Bible-in uain (wine) chungchang a sawi tam hle a, lawr khawm ila, chuta tang chuan ngaihdan hlawm fel tak siam i han tum ve teh ang. Sap kristiante ngaihdan emaw, Indian kristiante ngaihdan emaw sawi kual lovin Beroia khua ami te angin kan Pathian lehkha thuin engtin chiah nge atih tih hi ngai pawimawh ber ila a tha awm e.
Uain (wine) chu grep emaw thil (plant lam chi) um tawih tui a ni. Bible-in a sawi lan chinte chu: wine, red wine, sweet wine, sour wine, mixed and spice wine, locale te an ni. A vaiin zu a ni vek a, zu leh uain hi sawi hran theih pawh a ni lo. Dawidim telh leh telh loh lam a ni lova, a up rei zawng leh a grep/plant a zirte, a rawng atang te-in thliar a ni.
Hebrai tawngah Yayin, Greek ah oinos tih a ni tlangpui a, sekar hi strong drink (barley beer) sawi nan an hmang zauh zauhva, zupui/zu tiin lehlin a ni.
Thuthlung Thar bu-ah chuan Luka 1:15-ami kha sekar a hman ve na awmchhun chu a ni. A tawng bul lam chu mithiamte chhui zau atan dah daih ang. Bible chang tarlan vak hi keu a peih awm loh viau thin nain ziahchhuah vek sen a ni bawk si lova, kan innghahna ber a ni bawk si. Tlem azawng tarlang mai ang aw, i keu peih tak mialin.
- Uain chu Thuthlung Hlui kan tih hunah chuan hun bik atan hman (in) a ni. (Gen 27:25, Job 1:4, Est 1:7, 1 Chro 12:39,40)
- Pathian malsawmna a ni. (Thuh 9:7, Gen 27:28, Deut 7:13, Sam 104:15) Kana khuaa inneihnaah pawh malsawmna atan tihpun a ni. (Johana 2)
- 3. Uain rui lo turin min duh. ( Thuf 20:1, 21:17, 1 Pet 4:3 ). Uain ruih that loh zia Nova leh Lota nunah kan hmu. Nova a mu sual a, chhungkaw anchhe inlawhna a thleng. Lota chu a fanute a pawl lai hre lo lekin a rui bawk.
- Kohhran puipate leh roreltute tan chuan in loh tur a ni. (Thuf 31:4, 1 Tim 3:3,8). Nazarit mi (serh hran) te leh Puithiam inthawi tur pawhin an in tur a ni lo. (Lev 10:9)
- Damdawi atan hman a ni. ( 2 Samuel 16:1, Luka 10:34, 1 Tim 5:23)
- Sumdawnna-ah leh thian kawm nan te, hlimna lama hmannate hi a tam hle bawk.
Bible bu puma zu a sawina leh a sawi dan han chhut vang vang hian zu ruih hi tul a ti lemlo tih a lang. Tirhkoh Paula phei chuan Pathian ram luah lo tur zingah zu ruih hmang a dah tel hial.(1Kor 6:10). Thupuana pawnlam thima awm turah chuan Isuan a sawi tel lo thung. (Thup 21:8,22:15).
Baptistu Johana mi tirhte Isuan a chhannaah ‘Baptistu Johana chu eia in lo mi anih avangin ‘ramhuai a zawl’ an tih thu leh Mihring fapa erawh chu eia in mi anih avanga ‘chaw heh mi, uain heh mi…..’ an tih thu kan hmu (Matthaia 11:19). ‘Pathian ram chu ei leh in thu a ni lo’ tih Isuan a sawi a, kan thuchang tarlanah khian dikna chu thiltiha a lan mai thu kan hmu zui bawk a ni.
Ephesi 5:18-ah Paula’n ‘uain ruia awm lova thlarauva khata awm turin min duh’ a, uain ruih chuan insum lohna a ken tel thu a sawi zui a, (thilsual tih a hnai tihna a ni!) I ruih chuan thil sual i ti palh thei ania aw tiin warning min pe. A awmzia ber chu- Naupang hlim infiam vel kha i hau va, “Tlan chak lutuk teh suh u, in tlu na palh ang e,” i ti thin ang hi a ni.
