Kum thum dawn lai a zirtirte nen an inzui a, chuta tanga a mizia te, a nungchang te, a thusawi te leh a thiltih te an hmuh atang chuan Isua hian mite leh a zirtirte’n amah an hriat dan hre duhin, “ Mihring Fapa hi mite’n tu nge a ni an tih?” “ Nangni’n tu nge a ni in tih?” tiin a zawt a.
Sakhaw dang dinchhuaktute chu an sakhaw dinchhuah zirtirtu niin a dinchhuaktu angina an pawimawh a, Isua erawh hi chu Kristian Sakhaw dinchhuaktu a nih bakah a innghahna lungphum a ni nghal a, a zirtirtu a ni ang bawkin a neitu, thuneihna tawpkhawk neitu a ni. “ Pa chauh lo chuan tu ma’n Fapa hi an hre lo, Pa pawh chu Fapa leh an hnena Fapain a puan duhnate chauh lo chuan tu ma’n an hre lo,” ( Mat.11:27). “ Kei mi hmu chu Pa hmu a ni”( Joh.14:9) tithe hi sakhaw dinchhuaktu dang tu mahin an sawi ve lo.
Khawvel mihring dang leh sakhaw hruaitu dang reng rengin an chhal phak loh chhaltu, mahni nihnaa beltu hi en gang mi nge a nih tia chhui loh theih a ni lo va, chu pawh chu mahni ngaihdan ni lovin, Chanchin Tha bute’n an sawi dan atangin chhui tur a ni a. Chanchin Tha ziaktute’n Isua chanchin an ziak hi a rin ngam a ni.
Isua chu Juda mi, Bethlehem khuaa B.C.5 vel lai piang a ni a, a taksa a thang lian angina a rilru pawh a fing deuh deuh a ni. Luka leh Matthaia phei chuan a thlahtute pawh nasa takin an chhui a ni. Mihring pian ang takin nausenin a piang a, a thang lian a. Ama hun laia an Juda hnam thil ngaihdan te,an hriat dan te, an khawsak dan te tawmin, an tawng leh an thil ngaihtuah dan te a tawm vek bawk a. Lawmna te, lungngaihna te a nei a, mihring dang angina chaw leh tui te, muthilh leh hahchawlh te, thian te pawh a mamawh a.
A chau va,a thinur tih te kan hmu bawk. Thlemna pawhin a hlah bik lo a ni. Pa Pathianah innghatin amah pawlin nasa takin a tawngtai thin tih pawh Chanchin Tha buahte kan hmu a, hriatna lamah pawh hriat loh chin a nei ( Mk.13:32); tin, hriat pelh palh pawh a nei niin a lang bawk, a tawng an hre sual a nih loh chuan ( Mk.2:26-a Abiathara a tih hi Ahimeleka zawk niin a lang, I Samu.21:1-6 en la).
Mipui sangnga a hrai dawn pawh khan chhang an neih zat zirtirte a zawt a, a hriat sa reng zawt a ang lo( Mk.6:38). Kraws chunga a thi pawh mihring dang thi ang bawk a ni; chuvangin, a ruang hlawmin Josefa-te’n thlanah an phum a. Chanchin Tha bute’n Isua chanchin an ziakah hian Isua chu mihring a ni ngei tih a chiang em em a ni.
Thil danglam tak erawh chu a awm: Chu chu sual inhriatna a neih reng reng loh hi a ni. Sual vanga lungngaihna leh inchhirna a nei lo va, sual vanga ngaihdam dilin a tawngtai hek lo. Pathian nen an inpawlna pawh mahni a inthiam lohna avangin a buai ngai lo. Mihring danglam chungchuang, Pathianin mihring nihna a then a zar a la mai a ni lova, amahah mihring tini lotu eng mah a awm lo a ni. Pilata pawhin,”En the u, mihringa hi,” a ti( Joh.19:5).
