Tunhnaia kan thuziaktute leh hla phuahtuten mizo lalte zingah Kumpinu laka tlawm ve lo anih avang maia Lalnu Ropuiliani chawimawina nopui an dawm tir hi thlirna tlang dang atangin i han bih chiang deuh teh ang. A tifiahtu atan a hun lai veka Darzo lalnu Darbilhi nen khaikhin ila:
An inanna te:
1. Lal an ni ve ve.
2. Kumpinu sawrkar chak takin Zoram an rawn run hun laia tlang chang ve ve an ni
3. Khawnbawl upa min leh fing tak tak rawn tur an nei ve ve
Mihring zia chu harsatna a lo thlenin a lang chiang thin. Mizo lalnu ropui pahnihin vai lian an hmachhawn dan inang lo tak mai chu:
1. Ropuiliani chuan do let tumin a pasalthate a khawm. Darbilhi chuan do tum lovin thiana siam a tum thung.
2. Ropuiliani chuan sapho palai a lo that. Darbilhi chuan sap chu nuta-ah a lo vuan.
A nghawngte :
1. Lalnu Ropuiliani khua leh tuite chuan thihna, kuli, puakphurh, chhiah chawi, tihretheih an tuar.
2. Lalnu Darbilhi khua leh tuite chuan kuli, chhiahchawi an awl thung a, amah leh a thlahten tlang an chang zui.
3. Lalnu Ropuiliani chu an phumna hmun pawh a chiang hleithei ta lova. Lalnu Darbilhi erawh ropui taka phum a ni thung.
Lalnu Darbilhi hian fing leh remhre takin hneh loh tur lo buan vak ai chuan tiin thianah a lo siam hlauh a, buaina tamtak a pumbelh a ni tih a chiang hle. Lalnu Ropuiliani erawh hi chuan at a sova, upa fing tak tak rawn tur a neih laiin mahni thu duh takin ro a rel a, a khua leh tuite leh a nunna hialin a tuar ta a ni. Lalnu Ropuiliani hian ram leh hnam a hmangaih tih hi dik theiin a lang ta lova, a hneh loh tur tih lang sa reng,(a lalna tlang chhak lama lalnu pawhin a hriat chian sa ) lo do duhna rilru hi a chapona leh a lalna chan mai a hlauhna atanga lo chhuak a ni tih a chiang a, a khua leh tuite kha hmathehah a hmang bawk a ni. Kan naupan laia mizo pasaltha leh huaisen hmingthang Chawngbawla chanchin kan zir thin nen chuan lalnu Ropuiliani khawsa zia hi a inpersan hle.
A tanhmun a fuh tawk loh chuan Chawngbawla khan tlawm leh tlanchhiat a hreh lova, Chawngbawla pawh a bawl hleithei lo zawk a ni ngai a. Chu nun fing, huaisen leh a ngaihna hria inkawp chu harsatna a tawh laia Darbilhi nunah leh a thutlukna siamah kan hmu. Lalnu Ropuiliani at huai thu kan infaha kan chawimawi chiam chiam lai hian a lalna tlang chhak lawk Darzo tlanga lal fing leh hmalam hun thlir thiam Lalnu Darbilhi hi hmaih phal chi a ni lovang.
Engnge kan zir chhuah? Tunlai huna Zoram awptu ni ve ve ta se, zu in min runna lak atanga thutlukna an siam dan tur chu hetiang hi a nih a rinawm.
1. Lalnu Ropuiliani chuan kohhran duhdan angin zu hi khap zel a duh ngei ang. ”Khap rem dawn lo mah ila, kan tu leh fate zu zawrh phalna lam phairamah te pawh awm tir hreh chuang lo mah ila, kan Zoram hi chu zu hian min tibuai tur a ni lo. ‘Tangka sum ngainat hi sual tinreng bul a ni’ tih thu ropui leh dik lak atanga mipuite rilru lak pen nan pawh a tha alawm,” tiin khap bur a duh ngei ang.
2. Lalnu Darbilhi erawh hi chuan ‘zu hi do buai a ngai em ni ? Kan ngai ropuiin kan tihlu vel mai mai a ni lo maw? Thlah zalen mai ila, eng atan maha kan tih loh hun a lo thleng ve mai ang. Tin, khuareiah kan la thatpui zawk ang a, kan kristian pui hnam dangte leh hnam fing leh upa zawk ten engtin nge an buaipui ve le ?’ tiin a upa fing leh remhre zual rawnin study group a din ang a, a upa rawn zual pariat te zinga paruk ngawt maiin an hmuh dan leh an duh dan an han sawi hnuah chuan MLTP act hi a hlip daihin ka ring.
