A then in babel an ti a, a then in babylon an ti a, a then in confusion an ti a, kein’in BUAINA kan ti thung.
Tawng hrang lo piang hi Pathian perfect plan a ni lo tih chu Bible ringtu chuan kan hrethiam vek in rinawm. Tuilet hnu ah, Shinar phaizawl ah chuan khawpui hmasa ber chu Nova tupa Nimrod-a(human hunter) lalna hnuai ah din alo ni ta a, tuilet leh mahse an inhumhimna tur leh an hming tithang tur in insang an sa ta a, a nihna ril zawk ah chuan false belief, zirtirna leh rindan diklo lo pian tanna a ni a, an religious monument a ni bawk, a hming dang chu Ziggurat a ni.
Chu chu Pathian in a dodal a, a dodal ber chu paganism, zirtirna diklo rawn kuitiak kha a ni. Pathian in zirtirna diklo a huatzia chu Genesis atangin a do tan a, Thupuan a do thleng rak a ni. Thupuan a Babylon tih hi, Genesis 6 a kuitiah, zirtirna diklo, thuk em em a zung kaih, kung lian em em a lo thanglian, zar tam em em chhuaha inzarpharh ta, religion leh denomination te hi anni.
Chu zirtirna diklo chu sakhaw dang ho hi anni ngawt lo, christianity hi a fihlim bik reng reng lo, vawiin ni a dik emaw kan tih, kan tradition leh doctrine te hi Babylon atanga rawn intan, christianity a kan baptis , kan pawm tak hi awihawmloh khawp in a tam a ni. Hei hi part II ah ka rawn thet ang.
Pathian chuan an tawng/lei chu a zuk khawih sak ta a, an lo buai zo ta a, chu chu babel, buaina(confusion) lo intanna chu a ni a, tawng an lo inhriatthiam sak tawnloh tak ah chuan an lo chengho thei ta lo a, an lo darh ta a, ram leh hnam(rise of kingdoms/countries and nations) a lo piang ta a ni. Chuta tang chuan zirtirna diklo lak atangin hnam pakhat chu a khunghrang ta bik a, Israel hnam chu, a hmangaih bik leh a duhsak bik lam a ni lo a, thiltum dang a nei a ni zawk.
Tawng hi hnam siamtu chu a ni . Chuan tawng chu Pathian anchhia leh Pathian hremna avangin a fuh zik tluak ta ngai reng reng lo a ni. A pawizia kan hriatfiah theih dan tur awlsam ber chu tawng inanglo a Bible ziah leh chumi hnu ah tawng hrang hrang a lehlin a nih hian a tum tak a phawk chhuak thei ta ngai lo va, hrefiah thiam a, buaina (babel anchhia) mental blockage phelh tur chuan Pentikos Thlarau Thianghlim chauh lo chu engmah dang a hmantlak ta lo a ni.
Pentikos ni ah chuan pindan chungnung ah zirtirte an awmkhawm laiin Thlarau Thianghlim chu a lo thleng ta a, a hnathawh, a thlen dan, a thawh dan, a tumram zawng zawng chu kan sawi tum a ni lo, heta kan sawi tum ber chu BABEL anchhia chu a rawn sut leh ta a ni. Shinar phaizawl a mihring Lei(tongues) anchhia a lo lawh tawh chu meialh in a rawn halral ta a, a rawn purify leh ta a, chutah an hnam tawng theuh vin an tawng a, an lo inhrethiam tawn leh thei ta vek a ni.
Tawng ziak a dah hi logos chu a ni a, Thlarau Thianghlim a tih nun a nih loh chuan logos hi rhema a tling ta reng reng lo a, a babel ta reng mai a, ka chhiar a, a tum kan man thei chuang reng reng lo. Tun lo haw lo se, Thelogical college leh Seminaries tamber a logos zirna ah hian Bible message hi hriathiam rual a ni lo, Pentikos Thlarau neilo a zirve ringawt phei chu a bul vel ah an phebuai em em ringawt. Mark erawh an hmu sang zek tho ang. Thlarau Thianghlim tanpuina tello chuan a confusing(babeling) em em mai a ni, Ethiopia mi tilreh pawh khan a chhiar a chhiar a, a hrethiam thei reng reng lo. Vawiin ni ah pawh kan hrethiam lo a, chauh thu barawh ah, grep te chu a thur thur nen tih ang deuh in RIN mai hi a tawk, NUNPUI mai tur kan ti tawi tak mai a ni.
