-Matluanga Fanai
A thupui atang khi chuan a rei tawh hmel khawp maia, mahse a thu hmasa lama HMAN tih hi hi thluk rei lutuk lovah kan ti mai a ni ang chu. Ka lung ti leng thintu leh tun thlenga ka la mangphan thin chu ka naupan lai, kan khua a ka awm lai kha a nih ve tlat thin avangin ka tan chuan khang hun bak kha HMANLAI dang ka nei chuang si lo. Kan in hrethiam a ni ang chu.
Chingal, ZRM Jeep leh Handyman:
Nia khang hun lai te kha chuan Congrete building neih leh IAS officer nih te kha chu kan rilru ah hian a lang pha lo hrim hrim. Thingphel chhuat neiha, tuichawi nan Tuium thar lam bakah Baltin nei nih kha chuan hlimawm tak a ni. Zirtawp ni, zirtirtuten inbualfai tur an tih nia, sikul banah tuikhur lam kan pan laia, fianthlira chingal fir kan ken vau vau lai, thianten Saikhup no puana kawngvawn phaha Chhangphut sahbon leh Sahbon sen belhbawm an ken bik ni a kan rualawh zia te kha. Inbual hma leh zawh hnua tuikhur kianga Daidep tawng/vawm ringawta kan khawtlai nite kha aw.
Kan khuaah Buhfai phur Jeep ZRM ngei mai lo luh ni te khan, cham hlen tura duh ngawih ngawih vang pawh nilo khan kan um nasa thin a sin. A han ding khawmuang deuh te kha chu kan hlam nasa thinin, a Bracket kua te chu kan Telephone changkang ber a ni thin a. A khu chhuahna kua te chu kan zen tle hlarh lo chauh kha a ni a. Engemaw changa Jonga lo lut te phei kha chu, a liam turte hi a lan theih chhung kha kan Tlumtea thlir tak vawng vawng a. My Aim in Life chu DRIVER tih sawi lova lantirna turin Saihlum leh Thing in Motor lem kan siam a, ko pangah kawng siam chawpin hmui vung bur khan kan VU nileng hlerh hlerh mai thin kha a ni a.
Pa nei themthiam deuh te Motor Condition kha a tha a ni mai. Siam thiam ta lo chu rual U-te Tawlailir chu thing kak nen kan handyman a, kawng zawl ah kan nawra, kawng chhova kan put saka. Vawkhriak (a ke tih nal na tur) khaini bur khatin vawikhatte chu kan HIRE ve zauh chang te chu a awm. Mahse kan chuan thui poh leh kan put chhohna kawng a thui a ni mai. Perek kang bung zawng reng reng inkan nileng a, Tawlailir ke tura Fartuah leh Vang zawng reng renga kan rammut thin lai te kha…. A lo va hahthlakin a va lunglenthlak si em!
Nute hmanrua nen:
Lehkhachaih siam thiam ve ta lochu rual U-te ta bawk vawn/thlah sak turin nitla van vuaiin kan in volunteer a. A len san deuh laia Tuibur hmuamda vel, a neitute zunram thiar lai lo vawn ve chu kan allowance sang ber chu a ni tawp mai si thin. Han siam thiam ve hnu lah chuan nute khawihnun dah that lang lo thei ang berin kan sik thla a, a nih loh leh buh mal/chaw malin kan char khir bur maia.
Kan la neihin daih thui hek suh , nute second-hand thiatna La-hlum thulkhung chu kan han trick a, hrui fual purin kan hum thlan dup a, kawng daih chhung kan tlan thlan tla phung mai thin. Nute lo hawn hmain la hlum chu a ngai ang chiaha dah leh hman a tul si. Lehkhachaih chhuakin, la a chhuah pui tuma zanriah ei hun a nghahhlelhawm loh thin zia te kha a lo va lungngaih thlakin a va lunglen thlak si em!
Similar Posts:
- Lehkhachaih (Kite)
- Lehkhachaih (Sunday pual)
- Mas kan hmandan hi
- Hmanlai Motor Willis kha
- International Kite Festival
August 13th, 2011 at 5:37 pm
fais
Report this comment
August 13th, 2011 at 5:38 pm
chhiar thiam va har reuh ! heading chu !
