Aizawl Civil Hospital ah chuan, ka thianpa ber pakhat nita, Lalchhuankima (fam)(L.Ch.K.A), a nun a hrinna khum an chhuahsan ni chiah, February ni 5, chuan ka nu’n thihngam a harin, a letling zawngin min hring a.
Kum aliam ve zel a reilo teah chuan sikul lut rual kalo ni ve reng tawh mai a, Mary Mount Convent, Aizawl ah chuan ka lut ve tan ta a. Ka sikul luhpui ka ngam loh te hian nitin deuh thaw hian min vel thin. Kei lah chu sikul ban veleh ka tlan hawng a, kan kawmchhak, Phulraw hung kar atang hian Sairawkherhin ka lo perh ve ziah a a tukah min vel leh nge nge thin; chutiang reng reng chuan inkawm/invel in kan khawsa thin.
Ka sikul kal hmasakber ni. A hnungber dawttu kawrchung dum ha hi keimah:
Pawl thum emaw kan nih chuan mei zukruk kan ching roh pek a, Lalpuii (MCS) te thianzaho hian min rawn enthla thin. Kan thianpa pakhat hian anu pawisa ruin Panama a rawn keng thin a. Chu’ng cigarette te chu kan kawmchhak hmawng phenah kan zuru ta thin kha ania. Kan neihloh pawhin Kawldai kan ziala kan zu fo thin.
Tum khat chu sikul chhungah Babita Smith (Anglo Indian) tuna Shillong a awm ta nen kan infiam chu an mit alo kham deuh aniang sister Kiran chuan min hnawt chhuak a, chhungten min dil sak leh avangin inline naah ngaihdam dilna lehkha min chhiar chhuah tir nghe nghe. Ani hi kum 1999 emaw khan Shillong Mizoram house kiangah kan inhmu thut mai a, a lawmawm duh hle mai;sawi tur angah hrep lehnghal a.
Sawrkarin ka pa an dahna hmun, N.Vanlaiphai ah chuan 1977 khan ka han zin ve a, kan pa Kulh-a (Lalkulha, inchaichak) Sakawr, Pate-a! chu ka sakawr chung chhuan hmasak ber a ni ta. N.Vanlaiphai supply tlangah te chuan Dakota thlawhna hian sipai ho rawsawt (ration) tur parachute in a rawn thlak thin a, a hmuhnawm kan ti thin hle mai.
Kulikawn atang pawh khan Reiek tlanga an thlak thlir thin mah ila, N.Vanlaiphai ah hi chuan bawnghnute tin (dût) tla darh te kha kan chhar thin a, a nawm dan a dang khawp mai. E.Lungdar piah Leng khua ah kan zin a, an khaw kawng chu motor kal zen zen ni heklo le, kan kal pahin kan sam phei zel a, chutia kan chet vel naah chuan ka nau Sangtea chu hnim karah rei vaklo chu kan hlauh nghe nghe a ni.
Leng khua kan luh dawn hnaih chuan, a khawmi ten motor thawm an hre pha tihah, ‘haw haw’ chungin motor an rawn hmuak a, hmuhnawm tak a ni. Zanah chuan petrol hnim tur ruk tum an tam avangin, tlangval tlawmngai te chuan Mizo pa sairawkherhin motor chu an veng ta nghe nghe a. Hetih lai hian an khawsak dan hmanlai Mizo ang mai kha a la ni ber a, Hrikhrah te pawh anla in Vam sak pawp pawp mai, thil dang pawh hmuh tur a tam ngei mai.
Aizawl lamah chuan MNF leh Vai sipai an in kap zeuh zeuh reng a, kawtthler ah pawh armored car hian khawchhung a fang thin, awm an ti nuamlo thin hle a ni. Vai sipai ho lah chuan an duh duh hunah kan kawngkhar te hi an rawn chhir hawng a, nu leh pa te hmai ah te an han nawr nawk nawk mai thin kha chu, tih theih neih siloh chuan rilru a na duh vawng vawng thin kher mai.
Tum khat chu kan thianpa u hian pistol lem hi Kulikawn phei ah a vaivir a, Pu Mat-a (fam) in piah a CRP duty chuan MNF emaw tiin (chhunah) a kap pawp mai a, a kah thelh lai chiah chuan, Pu.Thanthuama (fam) te in kiang CRP camp atanga lo chhuak an Captain chu lu phel phawk hian a kap ta.
A ni let reng chu a thluak bua chu ar te chuan an chuk a, Salvation ho inluah te fapa, Rozama nen kan phiat fai ta nghe nghe a ni. Ka thianpa Vel-a u, MNF Captain Lalhleia pawh chu vai sipai kutah pasaltha thihin a thi ve ta a, Tuikual Excise office chhak, rangva inchhawng sei zet chung, a pa te chenna ah chuan a ruang nghatin kan sikulin kan va vui liam ve a, ka mitthla ah hian a la lang thei reng thin.
