Bible hi Pathian mihringte hnena a hun lai a zira an PHAK TAWK ang zia zela a INPUANNA ani.Mosia hun lai khan tunhnu a Paula ziah ‘…..serh tan pawh engmah ani lova…’ a tih kha a sawi chi ngawt loh.
Serh tan hi a tha tawh lo tihna emni? Abrahama’n Lapa thutiam avanga a serh atan chu a sawt em em a, a serh tan hrim hrim ai khan thuawihna leh thuthlung zawmna kha a pawimawh zawk ani, tih Paula’n a hrilhfiah. Thiltih ngawt ni lovin rinna atanga chhuak thiltih chuan awmzia a nei ani. Chuvangin Bible kan chhiar hian a wording ah aiin a message ah kan chiang/buaipui hmasa tur ani.
Mosia pawhin Ni 6 chhunga Thilsiam zawh anih thu a ziak a, chu chu tunlai a kan 24 hours Ni hi ani lo tih hriat a tha. Pathian thu dang ah ‘..Nanga ngaih chuan kum 1000 hi mitkhap kar ang lek ani..’ tih te pawh a awm kha. Fundamentalist ho in a an lak anga lak chuan a rum rut mai ani. An ni ho hian ‘Pathian thu chu dik lo thei lo’ ani anti. A dik zet mai. A dik loh theih lohna lai chu tu tan pawh hnial rual ani love. A tawngkam leh wording ah an buai a, a message an hloh leh si erawh hi chu Pathian thu an thelh duai ani.
Kan phaktawk a kan hnena puan anih avang khan alawm mi tin tan anih he thu hi. Thu, tisa a lo chang Isua Krista chu mihring te’n kan hriatthiam turin a lo kal. Pathian ropuina zawng zawng leh finna zawng zawng hi he leiah hian mi te hnenah puan chhuah eng vangin nge anih loh? Kan phak tawk ang zel in Lalpa kan hnenah a inpuan thin alawm.
Thingtlang pa lehkha thiam lo pawh in thlarau thianghlim nena a zir chuan a message a hlah chuang lova, Theologian zir sang tak te pawh in an message a hloh ve thei tho. Chutiang chu ani, kan Pathian thu hi, tupawh phak tawk a dah ani – a thlarau in a a pawl apiang te tan.
A wording a kan lak dawn chuan thu hrang hrangah inhnialna a tam lutuk. Sap thenkhat chuan Bible a King James Version chiah hi Pathian thu dik lo thei loah an ngai ani. A dang ho hi chu engmah lo!!!! King James Version a awm hma a awmte leh tawng danga chhiar te chuan Pathian thu an dawng ve lo an tihna anih chu. Khawvel siamtirh ata Pathian thu hi lo awm tawh si (John 1) kha Mosia leh mi dang dang te ziah ah Pathian thu hi khung kim talh an tum a, a message a chiang duh lo te tan chuan Judaism ah a awm chi ang. Tirhkoh Paula lehkhathawn te pawh hi Juda ho history ah chuan tun hnu a ziak ani si a.
Tin Pathian thu dik zia tilangtu leh a message zawk pawimawhna ti chiang tu example pakhat chu, chanchintha bu li te an ‘record of events’ inanglo a awm nuk hi ani. Hei hian Isua chunga thil thleng an sawi te kha a ti dik lo ni lovin, a dik zia a tarlang zawk daih ani! A ziaktute hian inthurual a ziak anni lo tih a ti lang phawt a. Mi Pahnih in thil kan hmuh inang reng ah, kan hriat dan leh kan dawn dan inanglo thei ani tih fiah taka tilang tu a ni zawk ani. Mihring chak lohna nei leh famkim lo te’n thu famkim chu an thu ziah kaltlangin an puang chhuak zawk anih chu (Mosia pawh ani tho).
Chanchintha bu 4 te hian a message chu chiang tak leh tum khat neiin (LAL Isua Chhandamna) an sawi si ani. Chu message lo man chiang te tan chuan a thumal kilh kelh ah buai chi ani lo. Kan buai thui lutuk hi alawm kohhran denomination tam lutuk a lo pian chhuak zel tak ni. ‘Chumi changah chuan chutia tihtur chu ati’ kan ti zel ni awm tak ania, a tha vek e, a message kan chian erawh chuan ‘serh tan’ kher kha Felna zawh kimna a ni lo tih kan hre thei ang.
Chutiang bawkin naupan laia/ puitlinhnu a in baptist/ in baptist loh, thlawr kher/ in hnimphum kher etc. pawh. Lalpa zanriah sacrament te pawh. Kohhran thu rin hrang hrang nei kan tam dan ah te hian a message a chian phawt a tul zia chiang takin kan hmu thei.
