Sakhuana tarmit atang nilo in Idol tih chu thil sakhat engemaw, mihringte siamchawp tiin han sawi ta ila, kan pawm tlang em aw? A nihleh worship hi engtinnge kan sawifiah tak ang aw?
He ti hian tan teh ang. Adama chu God-centric tur a duan leh beisei a nih laiin, Setana chuan ‘Amah ang in lo ni dawn’ tiin self-centrism a rawn sawihmuh ta a. Chutichuan mihring chuan Pathian chu a worship tur a nih laiin, a mah leh a mah chu a lo in pathian ta a, chu chu tawng dang in, a mah leh a mah chu a lo in worship ta a, amah chu top-priority a lo inpe ta. Hei hi worship chu a ni.
Kan sawi fiah leh ang e, pathian tih hi noun nilo, verb ang a kan hman dawn chuan ‘ngaihlu ber, ngai pawimawh ber’ tihna a ni. Entirnan,‘Lala chuan pawisa a pathian’ tiin.
Chutichuan thil engpawh mihring in a kan siamchawp, hmuhtheih, khawihtheih kan ngaihhlut leh kan ngaih pawimawh em em, top-priority kan pek hi kan pathian, kan worship chu anni ta vek a ni.
Hmanlai chuan mihringten chutia an nun a han ngaihhlut leh han ngaihsan em em tur vantlang chanve theih mai tur leh banphak ah thilsiamchhuah an neilo a, an neih chhun chu milem biakna atana an hman, sakhuana tarmit vuah a an hma a an kun thin kha a ni ber mai. Loneitu pawh in vahvelnan sakawr aia chak a nei chuanglo a, Lal fapa pawhin vahvelnan sakawr aia chak a nei chuang lo. Thawmhnaw ti ila, a hak nuam, a lum tha, a balh a hakthlak tur ah an lungawi mai a, pheikhawk pawh a kaih deuh trap, kephah vawnghim tur a ni leh mai a, brand ah an buai lo.
Kum zabi 20 na kan lo chuangkai tak ah erawh chuan a hma lam a la awm ngai reng reng lo thlipui a lo tleh ta. A hma kum zabi lawk ah sakhuana chu rationalism in a lo rapbet tawh bawk a, sakhuana a milem biakna(idol worshipping) chu sakhuana kut atangin a phihthla a, sakhuana kawrfual a hak mek chu a hlip a, secular thuam in a thuam sauh sauh a, European Christian pa chuan Bible zakzeh chung in mihring kutchhuak siamchawp changkanna chu an um ta tak tak mai a, a hming erawh a changkang ta- MATERIALISM ngei chu.
Pathian in a huat em em, pi pu te hun a milem siamchawp an biak lai a an nun lairil a fan aia nasa chuan siamchawp thil- building leh a chhung a bungraw changkang tinreng, car chhuak thar, incheina chi hrang hrang chuan mihring nun laimu chu a fan chuak ta vek a, chu chu kan dam chhan, kan thawhrim chhan, kan lehkhazir chhan, hlawhtlinna kan tehna atana kan value system ah kan hmang ta.
Enge a danglamna i hria em? Hmanlai in kilkhat a milem siamchawp hma ah an bungbu a,Pathian ah an bia a, kan dem em em a. Tun ah chuan siamchawp hlir in min hual vel a, kan tluk leh ding awn mutpui a, noun ang in Pathian ah chuan kan be lo, MAHSE verb ang in kan PATHIAN chiang em em si.
In leh lo tha leh ropui, luah senloh in, enkawl senloh ram, sum mamawh aia tam, kan thihsan tur tih chiang sa, car chhuak thar tha ber ber, incheina silh leh fen hak senloh, a mawina avanga kan inchhung a kan hung deldul leh kan tar del dul thil chi hrang hrangte, adt,adt hi kan mausam vek ringawt a ni lo, heti tak a kan nun a thunun ta mai hi a ngaihthatthlak loh ta e. A thatlohna kan hmuthiam tan ta e, inthingharh teh ang u le.
MATERIALISM HI IDOL WORSHIPPING IN DISGUISE A NI E.
Similar Posts:
- ROPUI NGE ROPUINA?
