[He News Clipping hi Khawi Magazine ber nge pawh ziahna chang lo hre lo hek, ZOENG ni turah kan dah ringawt a…?]
ZOENG chhuak hmasa lamah khan nakum April ni 12 khi Aizawl Bawrhsap pisa kum za tlinna tur anih thute leh an sak tan kumte thildang tam tak tarlan a ni tawh a, he kum za lawmna hi ropui taka lawmtum a niin, tunlai hian DC Office te chu an buai hle a Souvenir pawh tha taka siam an tum nghe nghe a ni.
Mizoram N.Lushai Hills kha 1895ah Assam Chief Commissioner kutah dah ani a, hemi kum vek hian S.Lushai Hills pawh siam a niin Bungtlangah inrina siam a niin tunhma chuan Khawbung bial pawh hi S.Lushai Hills in a huam thin ani.
Inthenfel hma 1892ah heng ramrite hi siam a ni a, 1898 April ni 1 atangin N&S Lushai Hills chu rorelna pakhat hnuaiah dah a lo ni leh a, Amal Gamat, Aizawl Bawrhsap Political Officer chu Superintendent-ah dahin a awp ta a.
S.Lushai Hills Superintendent awpna hnuaia awm thin chu Sub-Division ah then a ni hlawm a, chung chu SDO-in a awp a, chuta tang chuan Mizoram pumpui chu Bawrhsap pakhat pakhat awpna hnuaiah dah a niin, a hmunpui Aizawl-ah chuan bawrhsap hmasaber Maj.J.Shakespeare-a chuan a awp ta a ni.
1900-ah Lushai Hills leh Manipur leh Burma ramri te siam a ni leh a. Khatih hunlaia bawrhsap chu H.W.G Cole-a a ni a, 1904-ah Mizoram leh Cachar ramri pawhsiama ni. 1901 khan Mizoram Lal ramri siam a ni leh ta a, hei hian lal chak zawk ten a chaklo zawkte runa an ram an neihsak thin a lo tibo ta a ni. 1902-ah Mizoramchu Circle17-ah then a ni leh ta a, hetah hian Mizo tam takte chu lak an niin mi tam takin hna an hmuhpah ta a. Mizo zinga Sawrkar hnathawk hmasa ber chu Durtlang Lal Suaka a niin, 1892 daih tawh khan Chaprasi, (tunlaia peon ang vel) hna a thawk tawh a ni.
1911-ah Mautam a lo thleng a, Mizoram pum an tam a, chungte hnenah chuan Sawrkar-in buhfai te pein pawisa pawh mi tam tak hnenah a puk tir a, hei hi Bawrhsap pisa-in hna an thawh ropui hmasa ber a ni awm e. Hemi kum vek hian bawih chhuah chungchang Missionary Dr.Fraser chuan a ngaihtuah ta a, Bawrhsap H.W.G.Cole-a nen nasa takin an inbei a, Bawrhsap hian, “Heng bawih te chu Sap ram bawih ang an ni hlei nem,” tiin a tang ve tlat mai a.
Hemi thu hi Sap ram khawpui London-a an Parliament-ah pawh nasa taka sawi a ni a. Mahse indopui pakhatna thlen lai a nih avangin indo zawha ngaihtuah that leh atan an ti ta a. He indopuiah hian Mizo tlangval tam tak (2000) pawh French ram thleng thlengin an kal ve nghe nghe kha.
Indopui a lo reh hnu 1923 chuan British Parliament chuan Mizo bawih chhuah thu chu a ngaihtuah leh ta a. 1923 atang kha chuan Mizoramah bawih an awm ta lo a ni. Heng bawih chhuah thu hi Bawrhsap ai lo awh zawktu Asst. Suptd. Wiscot-a chuan Mizoramah a chhuah a ni. Bawih chhuak zawng zawng te chu an vaiin chhungkaw 1171 an tling a, heng zinga chhungkaw 457 te hi chu Lal bawih an nih avangin intlan lovin an chhuak thei a, a bak chhungkaw 714 te chu Rs. 40/- zelin bawih an nihna a ta an intlan chhuak thung a ni.
……………………………………………………………………………………………………………………………
*Pu Chaltuahkhuma’n ‘History of Mizoram’ phek 69-na ah chuan heti hian a lo ziak bawk a.
“….Dr. Peter Fraser-a Lal hovin an khinna pawh chu 1911-ah chuan London Parliament atangin order an thawn chhuak chho ta a, Shillong-a Lalsangpuii pa Thanga Matric zira a awm lai a ni a, Assam Governor hnen a, Lushai Lal Bawih ban thu lo thleng a hriat veleh ama pindanah lutin he hla hi a phuah ta a ni” tiin.
“Aw Lalpa chungnung ber kan fak hle a che,
Pathian nung leh engkim tithei i ni e.
Hnehchhiahte, Bawihriangvaite, misualte thian.
Fahrahte, retheite, Lalpa leh Pathian.”
…………………………………………………………………………………………………………………………..