Isua pawhin Pathian thu ‘scripture’ lak dik loh theih anih zia leh a message hloh theih anih zia chiang takin a sawi, ‘Mihring hi chawlhni tana siam ani lo, Chawlhni hi mihring tana siam ani zawk..’. Hetah hian farisai te khan ‘Chawlhni serh rawh’ tih kha a ngialngan (literally) chauhin an la a, chawlhni serh aia pawimawh zawk, an chawlh hahdamna tura chawlhni Pathianin a siam sakna leh, chu mi ni chu Pathian ropui nana hmang tura tihna message kha an lo miss leh si a, Isua’n a hau ta mai ani.
Evolution te pawh hi dik thei ani!!! Darwin a te’n a theory anga an dah ang diak diak in dik dawn lo mahse.
Dinosaur te pawh hi he khawvel ah an lo awm tawh chiang tih tunge hnial thei. Bible ah a inziak si lo. Hei hian a prove chu, Mosia (Pentateuch ziaktu) tan khan khatiang hriatna zau tak kha a zo dawn lo. Khatih lai huna mi te hriat thiam turin Pathian in an pawm thiam turin ‘Creation’ (evolution) hi a hrilh ani mai. A pawimawh ber, Hmangaihna thu, hmana awm tawh a zawk kha mihringte (thuthlung hlui) tan hriatthiam mai chi anih loh avangin a entir turin Lal Isua he khawvel ah – tisa pu in a lo kal ani.
Tun lai science thiamna – natna hrik te, bacteria te, oxygen pawimawhna te, Solar system a planet te leh kan lei (earth) ngei pawhin ni a kal hual si zia te, mi in khawl (thlawhtheihna) hmangin boruak a a thlawh theih zia te- zawng zawng kha Pathian in Mosia hun lai khan an hnenah puangzar sela…. i dawn thiam ve maiin ka ring.
Chuvangin science leh finna te, Pathian nena indotir tum kan awm tlat mai te hi a atthlak!!
Pathian chu finna nei tu, engkim hria (Omniscient) kan ti ani lawm ni? A thilsiam chungchang zir na in a siamtu chu a cho pha ngai lovang a. A zir thuk apiangin Pathian ropui zia an hai chhuak nasa ani mai. A titu (scientist) te kha atheist/ringlo tu pawh nise, an thil/ tih leh zir kha a siamtu chu Pathian ani tih keini ringtu te hian i theihnghilh lovang u. (Aw Lal Pathian I kutchhuak thilsiam tinreng.. tih mitchhing duar duara a satu te hian)
Hnial duh tan Q – Engvangin nge nih leh Isua lo kal khan thilsiam chungchanga hriat zauna, finna leh science lampang a ron promote loh tlat?
Ans: A thilsiam te chu kan hmu thei a, kan zir zel a, chu mi chhung erawh chuan engtiklai mahin a siam tu hi kan theihnghilh tur ani lova, chu chu a pawimawh zawk em em avang ani. Thil siam te kan pawimawh lo, siamtu a pawimawh hmasa.
Evolution a dik theihna kan sawi leh lawk ange. A duhlotu te leh a hnial tu (keima thiante ngei pawh in) ten an sawi fo chu, ‘mihring hi vaivut atanga a siam thu leh nuna thaw a hnarah a thawk luh thu Genesis ah chiang takin a inziak’ tih te hi ani. A message hloh si in, a wording ah an kal ta chiang mai.
Chutianga ringtu te chuan Pathian kut lian tak hian lei hi hai hrut hrut a, vaivut hai khawm a tui te nen pawh mix vel a, tuna kan taksa shape anga a siam kilh kelh hunah, a thaw khu luih anga nunna chu chu vaivut hnar ah chuan a lut anga….. Kan zeldin thil thu vek zawk anih chu maw. Chung mi te chuan ani Pathian chu a thil tih dan tur rel sak tum tlat zawk.
Lei leh van kal dan hi ‘Law of nature’ hi Pathian siam ani (Engkim siam tu anih kha maw, kan lo theihnghilh ange 
) Pathian hian law of nature hi a siam kan tih si chuan ama siam dan chu bawhchhe lova mihring te siam dan (evolve tir dan) hi a hre em em ang tih kan ring lovem ni. Mammal ho zingah chuan Hmeichhia leh Mipa inpawl in naute a lo insiam a, thlai ah chuan a chi atang te’n.. etc etc.. Miracle kan tih ‘law of nature’ kalh pawhin ani chuan a thlen tir thei tih kan hriat erawh a tha, kha mi dan kha siamtu pawh amah tho anih avangin.