Chu chu hrethiam in hmelmapa pawh in Gnosticism a rawn duangchhuak ve nghal vat a. Divine revelation, divine wisdom leh secret knowledge te hi ngaihpawlh loh tur, kan ngaihpawh tur atana hmelmapa thangkam a ni. Ngaihpawlh chu babel thlarau atanga pentikos Thlarau in a la then thianghlim lohte anni.
Chu chu vawiin ni a kan buaina chhan tak pawh a la ni ta zel a ni. Hebrai tawng a SOUL tlukpui teuhber chu NEPHESH a ni a, chu chu a tlukpui chiah chiah Greek ah a awm lo , a teuh ber PSYKHE ti a dah leh lehlin a ni ta a, chu pawh chu Greek philosopher Plato zirtirna pawmdan sa a lo awm lawk tawh avangin, Greek pa thinlung ah chuan Judapa in nephesh a hriatthiam dan leh a pawmdan a phawkchhuak zo tawhlo a, a babel deuh nghal ta der mai a ni. Chu chu sap tawng in soul an ti a, khawbung a ti ta deuh deuh spirit nen an ngaihpawh ta pek a, chhechhawnga te vai dawr chu nepte, Mizo tawng ah phei chuan kan ngaihpawlh mai pawh a ni tawh lo, KAN LEHLIN PAWLH VEK TAWH ZU NIA.
Chu lehlin pawlh chuan logos level ah buaina(babel) a siam a, lehlin pawlh loh pawh ni ta mahse, mizo hnam sakhua in thlarau khawvel suangtuah dan kan lo neihsa chuan rhema level ah buaina(babel) a siam bawk a ni, hriatthiamdan hlui kangraltu tur Pentikos Thlarau a ngai tho tho.
Mizo tawng in kan titi a, kan inhnial a, kan sawiho va, kan inhrethiam tawn theilo hi a mak lo asin, a phen ah thawklo tur thawktu a awm a, a thawktur diktak changlo kan awm bawk.
He post pawh hi kan hriatthiam dan a inanglo leh dawn in ka ring. (Inti)thlarau taka pakhat logos(text) hnawl a, a pakhat rhema(insight) laklen pawh a hlauawm a, Academic deuh a rhema(insight) hnawl a, logos(text) laklen pawh a dikloh zia leh a hlauawm zia kan ram kohhran hian kan hailo e. Buai lova kan kal ngil dawn chuan ke pahnih kan mamawh a, an inchenloh chuan kan kal buk a, pakhat chauh a kan kal phei chuan kan tlu hma, kan chau hma, ka tum ram kan thlenglo in kan thenhar phah in a hlauawm be- kan inchhuihthla hma em em ang deuh chiah hian Pathian thu hi chu logos leh rhema te hi an kal dun tur a ni.
Thatchhiat vang a rhema uar hi a theih a, a hlauawm. Kan thiamna leh finna leh theihna hmachuan a logos uar pawh hi a hlauawm. Taima tak in, tuihalna dik nen, chapona hlip thla in, pentikos Thlarau hnuhnung awmpuina nen Pathian thu, kan nunna chaw hi i kilho zel ang u. Dik tak chuan kan la inhnial peih te hi a lawmawm, chhiar pawh chhiar peih tawh lo, midang sawi pawh ning, a Pathianthu ning top leh tuihal theih tawhlohna hun ah kan lut mek a ni si a.
(In beisei lam kha ka hul tlat, priority ka pe thei tlatlo , hei hi kan thaichawp ta mai, lo thleng miau hek, ka ngaihtuah lawk miah loh, computer hma ah ka thu a, aliens kha bitum kan tum ngial a, hei hi a lo thleng chawp tlat, mak ka inti khawp mai, rhema rem rem.) 
Similar Posts:
- BABEL II
- Mihringin thlarau a neilo !!
