Hmânlai chuan khawtlâng thlânmual a awm chuang lo va. Awmhmun nghet nei mumal lova pêm kawi pêm kawi thîn an nih avângin thlânmual nghet neih hleih theih pawh a ni vak lo rëng a. Mi an thihin sumhmun hnuaiah emaw, a remchâng lai laiah emaw an inphûm mai thîn a.
Mi neinung deuhte erawh chuan an ruang phûmna lai ni kher lovah ‘lungdawh’ an uar hle thung. Mizo khaw kawtchhuahah chuan mi neinung lungdawh a ngîr khup chawk mai. Lal leh an chhûng zînga mi tu emaw an thihin an ruhro kawlthat an duh chuan kuangin an ur thîn a. Mahse, thi apiang an ur chuang lo.
Kuanga inur chu lal tân lo chuan tlin rual a ni lo va, a hautak em em mai a. An inur dân chu: Thing kuang pumtuk mi ruang dah theihna ngei tura lian an kit a, an ker a. A chhìn tur pawh a phui thei ang ber tura siamin a chhûngah chuan mitthi ruang chu an zalh a. An chhin leh hnuah a phui thei ang berin leiin an zût phui leh tlat a.
Tin, a mawng kil khat lai chu verhpawpin a thû luanchhuahna tur siamin mauthei an vuah a. Chu mautheia chu a thû luang chu a rim a nam loh nan lei laih khuar thûk takah rawlhin khur chu an hnawh leh tlat a.
Kuang chu sumhmun chhak lam ‘vanlung’ an tih hmunah an ur ber a. A urna tur thing a duh tam ém avângin a khawtlâng tih theihin thing an phur chiam a. A kuang hualin meipuiin rêm lai nei miah lo turin an ur ta vut vut thîn a ni.
Chu kuang mei vil reng tur chuan a khaw tlangval chu zantin an inriahchhâwk a, mei chu a mit tur a nih si loh avângin chhûn zân zawmin meipui chu an chhêm alh vut vut reng mai a ni. Chutia an ur sat tâwk hnu chuan a chhûnga an mi ruang dah tawih chu a thû-in a hnuai pawp mau dâwt vuahah chuan luangchhuakin lei chhûngah a luanglût nghâl zêl a.
Rei tâwk an ura a tisa zawng zawng filh fai tâwka an rin hnuah kuang hawng tur chuan mi tenchhe lo leh rimchhe tuar chak ruaiin an hawng ta a. Kuang hawn chu a rimchhe em em mai a. Chuvângin a hawngtu pawh zû leh sa nen duat tinrënga duatin an hrai thîn rëng a ni.
Kawlthat atana an duh lai lai ruh chu silfaiin an la a, an duh loh ruh dang chu kuang chhûnga khung lehin an phûm bo thîn. Kuang ur khu chu chung lamah a zâm chúk thîn a. Ro atana an urna khu zâm avâng chuan chhûm ni chiah si lo, tlâng bâwmtu zâm chuai thîn pawh ‘romei’ an tih phah a ni.
Thulâkna: Hmânlai Mizo Kalphung by James Dokhuma.
He lehkhabu hi chêng 90 man chauh a ni a, Synod Bookroom leh lehkhabu zawrhna dawr hrang hrangah lei tur a awm. Hetiang lama tui tan chuan lei a fuh ngawt ang.
Similar Posts:
- Thawnga lei vir chanchin
- Hmánlai Mizo thlân chi hrang hrangte
- Lianuma tlâwmngaihna
- Ka thlâ a hrâng!
- Chatuan Thlengin
June 16th, 2011 at 5:38 am
Sikul kailaia Kuang-ur chanchin kan zir thin lai khan ngaihnawm ka ti thei kher asin. Ka mitthla zui thin a, tel ve angin ka inchan thin.
Post ngaihnawm leh bengvar thlak… Zofa tin ten kan hriat reng tlak a ni
Report this comment
June 16th, 2011 at 6:01 am
Kuanga in ur hi engtiklai atang khan nge an chin tan ang aw. Tu pa hmuhchhuah nge mawni reng2 le. Engvang a ching tan nge an nih ang le… Mak ve mai2 e
Report this comment
June 16th, 2011 at 6:17 am
Kuang ur hi a nice lo ve khawp mai! A rim pawh a chhia ang a, a hrisel lo bawk ang. La tawih ral chiah lote kha a tisa la bangte kha a ruh filhin an hlep ta thin a nia!
