«
»

Dark green chayote (iskut) leh khamkhawp rawtuai

July 25th, 2011 2:00 pm by kawlnicolney

Ataka hetiang iskut hring tak deuh hlarh hi ka vawikhat hmuhna ni.Iskut hi a hrisel nitin ei theuh tur han ti mai se,sihphir ho chu ei peih lo deuhin an lawm ngawt ang :-) .Iskut ah hian copper,manganese,Potassium, Zinc, fiber, folate, vitamin k, B6, C te mithiam ho chuan a awm an ti.

Rawtuai tam hun lai a ni bawka han thar thawh leh lawk ila, hei hi nikuma bazara ka lak a nia,ka rawtuai hmuh tawh zawng zawngah ala lian ber mai.


A hang tham ve ngawt ang han bai ila ;-)

Similar Posts:

Recent Posts:

This entry was posted on Monday, July 25th, 2011 at 2:00 pm and is filed under The food gallery. You can follow any responses to this entry through the RSS 2.0 feed.

34 Responses to “Dark green chayote (iskut) leh khamkhawp rawtuai”

  1. 1
    troxx Says:
    July 25th, 2011 at 2:05 pm

    eheuuu … va lian tha veee

  2. 2
    vakul Says:
    July 25th, 2011 at 2:08 pm

    A tui lo vang. a lian em mai. mahse a len avang khian a hlu.

  3. 3
    loneeagle26016 Says:
    July 25th, 2011 at 2:43 pm

    Te chhe lo khawp mai i rawtuai hmuh chu ! Iskut leh alu tluka ka thil ei peih loh hi …lol… Shillong ah khan mess a kan ei nasat lutuk ka tur ani ange…Iskut tik hlim a tang hian a bai tana, a tam si a, nakinah a hnah a bai chho a, a rah hunah a rah..khati kumtluan mai thin kha ania…rapthlak tak ani…. :-P

  4. 4
    PKfanai Says:
    July 25th, 2011 at 2:47 pm

    Iskut leh Mau/Raw tuai hi a tui ka ti khawp mai. Sihphir ah iskut hi vawkchaw atan kan han lei thin a, a tla chhar an phal a, buaraah kan khung khawm a, kan hawn nghek thin. Mizorama ka hriat ngai loh, Arunachali ho hian mau/Rawtuai hi an rawh vuai thin a, bai in a tui thei thin khawp mai. tenga pawh an uar. Vakul sawi ang khian, patling banrek aia lian chin hi chu a tui nèpin ka hria.

  5. 5
    Lersia Says:
    July 25th, 2011 at 2:55 pm

    Rawtuai khi la lo tase… mau khi eng tiat tak ni maw!!!

  6. 6
    Hotshot Says:
    July 25th, 2011 at 3:05 pm

    Iskut hi English-a squash, vaihovin an lam thiam loh vanga isquash an tih, Mizovin kan lam thiam loh vanga iskut kan lo tih ve leh chhawn niin ka lo hre thin si a. han sawi chiang deuh thei in awm em aw?

  7. 7
    kawlhawk Says:
    July 25th, 2011 at 3:13 pm

    iskut hi burma mizoho chuan “hang bo” an ti. awmang fu ni…

    rawtuai chu lian hle mai tak a… “ka pu” tih tham zet lah ni a!!!

  8. 8
    Benny Says:
    July 25th, 2011 at 3:17 pm

    A hringduk leh a tuailian tha hle mai

  9. 9
    chawnghilh Says:
    July 25th, 2011 at 3:24 pm

    Ding chunga kheh fe a ngaih hmel, tlang-belin han bai vut vut mai ila … a tui ang chu aw! Thing tuah tur pawh phur hnih lawih a ngai ang em?

  10. 10
    sillyBoy Says:
    July 25th, 2011 at 3:29 pm

    Iskut hi chu tui ka ti lo, Dark green chayote thung hi chu tui a nia!! :-) Sihphir Iskut hralhna na hriat loh zawng zawng hi India Sipai training hi ei zawh tir vek se a tha ber ang.