June 7th, 2011 at 1:38 pm
Darbilhi hi ka lo hre ngai lo a nih hi.
Report this comment
June 7th, 2011 at 1:38 pm
a beng var thlak e
Report this comment
June 7th, 2011 at 1:39 pm
kei pawh Darbilhi hi ka hre ngai miah lo
Report this comment
June 7th, 2011 at 1:44 pm
MLTP bawk mo!! ChhanaPa chuan in zo daih ang a ti!
Report this comment
June 7th, 2011 at 1:52 pm
Darbilhi te hunlai leh tunlai chu thil awm dang a dang deuh a ni. Darbilhi, Ropuiliani te kha chuan absolute power an nei a,tunlai thlan tlin sawrkar ang in hlauh an nei ve lo.Mizoram ah hian eng pawh sawrkar se, ngam loh hi an ngah em a.e.g.Kohhran,NGO.adt. Heng Kohhran,NGo etc te hian thu neih an lo tum ve sek bawk si a,oppose tu an awm lah in,” a YMA lo, a pathian thu lo, ..blah, blah,blah..an ti leh bawk si a.
Report this comment
June 7th, 2011 at 2:19 pm
Zu ah an khalh luh daih chu le.
Report this comment
June 7th, 2011 at 2:24 pm
@a post tupa, Hnamdangin kan ramah ngei hian i thil chhuhsak lo tum ta che sela i tang angem? Nge an duh ang ang chu i pe dawn? Ropuiliani kha chu theihtawpin a lo tang a sin.. Hei te mai hi ka zawt che a ni e..
Report this comment
June 7th, 2011 at 2:25 pm
Darbilhi hi ka lo la hre lo tawp mai i phuahchawp chu a ni em lo’ng chu ?
Ropuiliani leh Darbilhi te hi i rawn ziah letling chiah ni zawkin ka ring, Ropuiliani hian hlauh a nei si lova MLTP Act hi hlip hmak zawk ang
Report this comment
June 7th, 2011 at 2:26 pm
darbilhi chu ka vawikhat hriatna nih chu, a lo va ropui ve le. A bengvarthlak khawp mai.
Report this comment
June 7th, 2011 at 2:47 pm
Mizo hmeichhia zingah lalnu Ropuiliani tluka ram leh hnam hmangaihtu an awm kher lovang. A ram humhim a duh avanga theihtawpa hneh loh hriat ngawih ngawih pawh a lo do let tang tang hi kei chuan ât-huai vang ka ti phal ngang lo a ni e.
Report this comment
June 7th, 2011 at 3:05 pm
I thu ziah chu atawpa i khaikhin MLTP act nen chuan a va inanglo ve te kalo ti mai2 a. Mahse a ziaktu duhdan a ni miau si a le. Darbilhi hi ka vawi khat hriatna a ni.
Report this comment
June 7th, 2011 at 3:38 pm
Nula in Tlangval lak ah ka tang zo don chuang lo, in pe mai ang tih ang vel ani, Darbilhi hi Mizo history ah ka la hmuh loh avangin a Ropui in an Ngaisang vak lo aniang,”A tlawm ve lo Ropuiliani Sappu tawn” ah ka ti tho tho.
Report this comment
June 7th, 2011 at 3:48 pm
@Post tupa, ‘Lalnu Ropuiliani erawh hi chuan at a sova, upa fing tak tak rawn tur a neih laiin mahni thu duh takin ro a rel a, a khua leh tuite leh a nunna hialin a tuar ta a ni. Lalnu Ropuiliani hian ram leh hnam a hmangaih tih hi dik theiin a lang ta lova, a hneh loh tur tih lang sa reng,(a lalna tlang chhak lama lalnu pawhin a hriat chian sa ) lo do duhna rilru hi a chapona leh a lalna chan mai a hlauhna atanga lo chhuak a ni tih a chiang a, a khua leh tuite kha hmathehah a hmang bawk a ni’
Mahni nunna hial chan ngam leh nunau chhanhim tuma a beih lai hian Lalnu Ropuiliani hi a ‘chapo’ vanga i puh ringawt hi i in bihchian a ngai zawk a ni. 
sorry
Hei hi i ngaihdan mai mai ni mahse, i dik ziktluang lo tih erawh ka sawi ngam. Lalnu Ropuiliani ten kan RAM neichhun hi, hnamdang min chimral tum laia thi leh thau pawlha an lo beih let lai hian khawi ah nge i awm? Hnamdangin mizo min tih retheih lai, sipai puak phur-ah te, sal-ah te an man lai leh khua an halchhiat lai, nunau pawisawilo te thata, kan nula ngei te an pawngsual laia, dawihzepna vanga, hneh loh tur lo tlawn a, Lalnu Darbilhi i chawimawi tlat hi a mak ka ti. Tun hun thleng hian kan Zoram hi la buai se, Lalnu Darbilhi Policy hi apply ta ila, engtin nge kan awm ang tunah hian, han ngaihtuah mah te u! Chimral bak (assimilation) hmabak kan nei lo.