- Mizo leh Mizo tawng
- Immortality of soul
- Juda hoin thlarau hi an mitthla ngailoh zia
July 6th, 2011 at 6:04 pm
comment ila
July 6th, 2011 at 6:04 pm
second ka tum asin mole..chhiar chiah ila
July 6th, 2011 at 6:05 pm
badboy chawng chawng chu MHIP day ah FIRST min kian ta che :)) chhiar phawt ang 🙂
July 6th, 2011 at 6:12 pm
Post thar a va chhuak rang ve :-O
July 6th, 2011 at 6:18 pm
Isaia 45:7 en hi chuan kan Pathian hi chuan ruat lawk loh leh hriat lawk loh hi a neih hmel loh ka ti. He lai bawr vel chang hi han bel chiang ve teh u.
July 6th, 2011 at 6:40 pm
Zoho chu rhema rem2 tak hle mai. Alien kan lo nghah thrup lai a ni lo lo i rawn post le ( inla patea ang vela nel) kan chhiar nawn leh teh ang.
July 6th, 2011 at 6:52 pm
🙂 … ‘rhema’ rem rem khawp mai.
Mihlim tawngkam chuan ‘a lang tlat’ 😛
Nang hi soul leh spirit i ching binglet vak ang khan logos leh rhema pawh i rawn tin leh ta teu teu mai a ni maw ? Lolzzzz
Spirit (Pathian nunna thaw) tello chuan soul (nunna) hi a awm thei lo ang bawk hian Logos (Isua thu) tel lo chuan rhema (thlaraua hriatfiahna) hi a awm thei lo . Chuvangin ‘rhema’ levela hriatna nei tur chuan tihtakzeta logos zir hi a pawimawh. Tin, rhema levela Bible interpret hian chiang leh mawl taka Bible a inziak logos hi a kalh tur a ni lo. Allegory, metaphor,simile,hyperbole leh symbolic language te chu thuhran an ni.
‘A lang tlat’ tih emaw mimal ngaihdan leh hrilhfiah dan (eng anga thlarau chang sanga inhria pawh nise) reng rengin logos a kalh chuan chutiang zirtirna/ngaihdan chuan thlarau thianghlim laka mi a ni lo tih hi chian a tha.
July 6th, 2011 at 6:53 pm
I buaipui nasat viau dawn hi a… ti ropui e
July 6th, 2011 at 7:00 pm
(@) Babel anchhia kha chu ka haw reuh khawp mai (TB=Tum Buuur). Chuti chu ni lo se Doanalda comment ami ‘Allegory,metaphor,simile,hyperbole’ tih velte khi Dictionary keu lovin ka hrethiam ve mai tur a nia ! ( TV= Tum Vuau)
July 6th, 2011 at 7:05 pm
Donald soi chu dik ang. Rhema tur chuan Bible chhiar uluk ngai. Chhiar that peih loh chuan para-rhema ni mai te han ti ve top ila, para rhema poh chu ka hre chuang lova. Chhiar tha peihlo Pathian thu rau deuh2 sawi thei kan tam ka ring.
July 6th, 2011 at 7:08 pm
Bawngtlai@9: lolzzzzzz
keipawh mizo tanwg chuan a thumal tlukpui ka hre bik der lo TT (thenthaw)
July 6th, 2011 at 7:13 pm
To. Pu Zoho, I U donald-a hi chuan a hmangaih tak zet chein ka hria. Ka tan chuan, Guru ini a, i post a awm loh rei lutuk hi chuan ka khua a har tlat thin. I ziak tha khawp mai, han chhun zawm zel rawh. -I Thuziak te ngaisangtu -Pk-a
July 6th, 2011 at 7:30 pm
Han ti jel te khai….
July 6th, 2011 at 7:40 pm
donald@7 – lolz….dik reng..logos khawlkhawm fe phawt loh chuan rhema tur awm bik thak nang. (Y) kalkawp tur hi insual tir phet loh tur.
