Hun engemaw chen chu ngawi rengin ka lo ‘sual’ a, zu chungchanga ngaihdan inkawlkalh tak tak chhiar tur a tam ta hle mai. Tuilairapa din reng hi a har a ni ange lum ti tak chungin ka han thlasik mau puah ve phawng mai teh ang ! (post khat bawka sei mai thei)
Zu duhlo tute zing a mi ka ni : Zu avanga buaina hi ka hmu zing em em a; Zu avanga chhungkaw hlimlo hi ka hmu hnem em em a; Zu avanga fahrah ta ka hre hnem lutuk a; Zu avanga hringnun mual liam ta hi an tam ta; an thlarau nun boral tur ka ngaihtuah phei chuan, a in tu mawh a
nih rualin ‘ZU’ hi ka ngaidam thei ngai lo.
Chuti khawpa hringun tibuai theitu a nih avang leh thlarau nun thlenga ti boral theitu anih avangin Zu hi ka duh lo hul hual. Kei atan mai nilovin ka hmangaih ka chun leh zua, ka lainate leh ka thiante in ve atan ka remti ngailo, a tha ka ti thei ngai lo. “Miin i chunga an tih atana i duh loh tur chu mi chungah pawh ti ve suh” tih thu hi rilru takin ka lo zawm ve thin a, Zu hi tute mah hian in lo sela, a that loh zia hi thupuiah neiin a tihrem dan tur hi theihtawpin ngaihtuahin tang tlang ila ka ti thin. ‘Chawlhtui ning zu’ kha a ni miau a.
Hmanah pawh kan in hnial : Inhnialna attthlak tak chu a ni. Mi challlang ve tak takte nen thu inchuhin kan lo in bat hnawk ve tawh a. Heti hian ka ti a, “a nih leh zu chu tha in ti a, miten an in in duh a, pawi in ti lo va, inchhungkuaah in fanu, in fapa, in nupui ten rawn ak haw thinin in inchhungah ngei thiam takin in ho thin ta ula in duh angem” tiin. “Duh lo ve” an ti. “A nih leh in tana in duh miah loh chu midangte tan chuan pawi inti lem lo a ni maw”, ka ti a. Tifuh ka inti ngei mai. A ni miau si a. Thinlung taka Zu hi a tha ti tu chu an awm mang lo a ni.
Ka arpa tlan deuh tlat : Ka duh thei chuang dawn lo va, ka hmangaihte in ve atan engtik lai mahin ka duh thei ngai dawn lo, chutiang mi ka lainate zingah an lo awm a nih chuan thil tha lo tak i ti a ni “sim rawh” tiin tan ka lo khawh ve thin. Mahse, a thatloh zia hre chunga ‘ZU’ duhtu hi an lo tam em a ni tih hi ka upa tawlh tawlh a, ka hmu hnem ta tawlh tawlh mai a, zawi zawiin tuilairapin ka awm leh tial tial a, a tawpah chuan ka arpa tlan deuh ta tlat mai.
An sam a ro thawt thawt a, an biang a puam hman tawh lo a, an taksa in a ngaih thlawt lo. A sim loh chuan engtikah emaw chuan hemi hi a boral dawn, a thlarau nun nen ! A boral hma pawhin a thiltih avangin hian a taksa-in survive turin tih theih a nei tlem si ! A tha lo tih hre chungin a duh miau si ! A duh a hmuh ve theih phak chhin chu a chhe si ! Control an tum poh leh a thar hma chi a pung tual tual a, a thar hma poh leh thisen a heh si ! Control tum tute nen lam lam an chhe dun thn a ni si a ! Arpa tlan mai loh chu ngaihdan thar a piang thei lo a ni.
Ka thu ka zuk : Control tum tuten an control theih miau loh avang leh ZU quality-in a chhiat phah zel ai chuan, heng thil tha lo duhtute nun chhanhim nan leh an thlarau nun harhchhuah hun tal pawh kan pawhsei sak theihnan Zu hi kan ramah hian khuahkhirh lo law law zawk ila, kan tihfuh ka ring.
Keimahah chuan ka chiang : YMA, JAC, VDP tih velah te lo tel ve tawh thinin ‘misual’ tia kan hriatte nen kan lo in chu e kha ve fo thin a. Mahse, kut thawhtu leh haw chunga diriamtu nih ka duh ngai lo a. A chhan chu, ‘mi khawngaih thei takte chu an eng a thawl e’ tih hian ka nunah thu a sawi ve thin avang a ni. Hnawksak viauin, thil tha lo ti thin mahsela, a lo seilenna chhungkua in a zir loh avang te, nun dik hmu tura kawng a bo zia te, amah chhanchhuah theihna tura ka tih a tlem zia te ka ngaihtuah thin, ‘hemi hi a khawngaihthlak a ni, a dinhmun hi kan hriatthiam pui a ngai zawk a ni’ tiin an dinhmunah in chantira ngaihdamtu nih ka duh thin avangin khing ka sawiah te khian min telh zui tawh lo.
