Lalburha hi kum 1848-ah Vanchengpui-ah a lo piang a, a pa chu Vanhnuailiana a ni, a nu chu Rolianpuii a ni. A unaute chu Dothiauva, Liankhama, Buangtheuva leh Chinhleia te an ni. A chanchin chipchiara ziak lovin, a ngaihnawm lai lai ka rawn lachhuak a ni e.
Lalburha hi kum 20 a nihin lal a ni tawh a. A indan hnuin Hualngo nula lian thelh thawlh, ngo vuh mai, hmeltha deuh mai chu nupuiah a nei a. Hun rei tak an inneih hnu pawhin fa an nei thei tlat lo mai a.
Chutia fa lu hlohva lêng ringawt mai tur chu ngaingam lovin a upate chuan ro an rel ta a. A upate chuan a nupui chu an thensak ta ngawt mai a ni.
Chutia an inthen tur chu Lalburha chuan a huphurh em em a, a nupui lah chuan thih hreh takin a hreh bawk si. A nupui mangang lutuk chu a inphelh ruak vek a, Lalburha hmaah chuan dingin, “Lalburh, min han en teh. A eng lai hi nge i duh loh ber? Ka han hlepthla hlawk mai teh ang,” a ti ta mai a.
Mi huaisen leh zâmna nei ngai lo, Lalburha meuh pawh a mangangin a zâm takzet a. A nupui pawh en ngam lovin, “A pum khan ka duh lo ni mai rawh se,” a ti ta ngawt mai a. Tichuan, inhuatna leh thinurna vang ni lovin, lungleng tak chung chuan an inthen ta nge nge a. Chumi hnuah a upate’n Vanhnuaichhingi an neihsak a, ani nen hian a thih ni thlengin an innei ta a ni.
Vawi khat chu Lalburha hovin Sukte Lal Zapauva khua, Mualbem rûn an tum a. Mahse, Zapauva ho chuan an lo hre lawk hlauh mai a. Lalburha ho chu kawng lakah lo chângin an lo lambun ta a. Lalburha ho chuan silaimu leh hlo an tlachham ta hle a, Sukte ho lah chuan an rawn kap nasa hle bawk si a, Lalburha hote chu an tlanchhe ta a.
Sukte ho chuan an umzui zel a, Lalburha hote chuan Rûn lui an zuk thleng a. Rûn lui dai kai tur hian hrui pakhat chauh an thlung a, chu chu zût a ngai thin a. Chu hrui chu ‘Rûn hrui’ ti-a hriat a ni. Tichuan, Lalburha chuan a hote chu a zût kaitir ta a, ani chuan hnung dawlin ral lehlam a kaipui a.
Rûn kam lehlam an thlen chuan a umtute chuan Rûn lui chu rawn kân tumin Rûn hrui chu an rawn zût tan ve mek a. Nasa takin an rawn kap reng bawk a. Tichuan, Lalburha chuan silai mu lêng karah thihna kotlanga ding chungin Rûn lui kaina hrui hmingthang leh pawimawh em em mai chu a sat chat ta hmawk mai a ni.
Chutia Sukte ho Rûn lui ber an rawn kai theih tak lohvah chuan Lalburha hote chu thawven khatin an thawveng ta a. Mahse, tui in tur an nei ta tlat lo mai a. An tui lah chu a hâl nasa mai si a, Rûn lui lo chu tui in tur a awm der bawk si lo. Sukte ho lah chuan Rûn tui an rawn kap per sawk sawk reng mai a.
Chutiang karah chuan Lalburha ber chuan a naute tuihal hrehawm tuar chu en zo lovin a râl tuithawl chu Rûn luiah a zuk birh khat leh ta ngat a. A tui thâl lai chuan tui chu an rawn kap per chuai chuai reng a. Mahse, mi mak danglam tak a nih vang nge ni, an kap fuh hauh lo mai a ni.
A tui chawi sa chu a naute a intir den den a. Mahse, a pasaltha Pauia chuan Lalburha thil tih chu a hlauhawmzia a hrechiang a, amah pawhin a tih ngam loh lalpa meuhvin a tihsak chu a tlawmngai ta tlat a, “Ka tui a hâl lo,” tiin a tang tlat a. Far khat pawh a tem duh hauh lo a ni.
Heta tang hian Lalburha huaisenzia te, a hote tana a inpek thûkzia te, a pasalthatzia te leh a tlawmmgaihzia te chu a thang nasa em em a. A chanchin sawinaah reng reng Rûn hrui a sahchah thu a bâng ngai lo. He Rûn hrui sahchah hian Lusei tan Sukte ral hlauhna a tibo nasa hle. Hemi avang hian lal dangte pawhin Lalburha hi an zah a, an chung en phah a ni.
Chhunzawm tur…
Thulâkna: Lalburha Lal by KL Ramthlenga.
