Matthaia 26 :20-22 kan chhiar chuan, Lal Isua leh a zirtirten Kalhlen Kût chaw an kilho laiin Isua’n a zirtirte mak tih kumkhua tur thu rawn sawi phutin, “Tih takmeuhin ka hrilh a che u, in zinga mi pakhat hian mi mantir ang” a han ti phut mai a!!!
Chu thu thinthawng chuan a han den chiah chuan, a sur a sa hnuaia an lo zui, a thim a var pawh thlulo leh hrehawm tinreng an lo tawrh phah tawhna an hotupa, a thiltihtheihzia lah an hriat chian em emin chu thu a han sawi ta mai chu an tan chuan a mak a, awih har tak anih rualin awihloh theihloh a ni bawk si. Puitling ta nafam chuan phatsantu dinhmuna din chauh loh chuan mahni hotupa mantir ngawt chu thil theihah ruat lovin leh a tua ber nge tih an hotupa chuan a sawi lan bawk si loh avangin mangang takin, “Lalpa, keimah em ni?” tiin an zawt ta theuh anih kha.
Khawtlang leh inthenawm khawvenna ah pawh a ni tho. Thenawmte kherlo pawh inchhungkhura buaina a lo chhuah chang te pawh hian mahni thiamlohna hmuh a har hle thin. Khawtlang hruaitute leh thenawm khawvengte kher ran a, kawng thenkhata an hlawhchham hnu pawh a kawng lehlama la beih fat fat chingte hi inchhungkhur, kohhran, khawtlang leh thenawm khawvengah pawh ngêt siamtu an ni fo thin a, chumi chu, “Keimah em ni?” i han in ti phawt teh ang. Mahni inhmuh kim hi a har khawp a, darthlalang lian i inchhawp law law teh ang aw.
Inchhungkhur leh khawtlangah chauh nilo, pawlho ah pawh mite hmuh tlinloh ching dawklak ho hi chuan anmahni bak hi tling leh felah an inruat thei thin lo. An zuam zawngte dinhmun an it deuh phei chuan karfung hrang hrang ruaiin kar phawn ngei tumin mi phenah tan an la nasa thei thin khawp mai. An tlawn zawng leh an laka tlaktlum an duhna zawngah chuan zah pawh dawn eih lovin an che leh hreh hauh lo. An duhsak zawngte vawrh lansarh an thiamdan leh, chumi let leh lam chu lamtang ngahna ani tih hmu pha reng chunga che vak chi a la awm leh theih a. Chung mi te pawh chu, “Keimah em ni?” i la ti zel teh ang.
Thiam taka rorelnaah lamtang siam a, lang mang si lova mahni tânghma hai thiam riau leh mite dah offside thiam riau, tuna mite thinlung thiamtak mai a chawk nu a, nakina an hriatthiam hnua a nih nih lo ni zo tawh tur si ang zawnga hma la chite pawh hi mihringah hian a awm leh theih a. “Miin i chunga an tih a in duh tur ang bawkin mi chungah pawh tive rawh u” tih thu erawh hi chu ama tan a lalut ngailo thung. Chumi pawh chu, “Keimah em ni?” i la ti chhunzawm zel teh ang.
Tha, felfai leh dik kan duh a. Kan han sawitak leh a dang tamtak, ni thlup ang a lang, mahse a nihna takah chuan Moral Corruption hlauhawm tak ni si lak atanga kan fihlim a hun a, thil diklo palh a lo awm pawh a, “Keima thiamloh a ni, keimah zawk hi alawm” kan tih a, thiamlo nih kan inchuh nak nak hunah thiltha chu amahin a lo piang tawh ang. Chu thil chu zawlneite hrilhlawk kher ngai lovin kan banphak maiah hian a awm a, kan hmu pha reng nghe nghe a ni. A lo inherchhuahna daltu a la awm thei cheu mai!!! Chu a kawngdaltu chu “Keimah em ni?” tiin i inbihchiang theuh ang u.
A lawmawm thin e…
June 5th, 2011 at 9:37 pm
Like e
Report this comment
June 5th, 2011 at 9:37 pm
le.
Report this comment
June 5th, 2011 at 9:45 pm
Nick lama nikhua lo ve tak tak pawh hian thu tha zet zet hi in ziak a…
A ngaihnawmin a tha khawp mai.