Burma lama kan unuau (?) hnawksak tak tak thinte zingah pawh hi sual tak tak an tam tih ka hria a. Mahse. An ram dinhmun dik tak ngaihtuah pui erawh chuan dikna in ro rel thei lo a, rethei tih piahlamah inhneh chhuhna nen an khawtlang an chen a. Sual tia ka hriat kha an tan dam khawchhuahna kawng a lo chang hlauh thei niin ka hria a. Survival chikhat niin ka hre thin. Kan zoramah ngei pawh hian hetiang survival hi kan hmachhawp niin ka hria, tun ang zela kan kal chuan !
Zu pawh hi a thatloh zia hre chung hian miin an duh zel a, a awm apiang an dawt zel dawn a nih a, an nun ti tawi belh tu a nih zel a, a khuahkhirh tuten tih rem tak tak tumna thinlung an neih chuan si loh a, zu chhia a pun zel ai chuan zu chhia tih bo a, zu tha chawp sak mai hi tui lai ka rah ve na kawng chu a ni ta tlat mai. Hunin a la hril ang chu. Zu in thinte hian nghei vek se la, zu hrim hrim hi bo vek se la ka duh. A theihloh a lo ni e. A thalo tih hre chunga Zu duha tlan ngar ngarte hi hmangaih an ngai niin ka hria. (Kan ram kalphungin a zir hunah chuan ka ngaihdan hi a la inthlak ve thei tho mai.
Similar Posts:
- A va tawi em!
- Pakak….!
- Korean Film (Serial) Zunzam…..
- Nu leh Pa hmangaihna kan hai ta em ni?
- Thim zinga eng
August 2nd, 2011 at 2:06 pm
Chhiar i la
Report this comment
August 2nd, 2011 at 2:08 pm
Report this comment
August 2nd, 2011 at 2:08 pm
Zu hi chu 0T nan a tawk chiah. A thatna leh thatlohna sawi tu te an thiam ve2. A hneawm tawh ka ti. N0I.
Report this comment
August 2nd, 2011 at 2:10 pm
Keipoh OT nan a tawk ka ti … ka lawm e
Report this comment
August 2nd, 2011 at 2:12 pm
Tunlai chu Misual.com-ah chang a ni lo Blogger lamah pawh thu post kan thatchhe tlang deuh chuan ka hria. Khuain a zir lo nge hnuhpui hram lai. Kei ngei pawh ka ni tho-ngaimawh a tlem tlang deuh pawh a ni maithei. Thu a tam theih loh leh picture lamah tan han la tlang ila a va tha em>
Report this comment
August 2nd, 2011 at 2:13 pm
a duhin in se a duh lo ho hian in lo ila a ni mai.. kei chu a duh pol chu ka ni phot ah.. chuvang chuan zalen se ka ti khop mai,, a tam na apiang ah inthiam a awl hian ka hre mai a..
Report this comment
August 2nd, 2011 at 2:26 pm
A Eng a thawl chuan a Sen hak tir se ni mai lawm.
Report this comment
August 2nd, 2011 at 2:28 pm
A sen kha a tet chhe vek tawh bawk si a. A pawl kha ha se a pawi ang em? #7
Report this comment
August 2nd, 2011 at 2:31 pm
post tha tak ani
Report this comment
August 2nd, 2011 at 3:04 pm
“Zu avanga hringnun mual liam ta hi an tam ta”
Motor khalh vanga mual liam ta te hi an tam zawk…!! Motor khalh hi khan khap ve mai dawn em ni?
Report this comment
August 2nd, 2011 at 3:07 pm
“a nih leh zu chu tha in ti a, miten an in in duh a, pawi in ti lo va, inchhungkuaah in fanu, in fapa, in nupui ten rawn ak haw thinin in inchhungah ngei thiam takin in ho thin ta ula in duh angem” tiin. “Duh lo ve” an ti.
Kei chu hei hi ka duh..!! “thiam takin in ho” kan tih hian nitin a intur tihna ani lova.. Occasion, New Yr, B’day etc.. kum khatah vai 3-4 vel chu chhungte nen inchhungah peg 2-1 vel inho chu a pawi ka ti lo awp mai..!! I mi zawh te khan “thiam taka in” tih kha an hrethiam chiah lo aniang…!! Thiam taka in hian min tibuai miah lo…!!
Report this comment
August 2nd, 2011 at 3:09 pm
Post tha khawp mai.
Report this comment
August 2nd, 2011 at 3:11 pm
Thiam taka in chu an sam a ro thawt thawt lo.. I sawi sual tlat…!!
