Ringtu nun hi sawifiah awlsam tak niin lang mahse, sawifiah har tak a ni bawk. Chutiangin ringtu tha nih hi har tak ni mahse awlsam tak a nihna lai chen a awm bawk. Mihring thiamna leh finna a inchen loh ang bawkin rinna lamah pawh inchen lo thei tak a ni. July ni 10, MSSU Puitling Sunday School-a Chhandamte Nun tih kha lo zir ve tam tak kan awm ngei ang a; thian thenkhat Mizoram pawna awm zir ve lo tam tak kan awm bawk ngei ang. Mahni inenfiah nan a that em avangin kan sawi zui lawk teh ang.
Eng ang ringtu nge kan nih?
Chhandamte nun chu nun tam, nun tak, chak leh tha, tlo leh hrisel, mahni inveng thei sual do ngam nun chu a ni. Ringtu inti zingah mi chi hrang hrang kan awm a, eng chi ber nge kan nih ve le?
i) Kristian tam tak chu tawlailîr nawr lirh ang an ni – Nawr loh chuan an chhawr tlâk loh.
ii) Thenkhat chu lawnglêng ang an ni – Kar reng an ngai.
iii) Thenkhat chu lehkhachaih ang an ni – Hruia hlin reng loh chuan an thlâwk bo mai ang.
iv) Thenkhat chu zawhte no ang an ni – Duat chauhvin an lungawi.
v) Thenkhat chu football ang an ni – Eng ti zawngin nge an sawh dawn sawi theih an ni lo.
vi) Thenkhat chu baloon ang an ni – Boruakin an khat a, thlawh chhuah an inpeih reng.
vii) Thenkhat chu sana tha ang an ni – Inthup lo, rangkachak hlîr hlak, a rûk têa tûl hle si, hna tha hlîr thawk an ni.
Kristian nun kaihhruaina
Thuhriltu ropui Billy Graham-a chuan hetiang hian ringtu tha nun hruaina kawng hrang hrang sawm a ziak a –
i) Nitin Bible chhiar ziah la
ii) Fianrialah tawngtai thin la
iii) Thlarau Thianghlimah innghat tlat la
iv) Biak Inah inkhawm ziah la
v) Krista thu hretu ni la
vi) Hmangaihna hi i nun kaihruaitu berah hmang la
vii) Thu âwih thei Kristian ni la
viii) Thlêmna hmachhawn dân tûr zir la
ix) Kristian tha tluantling ni la
x) Khawvêl thil chîm buai phâk lohvin nung ang che
Khîng kan tarlan point sawm te khi a vai diak diakin zawm thei lo mah ila, thenkhat te khi chu ringtu tha ni tura kan tih ve theih thilte an ni. Chhiartu zawng zawngte khawi hmunah pawh awm ila, ringtu tha kan nihna chhawm nun zel leh a taka lantir hi keimahni tan chauh ni lovin midangte tan pawh malsawmna a ni thei a ni tih i hre thar leh ang u.
Similar Posts:
- Eng chi ber nge kan nih ve le?
- Ringtu Nun Part II
- BELH CHIAN HI KAN VA DAWLO EM
- Mi(Sual).Com leh Ringtu Nun.(Za nu-fa naah thil inkalh anga lang, tangrual tlat si te.)-(Sunday Pual)
- RINGTU DIK TAK AN NI LO (Kan ni. In ni lo. Kan ni…)
July 11th, 2011 at 10:36 am
eheemm
Report this comment
July 11th, 2011 at 11:22 am
Report this comment
July 11th, 2011 at 11:22 am
Thu hlawm hmasa khi a chhuak tawh in ka hria, a hlawm hnuhnung khi post ka lo tum ve mek asin, i ti tha e. Chuan, ka inhmuhchhuahna thu chu hei hi a ni: Chhandamna changtu nun zia langsar tak dang leh chu sual hawisan leh sual do hi a ni. Mihring nun hlui chuan thil bawlhlawh leh sualnate a haw lo va, Krista nun thar neitu erawh chu sualin a tilungngai thîn. Sual pawisa miah lo chhandamna changtu nia inchhal chu inngaihtuah chian a ngai
ang.
