Kum 1994 Tau thla ani a, Kumin hi kum dang aiin fur ruah a rawn thleng hma deuh ani awm e, Khua a dur phui mup mai a. Keini ho pawh Adi hnam ziding ber ‘Padam’ ho ‘Chhinlung’,China ramri dep, ‘DAMRO’ lam fang turin kan in buatsaih a.
Khua a mawi loh em avangin kal tur nge, kal loh tur ni ang? Ti a kan inkhap thluk reng lai chuan, min hruaitu tur Adi Evangelist pate satha len lawn, harh vang zet mai, Ogan Darin-a chuan, ‘Zingah chitha tuhin’ tih hla chang hnihna,
Ni enga chi tuhin, hlimahte pawh khanin,
Chhum zing hlau lova, khaw vawt tuar peih pawhin;
Nakinah lak hunin, kan tum kha tlak zovin,
Hlim takin kan haw ang, kan buhphal kengin.
Tih kha Adi tawngin a sa ngal ngal mai a, Mizo Missionary tan, thulh chi ani ta lo.
Tichuan, Auto Rickshaw la in, Pasighat khaw hrula Luipui lian tak Siang Lui lam kan pan ta a. He Siang Lui hi Himalaya Vur chawm, a fur athala kang chah deuh lai pawh nei ngai lo, vawt em em reng mai, Mihring tlahlum pawh tumah an ruang an la chhar leh ngai lohna Luipui lian tak mai ani a.
He Lui hi Ferry (Mar-boat) in kan kai a, a lo zau ngei mai. Lui kan han kai a, mahni thawmhnaw theuh akin, Adi pa 1, tlangval 1 leh Mizo Pa 1 leh Tlangval 1 te chu, Siang lui kam hrul zelah a hnar lam kan pan ta a ni. Nakin deuhah chuan, BRTF Motor Lungphur hi alo kal hlauh mai a, chuan kan dil a, an phal ve mai a, Km 3 vel zet kan chuang a, vannei kan inti hle. Vawiin chu Motor kawng, fur anih avanga motor kal theih loh, zawl nuam ang reng takah kan kal a. Mahse, nilenga han kal chuan a hahthlak ve viau tho mai.
Tlai dar 3 alo nih chuan, ka ril atam tawhin, ka chau tawh ang reng hle mai a, kan riahna hmasa ber tur Jeru khua kan han hmu pha ta chu ka va lawm em. Khua chu Kawngpui atanga han sang deuh hlekah a awm a, kan han thlen hnaih chuan, an khaw Gate-ah chuan Raw lerah hian Ui thi hi, lei vei seh tut leh, a pumpui leh ril uai hnuang hian an lo khai a, a bulah chuan inthawina thil pawh a lo awm nual a ni.
Ogan Darin-a chuan, “Khawtlang pum huap Inthawina an nei anih hi, hetiang hun lai chuan, Khhuaah Mikhual tumah Luh phal ani lo, piah deuhah sawn PWD Camp a awm a, tahchuan riah I tum mai ang u” a ti ta a, Ril atam tawhin ka chau tawh si, khua lah chu a hnim ruih reng mai bawk si, a hrehawm duh ang reng hle mai.
Thim thet thetah Lui kama PWD Camp chu kan va thleng a, riah alo rem ve mai a, kan lawm hle. Adi Tlangval nen eirawng kan bawl a, chaw pawh kan ei ve thei thuai a. Zanah PWD Labour ho tlem azawng nen tawngtai inkhawmna kan nei a, A zankhatna chu.
A tukah chuan Kawngpui kalsanin Tlang ram kan lawn tan ta a. Luipui kam hnaih deuh tlang pang zawng zawng chu Terrace tha lutuk hi alo ni vek mai a, kan kalna tur Khua ‘KATAN’ ho Leilet(Terrace) alo ni a. Terrace tlang te chu an uluk hle mai a, Lung a tam bawk a, uluk takin an rem vek a ni. Lui kam atangin tlang dungah ngil at maiin khua kan han pan chho mai chuh, a hahthlak hle mai.
Khaw thlen dawnah Khua ni awm takin IN alo ding ngir khup mai a, tumah an awm si lova, ‘MITTHI KHUA’ te pawh a ang deuh roh. Ogan-a chuan Katan ho Buh In (Kum Sung) anih thu min hrilh a. a phui tha hle mai a, Tin a kang vek ani a, a ban leh a chhuat inkarah hian Thela ke tiat vel Thing phek bial hi a awm vek a, chu chu ‘Sazu danna’ alo ni a. lei atanga lawnna Thingpum step anga reh chu tlaiah an lak chhoh daih chuan, Sazu an lut thei reng reng lo anih awm chu maw le.