  11. 11
    H.Vangchhia Says:
    July 25th, 2011 at 3:34 pm

    Rawtuai khi Vervek piah lama mi anilo maw? Khilaiah khian Rua lian pui pui Uipum tiat tiat a awm asin. A danglamna erawh chu Mautak ang maiin a pan (thin) har mai a, Saum bur leh bawm dang siam nan a tha khawp mai. A pan em mai ka sawi ang Rawtuai kha anih ka ring tlat. (Y)

    Ka sawi rua ang chuan keipawhin saum bur ka suih ve ngat tawh ania :D

  12. 12
    Ozima Says:
    July 25th, 2011 at 3:39 pm

    Hotshot@6: Ka sawi i hriat a ni hial lo maw… :-P tak taka kei pawh ti khian ka lo zeldin thin, Bengali/Assamese ho english lam sual kan lo hriat sual a nih duh hmel e.. :-D

  13. 13
    rohlupuia chalrang Says:
    July 25th, 2011 at 3:51 pm

    @loneeagle keichu iskut chu apumachhum tawpin tui ka ti rap… Ahnah BAI phei chu tui lehzual.. hmeh ngun poh leh atui telh telh.. ka eichak… #5 lersia, puitling ta sela alian tha ngawt ang.. pu H.V i raw hriat chu dap a chikah ava tha awm ve..

  14. 14
    loneeagle26016 Says:
    July 25th, 2011 at 3:57 pm

    #13, Rohlupuia Chalrang…Congrats (Y) ! Kan ei nasat lutuk vang kha aniang ka la hne tluang zel, a lem hmuh hi ka duh tawk khawp mai…bawngsa pawh hi a rim reh thaka an siam loh chuan ka hne tawp…kan ei nasa lutuk thin a…. :-P

  15. 15
    H.Vangchhia Says:
    July 25th, 2011 at 4:05 pm

    rohlupuia chalrang #13, han chih turin a pum alen vang nge an chih awm pawh ka hre lem hauhlo mai. Mahse, a lian tha in a pan tha her hawr khawp mai. Telreuh bawmah te an hmang… Vervek piah, Luakchhuah khua, Luakzal lui leh Luakchhuah lui kiang vel, Tuivai thlen dawn hnaih anih chu… khilai vel khi ka hmuh tamna a ni.

    An khaw hming leh lui hming teh nuaih hi hairehai :-P

  16. 16
    H.Vangchhia Says:
    July 25th, 2011 at 4:06 pm

    #15 Tlereuh*

  17. 17
    rohlupuia chalrang Says:
    July 25th, 2011 at 4:12 pm

    #14 & #15 k tlawm… :-D

  18. 18
    Sony Says:
    July 25th, 2011 at 4:33 pm

    Sihphir sorry Iskut hi Christophine angin ka lo hria a, chu chu a French ming lo ni lekin. Chayote (coyote ani miah lo ania) hi a botanical name chu Sechium edule

  19. 19
    CFL Says:
    July 25th, 2011 at 4:43 pm

    Mit a tlai e. Ka chawhmeh ngainat tak erawh an ni lem lo. (I)

  20. 20
    TuaiSialA Says:
    July 25th, 2011 at 4:51 pm

    Chhana post emaw ka’n tih dawn chu a. Rawtuai chu a lian tham hle mai. Chawhmehah a daih rei ngawt ang.

  21. 21
    Mawia Pachuau Says:
    July 25th, 2011 at 5:50 pm

    Va rura ve. Phulraw tuai a ni em aw? Parawl in han hmeh ta ila kan ringrei duh phian ang a.

  22. 22
    funny Says:
    July 25th, 2011 at 6:03 pm

    Vai rua a ang. :ti ve ngawt: :D

  23. 23
    zodaifim Says:
    July 25th, 2011 at 6:13 pm

    Iskut hi abul atanga a zik ler thlenga paih ngai lova ei theih vek thlai kan nei hi zoram mipuite hi lawm rawh u..A kuang ro leh poh naupang hovin zukkhuk ah an la ti zelin ahna ro poh sahdah lemah an la hmang tral tiang reng2 a thlai ui ka soi thiamlo a hrisel tha nitop mai:P..Iskut atang hian bawnghnute powder thingpui polh tur poh siam chhuah mek tuma beih ani e..huhu..