- Mizo ṭawnga ziah zawm leh zawm loh tur te-II
- Milem biakna thil te
- Mizo ṭawnga ziah zawm leh zawm loh tur te-III
- Mizo Idol leh American Idol
July 14th, 2011 at 2:51 am
the lord is my shephard
i shall not want
hemakes me lie down in green pastures
he leads me beside still waters
he restores my soul
me guides me through right paths
for his name’s sake
even though i walk through the valley of the shadwo of death
i will fear no evil for thou art with me
thy rod and thy staff they protect me
he prepares a table fro me
in the presece of my enemies
he annoints my head with oil; my cup runs over
surely goodness and mercy shall follow me for the rest of my life
and i will rest in the house of the LORD forever
Goodnigt!
Report this comment
July 14th, 2011 at 2:51 am
Tha leh hle mai.
Report this comment
July 14th, 2011 at 2:52 am
Naktukah chhiar zawk mai teh ang, mut a chhuak tawh em mai
Report this comment
July 14th, 2011 at 3:13 am
A tha hle mai. Kan ngaihhlut ber hi kan Pathian chu a ni. Keimahni a thunei leh lal ber hi kan Pathian chu a ni. Keimahni nuna cheng tam ber hi kan Pathian chu a ni.
Bible in “I ro awmna apiang ah i rilru pawh a awm thin” a ti a, kan rilru a awm apiang hi kan rochan tur chu a ni. Krista kan rilru a a chen reng chuan chu chu ka rochan tur chu a ni.
Bible vekin “Lalpa Lalpa mi ti nazawng hi vanram an lut lovang a…” a tih pawh hian thinlunga Pathian lal ber silova lam ve mai ho a sawina a ni.
Gusnite
Report this comment
July 14th, 2011 at 4:16 am
Tha hle mai
Pathian thu hi chu ‘easier said than done’ hi chu a van ni chiang tak em! materialism pawh hi kan thlarau nun tichhe tu lian tak ani tih kan hre vek..kan in hrilh tawn sup sup a…mahse kan nun ah nasa takin, hawi na lam apiang ah min chiah takah chuan, in ven reng a harsa thin si.
Report this comment
July 14th, 2011 at 7:18 am
Copa America 1st half result. Brazil 1 – 1 Equador. Brazil hi tla thei dinhmunah an la ding rih.
Report this comment
July 14th, 2011 at 7:46 am
Worship tih hi, Anglo-Saxon tawng ‘Worth-Ship’ tih atanga lak ani a, Thil eng pawh, an hlutna phu tawk ang zela an chunga kan rilru put dan leh kan zahna/ngaihhlutna kan va lantir hi a ni. # Tlinna leh phuna reng reng neilo misual dum berten nun kan lo neih leh theihna tur atana a nunna hlantu, thil engkim siamtu leh engkim chunga thuneitu hian kan zah leh kan chawimawi a, a thupekte kan zawm hi a phu hliah hliah a. A thilsiam mihringte thilsiam lehchhawng nunna pawh nei hlei lo, Milem, Pawisa, In leh lo, Car, Zu, tlereuh dangte leh mihring chenin Pathian aia kan ngaìhhlut zawk a, kan rilru, tha leh zung, kan hun leh chakna zawng zawng kan pek zawk chuan, chu chu Pathian ngaihin ‘Idol worship’ chu alo ni ta a ni. Mahni in enfiah theuh ta ila. Idol worshipper ka lo ni reng em?
Report this comment
July 14th, 2011 at 8:13 am
“Lalpa sum ka ngeinep a” ti hla hi rilruk takin sak tur ni sela sa thei an tlem ngawt ang. Post tha tak ani. Milem bia tiha Laskhmi, Ganesh idol lam chauh ani lo.
Report this comment
July 14th, 2011 at 10:44 am
Chu Mizo zingah Milem bia kan va tam awm ve aw………..:O
Report this comment
July 14th, 2011 at 11:27 am
nupuite aia nula dang hmu tai zawk te, pathian aia kohhran ngaipawimawh zawk te.. huis..
Report this comment
July 14th, 2011 at 11:55 am
K’u Zoho hi, amah ang a bible hre hneh vek turah min ngai thin a?!. Kan pui hlek ang e: “Duhamna chu milem biakna a ni si a” (kolossa 3:5) “Mi duham chu milem betu a ni a. Krista leh Pathian ramah chan reng an nei lo a ni tih in hre hle si a. (Ephesi 5:5).
Report this comment
July 14th, 2011 at 12:56 pm
hei zet chuh! A hma a i post tawhte aichuan a controversial lo hle mai. I rawn ziak tha hle mai,
Report this comment
July 14th, 2011 at 1:38 pm
Tha lutuk. Kei ka huam zau tir khawp mai. Ka strict viau, mahse mi hmaah chuan ka sawi hreh lutuk.