Similar Posts:
- Lalburha-2
- Lalburha-3
- Lalburha-4
- Triau Trackx-Lungtat Par (official music video)
- Lehkhachaih (Sunday pual)
August 5th, 2011 at 1:33 pm
1a1burha hi 1a1 a ni 1o a, mi huaisen 1eh t1awmngai tak a ni
Report this comment
August 5th, 2011 at 1:37 pm
Nia, a zaithiam ve pangai alom..a Pathian thusoi ka la ngaithla lo a..
Report this comment
August 5th, 2011 at 1:37 pm
‘lal a ni a…’ ka tihna
Report this comment
August 5th, 2011 at 1:41 pm
Pi Bakchehi khi a OT nasa ot ot mange
A bengvarthlak e
Report this comment
August 5th, 2011 at 1:43 pm
Hualngo (chhakchhuak) hi Hmar hnam an ni em le, hmar pakhatin a ti tlat???
Report this comment
August 5th, 2011 at 1:50 pm
#2 chhunzawmna : kei pawh lalburha hi zaithiam ka ti pangai, pathian thu sawi pawh thiam ve tho ka ti
Report this comment
August 5th, 2011 at 1:50 pm
@chhangteval: Hmar hnam chu an intih ka ring lo va, mahse, hmar chipeng anga ziah an ni, Mizo history bu tam takah chuan.
Report this comment
August 5th, 2011 at 1:53 pm
A chanchin chu ka hre ve nel nual tawh. A zai ngaihthlak a chakawm hle mai
Report this comment
August 5th, 2011 at 2:00 pm
@7 TS..ka lawm e, nakin ah kan la sawi dawn nia post dang ah..ka OT ta, sawri!!!
Report this comment
August 5th, 2011 at 2:11 pm
Report this comment
August 5th, 2011 at 2:18 pm
Tf
Report this comment
August 5th, 2011 at 2:27 pm
A ngaihnawm zek mai. A chhunzawmna lo nghak fan fan ang.
OT (sorry TuaiSialA!): Zonet Tualchhung Chanchin Tharah “MNF President chuan, an sorkar leh hunah pawh Minister-in an hna atanga hnathawh tur an sem hunah pawh In pui nghaktu, nu ho thurawn lak a ni ang a ti” tih ka chhiar. Beisei hi a bo ṭhin mang tak e maw!
Report this comment
August 5th, 2011 at 2:32 pm
A nupui thar nen chuan fa chu an nei ta em? tute nge? tih ziahlan tel nise, te ka lo ti ve mai mai a.
A chhunzawmna chhiar a nghahhlelhawm khawp mai…
gud post.
Report this comment
August 5th, 2011 at 2:39 pm
Lalburha hian chow artui chhipchhuan tui a ti hle an ti..
Report this comment
August 5th, 2011 at 2:46 pm
Chhuaklinga: A nupui thar nen chuan fa an nei e. A nupui Vanhnuaichhingi nena fa an neih hmain midang lakah Lalhuta leh Rokima a nei. Lalhuta hi a hmei fa a ni a, Rokima erawh chu midang laka a fa. A nupui Vanhnuaichhingi nen chuan Liandova, Thangchungnunga leh Chawnbika an nei.
Report this comment
August 5th, 2011 at 3:06 pm
A va ngaihnawm ve!
Nupa inkar hmangaihna TARMIT atang chuan thiamloh a chang kumkhua ve dawn a ni maw… Mahse a huaisenna leh tlawmngaihna khian a hliahkhuh em a ni.
Report this comment
August 5th, 2011 at 3:07 pm
A va ngaihnawm ve le.
Report this comment
August 5th, 2011 at 3:09 pm
A MAN khawp mai
Report this comment
August 5th, 2011 at 3:22 pm
MAN tak a ni. A chanchin a ngaihnawm a, Rumliana ang maiin chanchin a ngah a. Post tlem deuh hunah ka rawn chhunzawm ang. Part 3/4 thleng vel chu a daih ang ka ring.
Report this comment
August 5th, 2011 at 3:32 pm
A ngaihnawm hle mai. Mizo Lal te history han chhiar hi chuan Vanhnuailiana hming lan lohna hi chu a vang mange.A lo ropui mange.
A chhunzawmna chhiar chakin tarmit ka lo hru fai a nia.
Report this comment
August 5th, 2011 at 3:52 pm
A ngaihnawm khop mai…chhunzawmna chang leh angs..
Report this comment
August 5th, 2011 at 4:07 pm
Ngaihnawm e, chhunzawmna ka lo nghak e..
Report this comment
August 5th, 2011 at 4:09 pm
Anupui hmasa nge, a hnuhnung zawk mal ngo an aw….
Report this comment
August 5th, 2011 at 4:15 pm
Ngaihnawm hle mai. A hming hi thluk san tur em ni?
