Nungchang mawi leh hawihhawmna hian mihringte a chawimawi em em a, mirethei bakberhte pawh nise a hawihawma a nungchang a mawi chuan a zahawm em em a ni. Mizote hi kan hawihawm sawt ve viau nain kan hriatloh avanga kan tihloh, thilte tham te te tih hrehawm loh si, kan hriatlohna avanga kan tih loh mai mai, kan tih avanga min chawimawi theitu leh min ti zahawmtu ni si a tam em em a ni. Changkannain a ken tel leh nuna bet tlat hawihhawmna leh nungchang mawi tlem lo en ho ila.
1. Chaw ei khawmnaah emaw thiltih khawmnaah sawm i nih a hun bituk nei a nih chuan a hun aia minute nga vela tlaiah thleng la, hma lutuk emaw tlai lutukah emaw thleng lo ang che.
2. Chaw eikhawmna, restaurant leh hotelah emaw chaw i ei khama napkin i hmang a nih chuan i hman zawh hnuah hlum hrual tawp tawp kher lo la, i thleng veilamah dah mai ang che.
3. Puipunna hmuna i kalin i cellphone i switch off a nih loh chuan silent mode in dah theinghilh suh ang che.
4. Mi chaw eia i sawmdawnin ziaka sawm emaw an mahni hmuha sawm a tha ber a,a nih loh chuan text message emaw call-in sawm la, a ni-ah remind leh ngei ngei ang che. chaweia i sawmturte hrilh turin midang kutah hlanchhawng mai suh. Tin, mi chaweia i sawm dawnin i eichak leh tui i tih lei mai lo in an ngainatzawngte,an eitheih zawngte zawt hmasa ang che.
5. Miin an fak chein i awihloh thu aiin i lawm thu hrilh la,faklet ve ngei ang che. Amaherawhchu mi i fakin faklet phut kher suh.
6. Midang nen in inkawm emaw in titi lai emawa i phone a lo rikin pawngpaw ‘hello’ tawploin i titipui hnenah hriathiamna ngen la, a lo betu hnenah i laklawh thu leh i phone let leh tur thu hawihawm takin hrilh ang che.
7. ‘Ka lawm e’ tih leh ‘khawngaihin’ tih thumal hi hlamchhiah ngai suh ang che.
8. Titiho nikhua leh meetingah i ngaihdan ni chiahloa thil an sawi paw’n pawngpaw hnial ngawt loin an sawi point kha fak phawt la tichuan i ngaihdan i sawi zawm dawn nia.
9. Eng ang mihring pawh nise, a hausa emaw, a rethei emaw, a hmelchhia emaw, a hmeltha emaw, hna zahawm a thawk emaw, inhlawhfa chawp a eizawng emaw, mipa emaw hmeichhia emaw pawh nise a pawnlam landan aiin mihring a nihna i zahsak zawk fo tur a ni.
10. I thian hnenah a mimal chanchin i zawt dawn a nih chuan a thuphungin tlem tal i zawhduh subject-a i chanchin i sawi hmasa thin dawn nia.
11. Midang fak hreh suh la, sawisel hreh hek suh.
12. Midang i fak dawn a nih chuan hma a sawn zual zel nan mai bakah i thinlung chhungril tak atangin i fak thin dawn nia.
13. Sawisel tur i hria a, i sawisel dawn a nih chuan pawngpaw sawisel bawrh bawrh ringawt loin fakna tur awm ang angah fak hmasa la chuan i sawisel chhunzawm dawn nia, i sawisel duh chu kohrang la, a falin hrilh thin ang che. Awmhonaah midang sawisel ngai lo la, tichuan thawhpui hrehawm i ni ngai lo ang. Rel-a midang chhiatna sawi ai chuan hmaichhana hrilh hi a finthlak zawk fo.
14. Fak leh duhsak phut leh beisei vang ai mahin fak tlak, duhsak tlak in hnathawk la, i hnathawhah i hmuingil em em ang.
15. Tawngkam zaidam leh nem hmang hram hram la tichuan midangin i kiangah awm an hreh ngai lo ang.
16. Engtiklai pawhin hlim hmel put tum hram hram la, miin an biak che emaw mi i biakin emaw hlim hmel pu hram hram ang che.
17. Midang nena titiho nikhuaah a tawng ring ber leh a tawngtam ber nih ai chuan a ngaithla tam ber nih tum la, in titi pawnlamah chhuah tir tum lo hram ang che.
18. Midang chanchin a tlem thei ang ber sawi tum la, i sawi a nih chuan tumah fak theinghilh suh ang che, mi zawng zawngin thatna lai kan nei theuh a nia.
19. I beiseiloh deuha thil a lo thlen a, i mi hmuh chu i beisei ang a ni lo emaw a nih pawhin deusawh zawngin tawngkam hmang lo hram hram la, midangte venna lama nih loh phei chuan chu mihring hre ngailote hnenah lek phei chuan a chanchin chhe zawngin sawi ngai suh ang che, tu tan mah a hlawk dawn chuang si lo a.