Kar tluana hna hah taka thawh a, Friday zanah “eng thawl deuhva” thiante nen a Beer um hnih khat in a titi ve mai mai te hi a nawmzia (relaxing) i la hre fuh lo mai mai anih kha..!! Tumah an au buai kher lo, thiam takin an in a, an hlim.. Khap tu te hi, “nun nanchang hrelo” an ni hlawm tlangpui hmel.. Hypocrites…!!
Report this comment
August 2nd, 2011 at 3:12 pm
Kei chu ka duh hunah ka in a, ka duhloh hunah ka inlo mai.. Engkim hi alo a luakchhuak a tih chuan tha a vang ngawt ang..
Post tupa anga arpatlan hi an tam tawh ngawtin ka hria..
Report this comment
August 2nd, 2011 at 3:14 pm
Last Sentence: (Kan ram kalphungin a zir hunah chuan ka ngaihdan hi a la inthlak ve thei tho mai.)
I ngaihdan ang hi han inthlak phot se, kan ram kalphung chuaan a zir chho ve tran ang…!
Report this comment
August 2nd, 2011 at 3:21 pm
zet u zu hi chu kan buaipui tlang teh zawng a nih hi, kan khap emaw khaplo emaw kan la buaipui zel dawn bawk ni in a lang. Paws tha tak a ni, ka like mawlh e.
Report this comment
August 2nd, 2011 at 3:26 pm
Zu chungchang hi ka chhiar ngai miahlo a i thupui rawn thlan avanga ka chhiar chhuah ve zak chu le
Amaherawh chu ka tum ang chuan ka chhiar lo tawp mai.
Zu chungchang ah hi chuan keimah ang thinlung pu vek hi ka Mizo pui te hi ni ta se, zu hi khap buaia buai a ngai lovang…zu chai hi A HO! A HO! A HO! A HO! A HO! A HO! A HOooo…!
ka hnampui tamzawk te hi HO ka tih ah hian anla in awkbuai bawk si a
Report this comment
August 2nd, 2011 at 3:45 pm
huiham zu bawk zu bawk
Thil reng reng, thuamhnaw thlengin mamawh leh duhtu an awm chuan engti kawng mahin tihrem theih ani lo! Mizoramah hian zu tha phalna neiin zuar sela, dan erawh khauh tak siamin kenkawh ni bawk se. Chutiang chuan vantlang a inenkawl theih zawk. Sawrkar tan pawh revenue tha tak ani thei ang. wake up wake up mitek nuai ula harh chiang teh u. Cachar kawngpui hmuha a, “A la kaw rul mai,” tih ang mai kha a hun tahwlo.
Report this comment
August 2nd, 2011 at 3:50 pm
Zu khap duh ho hi chu Mi dawihzep ho ka ti mai. Tu te emaw in sum theih loh vang mai mai a lo khap hi chu a…!!! An la hlip dawn tho tho..!!
Report this comment
August 2nd, 2011 at 3:55 pm
“Zu hi thil a ni” Pu Laldenga’n a tih kha a dik viauin ka hria. A zu a ringawt hi chu thil tha emaw thil sual emaw pawh a ni hran lo. A hmangtu a zirin sualna leh thil tha lo dang thlentu a ni thei a. A hmangtu a zirin damna leh hlimna thlentu a ni ve thei bawk. Miin thiam taka zu a lo in thin a nih chuan condemn chi a ni lovang.
Khap tur a nih leh nihloh chung changah pawh hian a hmangtu tur mipui hian a tha zawngin kan hmang ang nge kan chhiatpui zawk ang tih hi kan tehfung pawimawh tak tur a ni awm e.
Zoram mipui dinhmun tlangpui.thlirin zalen taka phalrai sak chi kan la ni lo deuhin a lang. Dan tha tak lo nei ta pawh ni ila, a enforce lamah kan hlawhtling ngei a rinawm chiah bawk si lo.
Zu khap chung chang kan sawi hian Kohhran kan khak tel fo thin a. Kohhran hi chuan Principle a nei a, zu khapna dan hi hlih a tha zawk tih hi 100 % pawhin proof_na awm mahse Kohhran hi chuan khap a duh thu hi a zuk ngai lovang. Chuvangin, Kohhran hian a tih tur dik tak a ti ah ngai mai ila a tha mai awm e.
Report this comment
August 2nd, 2011 at 4:14 pm
Huizzzzz…..ZU chungchang hi chu ka chhiar peih vak lo a sin le..Mahse a title khi a attractive lutuk a..ka chhiar zo thak…..a lo tha phian lehnghal…Post tha tak a ni…ziak zel roh..
Report this comment
August 2nd, 2011 at 4:16 pm
tete-i #18 khi a dik
Report this comment
August 2nd, 2011 at 4:25 pm
mahni a in controll thei lo, khap sak ngai kan la tam em a ni,
Report this comment
August 2nd, 2011 at 4:27 pm
Hmanlaia an tih dan ang khan in tinin i nei leh vek mai ang u. A kawllo chu danlo anga hrem ni bawk se.
