Tunlai news kan chhiar chuan Anna Hazare leh Lok Pal Bill chungchang hi kan chhiar fo awm e. Tunge Anna Hazare chu? Enge LokPal Bill chu?… Hre chiang chu kan tlem viau awm e. Hriatna tihzau nan tun tumah hian enge Lokpal Bill chu? engtin nge he ringlo mi hian eirukna a do? tih i han chhuizau dawn teh ang.
Lok Pal Bill chu enge? : Lok Pal tih thu hi Sanskrit thumal ‘Loka” (mipui) tih leh ‘Pala’ (Vengtu/ Enkawltu) tih atanga lak a ni a, mipui aiawh a thlan MLA leh MP te, Officer lian tak tak te hnathawh eirukna lak atanga vengtu leh endik tu tihna a ni mai awm e. Hetiang hi ram changkang zawkah chuan ‘Ombudsman’ tia hriat an ni a, an hmang tangkai hle.
India ramah pawh LokPal te hi neih tumin kum 42 chuang kalpui a lo ni tawh a, mahse eng kan ang thei rih lo a nih hi. Kum 1960 chhoa India rama eirukna a hluar chhoh em em lai khan Lok Pal hi hman tangkai a nih beisei a ni a. Ruahman dan chuan Sawrkar Laipui veng turin Lokpal dah a ni ang a, State hrang hrang te vil turin Lokayukta chu hman tum a ni. LokPal Bill hmasa ber chu Shanti Bhushan-a’n duangin kum 1969 a Lok Sabha thutkhawm vawi li naah khan passed a lo ni tawh a, mahse Rajya Sabha lamah a tlang hlei thei lo.
Hemi hnu hian Lok Pal Bill hi heng kum 1971, 1977, 1985, 1989, 1996, 1998, 2001, 2005 leh kum 2008 te hian hman tum a pharh a ni a, mahse India ram rorel khawl pakhat zawk Rajya Sabha chuan a pass thei ngai lo a, kaltlangpui tum a nih hma in chhuanlam fahrah te te- Joint Committee of Parliament, Departmental Standing of Committee of the Home Ministry etc te zirchian tura dah a ni thin a, tunah pawh a la pending reng a ni.
LokPal Bill hmang hian sawrkar hnathawk leh Politician eirukna laka fihlim lo te chu chhui theih a ni a, an eirukna hmuhchhuah a nih chuan sawrkar remtihna nghak kher lo pawhin an chungah dan angin ro a rel sak thei a ni. Heng an chhui tura complaint lut te hi a dik leh dik loh an chhui chiang hmasa ang a, complaint dik lo thehluttu chu a hrem thei a Jail bang pawh a zut tir thei a ni.
Hetiang dan tangkai duan tawh sa hman theih loh a awm reng hi tunhnai khan mi thahnemngai thenkhat Justice Santosh Hegde (Supreme Court judge hlui), Prashant Bhushan (Supreme Court-a dan hremi) leh Arvind Kejriwal (RTI activist) te’n India Against Corruption (IAC) pawl dinin he dan hi Jan Lokpal Bill ti hmingpu a thar thawhin hman a nih theih nan nasa takin sawrkar an nawr a, hei vang hian News hrang hrangah pawh an hmalak dan kan chhiar chamchi ta a nih hi.
Tunge Anna Hazare? : Jan Lokpal Bill hman a nih theih nana hma nasa taka la a sawrkar nawrtu lar ber
Anna Hazare hi June 15, 1937 khan Bhingar, Bombay Province ah Kisan Baburao Hazare tih hmingpuin a lo piang a, social worker lar tak niin Mahatma Gandhi-a hnungzuitu niin an sawi thin a, vawi tam tak Maharastra state-ah tharum thawhna tello (non-voilence) hmangin Corruption duhlohna a pawl te nen an lo lantir tawh thin a. Kum 1992 khan civil mi te chawimawina sang Padma Bhushan chu hlan a lo ni tawh a ni.
