Thuhriltu 12:1 Tin, i vanglai hian i siamtu hre reng rawh. Ni tha lote a lo thlen hma leh lawmna reng reng ka nei lo ve, i tihna tur kumte a lo hnaih hma hian. Helai Bible changthu hi thu lar tak leh kan hriat sa theuh ani awm e. Khawnge vawiin ni a ka chhiar a rilru lam a a thawh danin kan puak chhuah pui phawng teh ang.
I vanglai hian han tih hian kan rilru ah chuan kan taksa that vanglai, nula tlangval kan nih lai emaw, mihring kan nih chhunga kan kum ah pawh kum 15-40, KTP/TKP/YMA member kan nih kum hun chhung hi a sawitu tam zawk chuan kan kawh tir thinin a rinawm. Vawiin ni ah erawh chuan he ti zawng hian I han chhui chhin teh ang.
I hlim vanglai tak khan i siamtu hre reng rawh : Pathian zar ah hrisel tha lungngaihna leh buaina nei lem lo in, kan bialnu kan bialpa, kan nupui, kan pasal te nen hlim takin kan leng thin. He hunah hian min siamtu kan hriat reng a va pawimawh em. I thinlung a hlimna leh lawmnai chan lai khan Krista chuan i thinlung ah lal ber a duh ani. Krista tel lo a kan hlima kan lawm a nih vaih chuan hei leia kan hlimna leh kan lawmna hian chatuan a daih dawn si lo.
I lungngaih vanglai tak khan i siamtu hre reng rawh: Mihring kan nih chhungin kan hlim reng thei lo. Vawikhat lungngaih ni chu a rawn her tel ngei thin. He hunah tak hian Krista kan hriat reng a va pawimawh em. Lal Isua tello a lungngaihna tuar thin, a hnu a an mahni nunna la thin te han hriat hian he thu hi ka hrilh chak thin. Krista nen chuan lungngaihna nasa ber pawh a tuar chhuah theih a ni. Kan lungngaih ni a lo thlen pawhin Krista hnenah i tlu lut ang u.
Hlawhtlinna, hausakna i chan vanglai tak khan i siamtu hre reng rawh: Pathian hnenah hlawhtlinna kan dil a, kan dil angin hmangngaihna a vangin malsawmna in min vur a, nimahsela hlawhtlinna kan chan hnu hian Krista hi hrist reng harsa kan va ti thin em. Krista tel lo in pass kan lawm a, Krista tello in kan hausakna kan chen thin. Malsawmna neitu lung hi a va awi lo dawn thin tak em. Solomona meuh pawh khan a ropui vang lai taka a siamtu a hriat reng loh avangin a hun hnu hnung ah harsatna tam tak tawkin a thlah te thlengin buaina in a um zui ta anih kha. Chuvangin hlawhtlin kan chan lai te, kan hausak vanglai tak te hian Krista I hre reng ang u. Krista tello a hausakna chuan chatuan a daih dawn si lo.
I retheih vanglai tak khan i siamtu hre reng rawh: Retheih hi a hreawm a, hausa nun kan thlahlel a, mi awt reng rengin kana wm a, Chu chuan sualah pawh min tluk tir fo thin. Kan retheih vanglai tak hian Krista hnenah i tlu lut ang u hmiang. Retheih kan nih pawhin Krista nena retheih chu a nuam a, Krista hnenah hlimna a awm si a. Isua Krista neitu chu retheih mahsela a nun a hausa a ni. Kan retheih vanglai tak hian Isua Krista i hre reng ang u.
Hmangaihna i chen vanglai tak in i siamtu hre reng rawh: Kawppui ten en a hlim taka inhmangaih hi a nuam ani. Kan nupui pasal emaw, bialnu bialpa te nen kan inhmangaih vang lai tak hian Isua Krista hi kan thinlungah lo lal ber rawh se. Isua Krista hi a lal ber chhung chuan nupa in ti tlan a awm theih lo va, kohhran phuar ngai a awm theih hek loh. Lal isua Krista kan theihnghilh hian sualin hna a rawn thawk thin ani. Chuvangin kawppui te nen kan in hmangaih vang lai tak hian Isua Krista i hre reng ang u.
He khawvela kan chen chhung hian, hlimna lungngaihna, lawman, tahna, hausak lai retheih lai kan tawng thin dawn. Chung hun a lo thlen hunah pawh Isua Krista hi kan thinlungah lo lal ber se. Tichuan, ‘Nitha lo leh, lawman tur reng reng ka nei lo ve’ kan tih hun tur hi a lo thleng dawn lo a ni. I vang lai hian i siamtu hre reng rawh
August 7th, 2011 at 8:36 pm
Avan dik/tha vele…
i comment leh post a i tawgkam a inmillo mange hairehai
Report this comment
August 7th, 2011 at 8:46 pm
Hetiang zawng hian ka lo la ngaihtuah ngai lo… Tha hle mai..Thanks 4 da post.