20. Taima ber, tlawmngai ber nih hi thil har a ni lo tih hre reng ang la, mi zawng zawng thatna lai hmuhsak tu nih hi a hlu a ni tih hre reng bawk ang che.
A bak zawng – to be continued..( a duh duh tan)
June 26th, 2011 at 5:32 pm
ยค Phek thar i hawn dawnin polite takin midang hawng duh an awm em tih zot hmasa roh.
~In awm em? Omlo?
Kan hawng mai ange..
Report this comment
June 26th, 2011 at 5:38 pm
Ek pawhin san thlak hmain, “hei mambawih, lo theih lohva kan in then a lo ngai ta si a, ka chhunga i awm reng hi ka taksa in rem a ti tlat si lova, lung lo ah kan la lo aniang chu, tiraw, anih phawt mai” tih hnap hnuah san thlak miah miah tawh tur.
Report this comment
June 26th, 2011 at 5:54 pm
Mi in a i len in tawngkam tha a chaw lo ei ve la, an tih in, kut pawh ka la sil loh hi tinghal ringot suh..
Biak in a thawhlawm khawntu a i tran in Rs 10 aia tam thawhtu te hnenah ka lawm e ti zel ang che!
sumdawng in inchhunga thil an ron zorh in in chhungkaw dinhmun harsatzia leh in fate hautak zia te lo hrilhchiam loin kan duh hrihlo mai ang, ti mai zel ang che
Report this comment
June 26th, 2011 at 5:57 pm
Tak2in, good manners dik tak neitu chu bad manners neite a chhawn dan atangin a hriat thin.
Report this comment
June 26th, 2011 at 5:57 pm
A tha hle mai a..
Report this comment
June 26th, 2011 at 6:03 pm
bakcheh leh! Hahha
Report this comment
June 26th, 2011 at 6:16 pm
#54 hi a tha ka ti lautuk mei
Report this comment
June 26th, 2011 at 6:17 pm
Lawm lo chunga ka lawm e tih hi chu har ve khups mei
Report this comment
June 26th, 2011 at 6:36 pm
58 ka lawm e mahse i tak tak em ni? tha pawh ka lo ti lem lo asin.
ting!
Report this comment
June 26th, 2011 at 6:59 pm
Minute 5 vela thlen tlai hi manner tha chu a ni chiah lo a, mahse mi ina chaw ei tur te kan nih chuan “acceptable” a ngaih a ni. Minute 5 aia tama tlai chuan thupha chawi hi tihdan mawi a ni.
Infak tihah hian an nihna ni lo tawp leh fak derna a ni tih hriat ngawih ngawiha infak chu a lawmawm chuang miah lo a, a huatthlala zawk mah thei. Mahse fak an phu-na lai hriatsak a, fakna thu chhakchhuah chu thil lawmawm leh hriat nuam tak chu a ni meuh mai a, chutiang chu chin uar chi tak a ni.
Report this comment
June 26th, 2011 at 8:11 pm
Tha hle mai… Save hmak te’ng. Tunhma deuh khan Shillong lam atangin Pi Hrangchawli khan hetiang lam lehkhabu hi a siam thin a. Kan High School kal lai kha a nia, ka chhawr tangkai khawp mai… Zawm vek erawh a har deuh mai thin pawh a………..
Post tha tak a ni e….. Comment erawh a nuihzatthlak thei hle
Report this comment
June 26th, 2011 at 9:20 pm
Tha lutuk,part 2 a va nghahhlelh awm ve.
Report this comment
June 26th, 2011 at 9:43 pm
jonapalian hi dreath????..
Report this comment
June 26th, 2011 at 11:30 pm
Lal Rose,#45 i ti lutuk mah mah.
Mizoah a dik chuang em ni dawn?
Mite thate zarah mi ina chaw ei tam pawl ka ni ve tawhin ka hria a, i sawi khi chu dik ka la ti thei chuang lo re re. mahse i ti tlat sia.
Report this comment
June 26th, 2011 at 11:40 pm
Mi hmuh laia hnapkhir kheuh mulh mulh hi a mawi lo hle. Hnap khir kheuh chhuah hnu thutthleng hnuai vela tah phei chu a mawi lo hle a, hrual mum a pen per nelh nelh phei chu a mawi lo lehzual, mi ka ah te reu reu a lut palh ange!
Khawiah emawni ka chhiar
Report this comment
June 26th, 2011 at 11:59 pm
Post tha lutuk. A hnam a hnam hian kan polite ve hret hret a nia.
Report this comment
June 27th, 2011 at 7:30 am
vakul
Report this comment
June 27th, 2011 at 10:03 am
ava tha ve
Report this comment
June 28th, 2011 at 1:57 am
Pakhatna tih loh khi chu atha ka ti vek– Tlai ai chuan minute 5 ahma in thlen ti ta la chuan tha leh zual ang.
Adang zawng khi chu 10/10
Report this comment