July 6th, 2011 at 7:42 pm
Ting tong, mi hul ve te.. pui tak a han ziah ka tum a, ziah tur ka hre der lo.lolz. 😀
July 6th, 2011 at 7:45 pm
Bawngtlai, tun ni 2/3 vel i va reh ve, khua i tihar hman alawm le… a hebrai in rawn thaitial ve mai tur alawm. 🙂
July 6th, 2011 at 7:48 pm
PK – i ti zahthlak thei em mai a…. a chang leh min pet nek a, a chang leh min fak leh a, i fel lutuk e, Babel II ah min pet leh nek si ang e aw. 😀
July 6th, 2011 at 7:49 pm
Zoho… I ziak tha khawp mai tak takin. Ka ngaih pawimawh lai ka rawn tuihnih ve nih kha. Part 2 erawh chu a khal deuhin ka’n ring deuh ngawt a.
July 6th, 2011 at 7:51 pm
Mr Vaipa – i nick hiii.. pu HV-a i hlau lovem ni? 😀 , Ka post tha rem rem i tihna ? (;fiamthu:)
July 6th, 2011 at 7:53 pm
Babel in sang sa tu te kha ka haw mai mai ngawt mai. khatiang teh hrep kha lo sa lo se chu, tawng chi khatin under da lover`s moon hnuai ah hian se se thu di kan chham thin tur. Engkim hring nun kal kal kawng an ti hnawk vek. 😉
July 6th, 2011 at 7:53 pm
donald@18 – khal dawn pek e, nangmah i ni em kha? hman a Nimrod-s nu kan khel vak tawh kha, Tammuz leh adt kha….
July 6th, 2011 at 7:57 pm
khi pui doc_lib a rawn lovers’ moon lut leh ta e, PK nen lo (L) topic a lo OT vak vak awih loh 😀 . Tak tak a, a zualpui chu kan phal ang. 😀
July 6th, 2011 at 7:58 pm
(@) Pu Zoho, mimal harsatna eng emaw vang a ni e ka lo mi(sual) theih loh chhan chu. Tunhnaia i post-te pawh ka chhiar vek a, a ngaihnawm e. Han ti zel rawh khai !
July 6th, 2011 at 7:59 pm
Zoho@21: Ni ta lawmni.. Midang i khelpui a nih chuan thuhran.. Kan pahnih pawn kan soi ve nual kha. Babulon false religion origin a nih dan leh gnosticism nen a inlaichin dan te pawh kimlo taka ka post ve kha mawle..
July 6th, 2011 at 8:00 pm
Pu Zoho ka ot miah lo, Babel in sang sak chung chang tho kha a ngeiawm zia sawi lan nan ka rawn hmang anih kha. Kei tan hian Babel in sang hi a ngeiawm zual 😀
July 6th, 2011 at 8:03 pm
17. Zoho, ka pet che ani lo. Pathian thu lama ka thluak muthlu rawn thawng tho (stimulate?) thei khawpa thu ziak thei hi ka ngaisang che asin, “ti ti pui tham ini” kan ti ang e. Thu dik hai chhuak tur chuan kan inhnial deuh bap bap thin ang chu maw le.
July 6th, 2011 at 8:05 pm
Ni ta e, midang nen kan la thet ngailo, hetah hi chuan. Kan ti ta sa sa, rindan diklo ka rawn pawttet dawn a nia aw, a zo lo lo chu anni mai. Mihring kan changkang tawh a, info. hi a chak tawh a,engmah hi thup theih tak tak a ni tawh lo, thil diklo thup tit tet hi source dang atanga hriat hian a pawi zawk in ka hria. Nangin nalh takin i rawn tlip dawn nia. 😀
July 6th, 2011 at 8:08 pm
He babel in sang hi lo sa lo ta se, tawng khat leh chi khat han ni ta mai ila, ‘Imagine all the people living together in peace’ han tih hep hep mai a va chak awm ve 😉
July 6th, 2011 at 8:09 pm
doc-lib, PK-a i hmuh chuan in OT dawn chiang ka tihna. 😉
PK, most welcome… (Y)
July 6th, 2011 at 8:15 pm
Pu Zoho, kan van OT dawn lo chiang, mahse Babel in sang sak ngei awm zia hi kei chuan a live in ka tawng.Babel in sang kha chu sa lo se, Pkfanai te pawh hi mahni inlumah nuam sa takin lover`s moon an ngai thla dep dep tur 😀
July 6th, 2011 at 8:19 pm
Ka awih chuang lo, kha lovers moon bak i ngaihtuah hleihtheih miah loh kha, 😀 lo OT nghek rawh u, ka OUT a ngai hrih.