Tlai dar 3 velah Katan khua chu kan thleng a, He khua hi Mizoram khua ang deuh a, Tlang pang nisi, Tlang dung nuam tak chhipah a awm a, Major R.K.Hranga Helipad siam pawh alo awm ani. Kristian chhungkaw khat an lo awm ve a, an pa ber chuan Nupui 2 a lo nei a, a nupui hmasa leh a fapa rawlthar zet zawt chu a inpui bulah inhrang a luah tir a.
A nupui naupang zawk nena an fapa Chu a lawm awm reuh khawp mai. Thil engpawh han zawt ila, Jesus a telh vek a ni. Zanah Chupa inah chuan Inkhawmna kan nei a, Kristian lo pawh an rawn kal teuh mai a, Ogan an tawng a let a, a nuam ve hle mai . A zan hnihna chu.
A tuka kan kalna tur hi chu, a hla vak lo a, Tukthuan eikhamah kan chhuak a, Chawhnu thlang her velah Padu Khua kan thleng ta ani. Kawng a thui loh ngaihtuah erawh chuan, a chhuk chho tan ta viau mai erawh chuan min ti chau hle. He khhuaah hian Kohhran member 20 vel kan nei a, mahse, Pa an tel miah lo, Nu leh Naupang hlir anni. An Biakin (maurap) erawh chu, an Pasal ten an lo sak sak ve ani awm e.
Zanah chuan, Electric a awm loh avangin Inah kan inkhawm ta a, Kristian lo ho pawh an rawn kal tha hle mai a, Pathian thusawi pawh an ngaithla tha khawp mai. Padu hi Jeru khua ang bawkin Rangva In pakhat mah a awm lova, An in a lian hlawm hle mai a, Tukverh pakhat mah a awm lova, chhun pachangah pawh a thim mup mai a ni. Tap hi alai takah an chhep a, ‘Maichama mei chu a mit tur ani lo’ tih ang maiin, mei hi a mit hman meuh lovin ka hria.
Tin, Mizo te ang chiahin Kaiten, Leikapui, Sumhmun te an nei ve vek a ni. Inchung atan hian Di hmang lovin, Siallu (Toko Pat) an hmang a, bang pawh lang mang lo khawp hian a khuh chun mai a ni. An tap hual vel chu inkawmna leh zanah pawh mutna ani nghal mai a, Inchhungah Pheikhawk leh Vawthlep reng reng an bun luh ngai loh avangin, an chhuat a fai t ha ang reng hle a ni.
Tin, Zampher nel thep leh fai hnum hlarh mai an nei teuh thin a, chung chu mutna awngphah atan an hmang thin a ni. Inkhawm banah tui takin kan mu leh ta a. A zan thumna chu.
Chhunzawm tur……
Similar Posts:
- Damro Zinkawng (My First Missionary Journey) Part-II
- Thu Har (literally)
- Sapram ah di in
- 2012 March Fiamthu
- Krismas thilpek
August 5th, 2011 at 10:32 am
chhiar i la
Report this comment
August 5th, 2011 at 11:03 am
MAK OF THE YEAR!
Khawnge Vanlalsailova tih post kha?
Report this comment
August 5th, 2011 at 11:03 am
a dang han ti leh thuai teh..
Report this comment
August 5th, 2011 at 11:08 am
chhiar chhuak tam, a ngaihawm phian, chhunzawm vat teh
#2, a bo
Report this comment
August 5th, 2011 at 11:17 am
A ngaihnawm e. Uluk takin ka la chhiar chhuak hman lo mai pawha.
Report this comment
August 5th, 2011 at 11:27 am
Hnathawh pahin ka chhiar a, ka chhuahsan leh thin. Chutia ka chhiar zawh hnu chuan a vaiin ka chhiar tha leh, a ngaihnawmin a ropui thin mang e
Report this comment
August 5th, 2011 at 11:31 am
A ngaihnawm hle mai..misionary h hnahahthlak ber pawl anih ka rin ni…part2 lo chang leh e..
Report this comment
August 5th, 2011 at 11:44 am
Ngaihnawm dawn e, bung 2-na nghak fan2 ang.
Misualah hian missionary in lo tam mange. In ropui e, in zavai atan – he
hi ka hlan a che u.
Report this comment
August 5th, 2011 at 12:05 pm
Ka DAMRO hriat ve chu kan office dawhkan leh computer table velah hian label a inziak
Lalpa tana sengkhawmtute in ni e.
Report this comment
August 5th, 2011 at 12:10 pm
Ngaihnawm ka ti khop mai..
Report this comment
August 5th, 2011 at 12:10 pm
Report this comment
August 5th, 2011 at 12:43 pm
i thruai ler mah2.. Kohna i dawn dan, sorkar hna bansana misonary kal tura thutlukna i siam dan, harsatna hmasa..adt. ka hre chak. A challenging/ interesting viau lo mo?
