“Chutichuan, chhumpui nasa tak ang thlirtuten min hual vel avang hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u. Ani chuan a hmaa hlimna awm avang chuan mualphona chu ngainepin kraws chu a tuar a, Pathian lalthutphah ding lamah khian a han thu ta a.” He.12:1-2.
Mihring zingah hian, hlawhtlin duhlo kan awm hauh awmlo ve. Vawikhatna a hlawhtling nghalte an awm a. Vawihnih/vawithum hnua hlawhtling te kan awm a, hlawhtlin hma bei ngat ngat te an awm bawk a. Hlawhtling awmzia hi – mihring in tum an nei a, chu an thiltum chu an thleng/hlenchhuak thin. Entirnan- khaw pakhatah kal ka tum a, ka thlen hma chu ka kal ngat ngat a – a tawp a tawpah chau chung chungin ka thlen tumna ka thleng ta hlawl mai a. Naupan lai atang tawhin B.A pass ka tum a, ka zir tang tang a, a tawp ah ka pass thei ta. Nula duh deuh ka nei a, nupuia neih ka tum tlat a – a tawpah nupuiah ka nei ta nge nge…
Amaherawh, mihringin target/vision/goal kan neih phawt a ngai a. Chu kan goal thlenga hlen chhuak tur chuan, tumna a ngai a, chu thil tum a hlawhtling tur chuan taima tak a beih tang tang te, tuar chhel te rinawm te, dawhtheih te, hre-awm tuar te thlengin a ngai thin. Zaithiam tur te, infiam lam tui mi tan te, inkhel mi te tan te, lehkha zir lai tan te, hausak tum tan te etc. in sum theih te, rinawm te, taimak te, dawhtheihna te, hre-awm tuar peihna te etc. a ngai.
Mizoram lehkha thiam hmasa hote, mi hausa hmasa hote pawh hi – an thiltihna kawngah chhel takin an ti tang tang a, hre-awm mahse an tuar hram hram a. Mi ina awmin lehkha an zir a, mi ei ang ei pha lovin, mi nuih rual pawha nui pha lovin an hun an hmang a. Hre-awm mahse, an hlawhtlin ve theihna kawng a nih avang leh an hlawhtlin hunah anla nuamsa ve dawn tih hria in anlo bei ngat ngat a. Chu anlo beih ngat ngat na chuan hlawhtlinna ah a hruai lut thin. Mihring tak pawh a, an nih chak leh anlo suangtuah ang thleng phak tura anlo beihna nasat zia te han ngaihtuah chuan, anlo hlawhtling ta pawh an lawmpui awm takzet a, chawimawi hial tlak an ni.
Kristian kan nih pawh hian, Kristian nih mai hi kan goal a ni lem lova, kan goal tak zawk erawh chu, thih hnu-a, Van ram thlen leh, Pathian hnena kumkhua a chen ve tawh a ni ber a. Tin, Vanram luhhnu ah pawh, lawman hrang hrang hmuh/dawn tur a la awm nual ni-awm tak a ni. Bible-ah hian a sawilang vuai vuai a, mahse chumi hmu tur chuan ‘rin ngam na’ ‘rinna a ke pen’ ‘Pathian thu ang a nun’ ‘ Pathian tan a rinawm’ te chu kan tih tur leh kan intlansiakna tur a ni. Bible ah hian thutiam tamtak, ‘Chatuan Nunna, Nunna Lallukhum’ etc. kan hmu a, chu thutiam chang tur chuan ‘rinna kawng a in tlansiak’ tang tang a ngai ve tho a. Engmah hi awlsam taka hlawhchhuah mai chi a awm bik lo.
Amaherawh chu, he khawvel intlansiaknaah erawh chuan, tlan thleng ve peih lo, goal nei lemlo, lehkha zir puitling lo, thil ti tha peih lo leh ti tluantling peihlo te pawh mahni level ah an nung naw naw thei a, mirethei, mi pangngai leh mi hausa, mi changkangah an in then thliah a ni mai a. Pathian thu lamah erawh chuan, mi chi hnih an awm tawp mai a, ‘ringtu leh ringlo tu’ ‘ Lal Isua ringtu chu thiam chantir an ni mai a nga, Lal Isua ringlo tu chu thiamloh chantir a ni mai dawn a ni. Sawi buai leh complain theih a ni hran dawn lo. ‘Lum si lo, vawt si lo….kha chu chhakchhuah tur an ni mai. Ringtu lo ni ve tawh, ‘rinna tluksantu’ te chungchang pawh a rapthlak thei hle dawn a ni.
Amaherawh chu, sap thufingin, “Hlawhtlinna thuruk hi, hlawhtlinglo te chauhvin an hria” tih ang deuh in, duhamna khawvel, san belh duh, neihbelh zel duh, len belh zel duhna khawvel a nih tlat avangin, chantawk leh mahni ‘level’a lungawi hi kan tlem hle.
Zoram kristian tamtak te hian engkim mai hi, chan kawp ve kan duh ni in a lang. Kristian tha, hausa bawk si, in leh lo nei tha, lir thei pawh nei tha, hna tha tak…eiruk te pawh hi Pathian malsawmna ni awmtak a sawi mawi thiam, pulpit tlang changpha kan ni nuk awm e.
