Budget-a langsar deuh te
# NLUP chu ngaihpawimawha dah a ni.
# Thuamluaia muala grass phahna tur cheng vaibelchhe 4 dah.
# Rajiv Gandhi Stadium sakna tur cheng vaibelchhe 15 dah belh.
# NEC/NLCPR atanga beisei vaibelchhe 54.90 leh 50.9.
# Kum 2011-12 chhunga Gross State Domestic Product(GSDP) atana estimate zat chu Cheng vaibelchhe 7216.75
Sector hrang hranga Plan Fund Allocation
# Agriculture & Allied Activities Rs 351.30 Crore.
# Rural Development-ah Rs 39.10 crore.
# Special Area Programme Rs 84.35 crore.
# Irrigation & Flood Control Rs 78.56 crore.
# Energy-ah Rs 91.25 Crore.
# Industry Rs 27.65 Crore.
# Transport 129.56 Crore.
# Communications Rs. 3.80 crore.
# Science, Tech. & Environment Rs 2.01 core.
# General Economic Services 123.19 crore.
# Social Services Rs 534.65 crore.
# General Services Rs 234.58 crore.
Vawiin Mizoram Assembly House-a Budget Session-ah Finance Minister H. Liansailova chuan Mizoram State Regular Budget 2011-2012 chu a pharh a. Tun Financial Year chhunga Annual Plan hi Cheng Vaibelchhe 1700 niin nikum Annual Plan kha Cheng vaibelchhe 1500 a ni a, Budget pumpui hi Cheng vaibelchhe 4216.09 a ni. Kumin hian ngaihpawimawh tur (priority sector)-ah New Land Use Policy (NLUP) dah a ni leh a, hemi atan hian cheng vaibelchhe 234 dah a ni.
Finance Minister H. Liansailova chuan khawvel pumpui economy a tlakhniam hnuin Mizoram pawhin rampum economy aia hnufum lova awm turin tan a la nasa hle tih a budget speech-ah a sawi a. State Economy chu kum 2010-2011 chhungin 9.57 percent vela thang tura duan a ni a ti a, hetih lai hian ram pum economy thanna tura ruahman chu 8.6 percent a nih thu a sawi bawk.
Kum 2011-12 chhunga Gross State Domestic Product(GSDP) atana estimate zat chu Cheng vaibelchhe 7216.75 a nih thu Finance Minister chuan sawiin rampum nena khaikhin pawhin State economy thanna chu a phurawm hle a ni tih a sawi.
Finance Minister chuan Economic Survey-in a tarlan danin kum 2011-12 chhungin Services sector chuan Mizoram tan sum a la lalut hnem ber tih a sawi a, a pumpuiah 59.47% a lalut tih a sawi, hei hi Industries Sector chuan dawtin 21.97% a lalut a, Agriculture Sector hian 18.56% a lalut ve bawk.
Kum hmasa lam aiin Industries Sector hian hma a sawn hret tih FM chuan a sawi a, chutih rualin Agriculture Sector hi a tlahniam hret thung.
Priority Sector-ah NLUP la dah chhunzawm zel a nih thu FM hian a sawi a, he hmalakna hi sawrkar flagship programme a nih thu a sawi bawk. Kum hmasa chhung khan NLUP atan cheng vaibelchhe 234.82 dah a nih thu a sawi a, he sum hmang hian chhungkaw 45139-te hnenah eizawnna nghet nei tura tanpuina sem a ni.
Kumin hian NLUP atan cheng vaibelchhe 234 dah a ni a, nikum aiin cheng nuai 82-in sum hi a tlem a. Chutih rualin Cheng vaibelchhe 15.83 chu Centrally Sponsored Scheme(CSS) atangin NLUP nena kaihkhawp(convergence) turin beisei a nih thu FM hian a sawi lang bawk.
Tun Financial Year chhung hian NEC/NLCPR atanga beisei zat chu cheng vaibelchhe 54.90 a ni a, CSS atangin cheng vaibelchhe 50.9 beisei a ni bawk.
Ngaihpawimawh zingah MLA Local Area Development Scheme chu dah a ni a, hemi atan hian cheng nuai 1000.00 dahin MLA bial tinte tan cheng nuai 25 dah a ni.
Sports lama hmasawnna ruhrel atana pawisa dahte FM hian sawilangin Thuamluaia Mual Lungleia Grass phahna turin cheng vaibelchhe 4 dah a ni a, Aizawl Mualpuia Rajiv Gandhi Stadium sak chhunzawmna turin cheng vaibelchhe 15 dah belh a ni bawk.
Chhiah chungchangah Tax leh Non Tax tihsan a ni a, LPG leh Petrol man tihsan a ni a. Sawrkar hnathawk tan stamp duty siam thar niin Gazetted-ah rs 10 leh Non Gazetted-ah Rs 5 a ni.
~ Zoa Tlau
Similar Posts:
- Lal Thanhawla’n budget a pharh
- NLUP atan Rs 100 crore hmang hman ta lo
- Annual Budget 2011-2012 pharh a ni
- LADC Budget Session ah Budget atan Nuai 6472.96 pharh
- Kum 2011-2012 Mizoram Annual Plan
July 14th, 2011 at 2:54 pm
bengvarthlak khawp mai….