An hlim infiam tlan vel kha a sual ta viau tihna lam a ni lova, a pawi zawk chu, an tlan chak lutuk thin kha a ni, tluk nat palh a hlauhawm tlat. Rom 14:20,21-ah chuan ‘midangin an tluk phah dawn chuan uain in loh a that thu a sawi a, uain chang a ti lo, sa pawh ei loh tur; a la ni mai lo; engmah tih loh a tha a ni’ a ti leh mai a, eng vang mahin midang tluk phahna khawp thil tih loh tur tihna a ni. Isua hova uain thar kan in hun tur chu Pathian ramah a ni, kan ruih hun tur a ni lo ania aw…. (Matthaia 26:29). Piangthar leh piangthar lo teh nana hman chi chu a ni lo deuhvin a lang.
Chuvangin, i nun tibuai khawp emaw, insum theih loh phah nan emaw, zu bawiha awm phah nan emaw (eng bawihah mah in phal suh), midang tluk phahna khawp emawa uain in ai chuan kristiante tan chuan in loh a tha zawk ang a.
Reference added from International Standard Bible Encyclopedia (ISBE Revised Edition)
Similar Posts:
- Bible a zu(wine/uain) lanna te..
- Zawlaidi-a ka ngaihdan leh a hriate ngaihdan
- Missionary hmuhchhuah zu!
- ZU HI SUAL A NI LO, A IN A TE PAWH AN SUAL HEK LO
- Zu hi sual a ni lo
June 18th, 2011 at 12:07 am
duh chuan in duh lo chuan in loh ,,,
Report this comment
June 18th, 2011 at 12:09 am
A in tu rilru a pawimawh,,,kan in chhan nen…
Report this comment
June 18th, 2011 at 12:15 am
Biakin a wine tlem te, (chu pawh Golconda.etc?)
tui a pawlh dal,pastor ten an chhampual khum hrep hnu in hi chuan thil sual ti an awm bik lo ang chu!
Report this comment
June 18th, 2011 at 12:18 am
A tha hle mai a
Report this comment
June 18th, 2011 at 12:20 am
Misual topic tawp thei lo te – Zu, sakhua leh Pu Hawla leh Pu Zorama! Bible atangte, Quran atangte, Ramayana leh Mahabharata atangte in heng topic ho hi sawi kual an rem a niang
NOI
Report this comment
June 18th, 2011 at 12:23 am
Thil engpawh hi a lutuk chu a tha lo. Chaw pawh a tel lo chuan kan dam thei lo, mahse insum lek lova ei nghek chuan taksa in a chhiatpui thei.(Gluttony hi 7 deadly sins ah pawh a tel).Wine pawh hi beverage hrisel ber pawl a ni, Health benefit te pawh a nei a,amaherawh chu abuse chuan thil tha lo a ni daih thei. Keimahni nen a in relate dan hi a pawimawh ber a nih hi.
Report this comment
June 18th, 2011 at 12:38 am
zu zu zu huiha
Report this comment
June 18th, 2011 at 12:40 am
Bible-in zu chungchang a sawina hi hmanah comment-ah tum hnih chu khimi post aia chiangin ka dah tawh a. Ka duhtawk ta mai.
Report this comment
June 18th, 2011 at 1:09 am
Post tha ber of the week ah kan thlang tawp mai teh ng.Ka vei zawng tak mai ani..Zu hi sual a nih si chuan Sual hian engtia thui tak huam ang i maw?? chanchintha rawn thlentu te ram ah hlei2 khuan Wine chu an in nasa in ka ring tlat ani.Thil reng2 chu a titu rilru put hmang a zir zawk hi a ni mai lo maw? Enjoyment duh avangin futball kan khel a,kan picnic a,park ah te kan leng thina;thiante nena hlim tak buaina tel lova kan inho dial2 thei chuan enge a pawi vak bikna?enjoyment chi khat a ni ve mai a lawm!!!A tum chu a thuhmun chu a thuhmun reng si a.Sawi tur ka va han ngah emmmmm!!