Report this comment
June 5th, 2011 at 9:45 pm
Chhiar theuh ila ka duh hle mai. Kan comment peihlo anih pawhin
Report this comment
June 5th, 2011 at 9:51 pm
Ve teh tlat chuan
Report this comment
June 5th, 2011 at 9:51 pm
@4 Nia..Chhiar theuh peihloh pawn,comment theuh ila tiro.. Fiamthu… Nui ru
Report this comment
June 5th, 2011 at 9:52 pm
Hahaha, ku zrma thin hi chu awwww…
Report this comment
June 5th, 2011 at 9:55 pm
Sermon tha khawp mai……
Report this comment
June 5th, 2011 at 9:57 pm
A ni ngawt mai. Thiam lo hmasa nih hi hreh lo ila khawtlangah, thenawm khawvengah, nupaah, thian inkarah, etc., kan buaina tam tak hi a fel duak mai tur.
Pa thingpui no chu nu-in a rawn pal bua a, pa chuan “i va mawl ve, i meng nange” a tizek a. Nu chuan “i mawl fe zawk, kalna turah thingpui no i dah a nih kha” a tilet erh a.
Pa khan “ka thiam loh a ni, ka dahna a dik lo a ni maw” ti tha hle2 sela, nu pawhin “keimah alawm, ka kalna tur ka lo en chiang lo a, a dang ka thlit leh ang che aw” a ti ngei ang.
Thiam inti ve2 inkarah remna a awm tak2 thei lo.
Report this comment
June 5th, 2011 at 9:58 pm
Federer 5 6 6
Nadal 7 7 5
Report this comment
June 5th, 2011 at 10:01 pm
A dik khawp mai, pu kawlhawk… Mahni inphahhniam hi kan hreh tlang lutuk ta ani berin ka hria. Mahni dinhmun leh nihna tak hriatchian hi kan ngamlo hlawm viau niin ka hre bawk
Report this comment
June 5th, 2011 at 10:03 pm
Tha hle mai,,
Report this comment
June 5th, 2011 at 10:12 pm
Pu Cyber an Darthlalang fiah tha tak a rawn chhawp chhuak leh ta. In en ngam theuh ang aw.. 9.Kawlhawk comment a thain ava dik em. Silent reader ka nih lai khan, Kawlhawk thu post hi ngaihnawm ka ti thei thin lutuk a, (engemaw changin zahmawh rawng kaiin a hram tlahawlh deuh thin, tih lohah chuan) tunlai hi, engatinge ni, a thla a tliak emni le? A va chawl rei ta ve aw?
Report this comment
June 5th, 2011 at 10:31 pm
Keimah em ni? tih mai bakah ‘ka thiamlo a ni e’ tih han telh keuhte hian buaina a chingfel hma bik bawk.
Report this comment
June 5th, 2011 at 10:37 pm
Breaking news:
Feren Open Tennis Men Single Final Result:
Nadal 7-5, 7-6, 5-7, 6-1 Federer
Report this comment
June 5th, 2011 at 10:40 pm
nia, har ve deuh a nia.. Hmanni ka hna bang poh kn kom chhak tlangval (ka fa rual lek?)zuruiin min lo cho ngot mai a,ekhai, ka thiam lo a niang tih cu har tak a ni.
Report this comment
June 5th, 2011 at 10:42 pm
#16 saint han piai hlak la niang chu mawle
Report this comment
June 5th, 2011 at 10:47 pm
A va tha em ve aw.. Tuna ‘Keimah em ni?’ kan tihna chu kan hamthatna tur thilah chauh a ni. Politician-te ‘Keimah em ni?’ hmanna chu an hlawkna tur kawngah a ni. Mi inngaitlawmte leh thuhnuairawlhte ‘Keimah em ni?’ hmanna chu midang tana hlawkna awm theihna tur leh an sual an zêp lohnaah a ni thung. Post-a inziaka ‘Keimah em ni?’ khi chu politician duhamte hman thin ni lovin thuhnuairawlhte hman thin liau liau a ni. A post-tu pawh hian thuhnuairawlh taka, ‘Keimah em ni?’ ti-a a tul huna inphahhniam hreh lo turin min duh niin a lang. Zawhna pawimawh tak leh chhinchhiah tlak tak a ni.
Report this comment
June 5th, 2011 at 11:17 pm
Tha khawp mai .
.
Report this comment
June 5th, 2011 at 11:36 pm
Tunge champion ta min hrilh theih in om m? Mithi inah ka kal daih a. Ka lawm ngawt ang.
Report this comment
June 5th, 2011 at 11:57 pm
A sei e. Nakinah xiar ag.
Ka 1st em aw?
Report this comment
June 5th, 2011 at 11:58 pm
Mahni inhriat chian pawh thil harsa tak a nih laiin, midang hriat chian phei chu thil harsa leh zual a ni ngei ang le.
Report this comment
June 6th, 2011 at 12:47 am
Hmanah kum 2000 deuhthaw liam ta ah khan heilai tlang ka feh kawng ka thlohhma ral a awm tlangah hian Juda tlangval kum 30 bawrvelpa khan thil mak a ti tawh
Danglamna tlang an tih phah
https://i.imgur.com/RDkbL.jpg
Report this comment
June 6th, 2011 at 1:20 am
Zawhna pawimawh leh tha, awmze nei tak a ni.