Report this comment
August 2nd, 2011 at 4:30 pm
Zu chungchang lo ni rengin!!
Kei chu kan nu pawh hi beer ka hawn fo mai, kan chhunga rihdil kan kal tum pawhin ka fapa te pathumin beer in min dil a, ka intir mai tui an ti vak lo nen, a in hnem ber pawn lem khat bak a lem thei lo. Ka phal loh chuan sualah an ngai dawn a, an rilru kal sual ka phallo a ni.
Zu sual a ngai chunga in lui chu a rui sual thin.
Report this comment
August 2nd, 2011 at 4:57 pm
MLTP Act. Kan hmanhma te ngaihtuah chuan zia tak chu kan ni tawh a, tiang teh hrepa inchhuah chhal fo ai chuan hlih puk mai te pawh hi tha tih zawk chang chu ka nei ve fo mai.
Mahse, Post tupa, zu tha chi pawh nise, chaw thlah thak thaka in ho hi chuan rei an daih tak tak chuang dawn a mawn le.? An thinin adaih tak tak bik chuang lovang. MLTP Act. hi la hmang ta lo inla, vawiina kan zinga awm ve tawhlo tur leh an thiamna nei phalo tur hi an tam teh a sin. HIV, AIDS vei pawh vawiin aiin an tam zawk ang. Kan Society leh zu, nulat tlangvalna hi a inrem tlat.
Bawlhhawh a bawma paihna chang pawh hrelo chu Zu pe suh.
Report this comment
August 2nd, 2011 at 5:00 pm
#18
Report this comment
August 2nd, 2011 at 5:15 pm
Thiam tak a in chu tha tak a ni,mahse kan ram a zu in tam zawk hi chu in thiam lo an ni. Hei tak hi kan buaina pawh ani.In thiam a har aniang e( in thiam tak lo awm mah ula). A pawi ta ber chu tunlai kan ram a zu in thin te biang puar hman lo leh mawng pawh dep hman lova thawhah vanga an thi thut zel thin hi ani.
Report this comment
August 2nd, 2011 at 5:18 pm
tunlai kan ram dinhmun en chuan zuin lo tura in hrilh aiin in dan inzirtir ila kan tifuh zawk hial mai thei a ni,a thatna leh a thatlohnaa in hnial vak vak lo hian in thiam dan a zau thei ang berin in hrilh ila a fuh zawk ka ring tlat a ni!
Report this comment
August 2nd, 2011 at 7:01 pm
zet uu — ZU te chu thil my2 alm.amah ringot in thil a t thei lo. A hmag tu Mihring te hi alm dem tr zok chu
Report this comment
August 2nd, 2011 at 8:13 pm
Zu te chu inbual nan tlak si loh,rawngbawl nan tlak si loh,in mai loh chuan..antia lawm..hehe
Report this comment
August 2nd, 2011 at 8:33 pm
#18
Report this comment
August 2nd, 2011 at 9:16 pm
A ziaktuin a ziak thiam viau a, comment pawh tha tak2 a tam mai. Khap duhlotute’n zalen se, DAN erawh khauh se an duh thu an sawi tel zel mai hi kei chuan ka hrethiam lo. Tuna a khauh thei ang bera an khap( i.e DAN/ LAW awm reng) chung pawha an/kan hlawhchham lailet derna ramah hian engnge beisei kan neih ?
MLTP ACT hlih duh na na na chuan ” Zalen takin i in ang u” tih mai tur. A consequence pawh tuar ngam tur. Mahni nu & pa, unau, fa, chhungkhat laina an lo thih phah pawhin PA takin……han ti mai ila chu…(h) thenkhat thin a rim awm vei !
Report this comment
August 2nd, 2011 at 9:55 pm
#33 dik khawp in ka hria, mahse zu hi a tawlhpanal ! thleng hian thingpui in in_ in thrin ni mah ila, zu chu awm lo tawp mahse pawi lo ka ti.
mi intifing zet bula awmte pawh zu kai deuh phelh phawlh pawh..!
Zurui kawmpeih der lo..
Report this comment
August 2nd, 2011 at 11:10 pm
chemte hi sual ani em? hruizen hi sual a ni em? a hmangtu zawh mai a tha zawk ang a!?! Hei erawh hre reng ila-sawi mawi chawp ngai thiltha tak a awm lem lo!! a tawpa roreltu chu pathian ania; i dawt ngam leh dawt rawh-pathian fa i nih loh chuan setana fa i ni mai. Hremhmun leh vanram inkarah awmna tur dang Pathianin a siam leuh. Pa takin i hringnun i duhdan ngeiin vuiliam teh le
Report this comment