Report this comment
August 5th, 2011 at 1:01 pm
Pathianin vengin awmpui zel che u rawh se…a ngaihnawm khawp mai
ReMpY_ScisSoR ngaihnawm tih chi nih ka ring reng ah
Report this comment
August 5th, 2011 at 1:10 pm
Ngaihnawm dawn khawp mai, ka rinloh hlanin a tawp rih tlat, chhunzawmna ka lo nghak khiau e..
Report this comment
August 5th, 2011 at 1:24 pm
Missionary te hi chu in va han ngaihsan awm tak em!
Report this comment
August 5th, 2011 at 1:37 pm
In va han ngaihsan awm thin tak hlawm em
Report this comment
August 5th, 2011 at 2:30 pm
A ngaihnawm hle mai.
Mahse rawngbawlna hmun HAI awi loh….
Report this comment
August 5th, 2011 at 2:51 pm
Adventurous hmel hle mai. David Livingstone te pawh min tihrechhuak rum rum alawm le. Hman lai thil ziak hi a ngaihnawm duh khawp mai.
Report this comment
August 5th, 2011 at 3:09 pm
ka tah a tichhuak!
Report this comment
August 5th, 2011 at 3:17 pm
19 khi keimah ka nih khi,. sorry ! pkfanai, comment report ka tum a, ka thei lo
Report this comment
August 5th, 2011 at 3:25 pm
Ka va khawp kham lo em… Part 2 mawlh leee….
Report this comment
August 5th, 2011 at 3:46 pm
Min tivir tawk lek ala nih rìh tlat. Verno…haidenrial.
Report this comment
August 5th, 2011 at 6:30 pm
A ropui e,a ngaihnawm,part 2 chhuak har lo tur ah ngai ang o
Report this comment
August 5th, 2011 at 6:38 pm
A ngaihnawm e,han chhunzawm vat teh khai
Report this comment
August 5th, 2011 at 7:01 pm
Comment tu zawng zawng te, in zavaia chungah Lawmthu ka sawi tak meuh e. Part-2 chu ka submit tawh e. 12. Sammoo, Testimony lam chu muang changin aw niang. Thil ka lo record thlip thlep ngai si lova, ka thluak memory a ala awm lai ngei hian, misual.com a record vawn that hi a tha dawn riauin ka hria a, koyu Lamtluang, Thrijino Concert, Chayang tajo vur ram, Ziro Christmas, Ramle bango Gospel Tour, Daporijo Tour, adt. Khät mawi tawk a rawn tial ve zeuh zeuh kan tum dawn nia
Report this comment
August 5th, 2011 at 8:24 pm
Chhiar pah in kan mitthla zel mai chu le…. A ngaihnawm hle mai…a dang leh.
Report this comment
August 5th, 2011 at 8:41 pm
Ngaihnawm khawp mai, chhunzawmna ka nghakhlel takzet. Posttupa, Arunachal ah i hovin la MI ang aw..
Report this comment
August 5th, 2011 at 8:58 pm
Ni e, khamawm lo tlat han ti leh thuai teh.
Report this comment
August 5th, 2011 at 9:02 pm
27. Phivawk,Teh reng mai. Tunah chuan Itanagar City area chhungah kan awm tawh a, Nyishi ho hi kristian an lo tam tawh ang reng a, anmahni hi an in enkawl thei ve ang reng viau mai a. Gospel tour pui tham deuh neih a khat raih ta mai. Tlangval that laia Buannel Ramdai kan hrut thin lai a ngaihawm tan ta der mai.
Report this comment
August 5th, 2011 at 9:57 pm
Salute, Salute.
Krista ram tana rawngbawltu te hi chu in ngaihsan awm ber e.
Report this comment
August 5th, 2011 at 10:19 pm
#25, ziro,daporizo! 2003 khan ka han om hrep toh.lunglenthlak. Mahni thu in misionarx om na ka va zong chhuak ve tlat mai.
Report this comment
August 5th, 2011 at 10:43 pm
27 I rawtna chu hman ah khan ka lo rawt tawh a sin:P I MI tak tak ila, Ziro khawpui chanchanchin te, a thlalak te han post chuai chuai teh.
Report this comment
August 5th, 2011 at 11:12 pm
31.Puipuia pa, Arunachal ram that zia hi amak iti ve em? Tlangah kan lawn kan lawn a, ft.5000 chung lamah phaizawl khawpui nuam leh rem lutuk Ziro leh Daporizo an awm tlat mai te hi tiraw. Leilet tha lutuk an nei thei zel bawk si.