Report this comment
June 16th, 2011 at 6:58 am
Ka hriat loh zawng tak ani. A bik takin Mizo ho nomadic ang maia awmhun nghet lo, pem kawi pem kawi annih lai chu negtik lai nge ni ang aw? Min thlah tute chhuan (generation 8 vel chhut thei
In halral (cremation) ani chiah si lo,a mak hle mai. Entawn chi phei chu ani lo.
Report this comment
June 16th, 2011 at 7:04 am
@Telphawka: Kuanga ur hi ruhro dahthak/lak duh vang a ni awm e.
Report this comment
June 16th, 2011 at 8:25 am
a va bengvarthlak ve le. A pui riap2 khawp mai
Report this comment
June 16th, 2011 at 8:51 am
Thing chu a chereu duh awm mange aww.. Engati nge mihring thu hi ransa dang ai hian a rimchhiat bik em em hi niang aw te ka ti mai mai??
Report this comment
June 16th, 2011 at 9:20 am
ruang an dahna hi thing ve tho a nisia a kang ve lo emawni aww te ka tia :luhiat: Vai ho inhalral pawh hi an kang ral vek kher ngailo. Ganges luikam vel titawp em em tu pawh hei hi a ni.
Report this comment
June 16th, 2011 at 9:44 am
melpui chhem rem lo tur chu khawlum lai tih chi loh ve o, a bengvarthlak e
Report this comment
June 16th, 2011 at 9:47 am
Uak….. Mithi halnaah hian vawihnih ka kal ve tawh a, zu ka in ve duh silova hreawm tak a ni. Breakfast hmain ka chhiar ang tih ava hlauhawm ve.
Hun hman nuam ule.
Report this comment
June 16th, 2011 at 9:56 am
Aduhi thil rawn sawi takah chuan.. nimin lawkah Ganges luikama mining an tih duhloh avanga protest a chawnghei pawh a thih khaa…
Report this comment
June 16th, 2011 at 10:07 am
Hmanlai chuan khaw thar zuan a pem kual reng mai an ni a, an chhungte an ngaih em em te an thih khan an mahni hriatreng an duh ve si a, an ruhro lak a an pem kual na a ken kha an duh ta thin a ni.
Report this comment
June 16th, 2011 at 10:12 am
trawta kha swami thi kha poisoned a ni e te an tih kha.
Report this comment
June 16th, 2011 at 10:40 am
aduhi..covering up the truth anih mai mai kha…side pakhat lam khan…just a mere politics..
Report this comment
June 16th, 2011 at 11:55 am
#8
“aduhi Says:
June 16th, 2011 at 9:20 am
ruang an dahna hi thing ve tho a nisia a kang ve lo emawni aww te ka tia :luhiat: Vai ho inhalral pawh hi an kang ral vek kher ngailo. Ganges luikam vel titawp em em tu pawh hei hi a ni.”
Kuang hi an tuah ve lova, an ur thin a chuvang a “Kuang ur” tih a ni reng a ni.
@TS : Lal lo tan kuang ur hi tin ngam a ni mang lova, Chhungkaw hung leh laina ngah tan pawh khawtlang an tih buai em avangin an in ur ngai lo. “Kuang ur” tih hian a sawifiah tawk hle in ka hria.
Report this comment
June 16th, 2011 at 12:08 pm
Pu Selet Thanga chuan “Pathlang lamah tap hran an chhep thin,” a ti ve thung.
Kuang ur nan hian thing deh nuam deuh (Thlanvawng lam chi ) an hmang deuh ber. Thing lianpui hlam aia sei ( Approx 8ft-9ft ) an kit a, a laiah an phel phawk a, mitthi lengin an ker a. A chhungah mitthi chu an dah a, an phuar pum leh a. A phui lo lai chu rim a chhuah loh nan vutsawhin an zut phui leh vek thin. A waste paih dan chu a chung a ziah ang khian. Tap bulah kuang chu an mut zuah mai a, mei kha chhum lo chat lovin an tuah vut vut mai a ni.
Mihring tisa hi a lo inang lo hle a, thau deuh hi an tawih ral hma a; cher phek deuh hi an tawih har a. Chuvangin kuang ur rei zawng hi a sawi chiah theih loh. Thla khat atanga thla hnih a duh ber.