Report this comment
June 18th, 2011 at 1:11 am
Thil engkim tih ka tan a thiang a, mahse engkim tih a tha vek kher lo ani.
Piangthar dik tak zu in ka hre lo.
Krista Isua a nun thar nei te chuan, kan kawng zawh – ‘he khawvel dan ang te..’ a kan awm thin kha, kan letling thawk a. Krista Isua a tha famkim angin, amah zuitu te chuan felna kawng kan zawh hram hram tur ani. Chu chuan thil chiang tak a sawi:
Ka englo ei/in vanga Lal Isua ang tura ke ka pen na kawng ah ka bahlah phah dawn chuan ka ei/in lo mai tur ani.
Hrehawm leh thih pawh huam tura koh kan nih lai a, zu a that lohna bible hmun tam tak a kan hmu chung leh, kohhran in chhan tha tak nei a a khap chung pawh a in lui duh chuan – INTI PIANGTHAR HIAN, LAL ISUA TAN THIH TE CHU SAWI LOH, ZU IN LOH PAWH KA LO THEI LO ANIH HI MAWLE- an inti tur ani.
“Tupawh ka hnena lo kal chuan… anu te, a nupui te… a unaute… a huat loh chuan ka zirtir ani thei lovang..” (Luka 25:26) a tih lai hian…
Ka zahmawh sawi chin in boralna ah min paihthla nghal lo maithei, mahse Krista ka zuina ah hian a hnawk si chuan ka paih phal em?????
Zu in in hrem hmun min kal tir dawn kher lo mai thei(debatable). Mahse Krista ka zui na ah hian a hnawk si chuan ka thlah phal em????
Report this comment
June 18th, 2011 at 1:23 am
In duh ang em a ni nang, kan in duh. Indan tawk erawh kan inzir nasat angai. Hnam naupan hi chhuanlamah hman fo loh a tha hle bawk.
Report this comment
June 18th, 2011 at 1:26 am
Kan in duh ang!
Kristian tih thumal tobul Krista chanchin kha en ta ila. A thilmak tih hmasa ber chu tui uain-a chantir a ni. Chubakah a thih dawn tepa Zanriah Hnuhnung kilnaah pawh a zirtirte hnenah uai a sem a, amah hriatreng nan ti thin turin a la chah zui a nih kha. Chuvangin uain in hi Lal Isua khan pawi a ti lo ni ngeiin a lang.
MAHSE, i zawhna khi “Kristiante’n uain/zu kan rui duh ang em?” tih chu ni se, kei chuan “rui duh lo ang” tiin ka chhang thung ang.
Report this comment
June 18th, 2011 at 1:27 am
Ka wine ngainat oak matured Cabernet sauvignon 150 ml vel duhthusama siam tenderloin steak nen han ei ila..Ka vanram kawng a block na tur ka hre lo hrim hrim.@ jesusloveme..
Report this comment
June 18th, 2011 at 1:32 am
12@ hlatekhua.. sawi tha e
. Vawksa hi juda ho leh Muslim ho hian an ten em em a, an tan chuan ei leh khawih chu vanram kai loh phahna deuhthaw a ni.Wine etc te erawh hi chu a ni ve lo.
Report this comment
June 18th, 2011 at 1:38 am
Piangthar = nun inthlak danglamna. Eng ang takin nge Kan LALPA ISUA tan hian kan inthlak danglam (change) phal le aw?
Kan thlen chin zel atanga hmasawn tur kan ni lo’m ni.
Zu chungchang ah chauh ka sawi lo. Kan nun mil zawng ang leh convenience ang a Krista hi inzui tir kan tum anih chuan leh…
Hma lam panin pen hram hram ru ka unau duh takte u.
Report this comment
June 18th, 2011 at 1:51 am
@jesuslovesme10, kei chuan ka hria, keimah.
