Pu Sandman-a’n rawn dak tawh miah hrih suh atia. Mahse, mi(sual).com tisa chakna ka tuar zo ngang lo a ni e. Min lo hrethiam teh u’n.. 
Haw tum ve deuh hian ka rilru hi ka siam ve roh a. Nikum hmasa kan inchhung atanga phai lam pana ka inpuchhuak leh khan ka chhungte bulah khan, “Hlawhtling lo chuan ka rawn haw tawh lo ang” kan tithla ve rawk a. Lo theih awzawng lo mai chu niin… Ka thutiam pawh chhungkaw pawimawhna avangin mahnitea Krismas ka hman rek rek hnuin vawi 2 lai chu ka bawhchhe ta.
A vawi 3-na atana bawhchhe tura ka inbuatsaih mek lai chuan, ka thusawi pakhat erawh ka rilruah a lo lut leh a.”Ka thawhchhuah ngei lo chuan thlawhna hian ka thlawk lo ang” ka tih kha ka hrereng a, chuvang chuan ‘rel’ ticket chu kan en chhin a.
Mak tak mai chu, helam atanga chhun khaw en nuam taka rawn chhuak tur rel reng reng kha tlai emaw zan lamah Guwahati a thleng deuh fur mai a. Guwahati a zan han riah a, atuka han chet leh vel ka peih lo nen ka lung chu a dum vak lo a. Mahse, pakhat zinglam dar 8 a thleng tur hi a lo awm hlauh mai a. A chhuah hun ka en chuan zan dar 11:45 a lo ni veh mai a. Mahse, ka tumram ka thlen hun tura ka duhthusam zawk anih avangin ka lung chu a dum ta ber mai.
Chumi hnua ka ngaihtuahnaa lo lang zui ta chu hei hi a ni. Kan duh ang tak leh nuamsa thei ang bera thil kan lo tan a, hma kan lak a hnuh kan kawih hian, kan thlen tum ram hi kan duhthusam angin kan thleng lo chawk thin tih hi a ni. Hrehawm leh hahthlak taka, thlan tla zawih zawih chunga bul kan tan hian kan tum ram chu duhthusamin min hruai thleng thin a ni.
Nuam sa taka bul kan tan duh avangin sum laka rinawmlohnate, hnaa rinawmlohnate, kawppuite laka rinawmlohna te leh rinawmlohna tam tak kan ram thanmawhbawk a lo awm ta thin a ni.
Pathianin mihringte Eden huan atanga a hnawhchhuah khan thlan tla zawih zawih khawpa mahni eitur zawng turin min kawhhmuh a ni. Awm awl dawr dawr a, midang chanai eiru tun tun turin min ti hauh lo..!!
Hahtaka mahni thawhchhuah ngei hi a hlu a, hmansual pawh a har nge nge a ni.
(Laptop a hang nasa em mai, comment lamah chhunzawm tawh mai ang. :-D)
Similar Posts:
- Chhantu Ka Ngai, Puitu Ka Ngai!!
- Sualna neilo chuan min deng rawh u
- Hremhmun atanga lehkhathawn:
- In kiss kan ni em?
- KA NU PAWNFEN PAR (PART-II)
June 11th, 2011 at 2:27 am
Guwahati – Delhi kal Train ah mahni chauha han kal hian a nawm rual rual in a chang chuan a khawhar thlak ve thhn khawp mai, mahse mizo te hi phai lama awm an tam tawh a, zin vei vak hi chu an awm ve zel mai.
Report this comment
June 13th, 2011 at 2:06 am
Honesty is the best policy
Report this comment
June 13th, 2011 at 2:12 am
(Hahtaka mahni thawhchhuah ngei hi a hlu a, hmansual pawh a har nge nge a ni.)
A dik
Report this comment