Report this comment
August 13th, 2011 at 5:42 pm
post tha tak ani
Report this comment
August 13th, 2011 at 6:11 pm
Kei pawh ka lung a ti leng ve pha tlat mai a.
Report this comment
August 13th, 2011 at 6:17 pm
hre pha ve lo..
Report this comment
August 13th, 2011 at 6:29 pm
Tawlailir bakah Tawlhpahrit ah kan han tawlh a, kekawr mawng bal vek leh tet vek khawpin…….Hmanlai an chang zo ta..
Post lunglenthlak hle mai….
Report this comment
August 13th, 2011 at 6:30 pm
Inhnawk leh pasaltha ramchhuak hmuah tih loh khi chu a taka ka tawn hnu an ni ve tlat mai le. Lunglen thlak ngei mai.
Report this comment
August 13th, 2011 at 6:34 pm
Hre pha ve tlat
Report this comment
August 13th, 2011 at 6:38 pm
“Tawlailir (Rel lem) ke atan a Fartuah hman chu, a kal tuah tuah duh a, Vang hman chuan, a kal vang vang thin” tiin kan sawi thin. Ka nu nen mauhak tuikhura kan insuk tum a, pangpar zam chi, te reuh te te, a sen lar par vul chuk leh kan chhak a, sipai Radio a hindi film hla an lo play kha ka Lung ti leng leh ka thil hriat rei pawl a ni awm e.
Report this comment
August 13th, 2011 at 6:38 pm
I ziak lunglen thlak ngei mai. Ka tawng tawh ka blog ami ka rawn thehlut ve ang e hairehai
Report this comment
August 13th, 2011 at 6:48 pm
haha…luinglen kan hmang tan leh tawh dawn ni maw…a tha e…Aizawl ka kal hmasak ber tuma zemabawk sipai bahrik..elecctric veng oppsite vel awm a..pangpar par eng suau kha ka la hre reng…when i was 5…
Report this comment
August 13th, 2011 at 7:11 pm
Fartuah leh Vang kha rei lo te chu mau chhung phum siamin kan hmang ve hman. Mahse, Ft. phek thingzai kha a tam hnu kha chuan nut kha kan chhung phum a, kan hmang thin, a zapui(Axle) ah khan thir(re-bar)kha thingtuaiah kilhbetin kan hmang thin bawk.Mahse, a ke kha a thlawn duh khawp mai!
Thu ziak thiam bik hi chu an awm chiang a lawm..! Ara, chheni, Burma nei tha leh tha lo chu a inthlau duh khawp. Tawlai chuan uar fal kha an thin a lian chawk ! Metal lohah chuan a nghawr a na duh phian!
Report this comment
August 13th, 2011 at 7:42 pm
Minister lo kal a chithlum chan loh hlau a kanin chuh nasat theih zia kha o..a thenin pa2 chauh an chanlai a pa7 lo chang nih bik kha nuam ve teh e..Mas ruaitheh niin ka pa’n cheng5 minpe thin, tam tak a ni tam tak..a lunglen thlak hle mai
Report this comment
August 13th, 2011 at 8:30 pm
jeep seat a dup lai kan pawtthla a, a battery kan hawng a, acid ah kan chiah kan han fawp mai thin kha chu(h) tun hnua ka ngaihtuah let chang hian ka mur chuai chuai thin, lo at theih fia fia khawp mai.
Report this comment
August 13th, 2011 at 8:35 pm
A chhuk laiah khuan pawt ang deuhin awm la min nawr ang che, tih vel te ka hre chhuak uai uai mai. Lunglenthlak lutukkk…
Report this comment
August 13th, 2011 at 9:09 pm
Lehkhachaih chaih, tawlailir ke tuk, jeep motor um leh beh, chingala inbual, saihlum hruala sava veh leh motor lem thinga siama khalh te ka lo chin tawh hnu vek an ni e, matluang, i va rawn ziak lunglenthlak thiam ve, ka duh kher mai, he post chu, tih zawm leh ngei ang che.