A lo a luak chhuaka thawka phita Pathian tih lamho hian vanram kawnga in hlat fu mai ang tih pawh hi a hlauhawm khat lo maw te ka ti mai mai.
Report this comment
June 18th, 2011 at 1:52 am
@ jesuslovesme, wine hi ruihpui tum tlat te tan chuan sual hnar a ni thei e, mahse food item a hman hi chu sual chu a ni lo chiang alawm. Hei hi chu individual leh a subject( wine etc) in relate dan a ni zawk e.
Report this comment
June 18th, 2011 at 2:03 am
zan reiah zu an discuss ngailo, in tur ani zawk e
Report this comment
June 18th, 2011 at 2:05 am
ruih dan degree sawi phawt la
Report this comment
June 18th, 2011 at 3:10 am
Post-tupa, tha khawp mai. Amaherawhchu, naupang infiam leh zu in i han tehkhin khi chu a dik hlel deuh. Zu hi chu ‘drug’ chi khat, a ngawl vei awl em em a nih laiin naupang infiam erawh chu chutiang a ni lo tlat. Zu in mi chu a fimkhur loh chuan a hnu lawkah ZU zawk hian a nun a rawn control a, a tichhe thin. Infiamna lam erawh chu chutiang a ni lem lo.
I point dangte erawh khi chu dik ka ti vek e. Zu hrim hrim hi chu amah mai chuan sual a ni lo. Amaherawhchu, mihring tichhe thei thil hlauhawm tak, Setana hmanraw tangkai ber pawl a nih avang zawk hian zu in thiam inzirtir aiin in loh thiam hi inzirtir ila a finthlak zawk fe ang.
Report this comment
June 18th, 2011 at 5:59 am
Paula’n rui chhe ber bur tura oinos in turin Timothea thurawn a pe lo. Thatpui tawka in chu a pawi em ni? Oinos in han tih hian Santhali kawng laia inhlawhfa hlawh lak tlai lam ang hnepa in tur chu a ni hauh lo vang.
Luikawr hnim chut khawpa oinos in chu kan infuihna ni suh se.
A ualauva Apple cyder, pindan chhungrila a to ber ber a tawk fu lo maw, Pu CM?
Report this comment
June 18th, 2011 at 6:06 am
Ka va in châk èmmmm.
Report this comment
June 18th, 2011 at 6:24 am
zu in leh zu rui hi a hrang daih. Ka huanah hna ka thawh dawn vangin Tunah ka in mek. 40ml vel ka thli, chuan.. Ka haw hunah ka inbual fai anga, ka ti leh zeuh anga, ka bazar daih ang.
Report this comment
June 18th, 2011 at 7:32 am
Zu(wine) chungchanga Mizo theuh theuh kan ngaihdan a inpersan em em nachhan chu experience leh lifestyle a in ang lo hlawm ani. Mizoramah chauh Mizo kan awm lova. saint sammoo anga wine dah vawh Coke ang mai lem zeuh te hi kan tam ania.
Leh lamah thung chuan Aizawl la pel lo niawm tak chuan zu in chu an rui ngei ngei anga, buaina an siam ngei ngei anga, an in ti mualpho ngei ngei turin an ngai si a.
Hei vang hian ania he subject hi a tawp theih loh. Zu chungchang ah mai ani lo. Corruption ah pawh. Sorkar chhe lehchhawng Manipur emaw Myanmar emaw ami chuan Mizoram state an hmu tha em em a, mahse Europe leh North America atang chuan a lang tawih em em ani.
Report this comment
June 18th, 2011 at 7:58 am
Mizoramah chuan sawrkarin an khap avangin inloh tur, sual a ni..zawlaidi erawh phal a ni, in la, sual a ni lo, mahse, ruih erawh phal a ni chuang lo, i ruih chuan man i ni ang a, zawlaidi ka in ti mah la, smell of alcohol a awm dawn tho avangin medical i nih pawn zurui i ni tho tho..