July 6th, 2011 at 8:19 pm
29. Zoho, kan Psychiatrist pa hian Rilru lam natna a vei tlat mai a, Ziro boruak thawvengte rawn hìp ta sela, a that pui kan ring deuh a lawm maw le.
July 6th, 2011 at 8:21 pm
Pu zoho, out lo vang, a tul lo.Hei Pkfanai, psychiatrist ah min chhuah ngawt elaw, ka ni hlek lo nia, kei misual hi 😀
July 6th, 2011 at 8:35 pm
Heheh zoho, sakawlh lalram hi han lipse tak tak teh. Ka ngam leh a him chin atangin ka rawn fuih pawrh ang che 😛
July 6th, 2011 at 8:39 pm
doc lah hi lo luanliam tralh hi a tum a. he he.. kan training ve laiin ‘zangkawltuk’ (@hv.) nula ka lo ehemm! Ve zuai tawh tak a sin. A pasal neih tur te min la ron hrilh hram hram.. Khawngaihthlakin!!
July 6th, 2011 at 8:41 pm
@35 engemaw ka thusawi a piang lungliamah min puh bik le 😛 Babel in sang sak kha a that loh zia ka thiam tawkin ka sawi ve a ni mai a. kei pa tawngkam thiam lo tih takah 😉
July 6th, 2011 at 9:05 pm
@zoho: ti hian i tia.. Next a nghahhlelhawm thei khuup mai.
July 6th, 2011 at 9:13 pm
zoho chu tianglam hi i tui riau mai.Thil pakhat kan share keuh ang che..Nova chhuan/hunlai leh Babel in sang sak hun lai chhuante kha Pathian duhlo zawng an in an khawsa ve ve a.Nova hunah kha chuan chhuan zawng2 nova chhung leh khatte tih loh chu an mang vek a.
Engatinge Babelah hian tiang anga sualna nasa si Pathian hian a thah ve vek mai loh kan tih chuan…Nova hunlaia chhuante neih loh thil pakhat tanrualna..sual lam ti tur pawh nise mihring kha an la inbe rem theiin an la in pakhat thei ani..chutiang pawh chu thei ve lovin Nova hunlai chhuan kha chu an zingah unau zingah takngial poh inrinna leh inpakhatna a awm tawh loh vangin pathian khan atimang ta vek ani.
Pathian hian mirhing future ah hian repair/siamthatna la awm thei tura ahmuh tawh loh chu tih top a pawiti lo thin ani.Entirnan,,,Kora te,Mosia in aiqupta mi chhiahloh vengtu athah ang chite..khang ho poh kha chawp leh chilha tihboral a remti mai thin ani.Mahse miin chhete tala thinlung inchhira sualte sima Pathian lam/a lam a kir leh duh chuan chupawh chu lawmtakin a pawm leh thin. (Y) (Y) 😛
July 6th, 2011 at 9:32 pm
Keichu ka hriat hi ava la beitham tak em….:( Pu zoho i post hrethym tur poh hian chhiar non feee ka ngai.. Chutah poh kala buai deuh,voi1 kan ciar leh age
July 6th, 2011 at 9:52 pm
@dog: i natna vei lovaria hi kan khua ah chuan zawltlingvawnnat kan ti. Kei pawh min kai a niang… Pic. Hlui (kan nu hmuh hlau taka ka hide) ho kha ka’n hai chhuak mai2 teh ang.. nia babel vang vek (ot loh nan)
July 6th, 2011 at 10:12 pm
Ava tha ve le aw. I thuziak chhiar a nuam tulh tulh (Theologian lo tan pawh hriat a awl zel ka tihna). Tin, he post hi chu i insawifelna a ang ka ti. 😉
July 6th, 2011 at 10:24 pm
(Y) post tha khups mai…
Babel insang kha lo sa ta lo se mizo te hi kan om kher lo vang a, Babel kha Pathian remruat a ni mah zok em, lo sa ta lo vin mihring te kha lo la omkhom ta thup2 se kan chhandamna Lal Isua Krista hi a rawn kal angem…ngaihtuah tur a van tam em,eng poh ni se post chu tha khop mai.