Report this comment
June 6th, 2011 at 1:46 am
He post-a chiang deuh chuan sawisel leh mi han tehkual vel ah midang aiin an zia deuh ka ring. Engmah kan nih bik loh zia hi han hriat chiah hian kan kimki deuhin ka hre thin. High Sikul kal lai vel khan mi selna lam thuziak te hi ziak leh chhiar nuam ka ti thin a. Mahse ka upa tulh tulh a, pawl 12 ka chhuah dawn meuh chuan ka sim ti tih der.
Tha zat viau laite khan thawhpuite hi tlinglo bik riaua hmuhna te kha a lian duh khawp mai. Mahse kum 4 zet naupang ka han hrawn chiah mai a ka danglam ve deuh ta niin ka hria. Hmanhmawh vak loa consitent taka kal hi a lo tha ber a nih hi ka ti hne hne mai le.
‘Keimah a ni thiam lo’ tih hian ken tel a ngah khawp mai. Sawi har tak ni mah se kan lei leh ka hian a sawi nan cheng khat mah a mamawh lo a, thinlung lam a ni zawk a ni. A nghawng chu HLIMNA, INREMNA, HLAWKNAte ldt a ni.
Hetiang lam post hi a tha khawp mai.
Report this comment
June 6th, 2011 at 2:39 am
Ka’n tuihnih leh lawk. A in kaihnawih tho bawk a. Hruaitu leh hotute sawisel leh rel kan ching viau bawk thin pawh hi a dawngtu tan chuan a nuam lo viau zel. Sawisel leh rel dawng thei tura kan thlan hruaitu an ni mauh mai a, mahse pawl thenkhatah hi chuan an ti mah mah emaw ka ti thin. Agenda pakhat reltluk bawkzui ringawt pawh hi namai lo tak a ni. Chuti kara a thei ber niawm taka an lo rak ve chhen thin hi chu a chang chuan puitlin loh a awl thin ang. Hna chak taka thawh lahin inti hre chinin thiam takin an lo kherh ve leh thin bawk nen. A system chhunga awm lo hian a pawn atang hian sawi ve zuah zuah a, committee naah ding tam bera mahse bawhzui lama tha pe tlem deuh ang vel a ni.
Hotu, hruaitu leh buaipuitu dinhmuna awm thinte khan Pu Theodore Roosevelt-a thusawi hi lo hre chhuak ve thin rawh u, hetiangin- “It is not the critic who counts; not the man who points out how the strong man stumbles, or where the doer of deeds could have done them better. The credit belongs to the man who is actually in the arena, whose face is marred by dust and sweat and blood, who strives valiantly; who errs and comes short again and again; because there is not effort without error and shortcomings; but who does actually strive to do the deed; who knows the great enthusiasm, the great devotion, who spends himself in a worthy cause, who at the best knows in the end the triumph of high achievement and who at the worst, if he fails, at least he fails while daring greatly. So that his place shall never be with those cold and timid souls who know neither victory nor defeat.”
Report this comment
June 6th, 2011 at 3:04 am
post tha tak ani. Keima ziak em ni?? Heh
Report this comment
June 6th, 2011 at 8:43 am
METI EGOU EIMI KURIE tiin Grik tawng chuan a inziak a, “Ani chu ka ni lo ti raw, Lalpa?” tia lehlin a fel ber zawk asin (King James II Bible ang chuan).
METI = Not
EGOU = I am
EIMI = he
KURIE = Lord
Not I am (he), Lord (Amah chu ka ni lo ti raw, Lalpa?) tia lehlin a fuh. KEIMAH EM NI, LALPA? ti lovin.
Tin, Nazareth Isua leh a zirtirte khan Kalhlen Chaw khami zan khan an kilho lo. Kalhlen Chaw kil hun a la ni lo va.
Kalhlen Chaw kil hun chu Isua Krista ruang thlana an zalh luh zan kha a ni zawk a, Amah kha kan kalhlen beram no a nih tak zawk avangin.