Report this comment
June 18th, 2011 at 8:11 am
Zu in hian pianthar leh thar loh a kawk pawn ka hre lo . Ka ngaihdan chuan kei chu Zu hian sualna a neih reng reng ka hre lo. A in tu mihring kha a sual zawk tihna a ni mai. Kan thil tihin min thunun a nih chuan keimahni kan dik lo tihna a ni. Thil reng reng hian chintawk a nei thin.Missionary te khan zu an kawl ve tho an ti thin si a, mahse an thusawi inpawm vek tho si a,mi piangthar thain zu an in ngai kan hre lo in ti sia, mi piangthar tha lo thu in awih bawk si a, ka hre thiam love…..
Report this comment
June 18th, 2011 at 8:27 am
Kan sawi belh leh lawk;Zu hi lo in ta pawh ni ila engtikah mah sual phah nan ka hman ka ring lo bawk, a chhan chu, sualsa a piang ka ni miau hek lo; Pathianin chhia leh tha hriatna neia min siam miau avangin.
Report this comment
June 18th, 2011 at 9:17 am
Kan in duh lutuk dawn lawm ni?
Report this comment
June 18th, 2011 at 9:24 am
A thenawmte hnena Zuin tur pe tu chu, a chung a pik e. Tih pawh kha a awm a ni lawm ni, Bible ah hian.
Zu hi maw, No khatin no hnih a hring a, i in in chuan Barel a ni mai. Ku thaiboy chuan barel thum a in tawh.
Report this comment
June 18th, 2011 at 9:49 am
Bible in quote fo mai a, kan quote ve teh ang. Mathaia bung 15 chang 11:
“Kaa lut chuan mihring a tibawlhhlawh lova, kaa chhuak chuan, chu ngei chuan mihring a tibawlhhlawh zawk thin ani”.
Hei hi pulpit ah pawh pit lo ah pawh kohhran hruaitute’n an changthlan khat khawp mai! Chu ai chuan Lal Solomona ziah emaw, Tirhkoh Paula’n 1st century laia middle east a Kristiante tana a ziah an sawi zing fu si thin.
Lal Isua sawi ngei, 10,000 BC ah pawh, 2012 AD ah pawh dik reng, relevant ngei hi eng vangin nge kan ngaihthah?
Mahse RenghangMan (No.25) khian thil pawimawh deuh a sawi. Sorkar khap bawhchhiat chu sual (crime & sin) ani tlat. Chu vangin Zawlaidi nilo wine (leh whiskey, etc) in duh chuan state dangah in mai tur anih chu. Sorkar dan zawh kim lah hi inzirtir kan tum lo aniang, eirukna, zawmthawtna, induhsakna te pawh sorkar khap si kan ti hnem leh leh phian lawi si.
Report this comment
June 18th, 2011 at 10:14 am
Engmah hre lo khawpa rui Lota kha … rin ai daihin a tlin. Miracle-a dah ngei ngei chi! A fanute kha chunglamah an tang a ni chiang mai!
Report this comment
June 18th, 2011 at 11:46 am
#11
#21 insum miah lova Chawnghilh a rawn thawk par par tawh hi chuan ka kut zungpui hi ka tung chho at zel mai a nih hi!!!
Lota kha a rui tawk lo a nih ka ring tlat.Han ruih chhiat hnap hi chuan a tho mawh ve chiang eeeee….
Report this comment
June 18th, 2011 at 11:50 am
Zu in hrim hrim hi maw?, SUAL ani reng reng lo. Damdawi atan i hmang a nih lek phei chuan, inthiam lo duh suh. Keini anga damdawi atan tak ngial pawh hmang duh lo Timothea hnenah pawh, Tirhkoh Pawlan Tuisik chauh in lo tur leh, a pum thalo damdawi atan, Zu pawh lo in ve thin tura a chah lawm lawm kha. Zu inthiam dik tak ten, Midang hmuh lem loha, an mahni ina an in a, an mahniah engmah danglamna a thlen lem loh te chuan, Vanram kai leh kai lohna a hril hauh Lovang.(Rom 14:13-14).