Chhungkaw rethei tak atanga seilian niin an retheih avang hian pawl sarih thleng chauh lehkha a zir a. Kum 1962 a Indian Army-in emergency thila Sipai a lak vak tum khan tling ve in Driver atan an hmang a. 1965-a Indo Pakistan War ah te pawh khan Truck khalhin Khem Kharan sector velah a lo che tla ve tawh a ni. Sipaia a tan lai hian thihna vawi engemawzat vanneih thlak takin a pumpelh a, hei hian nunna leh thihna inkar hlat loh zia leh nun hlut zia a hmuhchian tir hle. India zalenna sualtu ropui Swami Vivekananda, Mahatma Gandhi leh Vinoda Bhave te lehkhabu ziak tha tak tak a chhiar thin a, hei hian ram tana thawh chakna leh ram hmasawnna atana hun puma thawh duhna nasa tak a pe a. Tichuan kum 1975 khan ama duhthlanna angin sipai atang chuan a pension ta a ni.
Hetia sipai a bansan hnu hian an khua Ralegan Siddhi lamah hawin khawtlang tana rawngbawlin a hun a hmang ta. Khaw rethei leh ro, hnuchhawn leh hlamchhiah Ralegan Siddhi ah chuan nasa takin hma a la a, mipui te sum leh pai, ei leh bara an dinhmun nasa takin a chawikang a ni. Khawtlang nun siamthat nan Zu do chu thil tul ber a ngaiin thalai pawl a din ‘Tarun Mandal’ hmang chuan zu nasa takin an do a, an khua a zu dawr te chu khar niin zu siamtu te pawhin an bansan a an khuaah chuan zu an khap hial a ni.
Hei bakah hian loneitu rethei tak tak te’n mihausa buhfai an puk theih na tur Grain Bank te dinin khaw ro tak Ralegan khua chawmna tur tui te an khuap a, Bawnghnute thar chhuah lamah hma nasa taka a lak bakah hnam hnuaihnung khawih thian lohna dan(untouchability) helaia an la kenkawh te a tireh a, vai inneih hautak tak chu mi rethei te tana a huphurhawm em avangin a ruala inneih te a rawt a, an khua hian an hlawkpui hle.
Hazare hian Maharastra state huap pawhin nasa takin eirukna a do a, mipui aiawha eirukna do pawl Bhrashtachar Virodhi Jan Aandolan (BVJA) chu dinin hma nasa takin an la bawk. Kum 2000 chho khan Maharastra state a Right to information chak zawk hman theihna turin sawrkar an nawr a, heimi zulzui hian tuna rampuma hman mek Right to Information Act pawh hi duan a ni. A hmalakna zawng zawng hi kan sawiseng vek lo ang, chuvangin Lokpal Bill chungchanga a hmalakna hi han thlir dawn ila.
Lokpal Bill leh Anna Hazare : Kumin kum tir lam khan Hazare hian sawrkar laipui chu Jan Lokpal Bill pass turin Satyagraha a neih khum a. April 5, 2011 khan thih thlenga chawnghei tumin Jantar Mantar, Delhi ah a insuan lut a, hetah hian sawrkar chu eirukna dona tur bill(Lokpal Bill) siamtu tur sawrkar leh mipui aiawh Joint Committee din turin a nawr a ni. A nawr na hi Prime Minister in a hnawl hnuin lehkha a thawn a, chutah chuan, “Lokpal Bill passed anih hma chuan chaw ka nghei dawn,” tiin lehkha a thawn a ni.
He a hmalakna hi chanchinbumi leh mipui tam takin an ngaiven hle a, a chawnghei hi mi 150 chuangin an zawm nghal a, Social Worker lar tak tak Medha Patkar, Arvind Kejriwal leh hmeichhe IPS hmasa ber, Aizawl-ah pawh lo awm tawh Kiran Bedi te chuan Hazare hmalakna hi an thlawp thu hi an puang nghal a, Twitter lamah pawh milar Ravi Shankar, Swami Ramdev Swami Agnivesh, Kapil Dev etc ten an thlawp thu an puang bawk. He a chawnghei naah hian politics lama hamthatna um pawl an awm a hlauh avnagin Politician te tel a phal lova, rawn zawm tum tu politician lar Uma Bharti leh Om Prakash Chautal te chu hnawhkian an ni. Jan Lokpal Bill hmangtura nawrna hi khawpui lian Guwahati, Mumbai, Chennai, Bangalore, Ahmedabad, Shillong, etc ah te pawh kalpui a ni.