Pathian rorelna hma a kan din theuh hunah – Bukna diktaka Pa Pathianin min han buk hunah chuan……A nuamah leh hreawma Lal Isua chauh lo lungawi puitu te chu, lei hlawhtlinna mai ni tawh lovin, chautuan atan ‘Mi hlawhtling” an ni dawn a, an va la nihlawh dawn tak em !! Chutih hunah chuan, nang enge i an ve tak ang le? Pathianin ama tehfunga min teh tlinloh vaih chuan aw…………….!!!!
Similar Posts:
- Chhandamna Thu
- Hlawhtlinna kawng
- Bar Association, MCTA leh ZTOA ten MLTP Act a hlawhtling lo-ah an ngai
- Isua i pai ngam dâwn em?
- Hlawhtlinna Rahbi 7
July 13th, 2011 at 10:33 pm
eee … nih don khi … ( k la chhiar cuang lem lova)
Report this comment
July 13th, 2011 at 10:38 pm
he lei a mi hlawhtling tak2 te leh mi ropui tak2 te poh hi pathian rorelna hma a buka awm a tling zo ta lo kan kat nuk mai ang tih te poh min ngaihtuah tir alawm le..hehe. Gud Post
Report this comment
July 13th, 2011 at 10:38 pm
He Bible chang hi ka duh thin hle.. chhiar ang..
Report this comment
July 13th, 2011 at 10:50 pm
I ziak tha khawp mai. Mahse ka tumloh deuhin ka chhiar, min rawn ‘AWARE’ dawn amaw ka tia min lo ‘WARN’ zawk ta sia
Report this comment
July 13th, 2011 at 10:55 pm
Now, I think i see the real mr.Duhlova. Good post.
Report this comment
July 13th, 2011 at 10:59 pm
#post tu pa, chatuan(post ah chuan chautuan
) atan ‘Mi hlawhtling” nih hi ka thlang ber mai, i post hi ka 
mawlh2 e…
Report this comment
July 13th, 2011 at 11:14 pm
Hei chu van lam pangpar ni daih mai ! good post
Report this comment
July 13th, 2011 at 11:15 pm
Tu’n ka tawng lo haw lo se,vaipa 1 piangthar an sawi ang deuh khan ‘vanram kai i inring em?’
‘ring e mahse tlem chu hau ang’ lol
post tha hle mai.
Report this comment
July 13th, 2011 at 11:18 pm
A dik chiah
Hram hram, tang tang, fan fan !!
Report this comment
July 13th, 2011 at 11:46 pm
Pathian in min teh dawn hlei nem,A fapa Isua a lawm A teh tur a chu, A teh tur a chu kan Rin angai… Tunge maw min han teh ta se A teh tlin ang leeee……
Report this comment
July 14th, 2011 at 1:12 am
Thu tha tlaw hi misual ho hian in post peih ve mai mai ngawt mai
Report this comment
July 14th, 2011 at 7:36 am
10
jemi # Rorelna ni ah Isua maw a teh daih ang…va mak dawn ve aw ! Chuti chu inthlahdah deuhvin nung ila…Isua an teh daih dawn chuan.
Teh tlina kan awm ve theih nan Isua kha kan zui tur, example life atan min pek a nih kha……
“Chuvangin, i hlau vang u, chutilochuan a chawlhnaa luhna thutiama la awm reng siin, in zingah tupawh tling lo angin inlo awm mial dah ang e.An hnena hrilh a nih ang bawk khan Chanchin Tha kan hnenah hrilh a ni ngei si a; nimahsela an thu ngaihthlak chuan anmahni a tisawt si lo, ngaithlatu taktakte nen rinna zawmin an awm loh avangin.” (He 4:1-2) a tih kha.
Report this comment
July 14th, 2011 at 8:01 am
Mr.Duhlova, i thil post hi Mizoten kan mamawh dik tak theology chu a ni. Setana hian a hlau hle a niang bomb puak lamah kan rilru hruai pen vek a tum a(rin thu). Mizote nuna kristian nun dik lang chhuak thei reng renglo mai, Sual tih kan pawisa lo em em mai hi, ‘Eng anga sual pawisalo pawhin nung reng mah ila, Isua krista felna avanga thiam chang tura inngaih tlatna rilru, Setana thang leh bumna hlauhawm ber mai hian kan mit a tidel tlat anih hi a. He thu hi zoramah hian eng anga hralh kallo pawh nise, mi huat hlawhin Farisai minti tawk awm mahse, sawi uar deuh deuh a ngai.
Report this comment
July 14th, 2011 at 7:07 pm
13
PKfanai #
Report this comment
July 15th, 2011 at 12:51 am
@Mr Duhlova Kei zawng fel ka tum poh leh ka sual zia ka hrechiang tulh2 mai a, teh tlin tur phei chuan ka engmah hi teh tlin tlak A awm lo, chu chu hria in ka tan Van atangin Isua a rawn kal vang vang mai a, ka tan a rawn thi ta a, he ka thihna leh ka thawhlehna hi keima tan chauh ni lo vin mi zawng zawng tan a ni a rawn ti ta a, ka lo ring a chhandam ka ni ta der mai… Kei zawng KA AIAWH LAL HMAAH A DING…
Isua tan ka theihna zawng2 pek ka duh, ka theih tawk pawh hi a teh a teh tlin rual a ni lo ka tihna zawk a ni e.