Amaherawhchu, mihring pangngaiah chuan, mi an thianghlim poh leh tlaktlai lo leh bawlhhlawh nia inhriatna a nasa thin. Chu chu Isua hian a nei lo. Amaherawhchu, Isua hi chutiang zawng mai chu em ni tiin zawt ta ila, a chhanna chu, “ Ni lo,” tih a ni. Isua-ah hian mihring nihna dik tak pangngai bak a awm. Chung chu amaha Pathianna tilangtu an ni.
1. Isua hian amah hmachhawntute hneh theihna mak tak mai a nei. Amah chu tu nge a niha, khawii atanga lo kal nge a nih leh khawia kal tur nge a nih a hriat chian em em bakah, khawiah pawh awm sela, a awmna apiangah a neitu leh hotu a ni a, miin amahah “ danglamna” an hmu a ni. A hal zawnga chhâwn an nih loh vek chuan a hnena intulut zawngin an chhâwn thin. Petera pawhin a ke bula bawkkhupin, “ Lalpa, min kalsan rawh, misual ka nih hi,” ti ( Mk.5:8). Khenbeh leh thihna thlenga a tuar dan atang pawhin ama nihna leh a kal zel dan tura a chianzia a lang.
2. Pathian nen an inkar pawh danglam bik tak a ni. Mihring dang reng reng chu Pathian thianghlim leh anmahni inkarah sualnain eng emawti kawng talin a daidang thin. Isua erawh chuan,” Kei Paah ka awm a, Pa keimahah a awm tih in ring lo em ni?” a ti tlat , “Kei mi hmu chu Pa hmu a ni,” a ti ( Joh.14:9).
3. Thuneihna danglam tak, mi dang reng rengin an neihpui phak loh Isua hian a nei. “ Kei erawh chuan ka ti a che u,” tiin Thuthlung hmasa zirtirna a thai lang a, “ Ka Pain engkim mi kawltir tawh; Pa chauh lo chuan tuma’n Fapa hi an hre lo; Pa pawh chu Fapa leh an hnana Fapain a puan duhnate chauh lo chuan tu ma’n an hre lo,” a ti hmiah a (Mat.11:27). Mi Pathian laka an sualna a ngaidam thei a, chu chu Pathian chauhvin thu a neihna a ni si ( Mk.2:1-12).
4. Isua hian nihna sang, mi dang nih phak reng reng loh ama nihnaah a chhal a, entirnan: Hun tawpa roreltu tur niin a insawi ( Mat.25:31-46). Bumtu misual a ni em? Mi â, rilru kim lo emni a nih zawk? A inchhal ang hi a nihna a ni rêng em? Heti taka finna leh hriatna thuk neia hmang thiam hi mi rilru kim lo a ni dawn em ni? A inchhalhi a dik si chuan Pathian chauh lo chu hetiang ni thei an awm si lo. Messia chu a ni ngei lo’m ni?
5. Thihna hneha tholeha, hmuh theih, khawih theih leh a aw hriat theih, zirtirte pawl leha an mithmuha ei leh ina khawsa hi mihring nihna leh theihna chunglam daih a ni. Daltu awm thei lovin a lo lang mai a, a ral leh mai a. Zirtir Thoma chuan, “ Ka Lalpa leh ka Pathian,” a ti.( Joh.20:28).
Isua hi Pathian a ni. Nula thianghlim hrina a lo piang hi awm reng a ni hliah hliah mai a, Pathian thiltihtheihna neitu ngeiin khawvelah Pathian Ram a rawn thlentir a, chu thiltihtheihna che vel chu khawvel thil leh Diabola pawhin an ngam lo.
Chanchin Tha bute’n Isua chanchin an ziak atang hian mihring dik tak a nihzia kan hmu ang bawkin, Pathian ngei a nihzia pawh a lang a ni. Zirtirte hmuh lai ngeiin Pathian ropuinaah hruai luhin a awm a. Amaherawhchu, Chanchin Tha bu hmasa pathumahte hi chuan Pathian tia Isua an lamna a awm lo va,Johana ziakah erawh chuan Thoma’n chiang takin Pathian tiin a ko a ni. Tirhkoh Paula chuan a Lehkhathawnahte Isua chu Pathian ngei nia a ngaih thu a lang zet zut na a, Pathian ti chiah erawh chuan a lam mang lo.