Report this comment
July 11th, 2011 at 11:22 am
A va han tha dap dap em… rilru a vawn reng chi a nih hi… Sermon chi ho chuan an chhin chhiah leh sap sap ang chu …. kan OT lawk: enghelh leh engto hi danglam na a awm em aw?? Anxiety hi eng tiangin nge kan leh zawk ang… Misual thian te thiamna zar zo kan tum ve lawk te’ng…
Report this comment
July 11th, 2011 at 11:24 am
7 khi chu a har lawr lak a, 9, 10 te khi chuh… a theih pawh a theih dawn emi le, khawvela kan awm chhung chuan…post tha tak chu a ni e…
Report this comment
July 11th, 2011 at 11:38 am
A tha hle mai le. Ringtu in ti theuh theuh hi a inan loh theih hle mai a. A chang chuan rawngbawlpuite han sit rum rum chang a tam. Mahse chaklo nih inhre chunga chak taka kal a ngai loi si ani.
Kohhran ah hian ringtu tawlailir, lawngleng leh lehkhachaih sawi ang deuh khi kan ni fur mai a.
Mahni a thilti thei reng reng lo, phurawm a awm loh chuan kar pawh kar chhuah theih loh, mahni a thahnemngaihna kawng dang pakhat mah nei bawk si lo te hi kan tam si a.
He hla ‘Min Ngaidam rawh aw Lalpa min ngaidam rawh’ami tlar hnih te hi ka hre reng thin –
“Ka tihtur hre lovin ka lo thu..KA LAWM NAN MAI KA LO BEL CHE Lalpa..”
“I chhandamna a thlawnin ka lo nei tawh..I malsawmna chhiarsen lohvin min vur thin, MAHSE KA TAN MAI HIAN KA LO HMANG ZO, Min ngaidam rawh…”
Report this comment
July 11th, 2011 at 11:51 am
Luangchhuak lo nun a hlim thei lo.
Kan dawn ang zia zelin kan pe chhuak tur ani.
Tunlai hian West ah mi lar tam tak Sakhaw dangah an peng a. Lal Isua ah lungawina an hmu zo lo. Chu chu AMAH an belh chian lutuka, an beidawn vang ni lovin; Krista bel chiang lova Christian an lo nih vang zawkin thil dang awlsam leh anmahni lifestyle mil sakhuaah an peng ta mai ani. He khawvela ropui leh hlawhtlinna an ngaisang hle si a.
Keini pawh hi KRISTIAN inti ve si hian kan lo nghet lo riau ange. Krista, ama hming min put tir a KRISTIAN min nih tir pawh zaklo hi, keini hian amah hre mumal lo hian kan lo leng vel ve mai mai ange.
Khita Billy Graham a thil sawi te khi tih vek tum ila, Lalpan min pui ngei ang.
Kan theih loh tih kan hriatsa reng kha – a ti thei tu Krista hnenah kan thlen thin chuan anin engtikah emaw chuan min tih theih tir dawn ani.
Chu chu kan RING ngam lo/nghak peihlo emaw anih chuan Krista zui emaw kan intih hi thildang kan lo zui reng ani ang.
Report this comment
July 11th, 2011 at 12:05 pm
3. Chhana comment khi ka ring ve mai e. # 4. Lersia, ‘Engto’ hi chuan, midang thil neih emaw an nungchang leh hawiher avanga ngaih that lohna lam a kawk deuh a, negative lam thil deuh a ni (anxiety kan ti thei ang). ‘Enghelh’ hi chuan mahni hna thawh tur huphurh awm deuh emaw, (e.g.exam, etc) thil tha leh lawm awm lam nghahhlelh avang a, lo awm hle hle theih loh lam a kawk.(anxious kan ti thei ang)
Report this comment
July 11th, 2011 at 12:10 pm
GP
Sana ang khi chu a va ni lo chiang em. 
Hlawm hnihna khi tih ve tan tur a nih khi.
Report this comment
July 11th, 2011 at 12:10 pm
A nia sin, kumin Presbyterian puitling Sunday School Zirlai pawh hi a tha leh hle a. Dahthata vawn that khiau tlak a ni.
Report this comment
July 11th, 2011 at 12:22 pm
Ringtu nun chu hetiang deuh hi aa ni —
India, unfortunately, lost Gold Medal in the discipline of high jump in the Olympic.
Sardarjee : Bad, our Indian olympiad should never wear Gold Medal while jumping any more. Must need a search-team with sophisticated metal detectors.
Report this comment
July 11th, 2011 at 12:32 pm
@PKfanai, ka lawm e..
Nimin Rev.Vanlalzuat an Sermon ah “Anxiety” tih hi a saw tel zauh a… a leh dan chungchang ah kan lo inhnial hman pek ah … 
In leh dan ka hre ve chak mai mai a … Let nalh bik khawp mai a… 
Report this comment