Kei hi a zeilo chi ka nia, bike te hi ka khalh thiam ve lova, a leina tur ka neih loh chu thuhran lo nitasela. Ke a kal hi ka uar angreng a, lirthei neih miau hek loh chuan duhthlan tur dang awm chuang lova, kalkawngah kan khawngkhawbai emaw bawkbawvak peih te anih chuan thudang ni ta se.
Khawpui chhung lun lai a ke a kal tam chuan INTAWHLAWI chang hi a awm fo mai a. A bik takin Foot path, checker-tile sen, State sawrkar budget version ang chi 4-5ft vel leka zau ah hian a thleng zing deuhin ka hria.
A dawt leh ah chuan, Foot path a kal laiin hmalamah thir ban emaw kawng dal tu alo awma kawng pangai a han petek thlak hlim hian a ni duh bawk, a chhan chu gypsy emaw car emaw parking area ni chiah lo vela mi hel a lo ngai a, kawngpui a motor kal ilo ri leh horn ri nen khawhmuh hi a tawi sam riau nen, space a tlem tawh lutuk thin a..
INTAWHLAWI pui tur hian duh thlan theih chu nise “pa” mah ni ila thaw la lovin 17 vel chu ka sawi mai theiin ka ring (hmingpum nilo ta sela), amaherawhchu INTAWHLAWI pui tur hi duhthlan theih ani si lova, Khansang deuh emaw, hniam emaw, Hnar tawk deuh emaw, Bagha vai ngalria mai mai pawh ni ta sela duh reng vang pawh nilova Khawchhak Martial arts films a an tih thin dan ang deuhva chibai han inbuk tawn zauh zauh chang a thleng fo mai.
INTAWHLAWI hian mi hi an mizia tur awm ang deuh hi a hriat ve deuhva. Patling kum 50+ vel bawr hmel pu savun pheikhawk nalh ve pangai leh smart pants leh kamis offwhite lampang leh kekawr-in a chhawm nilo savun tha pangai kawnghren hreng an nih a vawi hnih chibai inbuk zuk zuk tawh poh a an nuih suk duh loh chuan kohhran upa emaw, sawrkar hnathawk hlawh tam ve pangai tak Loan a chhawng 3/4 lo sa khir tawh vel an ni duh tlangpui, kalna hmunin a zir loh vang a bike/car hung tha a ke a kal an ni duh tlangpui.
Hmeichhia kum 16-20 bawr vel jeans emaw kekawr tight lampang ha anih a vawi khat chauh chibai in buk(intawhlawih) chung pawh a a nuih saih che chuan Facebook pawh akhat mawitawka ti ve thin, thalai inkhawma thawhlawm khawn pha tawk vela fel an ni duh tlangpui.Vawi hnih chibai bukna ah a nuih suk chauh chuan, vawi khat buk na a nui ta mai ai kha chuan kohhran thalai ah a inhmang tam hret tihna ani.
Hmeichhia 30 and above a nih a buk 1 na ah poh a bak hluk a, tumdeuh hmuka “aa”” a tih chuan han enchiang la rangkachak thi pahnih emaw tal a awrh loh chuan hrawl ve tak pakhat a awrh tal ang.Chuan rangkachak zungbun pawh a kut veilam ah a bun ang 2 tal. Duh leh i kal pel hnu ah eiru nupui nge, sumdawng che ve thei pangai.. mahni duh dan dan a hisap zui tawh mai tur, rilru suk thlek zawng a in anglova!
Mipa 15-30 in chibai nawn(intawklawi) lo mah ula an nui tlangpui ang,keipawh hemi groupah hian ka tel ve, kei chuan “la ti leh thin ang aw” te pawh ka ti zui maithei zaidam hmel deuh te an nih chuan. Nang enge I INTAWHLAWIH EXPERIENCE ve le…
Similar Posts:
- Kumthar, Halpuah Tel Lovin
- Khuavang awmna aṭanga mize hriat theih dan
- Nuih leh nuihza siamtu
- Mother’s Day
- Ka Ngai Che !
July 7th, 2011 at 8:03 pm
Intawhlawi?
July 7th, 2011 at 8:09 pm
Zahthlak ve duh khawp mai..vawi thum vel chiah ka la tawng..
July 7th, 2011 at 8:11 pm
Hehe
July 7th, 2011 at 8:13 pm
Ka tawng ve ta zauh zauh. Tun hnuah chuan lo chîk ve tawh ila a tha ang.
July 7th, 2011 at 8:16 pm
that hmel khawp mai
July 7th, 2011 at 8:18 pm
Thil chik mi tak i nih dawn hi- Hehe Mahse Intawhlai tih khi ka voi1 hriat na
July 7th, 2011 at 8:25 pm
Intawklawi … “len lai a rual lo hi a pawi ber mai” hian a tawk lawi a, “lenlai a rual lo hi a sawi rem theih” hian a tawk fuh sar sar.
