Puithuna (Superstition)

August 11th, 2011 2:30 pm by PKfanai

Naupan tet atangin Puithuna atthlak ring lo tura zirtir thin ka ni a. Mahse, Bible a ka Hero te hi Josefa te, Daniela te, Davida te anni tlat mai a. Ka nunah hian mak tak maiin ka hmalam hun, hun pawimawh leh hun pui inher danglam tur hi ka mumang lamah hriattirin ka awm thin tlat mai a. A chiah chiah phei chuan ka hmu thin lem lo a, mahse, ngaihbel theih tak chu a ni thin a ni.

Chung tiang mumang danglam ka hmuh thin hun te chu:-

[1] Ka ngaihzawng nen kan inthen hlen dawn in, ka hmu lawk. (tum 2)

[2] Ka la kal ngai lohna hmuna ka awm dawnin, Ka awmna hmun tur fiah/chiang lo ruaiin ka hmu lawk thin. E.g. Pasighat, AICS, Aizawl leh Nirjuli (Itanagar).

[3] Inbuat saihna hun awm mang lovah Pathian thu sawi tur a, sawm thut ka nih dawn hunin . Ka mumangah Exam kan nei a, ka chhang thei thin lo, emaw ka zo hman thin lo. Tin, Thu ka sawi dawn a, ka insiam zo thei tlat lova, ka tlai dawn tlat thin.

Hemi ka han buatsaih thut chhan pawh, Thawhtan leh thawhleh zan khan hetiang mumang hi ka nei leh a, Tichuan, Nilai zan (10/8/2011) zan dar 9:30 an NERIST Christian Fellowship (NCF) leh NERIST Mizo Inkhawm (NMI) hovin, Tun Sunday (i.e.14/8/2011) a thusawi turin min rawn sawm leh thut mai. NCF hi dar 9:30 am. ah a ni a, NMI hi chawhnu dar 2:00 ah a ni.

[4] Ka Puithu lehna riau chu; Piangthar dik tak, Pathian mihriatte hian Corruption hi an hlawkpui theih ngai ka ring lo. Pathianin a hu tawk a la let ngei tur a ni (Damloh in senso ngai emaw, Accident emaw, Fate nun/nung chang chan emaw, Hmingchhiat em em emaw, rilru hlim lohna, etc.) an nunah a thlen ngei ka ring bur. Anih loh chuan, Rorel naah phawrh chhuah angai dawn tihna a ni si a.

Kan Pi pute zingah, Saihnuna Sailo Sakei kap thei deuh kha, a Sakei kah dawn tum chuan, a ngaihzawng a hmangaih em em, mahse engemaw avanga Nupuia a neih theih tak loh kha, an inah Lo lawi dawn ang hian a mumangah a hmu ziah thin niin a insawi.

Hetiang hi enge in ngaih ve dan? Misual zingah in lo awm ve reng em? I han share tlang teh ang u. Ka thih hun tur pawh hi ka hmuh lawk ka ring deuh tlat nia maw le. Thih hun tur hmu lawkte hi an lo awm tawh reng em? Kan experienced te I han share ho teh ang u le.

53 Responses to “Puithuna (Superstition)”

Pages: « 1 [2] Show All

51
no_nick Says:
August 12th, 2011 at 1:07 pm
hahah… Pu PK… tihdan tur i rawn sawi chu ka pawm thlap e… nia.. “ka tetlai in ka mumangah ka hmu daih tawh che”, ka ta i ni.. te ti vel ila.. Hmaiah ri thruai thruai mai angah.. lolzzz

Report this comment
52
DuatDuat Says:
August 12th, 2011 at 2:13 pm
Kei ve thung tunlai ka mumangah hian ka mut hi lo chhuak thei lutuk a, ka lo muhil a mumang dang te ka lo nei leh zel a, ka thanharh hian mumang chhawng thum nei chu an thi duh an tih ka hrechhuak ziah bawk a,peih leh peih lovin ka in ti harh lui hram2 thin…hrehawm khawp mai

Report this comment
53
bk Says:
August 12th, 2011 at 2:35 pm
Ka mumang awmzia ka hriat chian em em thin te:
1. Mumanga thil tui deuh ei teuh, puar thei si lovin – thanharh chuan ka ril a lo tam hle thin.
2. Ka hlauh em em, thlahrang leh thil hlauhawm deuh deuh ka hmuh in – ka thanharh chuan vawt ka lo ti hle thin.
3. Zun chhuak, zun tawp theih loh – zun a chhuak in min ti harh nge nge thin.
Etc.

Report this comment