Chu dan ngei pawh chu evolve thei in a siam a, leilunga thil nung chi hrang hrang te an lo kal tawh dan leh fossil te han en hian, ‘Nunna’ hian hun hrang hrang a lo tawng tawh in, he khawvel din tirh atanga nunna lo awm tanna chu kum maktaduaih tam tak a lo ni tawh ani. Fundamentalist hovin a bible a ‘record of events’ an han chhut dan ringawt atang chuan khawvel hi kum sang tam a la awm si lo?
Kan hmuh theih chinah pawh kan awmna environment a zira kan pianphung a danglam theih zia te hi chhut ila. Mihring pakhat lifetime ah ringawt pawh, environment avang a, ngo, hang, hnar shape inthlak danglam etc.. kan nih zia hi chik ve tur ani. Hman lai 16th century lai vel kha chuan ni leh thla leh arsi te hian khawvel hi an hual thin tih kha kohhran hote rindan nghet tak a la nih kha.
Hriatna hi a ngaihsan awm a, a siamtu Pathian ropuizia tilang tu ani. A siamtu Pathian hre reng chungin thu dik hi hmai i hup san thin lovang u.
Similar Posts:
- Laminin (Kross chhinchhiahna) !!
- Zonunmawi leh Bible
- Tawngtaina…awmze nei lo…(chhunzawmna..phur leh thut pek a lawm maw le)
- Thihna
- Thihna
June 23rd, 2011 at 11:36 am
Lei hi upa tak (old age earth theorists) nia ngaite chuan dinosaur-te kha mihring awm ve hmaa lo awm tawha an ngaih laiin, lei hi la naupang taka ngaitu (young age theorists) te chuan dinosaur leh mihringte hi lo chengho tawh niin an ngai.
Mak deuh mai chu civilization hmasa te khan dinosaur ang pui pui lunga kher te leh hluma siam milem te an lo nei teuh mai kha a ni. Hei mai bakah North America and Asia ah phei chuan dinosaur leh mihring ke hniak (fossilized footprints) awm dun an hmu lehnghal a!
Joba 40-15-a ‘behemoth’ tih pawh hi ‘beast par excellence’ tihna a ni a, khawmuala cheng ramsa lianpui sawina a ni awm e; scholar thenkhatin sai emaw tuivawk (hippopotomus)emaw sawina niin an ngai a, mahse chang 17-a “Sidar angin a mei a tikhauh va” Bible-in a tih avang hian sai leh tuivawk te hian mei tetakte chauh an neih bawk si avangin leh dinosaur thenkhat chuan cedar thing ang maia mei hrawl pui pui an neih avang hian ‘behemoth’ hi dinosaur sawina nia ngai an awm ve bawk a ni.
Dinosaur te hi leiah hian an awm ngei tih chu thil chiang ni mahse an awm hun hi chu a chiang thei rih lo a ni. Kum million chuang anga ngaihna hi proved fact a ni bik lo; a chhan chu radio carbon dating meuh pawh hian hetiang anga rei chu a chhut dik thei bik tlat lo a ni.
Report this comment
June 23rd, 2011 at 11:36 am
A tum ka man chiah lo.Pu chawngchilh hian han hrilhfiah zel teh se.a a tam zawk hriatthiam theih turin,kei tiam lo in.ha ha ha
Bible leh science.Thuthlunghlui leh Thuthlungthar sawifin tum talh ang vel a ni.ain hnerem tak tak thei lo.
Report this comment
June 23rd, 2011 at 11:43 am
A thiltum hriat chian chu pawimawh tehreng e. Bible ah hian Mataphor tam tak hman ani. ‘..Ka kulh bing sang ani a..’ (Ps 62:2) tih ah hian Pathian chu ‘ka kulh bing sang ANG ani a’ a ti kher lo. Mahse Pathian chu a hring a hran in kulh ‘fortress’ ani kher lo.
Tin mihring hi kan lo pawm dan thin te han nghing deuh a awm hian chu mi chu nasa takin kan lo do thin. Chu chu livcing organisms ho reng reng zia ani. Mahse, tawngtaina nena ngun taka kan thlir chuan “KAN PHAK TAWKIN” Pathianin min hrilhfiah thin.