Report this comment
July 14th, 2011 at 1:39 pm
Phawk chhuak tha hle mai. Zoho nge nge.
Materialism hi tunlaia kan(mizoram)sual punlunna bulpui ani chiang hle mai.
Inven that loh chuan ringtu tu te pawh hi a bei thei a, kohhran a mi inhmang te lah a kalkan chuang lova, Kohhran chhungah a huangtau em em mai chu anih hi.
Coat suit nen lo chuan pa valai tan inhman theihloh emaw tih turin a punlun a, kohhran hmeichhia lah hi a inkhuarna run pui tha tak an lo ni vei nen. Thawmhnaw thui thar nalh, puan chei nalh tak tak nen lo chuan nu ho pen chhuah an tum lo.
Kohhran Thalai te lah hi an han ‘changkang’ tawh khawp a, track nen lo chuan zai an tum lo hrim hrim tawh a. Zaipawl lah uniform nalh ah intihsiakna a awm emaw tih mai turin a harsa te ngaihtuah miah lo ni awm takin kan tlan thui tawh a.
Sum biakna avangin Kohhranin mi eiru te thilpek a hnawl phal lo mai ni lovin eiru te a lo welcome tha em em a. An thawh hnem dan a zirin mi thar pawh rawngbawlna ah a lo la lut hmiah hmiah tawh thin.
‘Keimah lo chu Pathian dang nei suh’ tih ah kan kir leh a tul tak meuh ani.
Report this comment
July 14th, 2011 at 1:41 pm
gud post…ka
e….
@zoho,i post te hi tha tak2 a tam kher mai,kan veng “kohhran aw” chanchinbu a duh2 hun a ka chhuah chhawn min phalsak la maw le
Report this comment
July 14th, 2011 at 2:48 pm
Report this comment
July 14th, 2011 at 3:59 pm
Post tha thuai2 khop mai … TOP PRIORITY pek tih khian eng chin chiah nge a huam le ?
Report this comment
July 14th, 2011 at 6:35 pm
troxx- philosophy ah mathematical answer a awmthei nang. Thenkhat chuan an bialnu te top priority an pe a,i.e. an worship. 2nd from top a dah a, him theih chiah chiah i.e. worship hming pu lo deuh chiah, duh ang ang chu nei ve vek thei level i hre duh a ni maw? (:fiamthu:)
Report this comment
July 14th, 2011 at 6:38 pm
True MB- i ti lawmawm lutuk e, its free…. a thlawn a dawn, a thlawn a pekchhuah theih a ni e, credit pawh ka claim duh chuang lo a ni auh.
Report this comment
July 14th, 2011 at 6:38 pm
zan lam ah ka rawn lut leh ang.
Report this comment
July 14th, 2011 at 7:20 pm
duh thlang thei dinhmun a kan din chiah in ani WORSHIP meaning alo lan … e.g
1.Saste khan ..” Duat .. nai ltk ce .. xanin lo leng roh ” ron ti se , inkhawm zan lo ni ciah bok si se …
2. Hnathohna-a boss khan a tuka zawh gei2 gai hna a hawn tir teuh che a , KTP group-ah Leader i nia , group anga sangha zuar tura inlo tih zan alo ni ciah .
3.I fanu b’day ania , ropui deuh in i lawm sak a , chawei tura thenrual i sawm teuh bakah zan lamah intihhlimna program ilo duang vek toh a , Nilai zan ania , thupui hawngtu i ni bok …
Khing lo poh khi a tam ang … Chung lam a i obligation leh lei lama mi te khi keini thiam deuh cuan kan fulfill ve2 thei tlazz … SO … IS anything wrong with that ? hehe
Report this comment
July 14th, 2011 at 11:02 pm
Post-tupa sawi hi a dik khawp mai. Amaherawhchu Spirituality hi kan ngaihtuah chian chu a ngai khawp mai. Ringtu nuna hmelma lian berte zinga mi chu Materialism hi a ni tih a rinhlelhawm loh na chungin ‘spirituality in the 21st Century’ hi kan redefine ve chu a tul tawh khawp mai.
Thil a chhuak thar a, engemaw titiin kan nei ve zel mai bawk a, tunhmaa mite kha hrehawm tuar aralah chuan millenium generation hian kan tluk lo khawp mai a, mahse flexibility an nei chaurau ve thung. Thil tha reng pawh thlak duh mahse an tih dan hlui khan a uai tlat a, an thlak thei mai mai lo.
