pm
Kum 50 kal ta kan pianhma fe article ah pawh kan mizia hi a va lo chhe nasa laileng ve awww. Tun tak phei hi chu kan chhe leh zual tawh asin Pastor Upa Evan kan ngah rual hian.
Ram hotute hian in enfiah nan hmang sela a tha ngawt ang chu
June 2nd, 2011 at 2:40 pm
Thanpuii pa hian kum 1960-a a ziah daih tawh kha a nia, a ngaihmawh zinga pakhat tal hi chu tihhlawhtlin sak tawh awm tak hi a nia sin.Chutih ahnekin tunah phei chuan a ziah bak hi sawi belh tur a tam nasa tawh mai sia le. Mizo hi thuawih lo tak hnam kan lo nih hi mawle.
June 2nd, 2011 at 7:30 pm
Thanpuii pa hi thinrim ve hla nih hmel hemi a ziah lai hian, a rei tawh nen tunlai kan mizoram boruak nen chuan la dik fu fu chu tam mai.
June 2nd, 2011 at 7:34 pm
Mi zong2 nihna ni vek lo mahse a nawlpui a hmuh dan leh nihdan ni ah ka ngaihpui mai..A thlir dan ki khi chuan a dik hmel anih hi..Mahse heng hi chu kan hnam a lo rei upat ve hunah chuan kan in sawi kan insawi nate hi a awm bik ka ring lo..ngaihah kan neive tawh anga..sap hote poh khu an thenom ah blue film siama ei zawng poh om sela,an in sawi an in sawi lo..Mahni hna theuh ngaihtuah khuan an buai suau suau ni ber in a lang.Kan hnam alo upat ve chuan hnampui rilru kn pu ve anga..Azia mai ang
June 2nd, 2011 at 7:36 pm
zodaifim, khua hi lum i ti ve thei tho em?
June 3rd, 2011 at 5:46 am
@Fonz, tunlai chu kan buai deuh va, ka online hman vak lo……!
I collection ho rawn bel zel rawh! I pa article, Chakma-ho a chungchang a ziahte pawh kha i rawn post thei lawm ni?
Thanpuii pa hian a rilru tawt laiin a ziak a nih duh hmel khawp mai. Mahse in comment thenkhat ang hian Baal hmaa thingthi ngai lo hi an tam ka ring.
Mizote mi rinawm lo tia mi 2/1 vanga mizo zawng zawng demna chhiar turte pawh a awm ve thin kha. Leilung pian tirh ata awm tawh heng sualna hi chu hnamtin chitin zingah a awm vek ka ring. Mahse tan kan laka kan in enlet fo nan he article hi kan darthlalang ni thei se a tha khawp ang.
June 3rd, 2011 at 5:54 am
Pu J. Malsawma hi a la dam em aw? Hria kan awm mial lo maw? A autobiography ‘Vanglai’ tih kha High Shcool ka kal laia ka pawisa pai chhunchaw leina tur khawlin ka lei ve a, ka ngaisang teh a nia. A harsat laia amah puitu a hrereng leh thudik tan mi a ni kha ka ngaihsanna chhan chu a ni.
June 5th, 2011 at 8:23 pm
A DIK IN AVA THA EM.
June 5th, 2011 at 8:43 pm
A rawn Quoted tupa(Fonz) tana a ziah ni awm tak ani… Fiamthu
Nui ru 
A thra hle mai 1960 a ziah ni mahse,tun thleng in ala dik reng nih hi. Mizia/Nungchang hi chu a thlak theih an ti na a,thlak a har deuh aniang nge.