Report this comment
July 14th, 2011 at 2:59 pm
Post tupa, i ti tha e.
Report this comment
July 14th, 2011 at 3:04 pm
Aiawl pawn a awm tan a lo hmuh ve theih a,a tih zia e… a full a en chhin a chak awm hle mai.
Report this comment
July 14th, 2011 at 3:09 pm
A tha e, a bengvarthlak khawp mai.
Report this comment
July 14th, 2011 at 3:19 pm
A van tam veeeeeeeeeeeeee…..
Report this comment
July 14th, 2011 at 3:24 pm
engpawh nise kan save phawt ang e. Inhnial huna phawh leh ah.
Sport lam hi kan ti mah mah em aw, thaviau bawk mahse. Hmun hrang hrangah vung an chhuahtur tur mai zawng a nih hi.
Chanchinbu leh TV lama, ka en, chhiar peih loh, Misual.com a ka chhiar peih leh si topic lo post tu i ti tha e.
Report this comment
July 14th, 2011 at 3:42 pm
Rajiv Gandhi Stadium an sak mek hi a thlalak rawn dah thei in awm em, eng chen nge an thlen tawh tih hriat a chakawm khawp mai. Northeast stadium a tha ber tur an tih kha maw.
Report this comment
July 14th, 2011 at 3:50 pm
Science, Tech & Environment chu an ngai pawimawh vak lo ani maw, a chang tlem lawr lak
Medical leh Engineering college hi mahni state ah ngei neih ve a chakawm tawh khawp mai
Report this comment
July 14th, 2011 at 3:50 pm
Thuamluaia mual a grass phah hi chu a that ka ring. Lammual a phah ai chuan kan tangkai pui ngei ang.
Report this comment
July 14th, 2011 at 3:51 pm
Zoa Tlau hi misual tha duh mang si lo hian thu tha tak tak hi i lo vawm bei thin a, i fel reng reng e.
Pu Hawla hi Treasury khar lam a hnaih avangin Pu H Liansailova hi a lo bel te hi ni reng a nge….
Mahse a tha e. Tlin loh inhriat hi a hlu.
Duh aiin a pung tlem ka ti khawp mai. Tuna Ministry hian vawi thum Budget an pharh ta a. Tun tum hi a pun tlem ber tum a ni e. Hetiangin:
Year Total % increase
2008-2009 1,000.00 17.64%
2009-2010 1,250.00 25.00%
2010-2011 1,500.00 20.00%
2011-2012 1,700.00 13.33%
Thil chik taka thlir tan chuan lawmawm vak lem loh ang. NLUP leh 6th Pay avangin SUM mamawhna a sang a. NLUP hmanna tur nena khaikhin phei chuan a pung miah lo ang a ni.
Tin, Post tupa, Houseah chuan kan hnunga Cheng Vaibelchhe 72 vel zet Central lama thawnkir ‘lapse’ chungchang kha an sawi ri miah nange? A kaikuang kan zawngchhuak ang an tia lawm ni kha. Nge an ngawih bo pui leh mai dawn?
Science, Tech. & Environment Rs 2.01 core chauh hi tlem ka ti hle bawk. Mahse kan ram dinhmun a ti lang chiang e ka ti mai.
Report this comment
July 14th, 2011 at 4:08 pm
@6 “Chanchinbu leh TV lama, ka en, chhiar peih loh, Misual.com a ka chhiar peih leh si topic lo post tu i ti tha e”….kan in ang lol
Report this comment
July 14th, 2011 at 4:14 pm
A va tlem kirh kerh ve
Report this comment
July 14th, 2011 at 4:26 pm
@Ignatia (33-115 AD): E khai, misual tha duh lo min ti teh suh, misual (senior) ka lo in ti ve tawh a nia
post hi ka chhiar a, mahse ka comment mang ngai ta meuh lo. In comment hi ngaihnawm ka ti. A chang chuan ka comment ve tho nia…
Budget hi break-up nen detail chuan pawm lawih tham a ni a, khi khi a tlanglawn a ni e. FM speech atanga ka rawn lakchhuah a ni deuh ber. Tlema tihsual palh pawh a awm mai thei, mahse dik thawkhat turah chuan ka ngai deuh.
Vawiin hian house ah an sawizui rih lo a, naktuk lamah a ngaihnawm ang chu…
Report this comment
July 14th, 2011 at 4:32 pm
A bengvar thlak e.. a nihna tur takin han hmang thei sela chuan a turu khawp ang
Report this comment
July 14th, 2011 at 5:06 pm
#11, kan in ang chiah e.
Report this comment
July 14th, 2011 at 5:12 pm
Ruahman ang hian thil dik tak leh fel taka tih a nih chuan Budget tha tak chu a nih hmel hi.
Kan Budget te a kal kual riral fo thin hian Budget thain awmzia ati neilo fo thin.
Report this comment
July 14th, 2011 at 5:13 pm
Analyse thiam lemlo hian a tha ti ve leh tawp teh ang.