Report this comment
August 5th, 2011 at 11:43 pm
Pk, a ngaihnawm hle mai. I thawhrimna hi a fakawm ka ti. I testimony mawlh chu ka nghakhlel-patlingin ka nghakhlel a nih chu. Pathian tana inpek hlawm tawp hi a har tehreng nen i thu post hi fuihtu tha tak a ni e.
Han ti zel teh kan lo chhiar zel ang, tunlai ka misual regu. thei lo hi a pawi khawp mai a, ka luh lai takin i lo post dawn nia.
Report this comment
August 6th, 2011 at 12:17 am
Pu Vakul, Patling ngenna chu tih hlawhtlin kan tum ang chu. Mahse, engemaw tak ni awm ang zia zang a, mahni chanchin han post chu inthlahrung tak ka ni. Tunah chuan Sunday pual tur, “ET TU BRUTE” ka buat saih mek.
Report this comment
August 6th, 2011 at 12:23 am
E! a va lawmawm ve han post chur chur teh u. A ngaihnawm dawn chu-keini zawng kan hul hak hrih a nih hi-post pawh hi post khat deuh chuan post tur kan lo hre lo vat mai a lo ni. kan lo nghak ang e.
Report this comment
August 6th, 2011 at 8:16 am
Ngaihnawm hle mai…thla te in la ve awm si a. a pics te rawn show tel la….chil-put
Report this comment
August 6th, 2011 at 8:25 am
#19 & #20,
lolzzz
Report this comment
August 6th, 2011 at 8:48 am
ngaihnawm hle mai.
this isch chooooo inspairingg
Report this comment
August 6th, 2011 at 8:59 am
a va ngaihnawm ve
. a chhunzawm na lo nghak ang o
Report this comment
August 6th, 2011 at 9:06 am
37.Pu Duhlova, nia thlalak chu ka nei nual mai. Mahse ka camera kha Click-111 u deuh awrh kha a nia. Khua a dur phui chun mai a, a clear tha lo hlawm khawp mai. Pu hv a tih dan takah, “thing hlawm tak an ni” Thlalak post ka thiam hunah chuan, in duh aia tam in la hmu ang a, tunge ka nih pawh min la hre chiang khawp hlawm ang.
Report this comment
August 6th, 2011 at 9:41 am
41
Ka hria che em le? 
PKfanai #
Thlalak post chu a har hlei nem…i thiam lutuk ang
I thlalak neih ho kha scanner in scan vek la,computerah i save vek a nga.
https://imgur.com/ i hawng a nga, ‘Upload images’ hnuai a, ‘computer’ tih kha i click a nga….i pics dahna i hawng a nga, i thlalak post duh ho kha i click a nga, tichuan start upload kha i click leh a nga..upload chhung tlem i nghak ang a.
I thlalak tha tak a a upload hnu-ah thlak leh a veilamah link hrang hrang a rawn ti lang a nga…Direct link a mi kha i copy a nga…chu link chu i thu ziah kar i duhna lai lai a i paste tawh mai dawn nia……..i hrevek tho awm e…..
God bless.
Report this comment
August 6th, 2011 at 10:04 am
42. Pu Duhlo, ka lawm tak meuh e. Internet lamah chuan, “beginner” tak meuh ka ni. Misual.com pawh hi 2009 khan ka lut ve tan chauh a, comment tumin ka han bei leh a, an password min pek kha a buaithlak lutuk a, reife ka han buai leh a. Keima duhzawngin ka thlak tir hnuah ka comment thiam chauh a. Chutah, ka post thiam lo leh tlat a. Roseparvuli puihnain ka post thei tawk a. Tunah chuan puih ngai lovin ka thiam tawh. Thlalak post chu kan zir leh ang a, ka thiam chian vek vek hunah chuan ka rawn ti deuh sek mai ang. Thanks.
Report this comment
August 6th, 2011 at 11:42 am
A ngaihnawmin, i fan ram thenkhat Pasighat tih vel hi chu ka han fang nual ve tawh. Rani, Charali paltlang chhovin … Pasighat sira luang Siang i tihte pawh mitthlaah a lang ther leh ta. A lui sangha kha a tui teh asin!
A ngaihnawm hle mai!
Report this comment
August 7th, 2011 at 11:17 am
Mary-land lama Missionary nen chuan a dang deuh a ni maw …..?
@PkFanai chu i ti ropui bik hle mai, sum leh paiin awmzia a la neih meuh lohna hmunah, tun ang khawvelah hian i sawi te khi an va awhawm zawk let ling ve…….Tunlai ka online khata min lo hlep duai anih hi le.
Vanlalsailova chu helamah hian Missionary turin sawm ta la karkhat a awm peih ang emaw chu le ?
Report this comment
August 9th, 2011 at 4:12 pm
Part II ka chhiar hmasa a, a ngaihnawm ka tih em avangin ka rawn comment leh hrim2 e.
Report this comment