Lehkhathawn dangte pawhin Pathian tiin lam lo mah se, Pathian a nih hi nisaah an ngai a ni. Hei hi a chhan ni awm chu- Luka tih loh chu Thuthlung Thar bu ziaktu zawng zawng hi Juda mi vek an ni a, Pathian pakhat chauh rinna nghet taka seilenpui an ni. Isuaah hian Pathianna chiang hlein hmu mah se, ngialngan takin ‘Pathian’ tiin an lam fak rih lo mai niin a lang. Mihring atanga Pathiana hlankai emaw, a change mihring, a change Pathian ang pawhin an sawi lo. “ Thu tisaa lo chang,” “Pathian mihringa lo awm,” Pathian ngei tisaa lo chang a nih an puang a ni.
Thuthlung Thar ziaktute hian Kohhran thurin hlawm khawm angin an ziak lo va, anmahni mi malin Isua nihna an hriat dan an ziak a ni. Isua hi tu nge a niha, eng nge a nih tih an hriat dan an puang chhuak a, tunlaia kan sawi danin an testimony an ziak a ni. Mi pakhat Kristaah khan mihring leh Pathian a awm tih an hria a, an puang a, hei hi Thuthlung Tharin a sawi chin a ni.
A hnu lama Kohhran kal zelin chiangkuang deuhva ngaihtuah a tulna a tawk a, “Krista-mi pakhatah mihrinna leh Pathianna engtin nge inkalh lova a awm theih?” tih zawhna angte hi Kristian kum chhiar zabi 4-na atangin zabi 8-na thlengin buaipui a ni ta a, chung atang chuan Apostol-te Thurin leh Nicea Thurinte pawh hi siam an ni a, “ Pathian pakhata minung pathum” thurin hi Kohhranin a lo pawm nghet ta a ni. Pa leh Fapa leh Thlarau Thianghlim Thurin hi Thuthlung Thar ziak hun laiin thurin anga phuah ngheh a la ni hman lo.
[Source: NAZARET ISUA By Rev.Lalngurauva Ralte; Kum 1993 Puitling Sande Sikul Zir, Mizoram Presbyterian Kohhran. Zirlai 47-na]
Similar Posts:
- Isua Pathian a ni lo
- LALRAMA MIHRINGTE PATHIAN KAN NIHNA
- Lal Isua Thutak a Nihna
- Thutak Eng hmaah chuan
- Tunlai ka mutmawh hnarmawh.
(Y)
June 19th, 2011 at 9:35 am
Min chhandamtu.
Report this comment
June 19th, 2011 at 9:42 am
good post
Report this comment
June 19th, 2011 at 9:49 am
3rd keuh..Yess..an rawn chhangve ta..Sakhawdang sawt miah lovin..eh hei chu soileh lo..delete leh si..Timai tur hi ani in vau in vau buai ngai lovin..good post..Mahse tuman mahni rinna tibahhlah phah chuang miah loh tur..
Report this comment
June 19th, 2011 at 9:57 am
ka nui vûn vûn mai. . . A source ka en hma hian ka hriathnu ani tih ka hre hman. . . . Tiang mai tur zawk hi alawm. . .
Report this comment
June 19th, 2011 at 9:59 am
he post hi Lalpa’n kan zaa atan malsawm rawhse..Amen..
Report this comment
June 19th, 2011 at 10:02 am
Report this comment
June 19th, 2011 at 10:22 am
A ropui e!
Report this comment
June 19th, 2011 at 10:45 am
Inkhawm thei velo tan hetiang chhiar tur lo awm hi a va manhla em !
Report this comment
June 19th, 2011 at 11:05 am
A tha khawp mai,ni e Isua lo chu Pathian dang an awm lo,thuthlunghluia Pathian Jehova kha tlannaah chuan fapa angin a lo kal a ni.Tunah thlarauvin kan zingah a awm.