#zoho,he post ah chuan war a tam lo tur ah ngai ang,Alien lam kan lo beisei viau na in,hetiang lam post hi kei chuan ka lo ngaichang zawk mah a,adang han ti leh zel teh,keichuan Alien aiin ka duh hmasa e,,.next chuan war a hring toh ngei ang maw le,an inkau riau 😀
July 6th, 2011 at 10:38 pm
True^MB- Ta se tih te chu a MHIP em mai lol….NOI
Post hmahruai ah kan nui sang a, a dawt ah kan ri leh dawp zel. 😀
July 6th, 2011 at 10:41 pm
Ignatia – Thu lai ka la viau in ka inhria asin. A thawi deuh a han zeh pawn i lo man zel a…. 😛
July 6th, 2011 at 10:44 pm
@40 Saint Sammoo, ekhai a, nge i lo kai ve ngawt a, enkawl dam a har an ti ania. Eng poh nise he natna lo in tanna chu Babel in sang sak vang ani tho tho 😛 ( OT lo ti ro post tupa)
July 6th, 2011 at 10:45 pm
Remenhoy – I fel reng reng e, helam hi kan pa rual thei riau a, lo tel ve fo teh, doc_lip a te lungleng lutuk pawh a chhawk deuh mahna. Ka risk dik em.. Rimenhawii thawnthu behchhan a ka deduction… 😀
July 6th, 2011 at 10:53 pm
#zoho, ka net a muang lutuk a,a nuamlo khop mai,comment poh kan chhiar zung2 thei hleinem le,tha vat tur ah ngai ang..
MHIP hi an poimoh,voin poh hi an Day a ni om e,nangpoh MHIP lam an men nur viau chuan i trawng thop sut mai long maw(fiamthu:)) 😛 😀
I post a om loh a reh ti fe fe hi kan tam ve viau ang, thil tha te chu neih belh duhtok a om thei hleinem, han in sang mar zung zung zel teh (I)
July 6th, 2011 at 10:54 pm
Pu zoho, Babel in sang sak vang vek kha ani. kha thil khan hnam hrang chi hrang ah min siam a, hring nun kal kawng a ti khirh zo vek alom.Khai Babel II ah chuan hringmi ten kan tawrh zia kan sawi ang lolz
July 6th, 2011 at 11:08 pm
@doc_lib, Babel II chu BOMB ka rawn thlak dawn a nia, a romantic vak dawnlo, tlanchhiat awih bik loh aw.
I thlarau chan hi support na riau che ka nei asin. Pentikos thlarau hian hnam hrang hrang indaidanna bang hi a rawn thiat vek tawh a, tun a hnambing, chi bing a kan la inhung tlat hi a phen a thlarau sual PRINCIPALITY post ka pending saw, i lo chhiar dawn nia.
Hnam hrang a kan lo awm hran a kan genetic error kan inrochunte pawh hi inter-marriage hian a repair zung zung theih asin, in zir vek kha. 🙂
July 6th, 2011 at 11:13 pm
49 Zoho ka hallelui tuar nang a. Dik tak chuan hmanlai zia hi kan paih a hun tawh. Thliarkar rilru put reng hi a ni bik lo. Hnam dang nen a kan in compete a ngai, survive tur chuan. Hnamdang tlangval in mizo nula nupuia an neih ngam chuan mizo tlangvalin eng vangin nge hnamdang nupui ah kan nei ngam loh bik ang 😉
July 6th, 2011 at 11:15 pm
Zoho post zanin chu ralmuang ngei mai, lovaria lamin a hneh mah2 zawk nih hi.
Doc_lib chu damlo hle niang maw.. Babel vang vek a ni
July 6th, 2011 at 11:19 pm
Ting tong, He babel in sang sak avang hian kan kul cho lo chauh anih hi. Chuvangin babel in sang sak hi kan haw tur a ni
July 6th, 2011 at 11:23 pm
doc_lib, kan pu chhurbura hnung chu zui ngei teh.
