mi(sual).com

Mi(sual) zingah Indian kan nih leh nih loh a chiang lo kan la tam riau in ka hria a. A tobul atang a chhui in i han thlir ho teh ang u!

Keini thangtharte hi min zawt ta se la, Korean nih duh kan awm furin ka ring a. Tuna nu leh pa ni mek te erawh chuan sap nih kan duh furin ka ring a. Indian nih erawh thinlai a dam thei lo a ni! Enge a chhan?

Vai nena kan inlaichinna hi pi pute thawnthu ah chuan Mauruangi ah a rawn lang hlawl mai a. Thlawnrawkpa khuangchawiah Mizote chu savun min pek laiin vaiho chu ‘laisuih’ a pe leh a. Khatih hunlai khan sap ho leh Korean ho kha an lang lo reng reng mai a.

A dawt leh ah chuan, sap ho khan A AW B min lo siam sak a. Amaherawhchu, kan hmang tangkai tak tak thei lo a. Thu kan han ziak a, sap lam dan nen chuan a lo inpersan mai mai khawp hi a lo ni a. Tih luihna in sap nihtir kha min lo tum a.

Chuvang chuan saptawng hi zirin BA pawh pass mah i la, saptawng hi kan thiam tak tak thei ta reng reng lo mai a. Vai tawng erawh, thla khat zir tawh hi chuan kan thiam em em zel mai hi a lo ni a. Enge a chhan ti ta ang le?

India tih ihi saptawngin han lam dawn i la, a ziah dan tur a mak khawpin ka ring a. Mizotawng diktakin India tiin kan lam lawl lawl thung si a.

Hindi a inziak english alphabet a dah a nih hian sap lam dan a ziah a ni ngai lo hrim hrim bawk a. Chu chu Mizo tawng nen hian a lo inmil leh em em mai bawk a. Kan leili a inmil a ni deuh ber ang chu. Entirna tlem lo pe ta i la…

Vaitawng a Matunga tih chu sap hawrawp a an dah pawhin Matunga an ti tho tho mai a. Sap tawnga han chhiar luih tum dawn i la.. Maetanga a nih daih duh hmel laiin Mizotawngin han chhiar i la a Matunga em em mai a. (Sion, Andheri, Dadar, Tilak Nagar, Chembur etc etc… .. Mumbai rail station ho hming )

Huna lo kal zel a, vai an rawn lian a. Sap an rawn lian lo reng reng. Kan pipute khan hnam dang hrim hrim kha chu vai an ti pawh i lo ti palh thei e. Mahse, Bengkhuaia leh a hote khan vai naupang an man lo a, sap naupang a ni an rawn hawn ni. Vai ti a sawi tak hi chu dum deuh chin hi an lo ni deuh bik ah kan ngai ngawt a. Kawl vai te kan ti leh daih lawi a, vai hrim hrim a kan koh chu kan Indian unau dum ve tak tak te kha an ni ber awm e.

Zofate zinga Isarel hnambo an sawi ang maiin keini pawh vai hnam bo kan lo ni a. Hmun hrang hrang atangin tuna Bharat an tih tak hi kan rawn pan khawm leh a lo ni. Aryan te, Dravidian te keini te hi unau inhai inzawmkhawm leh kan lo ni reng a lawm maw le!

Mizote hi Indian kan lo nichiang khawp mai ti rawh u!

Similar Posts:

• Mahni hnam tawng thiamloh a zahthlak
• Mizoram zin leh Indian visa chungchang
• Native American/Red Indian Lal Tawngtaina sawi dan!
• Mizo Nationalism leh Indian Nationalism Indona!!!
• Indian!

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Tuesday, July 12th, 2011 at 8:45 am and is filed under HAHAHA, Mizoram. You can follow any responses to this entry through the RSS 2.0 feed. You can leave a response, or trackback from your own site.