Report this comment
June 19th, 2011 at 11:11 am
A thupui atang khian Hnam Sakhua post ni turah ka lo ngai ve ngawt a!
Report this comment
June 19th, 2011 at 11:31 am
Isuan a hre pelh palh lo : tin, hriat pelh palh pawh a nei niin a lang bawk, a tawng an hre sual a nih loh chuan (Mk.2:26-a Abiathara a tih hi Ahimeleka zawk niin a lang, I Samu.21:1-6 en la).
ABIATHARA hming dangleh (another name) hi AHIMELEK a ni (I Samu 21:1; 22:9, 11, 20) A hming dangleh pawh AHIAH (I Samu 14:3). A fapa hming pawh, ama hming ang tho hi vuahsak a ni (I Samu 22:20; I Chro 18:16).
Post tha tak a ni.
Mipui sangli/sangnga hrai dawna sangha leh buhsanghar chhangper an neih chanchin a zawh hi HRE RENG SAA ZAWT (Formal question) a nih a rinawm! Zawlnei, Pathian atanga rawn kal, a ni miau va. Tuibel pu mipa, sabengtung leh a no thlun … hrelawk veka thil ti thei a ni tlat!
Report this comment
June 19th, 2011 at 2:01 pm
Pu Chawngilh comment hi a ngaihnawm ka ti thin khawp mai.
Post hi ka like e. Ka ziak tum hi kan Juda unau lam te’n an helh ka rin deuh avangin ka’n ngawi mai ange. Isua hi Bibleah hian a Genesis atangin emaw thupuan atangin emaw pawh hian han chhui ta ila min Chhandamtu a nihzia hi hai rual a ni lo. Isaia puan lawk dan phei hi chu chiang ker kawr tak a ni.
Report this comment
June 19th, 2011 at 2:07 pm
Pu CFL a chu, i post tha thei ta hle mai, i comment a tawi thin tehreng nen, lo ti zel teh, tha lutuk.
Report this comment
June 19th, 2011 at 3:10 pm
A tha khawp mai
Report this comment
June 19th, 2011 at 3:17 pm
Setana ……………………….a ni……………………
lo.
Khalai kha tlem kan sawi lang ve mai mai. Isaia 14:12 a….varparh tih hi KJV a Lucifer tih lo lanna chu a ni a, chu chu a heb. ah chuan hel’lel – mawi, eng, nalh sawina ni.A root meaning chu phosphorous, nawhalh atana hman thin, eng mawi nalh deuh hi a ni, nawhalh brand pakhat ah pawh lucifer hi an hmang bawk. A Gk. tlukpui chu Thupuan 22:16 a Isua in a mah chu varparh diktak a nih thu a sawi nen khan thuhmun tho a ni e.
He thumal hel’lel hi Abrahama nupui hmelthatzia sawinan pawh hman a ni a, HALLELUIAH tih a heh’lel lui YAH.(JEHOVAH lam tawi)a hel’lel tih hi KJV in Lucifer ti a a lehlin thumal tho kha a ni bawk.
Chutichuan tunge lucifer-a diktak chu? Isua zawk hi a ni e.
Report this comment
June 19th, 2011 at 3:45 pm
Report this comment
June 19th, 2011 at 8:29 pm
Bawngtlaia hi ka mi ngainat zawng tak a ni tlat. ¤ Bible chhui ril lutuk leh engemaw tia lehse kual hi ka ngainat zawng a ni lo. Entirna: “God is Love, Love is blind. Then, That means God is blind” tih ang te hi chu:- Pea-cock=Ar-Awn, that means Pea=Ar, Cock=Awn, I pea=ka Ar, I Cock=ka awn, tihna ang velah ka ngai. ¤ ¤ Lal Davidan tuma phùt ni miah lova, Pathian tan In tha tak sak sak a tum khan, Pathianin a sak tir kher lo. Mahse, kha Davida rilru khan Pathian a ti lawm tak zet. Chutiang zelin, Peteran a Pu Isua thlavang hauha khandaih a lek khan, Lal Isuan a khak. mahse Peteran khati tak a a thlavang a hauh na kha Lal Isua khan Petera kha a huat phah ring reng reng suh. A thawh leh hnuah a len denna hmunah a rawn zawn chhuah leh tawk tawk a, Special Commission a hlan kha. ¤¤¤ Pathian hian Mosia thahnem ngaih vanga a tual thah kha a lawm hauh lovang, Mahse, a thahnem ngaihna rilru erawh kha chuan a ti lawm nasa a niang, Thlalerah a rawn zawn chhuah tang tang kha. Hrethiams??!!