Kuang ur hi chat lova mei tuah a ngaih avangin zan lamah tlangvalin an vil a, a viltute hi zu an pe reng thin. Chhun lamah tangval tan hnathawh angaih avangin Pa hovin an vil ve thung.
Report this comment
June 16th, 2011 at 12:27 pm
Ka sawi tui laklawh, kan ti zel teh ang ! Kuang atanga a tui chhuak a tlem viau tawh khan an hawng ta thin a. a lo la tawih loh lutuk chuan an chhin leh mai a, an ur tha leh thin. A lo tawih that viau chuan thlahthi (mau hriam) hmangin a la filh lo lai te chu an zai fai a. Tui lumin an silfai a, an pho ro a, puana tuamin thul mawngah an dah tha thin. TS-a ziah ang hian an duh lai lai an lak an sawi ka hre ve lova, mitthi ruh chikim khan an la vek zawk thin. An mahni la kawl angah an in ngaia, an paih bo phal tawh ngai lo.
Kuang ur hawng tur hian Pasaltha zingah pawh laina bul hnai tak an sawm thin. Zu an tulh rui te te a, a phur ta hle tihin kuang chu a hawng ta thin a ni. A rim a chhe em em a, tuman chaw an ei thei ngai lo an ti. [SOURCE: Upa-ho ti ti]
” Scientific deuh chuan fermentation process kha a ni mai a, temperature a san hian a process kha a chak deuh va, chuvang chuan chawl lovin thing an tuah reng a ni. ” te han ti ve nuah nuah ila in inhlan thei ang em aw
Report this comment
June 16th, 2011 at 12:41 pm
pu lushai, fermentation i sawi chuan badboy te ho i rawn chawktho ange,,,
Report this comment
June 16th, 2011 at 1:17 pm
kuang ur hi a hautak viau chuan a rinom…mizo te khan thing lian han phel phok na mai tur hmanrua an la nei tha om si lo va,thing tuah tur chu a tam anga,kuang siam tak hi a hrsa ang… @ChemtatR, fermentation chu tih tluk2 chakom ve
Report this comment
June 16th, 2011 at 1:19 pm
Ts-a, post tha thin e. Pu Hv-a sawi ang khian kei pawh High school a kan zir kha ka hriat chhun chu a ni mai. Pu Lushai-er lah hi vawi tam kuang urna a tel ve ang maiin a sawi fiah thiam roh leh nghäl a, man hla thin khawp mai.
Report this comment
June 16th, 2011 at 1:23 pm
Neihnun show-na chi khat a ni e. Ruh neitu zahpah vang pawhin. Tianhrang thlana inphum kha a lo mawihawih fe zawk.
Report this comment
June 16th, 2011 at 1:26 pm
Hriat ngai loh tam tak ka hre leh ta! Tuaite nge2 titha thin e
Report this comment
June 16th, 2011 at 2:41 pm
A bengvarthlak hle mai
Report this comment
June 16th, 2011 at 3:04 pm
lushai_er@17: Vandula ruhro kha ka hmu ve tawh a, mahse ruh lian deuh deuh chiah a awm, luruh ka hmu tel hauh lo bawk.
Report this comment
June 16th, 2011 at 3:07 pm
A va han bengvarthlak tak ve. Hetiang lam hi lo tichhuak zel ula a tha ang. Ka hmelhriat nu pakhat hi vai, Naga pasal a nei, lehkhabu ziak thin ania, Naga ho chanchin poh ziak teuh toh mai ania, Mizo chanchin hi a ngaihven em2 a, “Mizo chanchin hi khawvel-in an hre tlem lutuk, ti hi chuan in chimral mai dawn..ti rawh, in chanchin hi min hrilh teh” atia nga chaw eipui ah te hian mi sawm chhen thin a. Kei lah Mizoram-ah ka haw lohna kum 10 ani toh a, ka lo hre tam toh mang silova, ka hriat chhun lah chianglo hlom bok si. Hriat ang2 in han soi ve zul mah ila a diklo hrilh hlauhom si…hetiang lam chanchin hi tam thei ang ber chhuah ula a tha ang. Saptawnga ziak te hi in awm nghe2 lo maw? Min lo hrilh teh u aaa..
Report this comment
June 16th, 2011 at 3:11 pm
fermentation sawi chuan, chemtatrawta bawk a rawn in rawlh hmasa leh ta, hrat ve bawk a
Report this comment