Khing a chunga kan tarlan tak te bakah hian Bawichhuah chungchanga a hun leh ni ziakdan inang lo nuaih hi misual.com-ah hian a dik ber zawn chhuah atan hei source hrang hrang ka rawn tar langa. Engekanngaihdan le?
1. Chronology of Zo (Chin-Kuki-Mizo) History hian 1910 hi Bawih chhuah kum tiin a tar lang a, abak kum 1915 leh 1923, 1927 hhi a sawi belh lem lo va. Hetiangin:-
“1910 – Abolition of slavery in Mizo society by Dr. Fraser (in Aizawl)”
2. A Critical Study On Christian Mission Phek 109, Pu Lawmsanga hian kum 1914-a an inremna hi a rawn sawi a, a hnulam zel a sawi lang lo bawk. Hetiangin :-
“Sometime after Fraser was withdrawn from the Lushai Hills, the slavery controversy was taken up and a settlement affected an order issued on 18th of March, 1914 during the time of J. Hezlett, Superintendent of the Lushai Hills.”
3. Slave To Love – A short story of Love, Loyalty & Sacrifice Kan Admin Sandman-a blog hi a hit fuh ve tlat a, hetiangin :-
“The Imperial Government will now implement the proposal of Dr. Peter Fraser, reminding the people that any territory that comes under the British Flag will not tolerate the continuation of slavery in any form, regardless of whether it is an established custom or not.””
A hun leh kum a sawi lem lo Sandman hian !
4. Indirect Rule in Mizoram 1890-1954 By J.Zorema ah hian ka duh chu a fun kim khawp mai. Phek 77-na ah hian hetiang hian a inziak :-
“By 1927, the system has almost completely disappeared in Lushai Hills.”
Pu J.Zorema ziakah pawh hian 1927-ah hian “almost completely” a la ti chauh mai. A reh fel hun chiah sawi chiang thei awm tak maw ? I sawi ho teh ang u.
Similar Posts:
- The Lushai Expedition, 1871-1872
- Burma Ram Vanglai leh Mizo te
- LUSHAI ATANGA MIZO by R.Thanhlira
- Mizoram – Was it on India?
- Jack Longbottom and the Lushai Scouts by Jane Robinson nee Longbottom
August 3rd, 2011 at 1:31 pm
Lal Isua leh Abraham Lincoln ka hrechhuak zawk mai…. Chhiar ang.
Report this comment
August 3rd, 2011 at 3:11 pm
han chhiar dawn ila
Report this comment
August 3rd, 2011 at 3:25 pm
Post tha leh hle mai. Bawih chhuah chung chang hi Mizo history ah a lar lutuk lo niin a lang. B.A. Kan zirlai khan Mizo ah Pu K.c.Lalvunga aka.Zikpuiipa ziah, “Tun kum 100 chhung a zofate” tih kha kan zir thin a. Chu chu, Pu Chaltuahkhuma sawi ang khi a ni. Kum 1911 ah British Parliament in order an tichhuak ang a, mahse, mahni duhthu reng a Lal bawih a awm, Lal belh kha him thlak leh thlamuan thlak zawk ni a hria a, mahni duh thu ngeia Lal bel tlat kha kum 1927 velah pawh an la awm nual niin a lang bawk.
Report this comment
August 3rd, 2011 at 3:30 pm
Pu Thanga’n, “Aw Lalpa chungnung ber kan fak hle a che” tih a phuah kum kha hriat chian angai ani ta ber mai. He laiah Lehkhabu han dap tur lam ka nei si lo.
Report this comment
August 3rd, 2011 at 4:44 pm
#4, PKfanai : Pu Thanga hla phuah hun hi kum 1911 niin Pu Chaltuahkhuma hian a ziak a. Mahse ME School exam hmasa ber kha 1909 niin sawi a ni bawk. Pawl 6 atanga pawl 10 zir tur chuan a inhnaih deuh em aw…?
Report this comment
August 3rd, 2011 at 5:08 pm
Lushai, ka Lehkhabu neih ang ang ka hai a. Ka chiang ta viau e. Detail deuhvin ka ziak a, handset ani si a, ka chhu zo chiah a, connection a tawp daih a, ka ui tak tak a ni. A lan dan chuan, 1908 dec, ah Dr.Fraser an Aizawl a lo thleng a, 1909 kumtir atangin Bawih thuah Lal ho leh Bawrhsap nen thubuai an nei nghal. missionary senior hovin tha an tih pui lo (buai an duh lo). 1910 ah Bawrhsap Cole an Mizoram chhuahsan turin thupek a chhuah. Fraser an Bengal awptu hnenah a appeal. Mizo zinga Matric pass hmasaber Pu Thanga Matric exam laiin, Dr.Fraser mizorama a aw leh theih tur thu Card a dawng a, he hla ropui hi a phuah phah ta. Bawih chhuah Mizorama puan zar chu, march 1914 a ni. (hmanhmawh-kai tawi)
Report this comment
August 3rd, 2011 at 5:26 pm
Pu Lalthangpuia(Thanga). Pian kum-1883. Lehkha zir tan-1899. Lower Primary passed-1903, Upper-1906. Matric pass kum leh Aw Lalpa chungnung ber tih phuah kum-1911. Kohhran upa nih kum leh Mizorama bawih chhuah puan kum -1914. Ka la chian loh- British Parliament in Mizorama bawihchhuah tur thu a pass kum chiah (oct,1913 leh march 1914 inkar chu ani ngei tih ka chiang)
Report this comment
August 3rd, 2011 at 5:39 pm
#7: Kan record neih a inang leh ta lo….!