April 8, 2011 khan India sawrkar chuan Hazare thil phut te hi tih hlawhtlin a tiam a. April 9 ah notification tichhuakin Hazare-a rawtna angin Jan Lokpal Bill Chairman atan politician leh Co-Chairman atan mipui zinga mi Politics a inhmang lo a ruat ta a, he ruahmanna ang hi chuan Pranab Mukherjee chu Chairman niin Shanti Bhushan chu Co-Chairman atan a ruat a ni. Committee member atan hian sawrkar lam atangin Minister pali P. Chidambaram, M. Verappa Moily, Kapil Sibal leh Salman Khurseed te ruat an ni a, mipui aiawhin amah Anna Hazare, N. Santosh Hegde, Prashant Bushant leh Arvin Kejriwal te a ruat a ni.
Hetianga a nawrna te sawrkarin a tihhlawhtlin hnu hian Hazare chuan a chawnghei chu a ti tawp a, Sawrkar hnenah August 15, 2011 hmaa Lokpal Bill pass ngei turin a ti thung a, hun tiam chhunga pass anih loh chuan ram pum huapa nawrna ‘Second Struggle for Independence’ (zalenna sual vawihnihna) a kalpui tur thu a sawi. Tunah hian Prime Minister, Supreme Court Chief Justice leh Judge dangte he Bill-a huap tir leh tir loh chungchangah ngaihtuahna an seng leh mek a, Hazare hian Party hotu hrang hrang kawm kualin an rilru hneh a tum hle a ni.
Hetianga nasa taka eirukna a do rual hian amah thah tuma phiarrukna pawh a tawng a, mahse thih pawh huamin Anna Hazare hian huaisen takin Eirukna leh Hlemhletna hi a do a ni Milem bia te pawhin hetiang khawpa eirukna an do ngam lai hian keini Kristian te hi enge kan an ve le. Eirukna leh hlemhletna duh lo inti vek si hian kan do ngam lo a ni mai lo maw?
Kan ram thanmawhbawk leh kan thlarau nun tichingpen tu Eirukna hi thalaite pawh hian theih tawp a kan do a tul takzet a ni. Bible-in ‘Sual dovin thisen chhuak khawpin in la tang lo va..” (Hebrai 12:4) min tih ang hian Eirukna sual do hian Zofate hi kan la tang tawk lo a ni. Hawh u! Eirukna hi tih tak zetin do ila i bansan ngam ang u.
Similar Posts:
- Critique of Anna Hazare and his campaign against corruption
- Lokpal Bill hi!
- Anna Hazare leh Mizoram
- Who is it for, if not for us? “Jan Lokpal Bill”
- Heads Anna wins,Tails Government loses
July 6th, 2011 at 12:16 pm
Report this comment
July 6th, 2011 at 12:21 pm
Corruption hi do tak tak ang u, Mizoram ah ngei pawh hian. Mahse corruption do hi mimal,pawl intihlar na leh political platform a hmang ni lo se. Mi thenkhat te hi chuan political mileage neihnan issue eng eng a maw ni took up an ching khawp mai( Mizoram ah hian)
Report this comment
July 6th, 2011 at 12:30 pm
Corruption hi eng ang pawn do mah ila atawp mai2 dawn lo… hausakna lamah kan in el chhung hi chhuan kan zoramah hian.
Report this comment
July 6th, 2011 at 12:45 pm
nasty cool intih theih zia hi
corruption taman ram chu ram rethei apiangah a ni. kan ram a hausak ve hunah chuan a la zia em ang chu maw!
Report this comment
July 6th, 2011 at 12:50 pm
Corruption hi a hming thlak daih mai tur, term luah chhunga “INCHHEK/INLA NGAH” tih tawh zawk tur.
Report this comment
July 6th, 2011 at 1:59 pm
Income tax hi pe ve tawh ila kan zia deuh ang, a lian a te in.
Report this comment
July 6th, 2011 at 2:11 pm
Nia, income tax kan pek hunah chuan mipuite pawh hi corruption chungchangah hian kan thikthu a chhe tawh anga, dik lo taka kan pawisa eitute tan pawh kan tawrhhlelhawm zawk ngei ang.