Report this comment
July 15th, 2011 at 1:02 am
Report this comment
July 15th, 2011 at 4:31 am
15
jemi #
“Tin a nung te chu, ……an thih ai a thia tho leha tan chuan an nun tawh zawkna turin a ni, mizawng zawng thih ai in a thih ni” 2 Co 5:15
” Chutiang bawkin Krista pawh mitamtak sualte kalpui tura vawi khat hlana awm tawhin, chhandamna hmu tura amah lo nghaktute hnenah chuan sual tel lovin vawihnihnaah alo lang leh ang” (He 9:28)
Ro 5:8, Eph 2:1-5 te hi chhiar la, Adama thlah sual kan nih avangin ‘Krista’ kan tan talh alo ni tawh a. Chhandamna minlo buatsaih sak tawh a. Mahse, Pathian thu awih duh lo tute chu..Jer 31:29-30, mahni sual (awih duhlohna sual)mahni ngein kan thih pui tur thu a sawi e.
Report this comment
July 15th, 2011 at 10:37 pm
mr. Duhlova
Pathian thu i awi na zawng zawng, a thu i zawm na zawng2 te chu han teh tir ta che, teh tlin i nih chuan a mak khawp ang!!!! Isua i aiawh in a ding dawn a, a ding tawh a, a ding mek a, a ding zael bawk ang I RIN CHUAN. chumi a zarah chuan rinna avanga KHAWNGAIHNA a chhandam ve mai kan ni a, nangpawh i ni.
Khawvel a kan awm chhung hian theih tawp a Pathian thu awi tlat tum tur a ni a,awi tur a ni ka ti bawk. Amaherawh chu chu mi avanga Vanram kai tur chu kan ni lo ka ti mai zawk a ni..
Report this comment
July 15th, 2011 at 10:51 pm
ka ngaihmawh zawng kan sawi ve mai mai teh ang….
1. Pathian thu inti hre ril deu,mahni nun a seng lut lo midang te khen nan a hmang thin ho.
2. Pathian nena an len dun tawhna nawm zia engmah share tur nei si lo, Pathian thu hmang a mi tih thaih thin ho te.
3. Kohhran activity chauh hi amaw Pathian thu ti niawm tak a, mimal nun a Krista hmel hmuh tur awm reng2 lo ho te leh.
4. Mi thil pe tu nih lam aia, midang te thil pek um ruai ruai thin ho te hi.
Report this comment
July 16th, 2011 at 9:18 am
19
jemi # A dik a lawm … i ngaimawh ho khi. Kei pawh ka ngaimawh ve thin.
Krista tana tuar ve na kawng zawh tum lemlo Kristian te pawh kan ni mual mual hlawm ta ve ang. Kohhran a active pawh a tha ve tho a lawm..active loh ai chuan….mi te nun teh tu tur kan ni tih hre reng chung a lo teh leh mai te hi a awl a, a tehtu tur chu Pathian chauh a ni si. Mahni nun hi in bih thin theuh ila, insiam that ngai lai in siam tha ila a tha zawk tur….
Ti daih ila..Communist Jail Tibet kha lo chhiar ve teh a tha khawp a sin, hmuh tur a vang ta deuh mai thei…The real life……..of mine a nih kha.
Report this comment
July 16th, 2011 at 2:32 pm
18
jemi #
I thil han sawi hi a pawimawh hle……Chhandamna hi thil tha ti a hlawhchhuah chi a nilo reng a.
“Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni;thiltih avang a ni lo ve, chutilochuan miin an chhuang dah ang e” (Ep 2:8&9).
Mahse chhandam ni tawh te tan, kawng min kawh hmuh tel e…
“Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni.” (Ep 2:10)
Ro. 6:1-2 “Engnge kan sawi tak ang le? Khawngaihna chu a pun lehzual theih nan sualin kan awm reng dawn em ni?Hnai lo ve. Keini sual kawnga thi tawh sualin engtin nge kan la nun theih cheu vang?”
6:11 “Chutiang bawkin nangni pawh sual lam kawngah thi tawhah inruat ula,Pathian lam kawngah erawh chuan Krista Isuaah nungah inruat rawh u.”
Ringtu in ti Pathian duhloh zawng la ti chhunzawm pap pap hi chu….an pianthar aiin pianthar loh ka ring.
Report this comment
July 19th, 2011 at 11:22 pm
@ Mr Duhlova. a lawmawm e, i puitling tih a hriat hle mai, ka thil vei te kan sawi ve bawrh2 a, zawldawh takin min chhang zel a ka lawm e.
Ni e, Pathian duhloh zawng tih ka hriat reng ka tih luih tal avang hian ka nun hi a beidawng ngun reng a ni. But, i’m standing on the Rock ka la ti ve fan tlat dawn.
Report this comment