Report this comment
August 7th, 2011 at 8:57 pm
Tha khawp mai….nia kei pawh ka rin loh dan deuh in i rawn bei thut…a post tu vawihnih ka en nawn phah
Report this comment
August 7th, 2011 at 9:04 pm
doc_lib a post ngei chu ani sia maw ???
Report this comment
August 7th, 2011 at 9:04 pm
We are the Champion my Friends once again. Tawngtai zawhah muang marin ka la chhiar ang.
Report this comment
August 7th, 2011 at 9:12 pm
doc: i ni ngei sia maw…lol. mi fate hi zawng heti hi in nia(h).. Ngaihtuahna thar min siam e. Heyden rial-in a hrinchhuah a ni ngei ang chu maw..? A thlarau i chang fuh ka ti reng ah.. Gud post.
Report this comment
August 7th, 2011 at 9:15 pm
A va tha em aw… Ka tan liau liau ani e.
Report this comment
August 7th, 2011 at 9:50 pm
A va tha kher em! Hey den rial over laiiii.
Report this comment
August 7th, 2011 at 10:17 pm
Ve teh hlol a..inhmeh lo ee :-)..engpoh nise post tha tak ani !!
Report this comment
August 7th, 2011 at 10:22 pm
Ka chhiar chhuak chu thra ka ti lutuk a, doc_lib a post anih ka ring hial a! Tin, ngaiteh, a lo ni tak2 a!
A va ropui emmmm..hey den rial..
Report this comment
August 7th, 2011 at 10:31 pm
Kei chu i inhmeh ka ti!
I tihawm tak a ni reng a ni.
Report this comment
August 7th, 2011 at 10:44 pm
In comment chu kan en liam liam a, a post tu nih ka in thlahrung lek lek mai. A rau thawh dan a zir ni miau hek
Report this comment
August 7th, 2011 at 10:58 pm
A tha kher mai
Report this comment
August 7th, 2011 at 10:59 pm
Kan thatlai hun hi a rei lem lo; hetih laia min Siamtu hriat hi a hlu ber a ni.
Nakin lawkah kan la dam zel a nih pawhin kan mit a lo thimin a lo fiah lo ang a, kan beng a lo chhet ang a, vocabulary kan lam fiah kalh loh hun a la thleng dawn- tu leh fa, thalaiho zinga mi a fel fal deuhin kalpahin min bia ang a ‘i inkhawm dawn em’ a chhanna nghak lova min her bosan hun a lo la thleng dawn. Duh mahila rawng kan bawl theih loh hun hian min nangchin dawn-i vanglai hian i siamtu hria la, a rawngbawl ta che…
Rawngbawl hi va pen chhuah kher lam ni lovin nun hian hril phawt mai teh se.
Report this comment
August 7th, 2011 at 11:16 pm
Post tha khawp mai.
Report this comment
August 7th, 2011 at 11:33 pm
Tha hle mai…
Report this comment
August 7th, 2011 at 11:41 pm
post tu hre miah lo a ka lo save ngawt chu a
Report this comment
August 7th, 2011 at 11:44 pm
Vanglai pel toh doc_lib ten i vanglaiin i siamtu hrereng roh min tih te chuan kan zawm lo ngam nang!
Report this comment
August 7th, 2011 at 11:48 pm
ReMpy Siamtu hriat reng nan AP mission field kan tlawh dawn kha
Report this comment
August 7th, 2011 at 11:54 pm
Good Post.
KTP ah chuan kum 15-40 ni lovin kum 14-40 zawk kan la thin tih hi ka’n sawi belh ve mai mai ange.
Report this comment
August 7th, 2011 at 11:57 pm
doc_lib hi naktuk zan thalai inkhawmah thu a sawi dawn a ni chiang. Trial sermon a rawn nei a nih ka ring ta.
Homiletically-in lo analyse sak dawn ta ila-Gesture a tha em?–tha lo.
Eye contact–tha lo. Illustration—tha lo. Time concious–good. Relationship with the audience–very good; topical rather than textual sermon; topic a mind em?–yes. Message? Exellent!! Etc–good good..very good.
Report this comment
August 8th, 2011 at 12:01 am
@ Vakul thalai inkhawm lam chu ti hman lo tak ka ni. Tak takin kan zirlai avangin ka inkhawm hman thin si lo a, mahniin sunday hi chuan bible chhiarin hun rei lo te ka hmang thin a, chuta ka rilru a Bible chang lo lang leh a thawh dan ka rawn thlasik mau puah pui ve phawng a ni e. Theologian ho leh critics ho meipui a kal tlang tur hi chu huphurh tak ka ni.
A rau thawh dan ni miau hek. hey den rial.
