Pi-chhe-mur

July 30th, 2011 1:18 pm by lr hlonchhing

Kum a lo thar leh ang a,ka hmel ngai bawk ka put leh hmel si a,ka rilru tal a lo thar ve tawh tur a ni.Kum tharah chuan hengte hi ka ti ang….

1.MLA inthlan a lo hnai leh tawh ang a,eng party emaw ber atangin ka in candidate rup mai dâwn a.Party Manifesto ka thlîr lem lovang.Induh chuan min vote ula,duh loh leh in thu.Ka tling a nih pawhin ka ngaisak zui lem lovang che u,ka tlin loh phei chuan-a teuh lo.

2.SSA leh RMSA in hna an lak leh ngei ka ring a,min sawipuitu tur zawngin ka intihbuai a tul lovang.Engkim ti thei Pathian a awm a,zûk leh hmuam ngheiin ka tawngtai rup mai dâwn a.Chaw erawh ka nghei lem lovang.

3.Zu factory nge ka siam ang a,hardware dawr tiin ka rilru a buai hle tur a ni.Zu factory ka thlan zâwk ka ring a,aikal ni lovin- aitâng ka ruai rup ang a,ka hmingchhiat hma in ka bansan daih ang a,ka duh duh ka ti tawh ang.
4.Mi rinhlelh hlawha concrete lian leh tha sak ai chuan,khawilai tlângah emaw tawngtai in tha tak ka sa ang a,mi fak ka hlawh zawk daih ang.Fak duh lo kan awm em ni?

5.Youth Icon,Idol leh Mizo Idol thlanna an buatsaih leh ngei ang a.Ka tel ve a nih chuan top ten chu ka tling var var.Mahse,pakhatna ka ni thei kher lo mai thei a.Music Video ka siam ang a,ka lar tho ang.Lar chak ve te…

6.Magazine changkang chhiar tlak lem loh ka tichhuak ang a,a hmingah “INTIH-HMUH” ka ti ang.

7.Huan ka siam ang a,hmunphiah nge ka chin ang a sawhthing?Ar nge ka vulh ang a vawk?Ka thu thu…

8.School ka din ang a,bye heart system bâkin ka kaihruai lovang.Pass % chu 100% a ni ka ti mai dawn a.In fate in lo dah ve dâwn nia.

9.Fashion thlâk ka duh dâwn a,kekawr tlang zuih hmusitin a tlang arh ka uar thar ang a,pheikhawk chep tit tet ka bun thung ang.A uar chin tawk an awm leh tho ang.

10.Camping ah ka lut ang a,thla hnih thum a daih chuan a tawk.A bak chu ka inkhawm kal tur ruah phingphisiau ka in dan tir tawh mai dawn a ni

…..tiin ka inngaihtuah lungpûam a. Kei(aw keimah)finna kawng a mi mâwl,hlawhtlinna kawnga mi hlawhchham,felna a misual,retheihna a hausa hian ka ât ka so mai mai a ni e.Hre rawh-duhthusam ah sam luat a awm ngai lo.

34 Responses to “Pi-chhe-mur”

1
eL Says:
July 30th, 2011 at 1:30 pm
ka dam ta…haha
2
ben vangchhia Says:
July 30th, 2011 at 1:31 pm
Good Post..
3
paeia Says:
July 30th, 2011 at 1:36 pm
A thupui atanga ka rin loh lam daih a inziak, post hlimawm tak a ni e.
4
SaNgpuiipa Says:
July 30th, 2011 at 1:37 pm
Tha reuh lutuk.
5
CFL Says:
July 30th, 2011 at 1:44 pm
Hairehai. Tra la la la
6
siakeng_val Says:
July 30th, 2011 at 1:46 pm
ziak tha leh lawi si ve…..
7
saint sammoo Says:
July 30th, 2011 at 2:11 pm
post ‘englo’ tak a ni.
8
troxx Says:
July 30th, 2011 at 2:13 pm
Tha khop mai … Ti tak2 hlom teh aaa
9
H.Vangchhia Says:
July 30th, 2011 at 2:34 pm
10
drake Says:
July 30th, 2011 at 2:48 pm
hlonchhing nge hlawnchhing, pip!
11
H.Vangchhia Says:
July 30th, 2011 at 2:52 pm
Hemi ka kal nan darkar 6 vel ala awm e tra la la la la ♫ ♫