Amaherawhchu, Kristiante tan hian in a tha em? Ka chhanna chu, “Tha lo” tih a ni ang. Kan Zosap Missionary te khan Zofaten Zu hi kan chhiat pui zia an hria a, an khap a. Khati khawpa Commitment nei tha khan, an insum loh ka ring lo. An rama an hawn te chuan, an in mahna?. Mizorama khap si a, anmahniin an in si chuan, chu chu, “SUAL” lian tak a ni tawh. Kristian Hmelma, Setana tirhkohte tan, tan fung tha tak an siam ani dawn tlat a ni.
Rom 14:15 ah chuan, “I englo ei vangin i unau rilru a nat chuan, hmangaih dan ang i zawh tawh lo a ni. A thih ai Kristan a thihsaka chu i englo eiin tiboral suh”. tih a in ziak a. Tin, chang 20 ah chuan, “I englo ei vangin Pathian hnathawh tichhe suh” tih a in ziak bawk. Kan unau kristian dang ten an la hriat thiam lohva, Sual lian taka an la ngaih chhung chuan, Kristian dik tak chuan Pathian hmingin kan inlo ngam tur a ni. Eng anga Pathian thu hria leh thiam ni mahila, Zu ka nghei lo tih kan unauten an hriat ruk tlat chuan, “Dar ri mai mai emaw, Dar benthek awm ze nei loa ri mai mai ang” kan lo ni ang.
Report this comment
June 18th, 2011 at 12:33 pm
Thuziak puitling belhchian dawl tak a ni.
Keini ang michhe fain zu kan han in ve ngawt hi chu sual a ni nghal, chhungkaw mamawh trula hmanna tur a tam tehreng nen zu mana pawisa han man hi chu nupui fanaute thlima mahni nawmsipna um kan ni. Mizorama awm kan nih chuan sawrkar dan bawhchhia kan ni a, sual a ni nghal bawk.
Report this comment
June 18th, 2011 at 1:05 pm
Bible-a zu chungchang kan sawi lai mek hian culture, context leh sual concept hi kan ngaihtuah tel a tul.
US-a awmten ‘ka in zeuh zeuh’ an tih leh Mizo Kristianten ‘lem ve zeuh zeuh’ an tih hi kan ngaihfin turah ka ngai lo.
Anni lamah chuan pastor tan pawh ‘in ve leh zeuh’ ai chuan Meizial zuk ve leh zeuh zeuh chu a sinful zawk maithei.
Kristianna-in a man culture zawng zawng a inang vek lo. Sual concept hi ngaihtuah thui a ngai khawp mai. Hnam hrang hrang sual concept pawh a inang lo.
Ram leh Kohhran dan bawhchhiat hi sual a ni a; ‘Ti suh’ tih awm lo se, sual ka hre lo tur’ tih a nih kha. Dan a lo awm a, sual a lo piang a-a nih leh dan chu sual em ni; hnai lo ve Krista lama min kaihruaitu a ni zawk.
Ram dan leh Kohhran-in a phal loh chhung chu zu-in hi a khaptu leh a khapa-te lakah chuan sual a ni. a chianna chu zu in hian guilty feeling min pe tlat… tawk teh se
Report this comment
June 18th, 2011 at 11:06 pm
@35: Dik chiah, sual kan tih tam tak a te hi cultural a ni tlat in ka lo hre ve mai2. Kan pi leh pu te hunlai khan zu hi sual ah an chhiar lem in a lang lo, mahse kan zosap missionary te khan sual ah min chhiar sak ni ta mai hian a lang. Kristian theuh2, hmun hrang2 a awm ten sual kan tih tamtak a hi a in ang thei lo fo. Chumi a nih chuan cultural a tih loh theih lohven ka hria.
Report this comment
June 19th, 2011 at 12:46 am
Mizo kristian ten wine an in duh lutuk ang ka ti ve mai mai.
Certified loh zu chhia tak tak eng tiang a siam nge tih poh hriat loh in duhin RV ah an in zui kawi duah duah thin ani lom ni.
Khing in zui kawi duah duah ho khi Mizo Kriastianlo vek an ni zawk tihna em ni?lolz
Report this comment