Report this comment
August 13th, 2011 at 9:47 pm
Pu Matluang iti lunglen thlak ngei mai… Saihlum kan hrual a, a ro hma in u ten kut zung chal a nem pahin min han chhiar sak kauh2 a…kan hnek hrep zel( rilru in) hehe.. Krismas dawn a tlangsam par te, therenga mawng tawlh mawng tawlh kan tih lai te, thlasik khawvawt hnuai a hmawng tlan kan chan thin lai te..tangtial kan vaih thin lai te,. ….ka va ngai em o.
Report this comment
August 13th, 2011 at 10:07 pm
Ngaihnawm zek tak mai a, phur vaklo in ka chhiar a, ka tui tulh tulh a ka chhiar zo thak a, ka la khamlo viau zui.
Fianthlir tilo in Fenthlir ti zawk ta lam a rem deuh zaih angem?? ti rilru chungin comment ka submit e.
Report this comment
August 13th, 2011 at 10:48 pm
Ka’n luangliam ve lawk:
Fenthlir hi a dik zawk ang, tui hi a tui bikin ka hre thin.
Motor lem siamna hi saihlum ni lovin ‘hlum’ a ni zawkin ka ring.
Kan dai chin a inang hle mai. motor lo kal turte hi leiah beng siin kan ngaithla a, ral atang pawh hian a ri ringawtah tu motor nge tih kan thliar hrang thei.
Tawlailir ke atan chuan thing duap apiang kha a lo tha-Fartuah kha a tha berin kan hre thin kan hual kur nguai a a nuam dangdai hle; a keh har a, a tuk a nuam bawk; pang pawh a tha tho. Vang kha kan hmang uar hle bawk-a ke tuam nan slipper chhia kan hmang a, a neinung faten motor ke chhia an hmang pha bik. Perek inches 2 hi hman tlanglawn ber a ni ang.
Ngaihnawm khawp mai.
Report this comment
August 13th, 2011 at 11:26 pm
‘tlumtea thlir’ chu nghakhlel tihna zawk.
Report this comment
August 13th, 2011 at 11:46 pm
Tawlailir ke tur thin kan kit a rit ti takin kan han pu hawng tawih 2 mai thin te kha aw.
Chhungte hriat loh hlan in tel kan ru chhuak a.Khawimaw lai a motor ding grease kan han pit ru tawn zel mai te kha.
Report this comment
August 14th, 2011 at 12:06 am
ngaihnawm ti taka lo chhiar tu te leh fakselna pe tu zawng zawng te a ziaktupa ai awh in a post tupa hian lawmthu kan sawi e.. matluanga fanai hi ka lo dil leh anga part ii ka la rawn ti leh ang a re, chuan.tin a dang hit tak2 pawh ala nei nual a misual te hi min hlui zel phal ka beisei…..
Report this comment
August 14th, 2011 at 12:13 am
‘Ka hmanlai ve chuan’.. a awmzia ka hre lo tep a ni. Mizo tawng tluang pangngai chhiar nuam tak thupuiah han hmang se ngaihnawm ka ti zual tur.
Report this comment
August 14th, 2011 at 12:17 am
Post leh comments te chu pui rem2 hlom ve awww..!
engtik kum vel nge niang le, ka ti..tunlai naupang te nen cuan hun hman dan a va inang toh omlo ve aww…
Chuan, ‘tlumtea thlir taka thlir’ tih hi thil nghakhlel taka lo thlir soina zok an tiin ka hria, heh..
Report this comment
August 14th, 2011 at 3:33 am
Lunglenthlak mange.
Report this comment
August 14th, 2011 at 9:07 am
Posttupa chu lung loh2 te pawh i ti leng alawm mawle,.
Report this comment
August 14th, 2011 at 11:37 am
KA HMANLAI VE CHUAN (Part-I): A lunglen thlak e….a thupui hi ka chhiar fuh thei nghal mai lo a….”KA HMAN LAI VE CHUAN” tia ziah ni ta se (HMANLAI-ni loin, hei hi chuan kan hmanlai pipute tih tawngkama hman zawk tur a ang), a dik zawk lo’ng maw ka ti.
Report this comment
August 14th, 2011 at 11:44 am
lung i ti leng hle mai a ..
Report this comment
August 14th, 2011 at 11:57 am
Ngaihnawm in a lunglen thlak hle mai
. .
Report this comment