Science, Tech. & Environment lam ah hian tih vak tur an hrelo ami ava tlem em em, tunge a chang tu niang aw… Union budget khan a khawih hnang deuh zawk nge…
Report this comment
July 14th, 2011 at 6:23 pm
E khai, ka thluak in a teh ve thiam lo, vaibelchhia nge tam crore pawh ka hre reng reng lo mai, i rawn hman pawlh vel a,ZOa chu, nge an inang reng zawk?
Khitiang zat zat pawisa hman tur khi Mizoram in kan lo thawkchhuak a ni maw? Mizo mipuiten hah taka an thawhchhuah chhiah tlingkhawm leh co-op society(s) leh Deptt hrang hrang ho thawhrim rah a niang maw?
Ka hawi larh larh mai, Mizo nih a nuam ngei mai.
Vaiho chu nasa tak in kristian chu ngaisang ang mawle. Nuam em mai..
Report this comment
July 14th, 2011 at 6:47 pm
a hmanna tur diktak a hman anih chuan hma kan va sawn phah dawn em!
Report this comment
July 14th, 2011 at 7:04 pm
Prime Minister PAckage chu State Budget atangin maw an an pek leh si dawn a…Pakhat mah State in an seng ve dawn lo emaw ka lo ti a…
Kan kum khat Budget te lah hi Rs.1700 Crores vel mai mai chauh ala ni tak si a…
Report this comment
July 14th, 2011 at 7:32 pm
#3 Zaia, budget full a hmuh theihna
https://mizofin.nic.in
Report this comment
July 14th, 2011 at 8:18 pm
Thupui tal te khi chu dik ve thin sela a duhawm mange.
Gross domestic production khi ava tam ve, khiti zat sum thawkchhuak thei state ah chuan kan chaurau riau. Download theiha an chhawpchhuah hunah chhui chian achakawm khop mai. Mahse a buaithlakna chu atak awm mang silo hian a inziak fel diam thung tlat thin hi ani.
Sorkar hnathawk ho enkawl nan Rs. 2516.09 Cr.
Hmasawnna tur leh subsidy atan Rs. 1700 Cr.
Sorkar hnathawk hman ral – 59.68% ( 60% approx.)
Sorkar hnathawk ten Mizoram developement atana an contribute zat leh an eiral zat % khi i chhut ngai em le ?
Report this comment
July 14th, 2011 at 8:52 pm
Admin-te khan a Thupui – “Mizoran…” khi siad tha vat teh u, chhungkua anga kan mualpho hma hian. A thu pumpui in chìk hman lo tih kan hria, mahse a Thupui chauh hi chu schedule-a in dah rual khan han en dik keuh thin ula…
Tlai dar 4:30 atang khan a Thupui dik lo khi kha hmu tawh, siam that/ tihdik awm hek suh. Kawmen 21 petute zingah sawisel tum awm hek suh. Kan hmu lo a nih chuan kan thu chhiar kan chik tak2 lo tihna a ni a, hmu renga sawisel duh lo/ en liam mai2 kan nih erh chuan fate khawlo ltk pawh kan en liam mai2 duh ta ve ang! #22 ah Lili_Para’n a rawn sawi ta hram a!
Report this comment
July 14th, 2011 at 9:16 pm
@23, engnge siad?
Report this comment
July 14th, 2011 at 9:30 pm
Mizoran chu vawk te, bawng te, sial te, ar te anni mai lawm ni?
Report this comment
July 14th, 2011 at 9:31 pm
siad chu siar ziah zual palh aniang.
Report this comment
July 15th, 2011 at 12:18 am
@ZOaTlau(#13): A ni mai mai tak ang a. Misualah hian i awmna a rei tawh ka ring.
Tran zawk nei miah lo khan Houseah khan lo awm hram la. Mahse tran zawk i neih ka ring bawk sia aw…
(fiamthur)
Tin, i pu Col. Vanthanga, diktaka zalenna sualtu, ka pa leh keimahin kan zah em em thin kha nikumah a lo boral daih tawh niin zaninah hian ka lo hre tlaikhawhnu a. A dik ang chu maw. Ka ui hle mai. ZAHNA ka hlan e. Muangte’n Pa hnenah chawl mawlh rawh se!
Report this comment
July 15th, 2011 at 5:56 am
MIZORAN… hahhah MIZORAM tiin chhiar mai ang u…
@Ignatia (33-115 AD): Ka Pu nikumah a boral, a dik e. A duhna ngei a Pa Meidawka thlan kiangah kan zalh e, kum 91 a ni.
Report this comment
July 15th, 2011 at 2:32 pm
engtin nge Mizoram a GDP hi an calculate dan?
Report this comment
July 15th, 2011 at 2:48 pm
#23 kawlhawk: “Mizoran…” khi engtia “siad” tur nge aw?
Central Budget-a “A Rupee Goes” tia graph nena an tihlan thrin ang hian ZOaTlau hian han ti ve leh law law se la maw le.
Report this comment
November 15th, 2011 at 7:08 pm
Cars Fan…
[…]Mizoran Annual Plan 2011-2012 Rs 1700 Crore | mi(sual).com[…]…
Report this comment