Report this comment
July 6th, 2011 at 2:12 pm
hahahah @
2
nastycool Says:
July 6th, 2011 at 12:21 pm
Corruption hi do tak tak ang u, Mizoram ah ngei pawh hian. Mahse corruption do hi mimal,pawl intihlar na leh political platform a hmang ni lo se. Mi thenkhat te hi chuan political mileage neihnan issue eng eng a maw ni took up an ching khawp mai( Mizoram ah hian)
Report this comment
July 6th, 2011 at 2:16 pm
Income tax leh corrpution do relationship chu chiang deuhin in elaborate thei em aw….ka va hre chak
Report this comment
July 6th, 2011 at 2:36 pm
hmang poh ila ni mai lom…kan zoram ah chuan kan hmang leh tak2 thei chuanglo ang,lehlam pol in lehlam pol an hek ngam don lo chiangsa
Report this comment
July 6th, 2011 at 2:59 pm
YMA paw’n eirukna a do ngam bik leuh
Report this comment
July 6th, 2011 at 2:59 pm
Nia, i do ang u.
Report this comment
July 6th, 2011 at 5:42 pm
A bengvarthlak hle mai. Mahse, a thatlohna lai RS member ho hian an hria a niang, an pass duhloh danah hian…
Report this comment
July 6th, 2011 at 9:42 pm
A ngaih nawm hle mai, kei pawh lehlam zawng hian engemaw tha lo direct lutuk a awm nge ni, heti khawpa kalpui tawh an pass duh loh danah hian ka lo ti ve mai mai a..
Report this comment
July 6th, 2011 at 9:49 pm
Lok Pal Bill-ah hian PM thleng thleng an ngiat hi thil tul a ni ber em? Hmasawnna nasa takin a tih hnufum ka ring zawk. Hmasawnna ngaihtuah aiin chhunglam indona a hring chhuak ang.
Anna pawlte hi an che taliban ve khawp mai an ti. Mi an huat zawngte kutthlak leh sawisak vak an ching bawk. Rorelna talhtum dan hnuaia lek aiin an mahni kha dan kengkawhtuah an insiam ta zawk a!
He post hi comment a tam ka ring lo, misual-ah thutak tak kan khel tha peih lo fo.
Corruption do leh income tax hi a in relate lo khawp mai
Income Tax kan pe lo kan vanneih zia kan hre lo. Kan Mizo hausa te chuan wealth tax an pe reng e…..!
Report this comment
July 15th, 2011 at 3:01 pm
@lushai_er Baba Ramdev leh Anna Hazare hi hriatpolh ami o
Report this comment
July 15th, 2011 at 3:21 pm
Mahni hna threuh hi taima taka thawh in zirtir ila, kan lo hausa sawt sawt anga,corruption hi chu kan mamawh lo tial tial mai ang. Tunah chuan chhungkaw tin hian kan duhkhawp kan hmuh loh tlangpui avang hian site income ngaihtuah a ngai threuh hrih a nih hi. A lu ber, politician ah hian eizawn nan a politics khel an tam chhung chuan eirukna hi humhalh ruk a trul reng dawn a nia.
Report this comment
July 15th, 2011 at 7:27 pm
#16, @he pa : Hriat pawlh anga min ngaihna lai i tarlang mang si lova ? Lokpal-a P.M thleng thleng hek theih a a awm hi tha ka ti lo ve ka ti mai niin ka hria! Sap tawngin “It provides for filing complaints of corruption against the prime minister” hi a tha ka ti ve lo ve!
Tin, comment #7-in a sawi Income tax pek avanga corruption bo/tlem tur anga a sawi khi relation a neih loh zia ka chhangah ka ngai !
Han sawi fiah teh!
Report this comment
August 21st, 2011 at 9:16 pm
Corruption leh Income tax relation chu tawi fel thlap in kan sawi ange
Kan rama pawisa kan dawn leh kan sorkar in a hman hi India ram state dang te anglo takin kan ram atanga chuak anilo. Central Government in min chawm hlawm ani zok. State dangah chuan tax payers money hi sorkar in an hmang ani, income tax an pek miau avangin chawmhlawm an ni velo. Heivang hian a inlaichinna a lian em em ani. Kan rama sorkar pawisa hman chu kan pawisa peng a nih miau loh avangin kan ui tak tak lo ani. Kan ui tur vak poh anilo ang. Kan thawh chuah peng anih loh avangin.
Hrethiamlo kan awm chuan kalo sawi nawn leh dawn nia.
Report this comment
December 2nd, 2011 at 2:57 pm
indian leader got slapped by singh…
[...]Lok Pal Bill leh Anna Hazare chanchin tlem | mi(sual).com[...]…
Report this comment