Pu Chaltuahkhuma ziah History of Mizoramah hian ziak diklo a awm nual mai a, a hrezawkten rawn correct zel teh u. 1909 hi Middle English Examna hmasa ber, mi 6 an pass tiin a dah leh tlat mai.
Matric Pass hmasa ber hi ‘Leta’ kum hi chu a in ang 1910 tho chu a ni.
Report this comment
August 3rd, 2011 at 5:52 pm
hehe pu Lushai_er, ka blog a mi post khi chu fiction thawnthu ka ziah ve mai mai a nia, but the facts are all based on actual events. A kum kha chu ka lehkhabu lakna “In search of Identity: Hmars of NE India” Pu Lal Dena ziah ah khan a awm maithei. Tunah chuan he lehkhabu hi ka kawl tawh lo…
Report this comment
August 3rd, 2011 at 6:06 pm
@Sandman : Ka zawnna lamah a hit fuh ve tlat bawk si a…!
“Indirect Rule in Mizoram 1890-1954 By J.Zorema”-ah hian a chiang khawp mai!
Kan duhthawhna chhan pawh “Mizawn inchuh” te kha Mizoram Hmar lamah chuan an chin tawh lohna a rei tawh viau laiin Chhim lamah chuan Late 90’s thleng khan an la inchuh thin a.
Chuvang chuan Bawih chhuah pawh hi Hmar lamah chuan 1911 emaw, 1914 emaw 1923 emaw chuan lo bansan tawh mahse, Chhim lamah hian an ban tlai deuh mai thei.
An ziah ang hian 1927 hian ‘almost completely disappeared’ tih a ni a, Chhim lam lal te zingah bawih nei an la awm a nih hmel.
Report this comment
August 3rd, 2011 at 6:40 pm
Lushai_er, i buaina lai pakhat hi maw. cl-X exam hi 1910 thleng khan ‘Entrance’ tih a ni a, Pu Leta hi pass hmasa ber a ni a, Cole-a huaihawtin Aizawl Lammualah khuangpui nen an lo hmuak. 1911 atang khan Matric tih alo ni ta a, Matric pass hmasa ber chu Pu Thanga hi a ni. Tin, 1908 thleng khan Upper a awm a, 1909 atangin ‘Middle English tih a ni.
Report this comment
August 3rd, 2011 at 6:50 pm
#11, PKfanai : Thank you. Ka resource hi kei pawh a limit ve khawp mai. Aizawl awmlai te nise a tha tur hi a nia…..Mahse a rau a thawh thut hi chuan kan ‘Thlasik mau puah’ ve leh phawng phawng thin a.
PU Arts/Sc kha IA/ISc (Intermediate Arts/Science) an ti bawk khan ka hria a, engtik hnun laia paih nge kan nih han sawi zau law law teh a.
Report this comment
August 3rd, 2011 at 8:38 pm
12. Ka hre mai tlat lo. Ka Lehkhabu rawn ber, “Tun kum 100 chhunga Mizo hnam puipate” (1894-1994) tih C.Vanlallawma ziahah hian, a naupang ber, Pu Siamkima hian 1961 ah I.A. a pass tih thleng a chhui theih. U.T. Vel bawr anih hmel viau mai. Mizorama ka Lehkhabu ho ka va ngai em.
Report this comment
August 4th, 2011 at 3:49 am
Comment-tu panga chiah lolz….post thing thei bawk atin ni
Mangtha vek u le….!
Report this comment
August 4th, 2011 at 5:42 am
Bawi chhuah kum hre chiang tur mi pahnih ka hria, Pu Lalsanga Sailo, Ar Huan, Aizawl (lal fapa) leh thianpa ni kumkhua zui ta Pu Thanmawia, Maubawk, Aizawl. Pu Thanmawia hi an bawi fapa a ni thin a. Tun thlengin sa beng an la inhleh. Experience ngeia tawngtute an ni. An la dam ve vein ka hria.
Ziak pawhin Pu Lalsanga Sailo hi chuan a vawng tha khawp mai. Kum 1997 vel lai khan lengah ka sawm dun a, video leh still pawhin an titi ka cover-sak chiam tawh asin le. An thla ka lak dunsak dan pawh bawi zawk ka thut santir a, lal fapa zawk ka thut hniamtir a. Pu Lalsanga Sailo chuan, “Awmze nei tak tak hian min siksawi kual a,” a ti.
Chuti maiin a thusawi ka sawichhawng ve thei ta hauh lo mai!
Report this comment