July 7th, 2011 at 8:28 pm
Bazar Bubgkawn ah khan hmanlai deuhin nula/nu ka hrelo kan in pawm chawt tawh hahaha
Footpath i tih MNF hoin mi varandha a thil pan chhete an phah ho i sawina ni ang maw.
https://i.imgur.com/g4e05.jpg
July 7th, 2011 at 8:36 pm
Intawhlawi tih khi lai deuh a intawk tihna a nih kan ring ngawt a. I duh chuan midang hriat thiamna i nei zau khawp ang tih ka ring. Intawhlaih (kan ti talh teng ka hriat thiam dan in) puiah chuan nula k16-22 vel chhelo tak ni thei hram se. einch… NCC-nui chur chur
July 7th, 2011 at 8:39 pm
Mi lian ho chu i er tan tan hle mai maw?!!
July 7th, 2011 at 8:47 pm
Vawi khat ka kawng kan tur kha bike alo tlan leh si a, hnung zawngin pen hnih/thum vel kan tawlh leh a, trafic duty ka su chawrh mai a, ‘motor ani lo chu a tihzia hle mai’ ka ti ringawt a, a nuih a za ve khawp mai….
July 7th, 2011 at 8:51 pm
Rambuai lai khan (ve ngial a) Bawngchawm pa 2 zan thim chhah mup mai karah kawlphe ringin a in tawk zawngin an tlan a. An han in tawklawi chiah mai chu pa khat zawk awmah hnap a kai!
July 7th, 2011 at 9:46 pm
Company sumtualah … tleitiri kan nek sawr pawr e … —Lianthuama, fiddler.
Company sumtual hi Israela Point chhak mai saw a ni thin. Vawiin thlengin kawng a la chep a, innek sawr pawr chang a la tam. Kan trhang lian vak lem lo.
July 7th, 2011 at 10:09 pm
Keep to the right ho ramah hian keini ho tan chuan kan ‘tawk lawi’ kan ‘tawk lawi’ mai thin a, ‘intawhlawih’ chang hi chuan nuih mai loh chu tihtur a vang duh phian. Nula nen kher a ‘intawklawi’ tur chuan ka la ngaihtuah ngai lo, ‘intawhlawihpui’ tur lah a thlan ngawt theih bawk si lova.
July 7th, 2011 at 10:24 pm
lo haw ve hun chu intawhlawih
pui tur zawn ve chi anih tak hi…(mizo trawng hi chu a buaithlak leh tlat zel, kan intawhlawih tak daih chu….vaimim phawk ei treuh pawh hi Kawpawrhna )
July 7th, 2011 at 10:31 pm
@chawngilh…i hla rawn sawi khi kan sa ve fo thin…mahse kan version a in ang lo emaw ni kan sak dan chu..
company sum tual..a zim laiah..tleitiri kan nek sawrpawr e..
tih kha a nia..a company sumtual zim lai i rawn sawi khi ka lo hre ngai lo a……ka hriat vawikhatna..
July 7th, 2011 at 11:07 pm
Ui-ha..ka van komen ve thiamlo tak…Komen ve lo mai ang..
But
July 7th, 2011 at 11:19 pm
Kei pawh Angelina Jolie nen kan in tawk lawi a, kan inneih loh phah. Ka awm ve tih pawh a hre lem lo.
July 7th, 2011 at 11:35 pm
Intawhlawih leh hun chu nula chhe lo deuh nih chuan pawm luih palh deuh chaih tur a ni
July 7th, 2011 at 11:47 pm
An foot path siam thenkhat hi chu a bung hmawka, mi inhnuai kal na anih avangin. Hman ah pawh hawi chunga nu pakhat kal a chhe sual lai ka hmu toh
a hlauhawm thei khawp mai.
July 7th, 2011 at 11:52 pm
kei pawh vai putar ka intawhlawi pui toh
July 8th, 2011 at 5:18 am
Ekhai hei chu post leh loh tur in ka delete emaw tia,,,a source ka lo dah theih nghilh bawk anih hi…https://betazoot.blogspot.com/2.....hlawi.html
ka unaupa blog nih hi..
July 8th, 2011 at 8:51 am
Pu Muantea #14 a mi ang khi a tawngkam hman dan tur a ni ang. A ni nge nge.
July 8th, 2011 at 10:16 am
Hmanni lawk khan khasi nu pakhat nen step chep lutuk mipui tam bawk si karah kan intawklawi, tum loh deuhvin ka nek sawrpawr, min melh rum raaapthlaaaaak !!!!! huihams,,
July 8th, 2011 at 10:32 am
Dear admins, khawngaihtakin #24 ka comment khi min lo delete sak, edit thei miah lo. Tawngkam mawilo lo hmang palh zauh niin ka in hria. Ka chetchhiat lutuk chungchang lo sawi zauh lawm le..Pawisawina ka neih chuan,…..ngaidam, ngaidam, please.
July 8th, 2011 at 10:43 am
ka nui hawk hawk… kum engzat nge ka nih le?…
July 8th, 2011 at 8:56 pm
Han intawklawi ila….polite leh ‘lite’ lo te, eng ang mi nge an nih tih te hi a hriat ve khawp a nia..