  24. 24
    mimipa Says:
    July 25th, 2011 at 6:24 pm

    Iskut hi Pu H. Vangchhiate awmna lamah engtin nge an koh, tin khawvel hmun danga awmte pawhin han sawi liam liam ula mawle. Iskut hring hlap chi hi a chi thar deuh a ni mai thei… a tui zawk leh zawk loh ka hre lo… engpawh nise iskut hi mizoram atanga kan thil thawnchhuah lian tham awm chhun a ni ve tlat. @ Zodaifim, bawnghnute powder nge iskut powder?

  25. 25
    H.Vangchhia Says:
    July 25th, 2011 at 6:36 pm

    mimipa #24 Squash.

    Rawtuai khi ka raw sawi ang tuai anih ka ring khawp mai. :-)

  26. 26
    doc_lib Says:
    July 25th, 2011 at 6:43 pm

    Mautak tuai, kut phah beng chen vel lek lek a sei, chhum han, han phelh darh, saum leh chingal a bawl.. slurpp. ka chil a put nasa lutuk

  27. 27
    Maya Says:
    July 25th, 2011 at 7:17 pm

    Rawmi tuai a ni maw . a awm thin na lai chu Pu Hv an a sawi tawh .

  28. 28
    Kitty Says:
    July 25th, 2011 at 7:23 pm

    iskut leh pardi, hmarcha pui nen thak deuh in bai pawlh ila tui phian.
    Hetiang em a lian rawtuai cu takah hmuh ve chak awm e a

  29. 29
    kawlnicolney Says:
    July 25th, 2011 at 8:57 pm

    An rawn chhuah lai vel ka nang hman lo ni maw…iskut khi a chhum tawpin ka hmeh a,a tui ka ti phian.
    Iskut hi chu chayote tih hi a dik zawka,mahse hre dik chiah lo in squash anlo ti leh mai thina,ngaihpawlh loh a tha,squash chu mai,pumpkin sawina tho ani,Pumpkin AKA Squash a nih chu,a khelha khelh chi lo zawk kha :-) Iskut tih hi ISKUS nepali tawng atanga kan lak a nih ka ring thla ve rawkz….Kn iskut hi an nin iskus an tia.
    rawtuai khi an lo en luia luia bazarpui kawtah,ka va nan ve chuan ka hmanhmawh tawh a tia lo kal a tum meka,ka phakar ka chhuaha,chanchinbua tihlan tur a nia ka tia,phur takin hman tawhlo ti kha an in pose ve leh lawp lawp amail ah.Chanchinbuah an lo ti langa atukah,tutemaw iangin celeb a inti ve tawh maithei ni ;-)

  30. 30
    jesuslovesme Says:
    July 25th, 2011 at 10:47 pm

    Rawtuai khi awihawm lo khawpa lian annih khi mawle. Ei pawh an va chakawm hmel hrep loh ve. Post tupa fakawm (Y)

  31. 31
    drake Says:
    July 26th, 2011 at 6:09 am

    lawrkhawm.com or misual.com ah kan chai luai luai tawh tlat he rawtuai hi, ka chiang tawh lo!

  32. 32
    Redrin_Chhangte Says:
    July 26th, 2011 at 7:54 am

    Rawtuai khi han chhum ila han kang leh ilah , kar tluan chawhmeh a ni mai .. lian tha hle mai

  33. 33
    Maisek Says:
    July 26th, 2011 at 8:23 am

    WOW!van lian tha ve… :-O

  34. 34
    lalpeace Says:
    July 26th, 2011 at 8:11 pm

    Isphir…. khitiang iskut hring tak deuh khi Venghlui ah sawn an zuar thin in ka hria.

Comments are closed

This is an archived copy of mi(sual).com — new comments can no longer be posted.