Report this comment
June 7th, 2011 at 3:56 pm
Lalnu Darbilhi chanchin hi ka hriat vawi khatna a ni a, a bengvar thlak e. Amaherawhchu, hneh loh tur pawh ni se mahni ram tana a thiam ang tawk leh a theih ang tawk a lo bei tu Lalnu Ropuiliani hi zuk ngaisang zawk tlat a!! A thlan awmna hriat ni lovin, a khua te leh a thlah zel te pawn lo tuar phah hle mah sela, Mizo history a thi leh ngai tawh lo turin thu leh hla hmanga tih nun a ni tawh a, chu chu a ropui em em zawk lovem ni? Kan ngaihsan zawng a inang lo a niang e!
Report this comment
June 7th, 2011 at 4:04 pm
Ram leh Hnam chhan nana Nun chan te hi Hnam Martyr an ti a, Lalnu Ropuiliani, Pasaltha Khuangchera te kha Mizo Hnam tan Martyr an nia sin, MLTP Act sawichhiat nan i tehkhin thu hi a fing lo tlat,Duh leh Sorkar chuan a hlip in a hlip lo mai ang chu! Hetiang a kan Hnam Pasaltha/ Mi Ropui sawi chhe tu hi Mizo i ni lo em ni dawn le!
Report this comment
June 7th, 2011 at 4:07 pm
Thlirna tlang dang atangin
Ram leh hnam tan hneh tur tih hriat sa chauh kan do dawn em ni?
Zu khap nen hian tehkhin chi rual a nilo. Sap ho khan kan renevue an ti pung lova, an revenue kan ti pung zawk anih hmel. Phalna neia zu zawrh erawh chuan ram revenue a tipung thung. Whatever
Report this comment
June 7th, 2011 at 4:12 pm
Tehkhin thu lek zuk ni a…he2… A thu hma lam hi chhiar a nuam..A hnung lam erawh chu kohhran leh pawl hrang hrang deu na lam a ang…
Ni e, Zu hi tuna dan awm mek hi hlih duh leh duh lo kan awm a, tin, alai a ţang a zu khap kher lo a, dan en nawn duh, siamţhat duh an awm bawk a,
Anih chuan Zu khapna dan siamţhat duh te thu hriat ve a chakawm ta hle mai a..!!!?!?
Report this comment
June 7th, 2011 at 4:32 pm
Darbilhi hian zu a duh viau em?
Ropuiliani khan zu a do chiah tak tak ang maw?
Policy hi a inang lo thei hlawm a, thlengtlawrzuan policy a awm theih laiin, ram hmelma lo do duh vena thinlung putu Ropuiliani a awm ve thung a ni mai a. Ropuiliani leh Darbilhi kha insual ta se … tunge rum zawk ang aw?
Khuangchera te, Ropuiliani te kha angkhat an ni dawn a ni maw?
Darbilhi kha a dawihin a zamchhe hle a, Ropuiliani thung erawh kha chu a kawlhrawng hle a tih ve theih tho ang chu!
Report this comment
June 7th, 2011 at 4:44 pm
Rambuai leh vailian hriatpawlh loh tur. British ho khan Mizo lalte lalna (sovereignty) tih chhiat kha an tum ber a ni lo. Thiana lo siam mai kha a finthlak hle. Mizo lalte kha an tlawm a ni lo, lalna an chang zui zel a, lal tlawm leh lal ban chu tunhnai thil a ni.
Mizo lal dang tamtak history-a lang kher lo an la awm teuhva, lalnu Darbilhi hi tehkhin nana lakchhuah mai a ni. Thil reng reng hi a thlirtu hmasate thlir dan leh an thil chhawpchhuah hi a dik ber leh thil awmchhun anga pawm tur a ni lo. History ngat phei chu a thlirdan azirin ngaihdan a danglam theihzia chu maw– sap rilru atanga ‘Sepoy mutiny’ tia kan hriat thin chu Indian rilru atang chuan ‘First War of Indian Independence’ a ni daih. King Ahab (Ahaba) chu Kristian tarmit atang chuan hnam dangte nena nghawng kawl bat a ni a, lal ropuia ngaih a ni lo. Kristian tarmit vuah lo Historian pangngai rilru-ah chuan Foreign diplomacy nei tha, thenawm ramte nena inkungkaiha a lalram ti zautu lal fing a ni thung.