Millenium Generation hi chuan kan thei mah mah thung, ‘rebellion against establisment’ rilru kan pu tlat thung a. An inpekna atanga min rawn teh chuan materialism-in min ei chhe vek tawhin an hre chawk, ‘marawhchu sawi ve ta ila ‘instrument’ kan ti ve thung ang.
Thil chhuak thar kan neih hian ‘materialism’-in min eichhia tihna chu a ni chuang hauh lo; materialism erawh chu a post-ah khian a chiang a, Pathian aia pawimawha zawka kan dahna hi christian-te definition a ni.
Right claim nachang kan hre tial tial a, kan dinhmuna kan luah ve tur kan chiang tual tual a, ngawi renga tuar mai thinte kan hmuh spiritual-na kha a liam hret hret dawn-engtiang chiahin nge kan define ang tih hi ka rilrua zawhna awm reng a ni fo thin.
Ravi Zacharius-a’n ‘the shaking foundation’ leh ‘when God bids farewell’ tih a sermon khan ka rilru hi a hneh khawp mai a, mimal lam nuna commitment&conviction neih TLAT hi a tul tual tual a, a ngai tial tial a ni ber.
Report this comment
July 14th, 2011 at 11:07 pm
troxx-activities i pathian a va nih mai hmel ve hehe.. mizote tihsual lian em em, kohhran upa te pawn an fate an hloh nachhan #2, activities tam lutuk,a bik in zan lam a chhuah hnem lutuk…. (:fiamthu mei nei:)
Report this comment
July 14th, 2011 at 11:28 pm
@vakul – spirit filled life tur material filled life, spirit driven life tur material driven life. FILLED leh DRIVEN khi a pawimawh ka ti lutuk. Material,adt chhuak thar leh changkang tangkai taka lo hmanthiam ve zar zar chu ka oppose miah lo thung.
Spirit filled life mizo tawng a ‘Thlarau a KHAT nun’ ti a kan let daih mai hi a diklo ka ti khawp mai. Car chu ‘petrol filled machine’ a ni a, car ah petrol a khat tan tihna a ni lo, car engine chu pertol hmang chauh a nung leh tlan tur a design a ni tihna a ni zawk si a.
AW ringtu tunge hruai thin che, tih kha ka hriatthiam dan chuan aw ringtu tunge drive thin che tih hi a ni ber. Kan sawi duh zawng, kan hlimna, kan tuipui, kan thinlung luahtu leh a luangliam atang hian min drive tu chu hriat a awlsam em em mai.
Report this comment
July 14th, 2011 at 11:38 pm
zoho nge nge ! @Vakul : Ravi Zacharius thusawi nilovin, Ravi Zacharias thusawi chu ka ngaithla ve fo mai ! Hehe!
Report this comment
July 14th, 2011 at 11:46 pm
Seki…unau an nia
Tak taka i ti tha e, sory. ka nupui sap hming sipel pawh hi ka zawh nawn chang a awm ve chawk tho a nia.hehe
Report this comment
July 14th, 2011 at 11:50 pm
Pu ZOHO-a hi sunday skul ah hming a la dah loh hmel ee .. ka ti ta tlat … huhu
Report this comment
July 14th, 2011 at 11:52 pm
Kei chu ka huamzau tir ka ti tawh em kha….
Bible criticism lam buaipuiin Textual criticism mai duh tawk lo hian Higher cricism lamah kalin aaaa mite Thalrau Thianghlim pawlna ngai bo thak khawpin Pathian thiltihmak(miracle)te hnawlin finna leh thiamna hmachhuanin Pathian hi ka zawng ang tih ka hlau. Chu tak chu- MATERIALISTIC na ni hle bawkin ka hria.
Ka hre ril lutuk ang a, Pu Chawngkhupa’n ‘Aw khawngaihtu Pathianin kan thinlung chhungah hian’ tih hla a phuahte hi mi angin ka hlimpui thei lo ang tih ka hlau. A chhan chu finna leh thiamna kha ka ******** tlat tawh dawn sia. (fiamthur). Min ngei suh aw. Ka hlau che. Hnial hrat min ti suh. Inhnial ka bansan lek lek tawh.
Report this comment
July 15th, 2011 at 12:13 am
27 troxx sunday school an nei lo; a dah lo kumkhua ang
rinthu
a theology, christology, eschatology-ah hian a lang reng alawm. Mahse hepa hi ka ngaisang ru teh mai a nia.
Report this comment