Tlangvalho chuan val upa hnenah chuan “Val upa, tlangchil leh tlangsawi awmzia min han hrilhfiah teh khai,” an ti a.Val upa chuan “Tlangchil leh tlangsawi hi kan sawi pawlh fo va.Lo ngaithla ula, ka han sawi chiang dawn teh ang,” a han ti a.
“Hmanlai chuan nula thenkhat tlangvalin an va rim a, nula nu leh pa ten an lo be tha duh lo emaw nula khan tlangvalte a be tha duh lo emaw a mutsan emaw anih a, tlangval lungawi lovin Zawlbukah a thlen chuan; Val upa hovin ngun taka an ngaihtuah hnuah hrem tlak ngei nia an hriat chuan Zawlbuk atangin tlangval rual an thawkchhuak a, an hrem tur nula in chu an kaitan zawng zawng an pheh darhsak vek emaw, an bang chhak leh thlang tlawh thlaksak vek hial emawin an va hrem thin a ni.Nula nu leh paten an lo haw ngam reng reng lova, ngaihdam an lo dil hial zawk thin a ni.”
Val upa vek chuan “Tlangsawi hi chu khawtlang tana mihnawksak leh chimawm, a tihsual man fak hleih theih si loh, rinhlelhkaite hremna a ni thung a. Chutiang mi chu tlangval rualin an man a, a titu ber hriat hauh lovin a falin an sawisa hrep thin. Mi kawlh leh sa kawlh laka khawtlang venghim thinten nungchang dik lo an zilhna a nih avangin Lal pawhin thubuaiah a la ngai lo. Hetiang Tlangchil/ Tlangsawi hlawh chhungkua nih chu thil zahthlak tawpkhawkah an ngai a, khawdangah an pem phah hial thin asin!” a ti a.
Tlangvalho chuan “Khawtlang thatna tur ngaihtuahtute zilh nih chu thil zahthlak tak a ni maw!” an ti a.
Similar Posts:
- Mizo Hnam Dan (Thilmak thenkhat)
- Nula Rim Thu
- Lungphun pakhat
- Pasaltha Zingkela leh Tlangval Bawkkuia by Thanchhunga, BVT
- Nula senior…
Ka tawn...
Post...
June 11th, 2011 at 12:40 pm
Chiar ila…
Report this comment
June 11th, 2011 at 12:51 pm
Val upa kan titak hi ka chianglo reuh mai..hmeichia te pawh val upa kan ti ve thou bawk si a,ahrea ten khawngaih min hril te u…
Report this comment
June 11th, 2011 at 1:00 pm
A va Ralvengtu ( Synod Newsletter) column style ve. A tha e.
Report this comment
June 11th, 2011 at 1:14 pm
#2 Hmeichhia hi val upa kan tih ka la hre ngai lo re re. Khawi maw hmun pakhata hman mai mai a ni ang.
Val Upa chu Tlangval(rual u) leh pa valai zinga thu leh hla nei tha, thu vuakthlak thiam( leadership quality nei tha) mi dangte huihaih thiam leh zahkai deuhho kha an ni mai.
Report this comment
June 11th, 2011 at 1:23 pm
@4 vakul, a hre lo tawp ang, a nick atang mai pawh khian a chiang alawm. Mr Vaipa@ Hairehai. NOI
Report this comment
June 11th, 2011 at 1:43 pm
4#
ka lawm e,vairam ah piang leh sielian ka ni a,mizo dik ka ni e..kan awmna lam ti mai ang assam ah chuan,thlanmual enkawltu tih mai ang val upa te anruat a chutah chuan hmeichia nula upa deuh te anruat tel vang ania ka tih nachan tak chu..ka chian ta e,phuakchawp mai2 alo ni mawh..
5# vai chu ka ni lo ania aw…
Report this comment
June 11th, 2011 at 1:54 pm
akhomia tlangval ve2 inhnial lauh tur..valupa cu mipa o…
Report this comment
June 11th, 2011 at 1:54 pm
hmanlai nula nih chu a peihawm dawn lo nih khi. tlangval mawl deuh, ngei zawng deuh te pawh biak that vek ngai chu a hahthlak ngawt ang.
Report this comment
June 11th, 2011 at 1:57 pm
@8 cuvang cuan lo tunlaiah i pian..tak2 ana hmanlai Mizo nual kh cu an chep khp my..
Report this comment
June 11th, 2011 at 1:58 pm
#9 SMS tawngkam lo deuh khan i type thei em? Ka lawm e.
Report this comment
June 11th, 2011 at 2:00 pm
lolzzzzz
Report this comment
June 11th, 2011 at 2:01 pm
sory..
Report this comment
June 11th, 2011 at 2:09 pm
Cfl ah hi ithlalak tak dah ani chuan,ka hmu tawh hnu i ang asom ah,ktp inkhawmpui vel a..
Report this comment
June 11th, 2011 at 2:10 pm
Tlang sawi chungchang hi ka lo hriatthiam dan nen a inpersan tlat chu le! Miin chanchin mawi lo lam a neihin khua a thang thin a, miten a chanchin an sawi sep sep thin. Hetiang dinhmuna dingte tan hian a zahthlakin men ngaihna pawh an hre thin lo. An bialpa-te an hmangaih lutukna lamah a mawihawih pawh an zawn hleih theih lohte hian ‘..tlang sawi ka dawn lo…’ te an ti thin niin ka lo hre ve ngawt asin.