Report this comment
June 19th, 2011 at 9:25 pm
He post chu vuak hot kan tum tehreng nen, a va hot leh si lo e.
Report this comment
June 19th, 2011 at 9:38 pm
@Zoho: Pathianin i tum hi a hre vek a. A remti lo aniang.
Intellectual taka chhui vak vak hian Liberal Thlarau dawldang tak pai tlat hek mahse a hralh chu a tla phian zel a nih hi.. 
Report this comment
June 19th, 2011 at 10:02 pm
Zoho leh… Lucifer chu Latin tawng atanga lo kal ‘eng’ sawina kha a ni mai a. Isaia bu(14:12)ah hi chuan Babulon lal sawi nan a hmang thung.
Medieval hun atang khan Lucifer hi Setana/diabola sawi nan an hmang tan a. Chu chu hnamtin hian kan ngaihbel ta vek a; lucifer-a sawi reng rengin kan focus vek chu Setana hi a ni ber. Setana hming in-develope dan pawh sawi dazat vek tur a awm tho a lawm, mahse tu thlarau mah kan chawm dawn si lo.
‘eng’ sawina ni mahse ‘lucifer-a dik tak chu Isua’ han tih deuh tawng mai chu; literal leh traditional belief hi a awm hrang ve a, mi dang lama a chian dan kha va sawi rempui thiam a tul a ni. A nawlpuiin setana hi lucifer-a tia an identify chuan i sawi khi an tan a pawi dawn si a. Mizo chang hian kan lo hmang chuang na hek lo.
Report this comment
June 19th, 2011 at 11:02 pm
a van tha kher em!
Report this comment
June 19th, 2011 at 11:07 pm
Bibul Gk
Anilomaw?Report this comment
June 19th, 2011 at 11:16 pm
#22 aw i tan
Report this comment
June 20th, 2011 at 12:26 am
@ vakul-Nia,i sawi dik tho, linguistic debate chu ni se, i sawifiahna khi ka pawm dan ve tho a ni e, sakei hi 51% in purun an tih tlat chuan purun a ni e ka ti ve mai ang.
Mahse HMING chungchang a Setana(ti a kan koh) leh Pathian inbeihna ril zia leh hming ril zia hi language-noun issue mai mai a ni lo. Kum 500 a upa a nih tawh avang hian a dik ah ka pawm phal/ngam teuh lo. Kum 4000 a upa rindan leh pawmdan pawh ni se, a lo diklo a nih chuan a diklo zel tho ang.I hriatthiam ka ring.
Setana tia kan koh(Babylon saltan hnu a Israel fa ten an hman lar ve chauh)hi a hming diktak hi mihring siam hma daih a anchhe lawh tawh, condemn tawh a nih avang hian mihring zing ah tumah hria an awm lo tawp zawk a ni. A mah mai pawh nilovin thlarau sual leh ramhuai zz pawh an hming hi anchhelawh tawh vek annih vang ani ngei ang, an utter chhuah zeuh pawh phal anni tawh lo, Isuan mihring kawchhung atanga a hnawhchhuah te reng reng khan an personal name an sawichhuak thiang lo va, an hnathawh leh a vel ang chauh zel in an inpuang thin – eg. ,mitdel, tawngtheilo,zeng, nuai(Sangruka) tih te in. Tunlaiin Aliens Church ten ANU te an rawn ti ta vel mai zawk pawh a.