I lo chhiar tawh em? Mizo History, Brig.Sapliana ziah ni ta in ka hria, a source phei chu ka hre lem hlei lova.
Mizo hian thlang hi vawi 3 kan tla a, a vawikhatna chu Chhurbura te batch hi an nia, 1000 AD hma lam ah, Arunachal belt an rawn zawhthla a, a nupui pawh Arunachali hnam pakhat nula, eh…. chuan a nupui , eng hnam ber nge a ka hrereng tawh lo te pawn Chhurbura thawnthu hi version dang an nei ve tih lam… lo zawt chiang teh, finfiah a chakawm ve hrim hrim … mahse i BUM(flop) vek mai ang ah…NLTT (:nui let tawp tawp:)
July 6th, 2011 at 11:25 pm
Doc, haha ha. Ka nuih a za lawk anih kha. Chuan babel insang kan haw leh lawk ange. Het! Babel engah nge kan unatpa i tih nat.
July 6th, 2011 at 11:25 pm
53, ekhai a va interesting ve,lai ril a khei zak mai. Chu thlah khat kan lo ni thei reng mai lo maw
July 6th, 2011 at 11:28 pm
He babel in sang sak hi kan haw tur ani.Aw Babel, hring fa te hmelma, chapona avangin i lo ding chhuak a, chu chuan hnam hrang leh chi hrang ah min siam,i chi turah chu tun hnu thlengin pawisawi lo hring faten kan tuar si maw
July 6th, 2011 at 11:34 pm
Ziak ngaihnawm hle mai a
Hetah chuan inhnialna tur a awm vak lo a ni maw? Nge inhnial nan in hmang peih lo zawk
July 6th, 2011 at 11:37 pm
56 luangliam no1
ZALANG.
July 6th, 2011 at 11:39 pm
58, tui poh a luang lo a, tling reng chu a tenawm thin an tih kha
July 6th, 2011 at 11:53 pm
Pu zoho hian babel insang natna hi part2 ah ron soi chim vek teh se. Awmna ngaia tang reng lova luan chhuah ngai kan awm hi. 59 hi luang chhuak vat roh se mizo hmeichhia in an chang lovang e. NS( nui sak)
July 6th, 2011 at 11:56 pm
Zoho a mawhphurhna liau liau ani ta. kei chu ka in up lum leh dawn. Lovaria vei hi chuan in dim deuh a ngai
July 7th, 2011 at 12:46 am
part II, nghah hlehawm ve.
ka WAR hram dawn mon le.BN(Bawng nuih)
July 7th, 2011 at 12:46 am
Khawiah nge maw kan Babulon saltang ber pawh chu a awm tak daih le?? A postte hi ven ve tur ania keipawn Goldie p0ost veng tluan parh mai asin
….ka la kawm duh asin le… 
Mahse hna thawh a hun tawh e…(mangtha thianpa 
)
July 7th, 2011 at 12:48 am
Ka chhiar chhuak dap e. part II nghah hlelh awm ve.
ka WAR hram dawn mon le.BN(Bawng nuih)
July 7th, 2011 at 12:57 am
chhui ril thyam phian zel bok sia … pulpit tlang atanga sawi thin i ni mial lo maw ??? hehe
July 7th, 2011 at 1:06 am
ka comment chu(h). chhuak mak ve.
July 7th, 2011 at 1:25 am
@ Post tupa,
Hringnun tawlailir chu i khalh ngil ngei mai a..!!! KDS; Khi Deuh Saih 
July 7th, 2011 at 11:02 am
Zoho te hi thlarau puihnain in zir thuk a, in taihmakna leh tuina te pawh a ngaihsan awm. Zir tur kan la ngah hle maw.
“Vanramah mi fel kan hmu dawn lo” July 7th a ka comment (@20) kha i lo chhiar ve dawn nia.
July 7th, 2011 at 12:00 pm
@Jlm, ka va chhiar e,tha lutuk, dik lutuk.Kan comment ve zui bawk e.
He lei hringnun ah hian ZIRTAWPNI hi vawikhat chiah a awm alawm, kan thih ni hi.