Hei hi an retheih ém avânga lâwmman atana a pêk a ni a, an lo dinchhuah phah ve ta a ni. Lersia hian mi retheite a khawngaihin a ngaihsak em em a, kalkawng lamte nasa takin siamthat tumin a bei a. Kawlho hnên atangin tuthlawhte a la chhuak a, ‘Kawltu’ an tih phah ta a ni.
A ramte chu nasa takin a endik a. A lal hun chhûngin Mizote’n hnam dang nena indo buai vak an nei lo. Mahse, he’ng an lalramte hi Zakheng hote hnêna chhiah pêk fo a tûl avângin an hlim lo hle a. Chumi avâng chuan Lersia khawpui chu chhuahsanin Chinbawk-ah awmhmun an khuar a, chhiah an chawi ta lo va; an lo ropui ta hle mai a.
Hetih laia Lersia a lo lal tanna hmun hi Hnuai Khawpui tiin an sawi thîn. Hnuai khawpui atanga an chhuah hnuin Chinbawk hmunah khawpui a din a, chutah chuan nasa féin a ‘Chawng’ a. An ei sêng ta lo va. A sial sate leh vawksate leh ran dang an talhte chu a thu (uih) ta a, chumi vâng chuan ‘Pu Chawngthu’ tiin an ko ta a ni.
A lalram khan tûnlaia an tehna chuan Mizo fate awmna zawng zawng a huam avângin mel kil li 40,000 lai a huap a ni. Lersia hi bawih atä hruaichhuaktu sùlsutu ber pakhat a nih avângin, tûn thleng hian upate chuan, “Khur chhûng atanga kan chhuah lai chuan Pu Chawngthu-a’n min hruai a ni,” an ti thîn. Lersia farnu hi Mizote chanchinah chuan mihringa an inthawina kan hmuh hmasak ber leh hnuhnung ber a ni âwm e.
Lersia khan fapa a nei lo va, a thih hnuah a khuate chu an darh a, hmun tinah an awm ta a, lal dang dang an lo chhuak ta a ni. Lersia farnu mal neihchhun chu Khawldawngi a ni a. Lersia khan a thih dâwna a fanu thuro a chhiahnaah chuan, Zingthlova (Reng) bêl turin a ti a. Khawldawngi chuan a pa thih hnuah Zingthlova (lalber) chu a bêl ta a ni. (A hnuah an innei nghe nghe)
Lersia a lo thih tâk hnu chuan Mizo lalram chuan chauh lam a pan ta a. Hei hi a chhan ber ni-a lang chu – thenawm ram Zakheng hote nena an inngeih loh vâng te, khawchhak lama Ava (Kawl) lalramte an lo chak tâk si vâng a ni. Hemi bâkah pawh Shan lal Sookhampa chuan a ram a zauh vak a, chu chuan Mizote chu Kawlhote nen a inngeihtîr phah a. Mizote chu Lersia hun lai atangin Kawl-te nen insumdàwn tawnna neiin, inngeih takin an awm thîn a ni.
Thulâkna: Mizo Chanchin by V. Lunghnema.
Similar Posts:
- Lersia Chanchin
- Pawi lalram leh an thlahte
- Thado chanchin
- Thawnga lei vir chanchin
- Mizoram humtu – Mizo Pasalthate
June 15th, 2011 at 2:01 am
Chhiar zel ang aw…
Report this comment
June 15th, 2011 at 2:09 am
I ziak hmasaah khan a thupui hnuaiah, “Lersia (Chawngthu)” tiin i dah ka ti reng a ni. Hetah chuan Lersia Chawngthu anih loh zia a ziak. Ka record neih nen a inzul khawp mai, mahse an sakhua leh an hman hming a ziak tello anih hi!
Report this comment
June 15th, 2011 at 3:07 am
Lersia
o lersiaaaa!
Report this comment
June 15th, 2011 at 3:38 am
Rempui, dam maw? Va reh thei ve..