Kan phak tawk, ka tihna chhan hi kan Kristianna laimu a dikna pawh ani. Pathian ‘Omniscient’ kha engkim a ropuina nen mihring hma ah rawn inpuang nita sela, tuman kan zo lovang. Mahse, a hniam ber te leh mawl ber te pawh hriat theih turin Messiah chu tlawm takin a lo kal. Pathian mihring a lo chang ngawt pawh hian mihringte dinhmun min ngaih pawimawh sak zia leh, kan phak tur ang zel a min hruai a tum zia a tilang ani.
Report this comment
June 23rd, 2011 at 11:45 am
Finna hi Pathian ta ni.
Report this comment
June 23rd, 2011 at 11:46 am
Bible leh science hi a inkalh titu te chuan Pathian finna an sawichhia a, thilsiam tluk zet ah an dah tihna ani.
Report this comment
June 23rd, 2011 at 11:54 am
Naupan laia/ puitlinhnu a in baptist/ in baptist loh, thlawr kher/ in hnimphum kher etc. pawh. Lalpa zanriah sacrament te pawh. Kohhran thu rin hrang hrang nei kan tam dan ah te hian a message a chian phawt a tul zia chiang takin kan hmu thei.
Report this comment
June 23rd, 2011 at 12:54 pm
50 & 51 comments a tha khawp mai. Thiamnate hi Pathian Ropui nan leh a ram zauna atan hman zawk tur a ni reng a ni.
Report this comment
June 23rd, 2011 at 2:07 pm
A tlangpuiin he post hi tha ka ti khawp mai. ‘wording’ leh ‘message’ khi an han sel ngawt naa i sawi tum (niawm) man fuh chuan a tha in thil tul tawpkhawk a ni, Zoram kristiante tan hian.
“Baptistu Johana hi ‘khaukhuap leh khawizu’ ring mi a ni a, khaukhuap hi………” tia sermon chiam mai hi a fuh lo thei. (wording-ah a buai) Locusts kha khaukhuap ni lovin Fapa tlanbo thu-a ‘englo kawm vawkin an ei’-a a englo tak kha a lo nih daih phei chuan.
Pathian thu chu thuang hnih kalkawp tlat a ni kan tih thin kha. Genesis te hi chhiar dan thiam a ngai asin, Bung 1-na ah Brief Report a han pe a. Bung 2-naah mihring a han thlur bing a, Bung 5-na atangin bul a han tan leh a. (text Knowledge atan). Sentence inkarah kum tam a tla thei a bawk a. ‘Eng lo awm rawh se’ tih chuan kawh dang a nei thei bawk a, Engpawh nise ‘kan phaktawk’ tih sawifiah nan Pastor (a Hming ka sawi duh lo) thusawi: ‘ BD kan zir laia kan han bei tak tak chu, thingtlang kan bial laia nu mawl te te te nen ‘ka thlarauvin a zawm ta a, Krista Gerep nung chu’ tia engmah ngaihtuah lova kan lam thin hun lai kha ka ngai thin” a ti. Sephung laih lai ngai ta vawng vawng pawh kan awm maithei.
Report this comment
June 23rd, 2011 at 2:44 pm
58
zovel
Dik khawp mai, He thu post pawh hi a tha ka ti. Pathian thu hi a bawp lawka lak chuan inhnial vak theih a ni reng a, post tu in a sawi ang Kristian inti theuh ah hian Kohhran hrang hrang ten thurin hrang hrang kan nei a hengte pawhhi chai vak tham a niang. post hmasa lam a mi Lucifer, kum sang rorel tihte pawh kha sawi tur chu ka nei ve nangin ka comment duh ta lo mai. Bible in, “inhnialna atthlak leh sawt lo” a tih ah khan luh a hlauh awm deuh hian ka hre thin. Sam te pawhhi hla thu kal hmanga phuah a ni a, Hebrai tawng leh hla thu kal hmang thiam hle lo tan chuan a nihna kan sawi chhuak zo lo maithei. Theologian pakhat sawi ang in thil chiangsa(Simple Gospel) ah in lungrual ila, thil khirh leh harsa ah zalenna in zah sak ila, a tih hi dik hle in ka hre thin. eg, Sakrament te, Lungpui chung changte leh mitthite thlarau awm dan tur chung chang ah te hian.
Report this comment
June 23rd, 2011 at 3:30 pm
A dik viau. Mahse inti thlarau mi tak ho hian ‘mihring hriatna hmang ho, Pathian thutak pawh lo, thlarauva hriatna neilo, Mahatma Ghandhi leh ramhuai hote pawhin an hre ve tho’ tia min han sel bawih2 mai hi chuan thutak tak tak han chai pui hi an chakawm ta thin em a ni.
Pathian thu hi rau riai ruai turin an ngai a, dik felfai thlap thei turah an ngai lo a ni ang chu, tholeh taksa han sawi pawh hian ‘vanah a chiang mai ang’ an ti daih zel.