Chu hmelmapa chuan hming game ah Pathian chu a beilet ta ngei reng a, a tir ah a hnamthlan te zing ah YHWH hming a bo theih nan Mosia sawi tumloh lam ah amah biakna ah pawh an lam ngamloh nan a bum a, adonai tiin a ri ta daih a,Mosia sawi zawk tak kha chu khatih hunlai khan miin dawt ah pawh intih rinawm nan a naran tak meuh meuh in Pathian hming kha an lam sek vang ani zawk.
Kristian te hun ah Bible atangin a paih tir a YHWH chu LORD, GOD, LALPA tiin a luahlan ta vek reng a ni.Hei hi bumna tenawm em em a ni reng e, kei chuan Iahua(YHWH) hming hi ka lam ngei ngei thin.
Lal Isuan a Pathian hming hi top priority ah a dahzia chu ” Kan pa, vana mi, I HMING zahawm rawh se” a ti hmasa ber a ni.Heta zahawm tih hi lam ngam loh lam a ni lo a, manifest, santified, glorified, tarlan, sawi lan, chawimawi lam a ni zawk. A hun hnuhnung ah chuan “Ka pa..an hnenah i HMING ka hriattir(manifest) a, ka hriattir leh fo vang..(Jn 17:26) a ti ta zawk a ni.
Chutichuan hmelmapa chuan Pathian tluk a awm a tum ta a, Pathian ropuina(heh’lel) chu a chuhpui ta a, hei hi Isaia rawn ti elna chu a ni ta zawk a ni. A tum, chan a hnek a paihthlak a nih tak hnu ah, chu chu hmelmapa chuan a la na khawp a, Isua an khenbeh khan Rom sipaite thinlung ah hnathawk in tihelna “Judate lal” tih chu a lu chung ah an tar ve ta ngei bawk a nih kha. Heh’lel, Isua title hi hmelmapa hming ah ka ngai phal teuhlo mai. A chanloh, a it em em zawk a ni.
Report this comment
June 20th, 2011 at 12:46 am
Kan belh leh lawk, OT ta sa sa, Isuan “ka hming in dil rawh u” a tih pawh hi a ril teh hrep. “As per my teaching and guidelines” tih lam daih a nia sin. Keini’n kan tawngtai tawpna atana ‘chung zawng zawng chu i fapa Isua hming in kan dil e’ kan tih a, a guideline leh teaching zawm chuang miahlo a kan dil hian a phawk phalo nasa lutuk em em a ni.
Hming hi a serious khawp, mission leh nen a kalkawp tlat a ni. Abrama chu Pathian in a comissioned khan a hming a thlak nghal tawp. Chutiang in Saraii chu Sari, Jakoba chu Israela,Simona chu Petera,Saula chu Paula. keini Lalrawngbawla’n ruk a ru a, Lalrawngbawla ti a koh ala zak chuanglo ang mai mai hi a ni lo. Kan thianpa pa chu Lalzuiliana a ni a, sipai ah a tangta daih si a, ka Lal hi ka zui zo lo a ti a, Zuiliana a ni ta daih a sin, pa pui rem rem tak a ni.
Red Indian eng hnam nge, an achievement a zir a an hming thlak(promotion) thin bawk kha,Pu HV an a hria ang. Mifate hi chu an hming ah hian an lo serious khawp. I mangan vawrtawp ah Iahua(YEHWEH) hming hi lam ngei ngei rawh, Setana’n a haw lutuk, a ngam hlawl silo a.