#5, chhangteval, Lusei thlah diktak an ni e. Luseia’n Lamlira, lamliran Sumpuia, Sumpuian Seipuia, Seipuian Lianmauva, Lianmauvan Tlatea leh Khirhtea; Tlatean Hualthana leh Neihhrima.
Hualthanan Hualngoa, Hualhanga leh Hualhnama. Hualngoa fate: Bochung, Cherput, Chalthleng leh Khupno. Hualhnam chu sa inhleh loh avangin Run ralah an kaia Paite karah an khawsa ta a ni an ti.
Report this comment
August 5th, 2011 at 5:21 pm
Ngaihnawm hle mai annu fanei thei lo chu ava lainat awm ve ,.Nupui 2 neih mai tur alawm ,.kan ti deuh duah teh ang
Report this comment
August 5th, 2011 at 6:31 pm
25. Ka ngaihdan chiah. Hmanlai Lalte chuan Nupui 2/3 emaw Hmei te pawh an nei ngai a nia. A hmangaih tak zet lo deuh a nih hmel. A thawnthu leh character a common lova, a tlawmngaih-huaisenna chanchin a ngaihnawm ka ti tak meuh. Ts a leh Lushai_er te in contri tha thin khawp mai. Part-11 lo chang ang.
Report this comment
August 5th, 2011 at 6:45 pm
A nupui hmasa nena an inkar hi nupa karah chuan thil thleng atana duhawm lo ber a ni. Mahse, hetiang hi chu in hmangaih tawk loh vangah ka ngai.
A ngaihnawmin a bengvarthlak hle mai. Zanin atang hian post hi awm lo se chhiar zawh nghal vek mai a chakawm mange.
Report this comment
August 5th, 2011 at 7:18 pm
Lalburha hi ka hero.
Report this comment
August 5th, 2011 at 9:16 pm
Lal meuh thi leh dam kara tui an chawitir ta mai chu! a hote chu an nawi ang reng ka ti. A nupui hmangaih em em lah an then sak ngawt bawk nen.
Report this comment
August 5th, 2011 at 9:18 pm
Angelina Jolie te nupa an va tluk love..!!! NGaihnawm hle mai a..!!! part 2 part 2
Report this comment
August 5th, 2011 at 10:23 pm
A ni viau mai a. Mahse, an hun lai han ngaihtuah chuan an aiawhtu tur, an chi thlahtu tur leh an tlang thuttu tur awm lo ngawt mai tur chu lal tan chuan a zia lo mai thei. An hun laia tarmit vuaha ka thlir chuan âwm ka tihpui ve viau.
Report this comment
August 5th, 2011 at 11:01 pm
nupui dang neih tir nachang lo hria se tha tur..chutia in duh ngawih2 han inthen tur lai vel boruak chu khawngaih eeee
Report this comment
August 5th, 2011 at 11:03 pm
nupui dang=nupui pahnih tih tur zawk edit thei lo
Report this comment
August 5th, 2011 at 11:57 pm
Lalburha hi mizo lal zinga ka ngaihsan a ni-bawrhsap meuh pawh a dara beng thek thek ngam kha a ni a; bawrsap pawh khan a zah hle ni tur a ni-lal pakhat khan a ti ve rawk a, bawrhsapin a ban thelh. Mi huaisen mi thawm na a ni a, A.Thanglura(Mizoram politics inlumlet dan-Bel keh phuarkhawm tui pai thei lo)khan a ngaisang khawp mai a- a umzui thui hle-a lehkhabuah.
Report this comment
August 6th, 2011 at 12:18 am
Lalburha hi rawn chhunzawm tawh teh u….
Report this comment
August 6th, 2011 at 9:30 am
A ngaihnawm phian a,Hmanlai Mizo lalte kha tu pawh nis,e ka ngaisang a, a chhan pakhat chu an rorelna huam chhungah khan dan an siam a, chu chu a khua leh tui ten an zawm tha a, an fakawm hle. Khawvel LAL dangte angin an inluling ve lova, an bawi leh chhiahhlawhte chungah pawh an ngilnei tlat a, duhdah takin mipat/Hmeichhiatna an hmang awm pawh sawi tur an awm lo
Report this comment
August 6th, 2011 at 11:58 am
Lalburha nupui hi ka lainat tawp. Run lui tui a thal ngam ai pawhin a nupui nena inhuatna awm lo leh inngai chunga tang thentir an ni thei hi a mak ka ti.
Pauia hi a inhrem hrehawm peih ka ti, a engemaw zawng takin a aia huaisen a chawimawi thiam lo riau!
Report this comment
August 6th, 2011 at 3:51 pm
A rawn chhuak leh vat dawn e!!
Report this comment
August 6th, 2011 at 3:59 pm
An lal chu va lal lo ve mawle?
Report this comment