Tunlai dinhmunah chuan Tlang chil tih hi a hmanna a dang deuh tawh mahna. Nula laka an lungawi lohna tihlan nan chauh an lo hmang thin em tih chu ka chiang chuang lo nain lo ni ta pawh nise tunlaiah chuan awmze hrang deuh a neih a ngai tawh ang. Misual tuemaw khawtlangin a nin em em, an thiltih sual avanga tha thawh meuha vantlangin an zilh hote hi ‘tlang chil’ a ni ber tawh dawn lo’m ni?
Chil tih tawngkam hi buh, vaihlo,ldt. an chil ni lo a dang a awm thei bawk. Kut laite hian thianhova thiltih khawm, chhang/ar kan nikhuate hian mi thilti khawm hi kan va ‘chil’ thin bawk. Hei hi chu a tha lam leh hlimawm lam a ni thung
Report this comment
June 11th, 2011 at 2:38 pm
I style chu ka va han ngaisang kher em. Some more… Some more….
Report this comment
June 11th, 2011 at 2:52 pm
14. Pu Muantea Misual.com a Kan Mizo tawng specialist meuh ilo chian loh tlat le. Tlang sawi i tih ang chi khi chu, ‘Tlang rel ka phur, Tlang rel pawh ka dawn zo lo’ tih ang in an hmangin ka hria. Heta ‘sawi’ tih hi chu, “He thing kung hi sawi che suh u” emaw, “I Motor chu a mi sawi ana em mai a, ka rui zel” tih ang chia, ‘Sawi’ hi a niin ka hria.Inpuan takah chuan, kei pawh, Ka lo hriat dan let ling chiah a ni.’Tlang sawi’ hi Nula laka lung awi lohna chung changa Valupate thu peka Nula in an sawisak sawina niin ka lo hre thin a, ‘Tlang chil’ hi, Tlangval sual, Khawtlang tana hnawksak an sawisak chung chang sawina niin ka lo hre thin.
Report this comment
June 11th, 2011 at 2:58 pm
Sâwi tih tawngkam hi a Champhai tiah tiah.
Report this comment
June 11th, 2011 at 3:17 pm
#16 khi a dik zawk mai thei. Insawi hlum chu a har ngawt ang. Mahse an inchil hlum fo nih hi maw.
Report this comment
June 11th, 2011 at 4:42 pm
a ngaihnawm ka ti phian mai
Report this comment
June 11th, 2011 at 6:10 pm
Va den ve
………. a tu ve ve tan poh a duhawm loh ve ve nih khi
Report this comment
June 11th, 2011 at 6:29 pm
Ka lo hriat ve dan leh Pu Muantea sawi khi a inzul hle a, ka sawi hnawk duh lem lo va. ka’n sawi ve leh si teh ang.
Tlangchil hi chu a dik ka ti. Tlangsawi/Tlangrel emaw hi chu mi chimawm vantlangin an sawi huai huai chin(tunlai tawngin mi over)te hi an ni a, kut an tawrhin a titu hming a lan loh nan Phungin a chil/pen/beng an ti thin.
Tlangchil chungchangah hian Tlang tel lova chil tih ringawt chu a positive zawk mah mah hlauh thung.
Report this comment
June 11th, 2011 at 6:46 pm
ka tlai viau na a,tha hle mai
Report this comment
June 11th, 2011 at 6:56 pm
A topic leh a chhung thu chu a va in persan deuh ve…!
Report this comment
June 11th, 2011 at 7:28 pm
Tlangsawi in tih khi “awlrawt” an tih nen a thuhmun em aw? “Awlrawt” an tih thin chu mi awm tha duh lo leh hnawksak deuh an ko fal a, thimthamah an din hual a, a titu bik hriat lohin an nem kual hrep a, an chaih hah hnep thin. A hrehawmin a simthlak viau niin an sawi.
Report this comment
June 11th, 2011 at 8:09 pm
@pkfanai, Mizotawng hi regional difference avanga kan hman dan inang chiah lo a awm nual a, post-a ziak dan ang zawng a ‘tlang sawi’ hi ka lo hriat dan leh hman dan nen a inang ta chiah lova, ka han hawi deuh he haw alawm mawle.
Ka sawi ang khian tlang sawi leh tlang rel hi thuhmun deuh reng niin ka hria. Tlang chil chungchang hi chu kan chiang tlang reng mai. Ka comment hmasaa ka sawi ang hi ka lo hriatthiam dan chu a la ni reng a, awmze danga hman a ni e an rawn tih takah chuan beng a tivar leh ta sawt zawk a ni e.
Report this comment
June 11th, 2011 at 8:17 pm
Awlrawt hi naupang thingnawifawmho an inzawt chhuak a, awl ru an awm chuan a let an keuh tir thin a, hetiang chung pawh a an la awl ruk leh chuan an “Awlrawt” thin tih an sawi ka hre ve tawh. Mahse naupang hremna chauh emaw ka lo ti zawk a.
Report this comment
June 11th, 2011 at 8:21 pm
Tlang sawi leh tlang chil hi hriatpawlh tur a ni lo ve…..te han ti thla ngawt ila.
Report this comment
June 11th, 2011 at 8:49 pm
26. Lushai-er, “Awl-rawt” chung changah chuan, i hriat dan khi a dik chiah e.
Report this comment
June 12th, 2011 at 3:19 pm
Keini khua khan “awlrawt” tih hian kan lo huam zau deuh bik em ni chu le?! Ngharte ram neih kum, eng kum chiah nge ka hre ta lo, sang-zakua leh sawmnga hma lam kha chu a ni ngei mai, kha mi kum te kha chuan tlangval awmtha duh lo deuh kan la awlrawt ngei kha chuan ka hria asin maw!
Report this comment