Zanriah hnuhnung an kilna hmun kha Zion Tlang-ah a ni a, kalhlen beram talhna hmun a ni ngai lo. Talhna hmun chu Zion tlang hmar lam km 1 vela Temple Tlang Moriah a ni zawk thin. Tin, kalhlen beram talh tur khan zirtir 12-te kha tumah puithiam Levia Temple-a rawngbawl an awm lo. Mahnia chhungkaw pa berin an talh hun a pel tawh. A hun kha Abib 13 ral zan a la chauh va, kalhlen beram chu Zib 14 tawp dawn tlai lam dar 3 atanga dar 6 inkar vela talh a ni thin a, chutiang chiahah chuan Krista kha tihhlum a ni ta chiah reng a ni. Ringtu tam takten Isua khan Kalhlen Chaw a kilpui emaw an ti thin hi hriatna dik lo a ni. Zanriah (Grik : dupne) a kilpui chauh zawk a. Inbuatsaih zan a ni thung. Inbuatsaih tih pawh hi HOTEIMAZO tih a ni a, chhungril leh pawnlan inbuatsaihna a ni. Kalhlen beram talh tur leh Kalhlen Chaw ei tur hian an duh uluk hle. Puithiamte pawh an intithianghlim hmasa tur a ni a, chhimtu mipuite pawh an inthian thianghlim hmasa thin a ni. (cf. Johana 11:55).
Isuan an kilpui zan pawh khan chhungril leh pawn lam tisa thenfaina program a ni thung a. Zirtirte rilru-ah hian KEIMAH EM NI tia inphahhnuaina lam ai chuan, thenfai ngai tak, Phatsantu tur “Ani chu ka ni lo ti raw?” tiin, thian dangte chunga tla zawk tura zawhna-inchachhuah an sawi hlawm a ang daih.
Zotawng Bible-a “Kalhlen Chaw” tia an letling hi a dik lo bur. Isua khan, “With a desire I have desired to eat this upcoming Passover,” th a ni a, “Duhthusamah chuan he kalhlen rawn thleng tur hi eipui che u ka duh tehreng nen,” tih tur a ni zawk. Messia khan a hun taka kilpui hman ve ta lovin, a thihsan ta a, NANG LEH LEI VANGIN, Amah gei kha kan kalhlen ruai dik tak a ni ta chiah a ni. Chu chu Paula sawi uar a ni, “Krista kan kalhlen beram chu a talh tawh si a, chuvangin i kut ang u,” tiin.
TODA.
Report this comment
June 6th, 2011 at 9:19 am
TYPO ka ngah, ka zul nawn leh e.
Zanriah hnuhnung an kilna hmun kha Zion Tlang-ah a ni a, kalhlen beram talhna hmun a ni ngai lo. Talhna hmun chu Zion tlang hmar lam km 1 vela Temple Tlang Moriah a ni zawk thin. Tin, kalhlen beram talh tur khan zirtir 12-te kha tumah puithiam Levia Temple-a rawngbawl an awm lo. Mahnia chhungkaw pa berin an talh hun (era) a pel tawh bawk. A hun kha Abib 13 ral zan a la chauh va, kalhlen beram chu Abib 14 khaw eng tawp dawn tlai lam dar 3 atanga dar 6 inkar vela talh a ni thin a, chutiang chiahah chuan Krista kha tihhlum a ni ta chiah reng a ni.
Ringtu tam takten Isua khan Kalhlen Chaw a kilpui emaw an ti thin hi hriatna dik lo a ni. Zanriah (Grik : dupne) a kilpui chauh zawk a. Khami zan kha Inbuatsaih zan (Urlawk zan) a ni thung. Inbuatsaih tih pawh hi HOTEIMAZO tih a ni a, chhungril leh pawnlam inbuatsaihna a ni. Kalhlen beram talh tur leh Kalhlen Chaw ei tur hian an duh uluk hle. Puithiamte pawh an intithianghlim hmasa tur a ni a, chhimtu mipuite pawh an inthian thianghlim hmasa thin a ni. (cf. Johana 11:55).
Isuan an kilpui zan pawh khan chhungril leh pawnlam tisa thenfaina program a ni thung a. Khamir pawh thenfai zan a ni.
Zirtirte rilru-ah hian KEIMAH EM NI tia inphahhnuaina lam ai chuan, thenfai ngai tak, Messia Phatsantu tur “Ani chu ka ni lo ti raw?” tiin, thian dangte chunga tla zawk tura zawhna-inchachhuah an zawt den den hlawm a ang daih.
Zotawng Bible-a “Kalhlen Chaw” tia an letling hi a dik lo bur. Isua khan, “With a desire I have desired to eat this upcoming Passover,” th a ni a, “Duhthusamah chuan he kalhlen rawn thleng tur hi eipui che u ka duh tehreng nen,” tih tur a ni zawk.
Messia khan a hun taka kilpui hman ve ta lovin, a thihsan ta a, NANG LEH KEI VANGIN, Amah ngei kha kan kalhlen ruai dik tak chu a ni ta chiah a ni. Chu chu Paula sawi uar a ni, “Kan kalhlen beramno Krista ngei chu a talh tawh si a, chuvangin i kut ang u,” tiin.
Report this comment