Report this comment
June 20th, 2011 at 7:26 am
Zoho, Pathian thu thiam tak ini tih ka hria e. I comments leh thu posts te pawh hi ka pawm zawng tak a ni deuh zel thin. Tun tuma i thil sawi pawh hi Theological college a exam chhänna ni ta se, ‘A’ aia hniam pek chi a ni lo. Isua hming chu Isua a ni mai (Luka 1:31, 2:21, Mat.1:25,). A bak zawng hi chu a thil tih tur, a ropui leh thiltih theih ang zela hming an phuah belh sak(Nick names) an ni tawh. ¤ Setana hi Diabola nick pek anih hma kha chuan, Varparh ang maia engmawi leh ropui anih avangin, Isaia hian, ” Aw Lucifer” a ti ani mai a, Paihthlaka a awm hnuah erawh chuan Setana ani mai. Lucifer ani pha tawh lo. Mi bum hi a hna ber anih tak avang erawh chuan, Diabola tia koh hi a inhmeh hle. Isua pawh hian hming lem a ngah tak zet. “Imanuela, Krista, Remna Lal, Grep hrui tak, kawngkhar, kawng, Thuak,Nunna, Beramno, Berampu tha, Varparh eng tak, Mihring fapa,Nunna Lal, adt.) Isua chu, “Krista Pathian nung fapa, Mihringte sual thawina tur atana talh tawh beramno, thihna hneha tho leh a, tuna ropui taka Pa dinglama thu, A ropuina nena inthuama Pathian Tawtawrawt ri leh Vantirhkoh chungnungber aw nena he leia lokal leh a, Rorel tur a ni.” Lucifer tih hi chu nick emaw title chauh a ni e. Vakul sawi ang khian, Mizote chuan Setana hming atan kan lo hman fo tawh avangin, he thumal leh thil chhia leh hmuhsit awm hi a in zawm tlat tawh avangin chu hming Isua lo pek chu, inchawimawina aiin inhmuhsitna ani tlat tawh. mizote rilruah chuan, “Setana koh elna hming thalo tak a ni e”.
Report this comment
June 20th, 2011 at 10:14 am
zoho, ka mut hnuah min chhang chauh va; i lo inbuatsaih kual lai a ni ang e.
Adonai an hman hi setana bumna tih ringawt chu, a lubul tawng tawng deuh chuan ka hria a.
Mosian Pathian hnena polite taka ‘tunge a nih’ a zawh khan(Exo) Pathian chuan ‘YhWH aser YHWH’ tiin a chhang a. mizo tawng chuan ‘awma ka ni’ tiin an letling a. Saptawng chuan ‘i am who i am’ tihna a ni awm e.(zir miten in tih kha)
saptawng hi simple taka lehlin chuan ‘Keimah chu Keimah ka ni’ tihna tluk a ni. intham lohna, sovereignty a keng tel. ka hrilh bak che chu hriat tum duh suh’ tihna pawh a ni thei ang.
Judaho tan han hman ngam rual em ni a nih? chuvangin an chhehvelten an hman ve tho leh a hma pawha an lo hman fo tawh ‘adonai’ kha Pathian sawi nan an hmang mai a ni. kristian kan nih hma khan supreme being sawi nana an hman ‘pathian’ chu kristiante Pathian sawi nan pawh kan hmang mai. pawina awm chuang lo setana min bumna a ni chuang hlei nem. contextualisation a ni mai.
naupaw chungin
a dang chu post/ni dangah ni mai teh se. tluk rual i ni lo chungin…
Report this comment
June 20th, 2011 at 10:42 am
Babulon lal = helel ben shachar (Heb.)
helel ben shachar (Shining one, son of the dawn) = Lucifer (latin vulgate, Wycliffe’s Bible)= Heosphoros (LXX) = morning star/daystar (Eng vers.)= light bearer/bringer = venus
Hence if Satan = Lucifer, Satan => Venus
Mizo chuan Chawngmawii (venus khi Chawngmawii a ni em kha?)
Setana hi a tluk (sual) hmaa Lucifera a nih chuan Chawngmawii pawh alo ni reng tihna a nih hmel
Tichuan Is 14:12 hi “Aw ‘Chawngmawi’ ‘zing lam fapa,’ {HAhah) engtizia nge van ata i tlak tak chu le!’ tiin let ta ila a sikhaw awm e ..
Christian ten Lucifera hi Setana proper name-a kan hmang hi chu a fuh chiah lo deuh chu a ni. Mahse tradition anga kum 1500 chuang kan lo kal pui tawh her danglam chu a buaithlak tawh a ni e.. a tha tho alawm tih ve mai loh chu keini misual dum ber aaak zat hnih hnuailam tan phei chuan tih theih a vang a nih hi.