Nula pawngsual nena tehkhin chi a ni lova, ram leh hnam a chhan ngam lo tih lam a ni love, a chhan dan kha Ropuilianin chhan a tum dan ai chuan a finthlak zawk tih thil a ni.
Ram hmangaih inti theuh theuh, zu duhlo inti theuh theuh, ram kan hmangaih dan leh zu kan do dan a inang lo thei tih thu nen hian tehkhin a rem khawp mai. Zu khap chu inchung far tihreh nana bucket dawh ang a ni a, zu thlah free mai chu a pawp lai tihphui daih ang a ni.
Lalnu Darbilhi lalna tlangah kulh hmingthang Fort Tregear a awm a, British hun lai atanga Zoram hmun pawimawha ngaih a ni e. S. Vanlaiphai bula Darzo lalnu, fanai lal a ni.
Report this comment
June 7th, 2011 at 4:45 pm
Darbilhi hian ram tan a thawhhlawk lua lo a nih hmel…tuman kan hriat loh danah hian!! Darzo leh a thenawm khaw hnaivai deuhten in hria a va ni lek awm ve!!
Khaikhin ralah chuan Mizo hnam leh ram tana thawh hlawk leh ngaihsanawmah chuan ROPUILIANI a buk a ri feeee zawk!
A tawpa i han tlangkawmna teh daih chu leh!! Zu i duh ve thawkhat tih i rawn tarlanna a ni maw?? A ngawl i vei tan der tawh a nih kha, fimkhur rawh!!
Report this comment
June 7th, 2011 at 5:55 pm
Darbilhi chanchin hrechiang duh tan a hnuaia link hi en mai tur a ni.
https://www.text-upload.com/rea.....;c=4002215
Report this comment
June 7th, 2011 at 6:09 pm
@Post tupa, Hnam Sakhua ang niloa, i rawn chhang thei chu a lawmawm e. Nie, British ho khan Mizo Lalte lalna tih chhiat kha an tum ber a nilo, kan hnam min bawhbeta, an thu hnuaia duh duh a thehkual vel mai mai atan bak min tilo (lehlam atanga thlir ve tho chuan). tehkhin han sawi tak ah chuan East India company te kha sumdawnna a hminga changchawia ram lak kha an Policy a ni tih kan hre theuh in a rinawm. An tum ber chu Divide & Rule ani. Unau leh unau min in huat tir a, chu chu remchanga laiin mi hnehchuh kha a ni. Engvanga i TLUK LOH Lalnu Ropuiliani at so tira, mahni thu duh taka ro rel tir leh ram leh hnam chhan vanga Chapo tia i chhal leh i koh ngam hi a mak ka ti. A eng chiah hian nge Lalnu Ropuiliani hi a Lalna chan a hlauhna chhan ni ang le?, kan tawng huai deuh lutuk thin niin ka hria. Tin lalnu Darbilhi aia Ropuiliani ram leh hnam a chhan tum dan hi a finthlak zawkna ka hmu miah lo. Sawi tur tam tak a awm, sawi sen a ni lovang.
“Thil reng reng hi a thlirtu hmasate thlir dan leh an thil chhawpchhuah hi a dik ber leh thil awmchhun anga pawm tur a ni lo. History ngat phei chu a thlirdan azirin ngaihdan a danglam theihzia chu maw– sap rilru atanga ‘Sepoy mutiny’ tia kan hriat thin chu Indian rilru atang chuan ‘First War of Indian Independence’ a ni daih.” Hei erawh a dik khawp mai. Mahse thildang, Christian ka nih chhan leh ka lawiluhna Kohhran hi ka nu leh pa te lo zawm sa leh an lo luhna vang a ni (tawh) lo. Ka thuziak a khal deuh a nih chuan min ngaidam dawn nia,… a mimal erawh chuan ka ti lo.
Report this comment
June 7th, 2011 at 6:37 pm
Vawikhat hriat na -> “Darbilhi” khi ngati nge zirlai bu ah kan hmuh ve ngai miah lo, a ropui tawklo tih na ani mai ani!
Report this comment
June 7th, 2011 at 7:54 pm
Mizo history ka chhiar emaw ka tia zu lam bawk maw…
Report this comment
June 7th, 2011 at 8:10 pm
hei chu facebook lamah poh an sawi nasa mai,Dappy fela in ti in zoram tan group ah a post a, FB leh misual a post tu hi thu hmun tho a ni lo maw? mak deuh a ngaihdan han neih hi fing ta riau a in hriatna an nei emaw ni dawn ni?