Lersia kawmthlang zu tha mi in a chakawm e..hairehai
Report this comment
June 15th, 2011 at 4:30 am
Ka mu ka rawn thangharh a Lersia chanchin han chhiar chu ava nuam dangdai ve
Liandova te unau chunga a thiltih tawite kan hriat hi a hlu em a sin.
Paragraph 2 na khi hriatthiam ava har ve,
“Chumi avâng chuan Lersia khawpui chu chhuahsanin Chinbawk-ah awmhmun an khuar a, chhiah an chawi ta lo va; an lo ropui ta hle mai a”
Lersia khuaah chhiah chawi angin alang a, a khawpui chhuahsan te an lo ropui ta hle zawk anga i ziah khi a dik maw?
Lersia tih anga thil hi tih anih ve loh chuan ramhruaitu nihna sang atang te, kan ropuina atang te hi chuan tanpui awm mi hriat hi thil awl ai lo tak a ni reng a sin. A nihna atangin a inhnukhniam chhina hre tu reng reng an awm tawh lo(Liandova te unau lo chu).
USA ah te i awm avang khan mi hian an lo kawm duh che in an lo ngaisang der mai2 che a ni lomaw? Officer i nih avang khan mi te hian an lo zah lek che a ni lo maw? I hausak avang khan thian der pawh i kawi teuh lo maw?
Report this comment
June 15th, 2011 at 5:02 am
Asteric Visc. #5 i comment tawp lam hi a awmzia a awmzia lo mange
Report this comment
June 15th, 2011 at 5:17 am
ngaihnawm zel e..
Report this comment
June 15th, 2011 at 6:00 am
a van ngaihnawm ve….Asteric, sermon tur i chhar tha hle mai…Lersia chanchin atang hian…..
Report this comment
June 15th, 2011 at 6:02 am
A van ngaihnwm ham ham ve. Bengvar thlak hle mai. Chuan, misual ho zawng zawng te kha hlim tak a YMA day hmang turin duhsakna sang ber ka hlan a che u. YMA day hman nuam vek ule.
Report this comment
June 15th, 2011 at 6:07 am
A van ngaihnwm ham ham ve. Bengvar thlak hle mai. Chuan, misual ho zawng zawng te kha hlim tak a YMA day hmang turin duhsakna sang ber ka hlan a che u. YMA day hman nuam vek ule…
Report this comment
June 15th, 2011 at 6:11 am
@ asteric Lersia khua te khian zakheng lal hnenah chhiah an chawi thin a, chumi an nin avang chuan chhiah chawi ngaih lohna hmunah an pem ta a, chutia chhiah an chawi tak loh chinah chuan lersia khua chu an lo ropui ta hle tihna a nih khi.
Lersia khua an chawn(chawng) a an sa a thu vak mai khi a va mak ve, sa hi tih hmin/rep loha dah chuan a thu thei ngei tur chu a ni a, hetia an ran talh sa an dah thu mai hi a mak hle mai, khatih lai khan sa a van dawn tehreng nen, talh tete a dah thu leh ngawt khi a mak ka ti
‘Pu chawngthu’ ti a an koh danah khian hetih hun lai hian chawngthu hnam hi an lo awm tawh tihna a ni thei em
Post tha leh bengvarthlak tak a nih hi
Report this comment
June 15th, 2011 at 6:12 am
@Asteric: Ka type ang ang khi a ni e.
@Pu Hva: Nia. Kan historian tam zawk chuan khita ‘Chawngthu’ khi hnam hming sawina emaw tiin Lersia hi Chawngthu hnam emaw an lo ti fo niin a lang a. Chhiar fuh tawh tlatin ka inhria. He thu ka chhiar hma hian Chawngthu emaw ka ti char char a ni. Hei hi he post-a pawimawh tak pakhat a ni a. Chu lo lehah chuan ‘Kawltu’ pawh khi a pawimawh khawp mai. A hming awmzia ka hriat phah e.