Setana (ha satan/the deceiver)) tak pawh hi proper name anga huai taka sawi chu ka tim deuh!
Report this comment
June 20th, 2011 at 10:53 am
Well said vakul.
Ni e Pathian hming chungchangah hian Jehova Witness te anga conspiracy theory ang hrima thu kalpui hi a fuh lo in ka hria. Bible translator-te harsatna hi hriat thiam pui a pawimah khawp mai.
Tetragrammaton lam rik hleihtheih loh dah emaw rinthua vowel lo zeh ve ngawt ai chuan Adonai emaw the LORD tia an lo dah hi a tha thovin kei ka hria. Mosia kha a lam rik dan zawh theih sela tha tur a ni a le..
Report this comment
June 20th, 2011 at 11:21 am
Helai chu Pathian thu a tui tak tak ho kan ti ti niin ka hria. A va nuam em. Khawnge Krista leh Chawnghilh te pawh hi an awm?. 27. Vakul, Mosian Pathian hnenah a hming a zawh a, Pathianin, “I am who i am” a tih hi, “awma ka ni” ti a lehlin ani tlat hi kei pawh mak ka ti thin. Vakul nen hian 100% in kan ngaihdan a in ang tlat mai. Kan ngam zawng leh kan aia naupang zawk ten kan hming min zawt ve khang lang a, “Tupawh ka ni ang chu, i lo hriat ve enge a tang kaina?” tih lam a hawi daih hian ka hre thin. Pathian leh Setana hian proper name an nei pawhin a lang lo. An thil tih azirin an inchhäl a, an ko mai niin a lang tlat. Mahse hetiang thil thúk, public forum a discuss hi a hrisel a ngem aw?
Report this comment
June 20th, 2011 at 2:12 pm
A tui zual ho chu in hriat e.
Tak tak in, HS-a post Isua -ve cc a hot em em a, CFL a post Isua +ve cc tho a hot lo lutuk kha ka tha a na deuh hlek a, miten Pathian thutak an ning a, a ho lam an phur em em si hi kan sual fiam deuh a nih khi.
vakul, PKfanai, donald te comment ka
vek e. A ngaihnawm hlawm lutuk tlat. A post tu pa lah hi a reh vang vang thung. 
Tunah ka hman lo lutuk tlat hrih….
Report this comment
June 20th, 2011 at 2:32 pm
@zoho : I Timothea 2:5 Pathian pakhat chauh (YAHWEH) a awm a, Pathian leh mihring inkara Palai pakhat chauh (Yahoshua/Yahshua) a awm bawk a, amah chu mihring a ni, Krista Isua (Yahoshua ha Messiach) …
Khi khi Tirhkoh Paula ziak atang ngeia, an personal name ka rawn parenthesize a ni e. Oneness leh Trinity hi chu Apostolic Creed dik tak aia a tunlai deuh fe tawh zawka ka hriat avangin!
Report this comment
June 20th, 2011 at 2:39 pm
Nazareth tih awmzia hi CHAWR NO tihna tluk tho a ni a. Chawr no chu thil thang (grow/sprout) a ni. Chutiang takin Nazareth Isua kha Nazareth-ah a rawn chawrno/seilian ta reng a ni.
Fiamthu zuai : A pianna Judai rama Beth-Lehem, a murna Nazareth. Beth-Lehem khua hi pahnih a awm avangin, Judai rama mi zawka Beth-Lehem-a piang tih kher zuk ngaia maw le!
Report this comment
June 20th, 2011 at 2:53 pm
Isua tia kan lo lam hi a dik teuh berin ka hria. Greek tawnga an lam khan iesou-tiin an lam a. English-ho khuan an thelh ta duaih a ni ber.
hmana/tun hnu thleng pawn I leh J hi lam hranna vak a awm lova, Jesus tia an lam hian iesous tiin a ri tho va; Y leh J sound an han tihrang ta a leeee. Jesus an tia khawvela lam thelh thui ber pawl an ni ang. Germanho vangah puh rawh se
Report this comment