Report this comment
August 8th, 2011 at 12:07 am
Bible thu, Biblein a sawi tum dan ang tak ni lemloa lang, keimahni duhzawng sawina atana zuk hnuhluh hi tunlai (hman deuh) atrang khan kan ching ta riau mai a. Hei hi thilthra nge thralo tih pawh chu ka la ngaihtuah thui vak chuang lo a. Engpawhnise, Isua Krista hriat reng hi chu thil pawimawh tak a ni a, mahse, hriatreng ai chuan hriatchhuah thrin hi mihring tih theih zawk chu a nih hmel. Ngaihtuah dan chi hrang hrang hi a awm ve a; Hetiang zawnga ngaihtuah hi thra ti em em lemlo mahila, han sawisel erawh chu trul em em ah ka ngai lem bawk hlei lo va.
Report this comment
August 8th, 2011 at 12:09 am
A hey den rial over laii takzet a ni.
Report this comment
August 8th, 2011 at 12:12 am
Thatlai hun hi a ngaihawm tan anih hi.
Vanglai tha zat lai zat zek zek lai te kha hmanlai an chang zo mai dawn kum 50 han lam rik fiah fiah tawh chinah chuan tha hi za thin mahse a che tak tak thei lo.
Report this comment
August 8th, 2011 at 12:17 am
#23Teatak2 i sawi dik khawp mai. Greekho khan grammer changkang zet an nei a; tense pawh an ngah. Vawikhat chana cham reng turte-lo thleng leh thin tur te, an nei kim biai a, chik a tul khawp mai. ‘Thlaraua khatin awm rawh u’ tih pawh hi khah pung reng lam ni lovin khah leh thin tur lam a nih hmel, kan dinhmun a zir zelin. Thalrau Thianghlim Baptisma/hriakthih kan han chang nawn awn awn maite kha a biblical lo khawp mai. Vawikhat chana cham tur tense(2Aorist tense)a ziah a ni a.
He post erawh sawiselna ka hre chuang lo.
Report this comment
August 8th, 2011 at 12:41 am
Good post
chutih lai chuan hlim vanglai ni lo in hlimlai,lungngaih in vanglai aneih ka hre lo a lungngaih lai chu a awm chutiang zel in..
Report this comment
August 8th, 2011 at 1:07 am
doc_lib, i spyna atanga i hriat chu ani em lovang chu maw hairehai
Tak2 in tha lutuk dot com
Report this comment
August 8th, 2011 at 6:27 am
doc_lib, va bei ropui ve o. Detective lam chauh i timi emaw tia. Rims ah emi i zir mek? Thian ka nei nual ania. Pg exam dawn hnai tawh em?
Report this comment
August 8th, 2011 at 7:27 am
Mak pawh ka ti ve lem love, pa thatak i nih ka ring reng a ni.
Report this comment
August 8th, 2011 at 7:33 am
Tha dang dai hle mai. Carry on.
Report this comment
August 8th, 2011 at 8:18 am
” in the days of your youth” tih a nia, post tupa sawi dan hi ngaihnawm viau mahse a kuai her mah mah em o!
Mizo kristian hmasa zing ami pakhat pawh khan “Jentel” (gentiles) tih a, a “tel” lai tak hmangin sermon a sawi ve tho kha maw le. “Nangni nu-hote u, khawi TELah nge in awm? Chingit TELah-te hian in lo awm ang e!” Nu-ho an inhmu chhuak nasa hle a ni awm e.
Post tupa sawi ang deuh hian “a rauin” a thawh dan a nih miau si hi chuan Pathian thu sawi dan turah leh lo ngaihthlak dan turah pawh hian ramri kham thiam a harsa thin ngawt mai.
Report this comment
August 8th, 2011 at 10:58 am
What/How/When/Where/Why to remember? Remembering Him.
Good post! Got enthralled!
Report this comment
August 8th, 2011 at 11:40 am
Engtiklai pawha Pathian hriatreng hi chu a har thin. A hun tak a hriatchhuah erawh a pawimawh khawp mai.
Report this comment
August 8th, 2011 at 1:20 pm
In comment liam liam a, a lawmawm e. La in zir ve tan ek ek chauh kan nia. A chhiar dan te pawh min thiam sak aniang chu, kan la rawn post leh zel anih pawn.
Hey den rial
Report this comment
August 8th, 2011 at 7:17 pm
Ka chhiar ta e. A tha dangdai hle mai! Good Post! Ti zel rawh..
Amah Dr. Hranghrima (Dr Lip) khan a tia lawm- “Thuhriltu pakhat pawh hian Genesis 1; 1&2 kha a chang thlan a, a chhiar ta a- ‘Atirin Pathianin lei leh van a siam a. Tin, lei hi a CHHIAa a ruak ngawt a ni a; tui thuk tak chung chu a THIM mup a’. A chhiar zawh chiah chuan, ‘Unau duhtak te u keini ringtute hi kan lo CHHE reng em? Kan THIM mup em? In bihchiang ang u’ a ti e” a tih kha.
Ka hrechhuak a; ka lo ziak a ni. I thu lak dan hi chu a tha tho mai. Mahse thu pawimawh lai erawh fimkhur a tul viau ang!
Report this comment