Report this comment
June 7th, 2011 at 9:14 pm
21. Amaria.vch. I link dah khi ka chhiar chhuak vek a, a tha hle mai. Fanai Lal zingah Nochhuma leh a thlahte hi ka hriat loh lam pang anni a, ka hriat chian phah ta kuar e. sawi fo tawh angin, Mizo history chhuitu leh ziaktu ho hian, Sailo Lal ho bak an chhui ngai lo khawp mai a, Tunah pawh Rorel thiam lama mizo Lal mipa ho aia duai reng reng lo, Vanapa te, Lal Bengkhuaia te ang maia thluak hmang thiam chan chin hria a ram kan awm loh hi. Post tupa thahnem ngaihna a fakawm a, amaherawhchu, i rawn chhawp chhuah dan a fuh chiah lo deuh a ni. Mizo history a Lalnu ropui 2 chanchin i rawn sawi a, a khai khin ang zawnga i rawn ziak hlauh hi a pawi ka ti. Ropuiliani hi zofa zawng zawngte tana chhuan awm a tling tak meuh a, a huai senna hi engti kawng maha sawi dal theih ani lo. Mahse, khawvelah hian huai senna ringawt hi a tawklo fo. Finna a tel loh chuan a tangkai nep thin a ni. Abraham Lincoln chuan, “Ka hmelma thiana ka siam hian ka hneh tihna ani dawn lawm ni?” a lo ti daih tawh a. History ah Lal ropui leh ngaihsan hlawh thin chi 2 an awm a, 1. Na chu Ram latu(conqueror) anni a. 2) na chu, Rorel thiam, an ram awpa remna leh muanna awmtir thei tute anni. A hnuhnung zawka mite hi Lal chak leh Lal dangte pawhin an zuam loh thiana siam an duh anni thin. Engpawh nisela, Kan Laknu 2 ten an pasalte thih hnua an Lalram hum zui zel an tum dan hi an entawn tlakin an ngaih san awm tak meuh meuh a ni.
Report this comment
June 7th, 2011 at 9:58 pm
Lalnu Ropuiliani hi Pi Lalsangzuali Sailo hla phuah leh a chanchin ziahna article te hi ka hriatna a ni mai a, Lalnu Darbilhi hi ka hriat vawi khat na a ni thung. Ngaihdan siam tur chuan ka zir ve nual hma loh chuan ka ‘pass’ hrih mai e.
Sailo leh Fanai tih zawng a lak nilo se.
Report this comment
June 8th, 2011 at 12:17 am
KA ZAWHNA KHI CHHANG TA CHE.. I CHHANG NGAMLO EM NI?
Report this comment
June 8th, 2011 at 12:40 am
A thupui leh a tawpa i tlipna (zu chungchang) zawng2 nen, a bo a bang awm lovin ka thlawp e. Hetianga “Thlirna tlang dang” neih hi a tha!!!
Report this comment
June 8th, 2011 at 12:50 pm
Amaria.vch leh midangte chungah lawmthu ka sawi. A tawpna angrengin- Vailian kha hmarlam lalte khan huaisen takin an lo kap a, an hmanrua neih erawh a inkhan lo lulai a ni (awlan/tukuli vs puakrang). Lal leh lal tlawm zawk awm tur chuan indo a ngai. Indo hmaa inremna siam (saui tan) hi tlawm tihna a ni lo. Ropuiliani khan vailian kha a do hman lo, a do hmain an man daih. Mizo laldangte pawh ralin an man hnuah lal an nihna kha hmelma ramah pawh tihlan hram tum an ni deuh vek a ni. A hma thlir thui lohna leh a khua leh tuite tuar tur a ngaihtuah loh avanga ngawhngawl a chhuahna kha kei chuan ropui ka ti thei lo.
Thingtlangpa tan – Lirnghing rapthlakin Zoram hi nuai ta se, building chim ta rum rum mai se, ‘kei leh ka nupui fanaute erawh hi zawngin kan in hi kan chhuahsan dawn lo’ i ti dawn em ni, Pu Thingtlangpa.
Hei hi ngaihtuah tel teh. Indian zinga British do lettu pahnih la chhuak ang. Mahatma Gandhi leh Subhas Chandra Bose,nang leh mi thenkhat chuan Subhas-a zawk hi ‘India Hnampa’tia vuah tur in tih nulh nulh duh hmel.
Report this comment
June 8th, 2011 at 10:08 pm
He thuziaktu hi chuan vawksa leh uisa tuizia pawh compare se MLTP Act hlih leh hlih lohah tho a luh ka ring a..
Report this comment