Tin, kalsual a hring hma em em bawk a, Zoram zimte-ah pawh heti zat pawl hrang a awm tawh hi. Rawngbawlnaa ngaiin thudik hi zep lovin i puang chhuak zawk teh ang u.
Report this comment
June 23rd, 2011 at 3:47 pm
Pathian thu thiam te hi, kohhran nawlpui member te rilru tih chi aina atana hman ai chuan, Sakhaw dang bia leh Pathian awm pawh ring lo te lak a Isua krista defend nan leh thu dik zawk pawm naawm tak a puan chhuah nan a hman tur a ni ngai e. Thil tak tak deuhah, Chawnghilh aia chiang leh fiaha sawi thei kan in vän leh thin a nìh hi.
Report this comment
June 23rd, 2011 at 4:49 pm
53 comment chu pathian mihring ah a chang toh reng2 em ni??messia poh lokal se pathian thu ang zela mipuite rawngbol puitu mai chauh ani don ani..
Report this comment
June 23rd, 2011 at 4:56 pm
@61-Pathian thu thiam te hi, kohhran nawlpui member te rilru tih chi aina atana hman ai chuan, Sakhaw dang bia leh Pathian awm pawh ring lo te lak a Isua krista defend nan leh thu dik zawk pawm naawm tak a puan chhuah nan a hman tur a ni ngai e.
Hei hi a dik khawp mai, hriatrilna piah lamah Kohhran hote chawmna atana kan Pathian thu hriat hi a pawimawh. Tin, Pathian hi kan hunlai ang zelin kan phak tawk angin a inpuang thin tih hi a dik a ni. Kum za tamtak liam tawhah pawh Bible ropuizia an hmu a, tunlai hunah pawh Bible dikzia kan hmu a, tun atanga kum za tamah pawh Bible dikzia tho anla hmu dawn a ni. Heng hun theuhvah hian mihring khawsakna a danglam theuh a mahse PATHIAN thu erawh a ropui zel a ni.
Report this comment
June 23rd, 2011 at 5:28 pm
Hnam mawl kan nihzia hi chu a va chiang thin tak em!!
A zir ve peihlo leh hre lo zawk hian, a kum tel takmeuh hreawm tinreng Pathian avanga tuara, mi inpe te hi kan lo sawisel ve a, rawngbawl dan tur te kan lo lecture ve thin hi zahna chang kan hre der si lo a
. Polite tak leh thuhnuairawlh taka tha nia kan hriat sawi ve te hi chi thil pawi em em phei chu a ni lo, mahse kan han sawi vel thin dan hi chu michapo engmah ni silo, inti fing ve naran mai kan nihzia hi kan pho lang mai mai a ni.
Report this comment
June 24th, 2011 at 1:43 am
@jesusloveme, kan rilru a inan hmel khawp mai. Sawi cgian loh nei mah la i asawi tum keimahah chuan a chiangi ka hria.
Pathian ropui tak hian a thil siam tawh hmang hiam “miracle” a thlen tir thei tih hi ka pawm dan mawlmang tak ani ve tlat mai.
Pathian nihna leh finna, mihring finna hmanga kan chhut a, kan hriatthiam phak tawk lek a Pathian ropuina kan dah thin leh Pathian ruahmanna hriatthiam vek kan tum thin hian kan PATHIAN Pathianna kan ti nep thin mai em aw ka ti.
Engpawhnise post tha tak a ni e,
Report this comment
June 24th, 2011 at 7:32 am
Post min ngaihhlut sak tu tam tak ten in ngaihdan leh pawm dan in rawn thawhkhawm hi a lawmawm a. MISUAL ho kan thlarau progress report pawh a lang thei in in hre ve lo maw?
Kan phak tawk leh dawn dan pawh a in thelh zung a. Chuvang chuan ani kan biak Pathian hi – ‘Abrahama Pathian, Isaac a Pathian, Jacoba meuh Pathian – nih pawh hnial lo,’ ti a kan sawi thin.
Aa tak kan nih lai te khan min hmangaih a,(Tunhma a kan rilru khauh thin zia te leh hriatthiam tumna nei lo kan nih thin zia te kha) tunah pawh finna leh hriatthiamna ah te, kan nuna amah ang tura thianghlimna kawng kan zawhna ah te min pui zel anih hi. Hmu tawh reng inti kan ni si lova…
Report this comment
August 7th, 2011 at 9:39 am
jocuri zane…
Bible leh Finna (Science) | mi(sual).com…
Report this comment