mi(sual).com

Post hmasa ah galaxy dang ah, arsi dang ah Aliens te chu an awm ka rinzia thu leh keini nen a inbiakpawh theih annih ka rinloh zia thu ka sawi tawh a, tunah tunlai khawvel a aliens ho hi kan hrut tawh ang.

A hmasa in alien terminology leh definition hi a dang a dang thei ta mai a. A hmasa ber ah chuan aliens tih hi hmanlai sakhua zawng zawng khan an lo nei deuh vek mai a, Pathian ah te an lo bia a, chhui tur a tam ngang mai. Chumi hnu ah aliens chu science in a rawn chhuhsak a, pathianna leh sakhuana dahbo in life form dang ang in kan hmelhriat leh ta thung a, hun a lo liam zel a, tunah chuan aliens chu sakhuana ah bawk kan hnuk lut leh tawh a, classical religion nilo, new age religion ang zawng in a kal leh thung tawh thung a ni. Tunah tak hi chuan sakhua in a thlarau khawvel leh pathiante a tih kha aliens ah diak kan ngai leh tawh a, amah Pathian ber pawh hi aliens chi khat, technology advance em em, Isua pawh alien species ah an rinlut leh der tawh a, Alien Church chu hruaibona zirtirna lam ah satanic church aiin an tawrh hlelhawm tan ta takzet dawn mai a, Mizo kristiante kan harh a ngai chho tan ta e.

Hma khawsang atangin extra-terrestrial lam hi an lo nei ve nasa khawp mai a. Indian civilisation,Egyptian civilisation leh Mesopotamian civilisation ah te pawh sawi tur anlo tam khawp mai. An vai mai hian sakhuana (diklo) nen an inkungkaih deuh chuat hlawm vek mai thung.

Chutichuan tuna kan terrestrial a kan hmuh leh kan hriat te hi chu science in a aliens a expect te chu an nih ka ring miah lo. Fallen angels, evil spirits, disembodied spirits, annih ka ring nghet hmiah thung. Annunakis, reptilians, grey aliens, nordic aliens, zawng zawng hi Paula  lo vaukhan tawh kha an rawn ti dik zar zar mek e.

A chhan pakhatna – An speed a muang lutuk, kan solar system hi chu voyager in an thlawh pel chu a ni tawh mai a, he kan planet pakuate ah hi chuan aliens chu an awmlo tih chu kan pawm tlang tawh e. Stephen Hawking a theory kha chu theory pakhat ah ngai ta mai ila, a video kha inlo en tawh emaw. Chuan a dawt chu Proxima Centauri 4.5 light years a ni ta a. Speed of light hi 300000 per second a ni a, tun a UFO speed chak ber an record hi 20,000 per km lek a ni bawk si. Speed of light emaw a aia chak a an kal theih chuan Einstein a theory rinchhan chuan physical form anni tawh bawk silo, an in dematerialised theih chuan ramhuaiho nen inanna  an nei ta a nih chu. A nihleh han ringlo dawn chhin teh ang… a.. eng technology rura lutuk emaw hmangin galaxy dang atang pawh in an lo kal thei ang han ti dawn ta ila, point hnihna hian a ti awihawm lo leh tho si ang.

A chhan pahnihna – Hmanlai atangin kan lei ah hian an lo kal fo tawh a, a hmalam a kan sawi tawh ang khan sakhuana(diklo) nen a inzawmna nei deuh vek anni zel, evidence pawh an tam tawk bawk. Chuti nitase, tunlai a science in a beisei leh rindan a keini aia technology a advance em em, min rawn tlawh pawh tur a light years engemaw zat rawn kal ni ta se, engatinge an inthup, engatinge an tit, enge an hlauh, an duh duh in kan khawl te chu an ti thi thei a ni lawm ni? Enge a chhan? A chhan dang a awm theilo, belhchian an duhlo, belhchian an hlau a ni mai, chu chu ramhuaiho inlardan chiah chiah  ani leh tlat. Kan rindan ang a technoloy sang em em, hla tak atanga lo zin, min zirchiang duh emaw, min awp duh emaw, friend list ah min rawn add duh emaw ni ta se, hlauh an nei tlat a ni, mihringte ah hian enge an hlauh hi ni ta ang le? Ni lo, BUMNA hnathawh bak tum an nei lo ve.

A chhan pathumna -  Eng thuchah nge an rawn ken? Paula’n ‘He chanchintha kan hrilh che u nilo, CHANCHINTHA DANG – …van a vantirhkoh te pawn an rawn hrilh che u chuan anchhedawng in awm rawh se..’  ti a a lo inhumsek lawk kha an rawn tidik chat chat tlat. An thuchah laimu chu  ‘He khawvel hi a chhe dawn, a chhung a cheng mihringte hian in tichhe zo vek tak ngial dawn, chuvangin kan la bo ang che u ang a, khawvel thar kan technology in kan dinpui ang che u..’ tih lam vek anni. Chu chu Isua’n he khawvel a a rawn din tur  ‘Pathian Lalram Chanchintha ni lo, chanchintha dang Paula lo sawilawk chiah chiah kha a ni.’

A chhan palina -  Modern Aliens hi a zual tanna chu June 24, 1947 a American pilot Kenneth Arnold a encounter atang khan niin an pawm ber a. Bible Dispensation a hun hnuhnung intanna nen a inzul chho em em bawk. Chumi awmzia chu ramhuai leh thlarau sualho hian “Hun Hnuhnung” a ni tawh tih hi an man lutuk tlat, hun tlemte chauh anei tawh tih an inhria a, bumna hnathawh ah a vawrtawp an chhuah chho tan ta a ni zawk e. Rapture sawibona atan chuan ‘aliens abduction’ tluk a tha  awm lovang.

Tlipna – Chutichuan tunlai a aliens te hi tu dang anni theilo, Van hmun a thlarau sualho te anni tih hi a rinawm ber chu anni. He tia thlirna pakhat atang  ringawt hi chuan a la fiah zo lo in a la pawm awm loh khawp in ka ring. Thlarau sualho leh ramhuaiho hi enge anni chiah, theos, daimon leh daimonian atangin kan la thlir leh dawn nia.

Post scheduled a tlem em a, ka inhai mek a, la ziahbelh tur a ka tih ka rawn post ta pawp mai. A sitawm ta mang e aw.

He hla hi lo chik ve teh u… nalh bawk si, original sin related, aliens related…………………

Similar Posts:

• Aliens I
• Human history siam danglam a ngai em ?
• Do you believe in “Ancient Aliens”?
• Nangni leh Anni!
• 3G

Recent Posts:

• Pathian Malsawmna
• Doctor-ten min rawk em?
• Keini chu thingtlang mi kan ni a
• MIND-SET: MIZOTE LEH KAN RILRU SUK-THLEK
• ZoRO Press Release

This entry was posted on Monday, August 1st, 2011 at 3:00 pm and is filed under Religion. You can follow any responses to this entry through the RSS 2.0 feed. You can leave a response, or trackback from your own site.