https://outlawjam.com/pdf/OutlawJamAdFlier.pdf
12
Empy Says:
July 30th, 2011 at 2:56 pm
hmmm……
13
Rooney Opa Says:
July 30th, 2011 at 3:07 pm
Tihtur i van ngah. I tizo hman lo hrim hrim ang.
14
Tete-i Says:
July 30th, 2011 at 3:13 pm
chhiar a va nuam reuh ve….good post
15
maimailova Says:
July 30th, 2011 at 3:35 pm
kan ve huk chu le.. Ehemz..Hv chu min va awhthik deuh ve
16
TuaiSialA Says:
July 30th, 2011 at 3:35 pm
Ok.
17
Chhuaklinga Says:
July 30th, 2011 at 3:35 pm
Kristian vanram kawng zawh kan hriat chhuah daih chu le..
18
century child Says:
July 30th, 2011 at 3:37 pm
Ka ‘like’ e.
# 10 : hlonchhing a niang,hlondo,hloncheu..
19
LR_rengsi Says:
July 30th, 2011 at 3:40 pm
A enga maw ti that phian khi mawle…Tute mawni sawina te pawh ava ang ve..:D:D
20
Maya Says:
July 30th, 2011 at 7:09 pm
A dik a lawm . sam ah sam luat a awm nem le .
21
sihal Says:
July 30th, 2011 at 7:32 pm
#18 HLAWNCHHING a ni ang a,keipawh hi hlawnchhing ka nia.
22
eL Says:
July 30th, 2011 at 7:37 pm
aw…ka first khi aw..
23
Malawma Says:
July 30th, 2011 at 7:44 pm
Duhthu chu isam ve hle mai.
24
bk Says:
July 30th, 2011 at 8:32 pm
Tha reuh ve a… Sarcastically in tunlai Zoram nun i rawn tarlang a ni maw ..
25
Mr tuallawt Says:
July 30th, 2011 at 11:58 pm
Chhiar a nuamin beng a fah hle mai, ka hriatreng theih duh hmel,ka ngaihsan em em H.Vangchhia te nen rank khatah ka dah che, thu i thiamin chhiar nuam zawnga thu ziak i thiam e……
26
lushai_er Says:
July 31st, 2011 at 12:20 am
Post-tupa, duhthusam theihna hi nei lo ta ngat ila kan nun hi engtakin hmang hlawm ang i maw?
27
Benny Says:
July 31st, 2011 at 1:18 am
I va duhthusam mumal lo ve, duhthu sam ta sa sa tha elh awlha sam tur che niahhh
28
Benny Says:
July 31st, 2011 at 2:06 am
I duhthusam atang khan pichhe murhh rawhhh
29
chawnghilh Says:
July 31st, 2011 at 7:29 am
Kan Mr Hyde-na, mi tam zawkin kan zakkep ruk ngei mai i rawn tarlang thiam a —I am a great pretender hla ka duh phah lehzual sawt! Good Post!

Nimin chu Chiahpuama intlakral leh inlamuk chanchin ka ngaithla chiam a, inlamuk ber chhungkua (?) atangin MLA pahnih + an tlin leh tho thu nen! Mipui hi kan han huangtauvin kan han thinrim hluai tak thin a; kan lo dai leh rang hle mai … MLA pahnih +MP ngawt, inlamuk chhungkua atangin kan thlang tling leh tho si, an tih bai bai tho kha!
30
lr hlonchhing Says:
July 31st, 2011 at 7:46 am
Niminah ka misual hman lova..pawi hle mai.Ka pa pawh Hlawnchhing,ka nu pawh Hlawnchhing. keipawh a ngaitho he2.
31
chawnghilh Says:
July 31st, 2011 at 7:50 am
Pichhe Mur … baia se Tej chal … kadam se … kir let mai ni lovin, ke vei lam pen chhuak hmasa ngeiin, HNEH ZEL TUR tih entir nan … chu pawh chu Chak taka kalin …
32
saumbura Says:
July 31st, 2011 at 4:36 pm
Sam ta rau rau, i inthlahrung mah mah a ni. A ngaihnawm hrim hrim e.
33
drake Says:
July 31st, 2011 at 8:03 pm
Hlawnchhing leh Hlawnchhing thlah chu Hlonchhing ni daih ni maw
34
hmelthatea Says:
August 1st, 2011 at 2:26 am
I ngaihtuah chhuak thiam in a ngaihnawm, nuihzatthlak khawp mai, kan nui ver ver mai alawm.