Nuih dân hrilhfiahna

July 29th, 2011 5:30 pm by TuaiSialA

Hahaha: A nui huah huah a, a ri huau huau va, ngaihtuah em em a nei lo. Inthlahrung miah lova tuihawk luang ri hawk hawk te pawh a nih duh hmel hle. Fiamthu a duh hle bawk. Inthlahrung miah lovin a nui chhuak hawk hawk mai a, a ri hi a hriselin hriat a nuam em em a ni. Mi nuihsawh nana hman erawh chuan a tawrhhlelhawm hle thung.

Entirna: Tun maiah khan Phunchawng-ah bike leh taxi a insu a, bike khalhtu zawk chu a khabe thlengin a hnap a tawlh..hahaha.

Hehehe: A nui hi a inthlahrung hle a, zak chung chunga nui a ang zawk mah. Mi zinga hetianga nuih hian khîk séng a awl hle a, hman rim pawh a hlawh hle reng a. Mi hnena thil dil changa a tawpa zahzela hman atan a ṭha hle a, a nui a dam dap mai. ‘Hehe’ ti-a hman a hlawh ber.

Entirna: Naktuk chu inah lo awm la, ka lo kal ang a, chuan…..ni mai…hehehe.

Hihihi: A nui ri hi a nalh em em lo, run dâla nuih a ni deuh ber. ‘Hi’ khat zela lu vawi khat bukin ‘hihihi’ tih paha buk nghoh nghoh a rem hle. A lem lang thei chu ni sela khi sung ang chi hi a ni âwm e. Muang fân raiha hman a nih chuan mi runluih nan a ṭha hle.

Entirna: Entirna pek vak dan tur a vâng khawp mai..hihihi.

Huhuhu: Hei pawh hi ‘hihihi’ ang bawka run dâla nuih a tih theih ang. A nui put put a, a dang zawng aiin a nalh lo. Kawppuite bula hman atan a thlanawm loh hle. Tin, ‘huhuhu’ hmanga nui ṭhang deuhte chu an hmui a kawh pâwt zel. Tih nghal kher erawh a ngai chuang lo.

Entirna: Ka thiam loooo…huhuhu.

Believe It or Not! -ah Pu Chana te chhungkaw chanchin tlem.

54 Responses to “Nuih dân hrilhfiahna”

Pages: « 1 [2] Show All

51
littlerascal Says:
July 30th, 2011 at 5:06 pm
Har har harr

Report this comment
52
Maisek Says:
July 30th, 2011 at 11:07 pm
Gafawww!

Report this comment
53
Benny Says:
July 31st, 2011 at 1:55 am
Ihihihihahahaiiii uuuhuhhh thleeekhh thleeekhhh ooohuu.

Report this comment
54
Thangchhuahpa Says:
November 8th, 2011 at 6:39 pm
… ummmphh ummpphh uummpphhhhh .. nuih insum,za lutuk bawk si…. mahse hritlan lai chuan hetianga nuih insum hi a fuh lo. Hnap a puar duh … uummphh.. puar tak tak tep lawm le ..

Report this comment