Report this comment
June 15th, 2011 at 6:16 am
@triplestar: ‘Pu Chawngthu’ an lo tih chhan chu a ‘chawng’ sa a dah ‘thu’ avanga ko niin post-ah a inziak.
Sa chu a vang lo a ni ang, Liandova te unau thawnthu-ah rëng sial ringawt pawh a ngah êm mai.
Report this comment
June 15th, 2011 at 6:37 am
@ tuaisiala, nia ran chu an ngah maithei, mahse khatih hun lai khan ran hi a naranin an talh ngawt ngai lo a ni lawmni, sakhaw thilah lo chuan ran keli nei hi an talh lo khawpin ka hria, “kan vawk pa hi a thau tawh bawka vawiin chu ka talh teh ang” an ti ngawt ngai lo maithei a ni.
Sa an dah thu khi a mak ka la ti thau thau, siam nghal vek mai awm, a nih loh pawhin rep tal awm, nge a khaw nawtin an rui a an ngaihsak thei tawh lo
Report this comment
June 15th, 2011 at 6:56 am
TS #12
Report this comment
June 15th, 2011 at 8:03 am
Chawngthu ho chu an ‘uih’ tihna ni maw? NOI
Report this comment
June 15th, 2011 at 8:29 am
@triplestar: Nia, an ‘chawng’ a, chumi atan an talh ta teuh mai a ni. Sa an dah ‘thû’ tiha ‘thû’ hi ‘uih’ tihna a ni.
Report this comment
June 15th, 2011 at 8:37 am
N.Vanlaiphai vel khi Lersia chet na vel kha a ni maw kha?
Report this comment
June 15th, 2011 at 9:20 am
Part-11 chu a pawm naawm zaìh mai a lawm. Good post kan ti a nge. Lersia, Thlahpa, Luseia leh Duhliana te zawng zawng AD 900 vela awm tir tum vek kha chu pawm a har deuh a ni. Lusei leh Duhlian hi chu mihring an nih pawm har ka la ti tlat rih.
Report this comment
June 15th, 2011 at 9:29 am
zin chhuak tur a ka insiam a ngai tlat mai. zinna lam atangin chhiar mai teh ang…
Report this comment
June 15th, 2011 at 11:46 am
Pu HV khan post hmasa comment ah khan nupui tam tak nei, fa pawh tam tak nei ang khan a rawn sawi sia. 2nd last para ah khian fapa phei chu nei lo angin a rawn sawi sia, farnu neihchhun a tih hi a fanu neihchhun tiin ka lo ngai ngawt bawk, an farnu kha chu inthawinan an hmang tawh sia..
Report this comment
June 15th, 2011 at 11:52 am
@K’u Trawta: A farnu neihchhun kha inthawi nan an hmang a. A fanu kha chuan a pa Lersia thurochhiah angin a thih hnu khan Zingthlova a bel a, an innei ta nghe nghe a ni. Fapa tam tak a nei tih erawh sawi zau tur ka hre lo.
Report this comment
June 15th, 2011 at 12:01 pm
TS, i type sual anih khi..a farnu tihin alawm i ziah lee..ka bo huuuuuuuuu alawm..
Report this comment
June 15th, 2011 at 12:22 pm
@K’u Trawt: A ni teh tak e a! Ka hmu chiah alawm le.. A kawh a dang daih bawk sia. A zia lo hle mai. Admin online awm hlauh se aw..
Report this comment
June 15th, 2011 at 12:37 pm
A ngaihnawm phian mai a. Mi inchhiar zauh tam tak, chhawr mang hleih loh ai chuan Tuaisiala vang hian ka beng a var phah zing ta hle mai.
Report this comment
June 15th, 2011 at 8:23 pm
Chawngthu lo chhuah na chu a hriat ve theih mai khi a, ngaihnawm hle mai
Report this comment