Tawlailir siam nan thing tuai kan pu han pu a, a ke tur kan tuk chawp bawk a, a chhungphum tur pipe kan ngaihven a, chawhmeh kanna tel a hek duh kher mai. Tlangnuam atangin kan han intlansiak thin kha ania. Thakthing bazar ah puanthui hnenah kekawr kan han thui tir dawn a, a tlang arh lam 12″ kan han ti ngei a, chumi chu ahnuah kan belh arh leh tho thin.
Kulikawn Pc-a (Pachanga) phei chuan a kekawrbul thlengin a belh arh thin nghe nghe. Pheikhawk hnuai tur Pang thing te kha avan lar thin tak em!
Similar Posts:
- Leimin!
- Chet chhiatna tlem te
- Aizawl vêng hrang hrang hming vuah chhan
- The Great Society
- World Class Education kan nei ang em?
August 14th, 2011 at 10:02 pm
Nun tam nei ta ngang hi i nia,
i chanchin hi chhiar a kham awm loh, chhiar tawh mah ila chhiar nawn leh teh ang
Report this comment
August 14th, 2011 at 10:03 pm
e First teuh hle mai,….hhehe
Report this comment
August 14th, 2011 at 10:10 pm
blog lama chhiar hnu pawh nise ala ngaihnawm reng tho….
Report this comment
August 14th, 2011 at 10:14 pm
Hahahaha …….. heng hunlai chuan tih tawh list chu la nei bik em lovang chu maw!!
Report this comment
August 14th, 2011 at 10:18 pm
ngaihnawm thim ve………
Report this comment
August 14th, 2011 at 10:18 pm
A ngaihnawm e. Thlalak i nei tha mang e aw.. Nang nge nge, tluk loh rim i nam leh ta. Ka sikul kal hmasa ber ni ka la mitthla thei ruai ruai. An CRP pa nih chu a va châkawm dawn loh ve! Capt. Lalhleia leh Capt. Thangrehlova hi ka hero.
Report this comment
August 14th, 2011 at 10:22 pm
Tû nei rual nive tawh, nu leh pa ngaia ka lung alen tlat pek chu.
Report this comment
August 14th, 2011 at 10:24 pm
Meigou ren, avan ngaihnawm em. Pu Lalkulha thlalak hi ila nei mial em ? Mizo pa ah chuan pa pian nalh tak niin ka hria.
Report this comment
August 14th, 2011 at 10:31 pm
Zhongguo ren, heihi tun maia ka neih chhun chu a ni.
Pa Lalkulha leh Thuamchaka:
https://i52.tinypic.com/2130y3a.jpg
Report this comment
August 14th, 2011 at 10:34 pm
Xie xie ni!
Report this comment
August 14th, 2011 at 10:36 pm
Wohen gaoxing ni xihuan ta
Report this comment
August 14th, 2011 at 10:38 pm
Tawlailir ke, kekawr tlang arh, Panama cigratte etc etc,lung an ti leng rieuh.
Report this comment
August 14th, 2011 at 10:43 pm
I blog-ah ka chhiar tawh a, ka chhiar chhuak ta lo mai.. a ngaihnawm tih ka hre sa. Chhiar nawn dap turin hun ka nei tawh lo a ni ber. :ngaihdamdildeuhroh:
Report this comment
August 14th, 2011 at 10:43 pm
I post chu(h)…’nunhlui tahna” ni mai lom le…i ti lunglenthlak, ka lung i ti leng e…
Report this comment
August 14th, 2011 at 10:53 pm
lal-ber-a nge nge..! Chhiar a manhla thin e.
Report this comment
August 14th, 2011 at 11:08 pm
ka chhiar chhuak vek.
Report this comment
August 14th, 2011 at 11:12 pm
Report this comment
August 14th, 2011 at 11:13 pm
Report this comment
August 14th, 2011 at 11:31 pm
Pu hva blog a thil ziah ho hi chu lehkhabu a chhuah chi mawle. A ngaihnawm hlawm lutuk a..;-)
Report this comment
August 14th, 2011 at 11:42 pm
Dut hip hi a tui ka ti khawp mai. Dah fimkhur loh chuan chukchu kan hip chhuak nawk mai a ni. Tui dek dek ti ila a inhmeh ber.
I sawi ngaihnawm hle mai a; sipai khi a chung a rip ve khawp ang.
Tawngkima i ni ber e.
Report this comment
August 14th, 2011 at 11:53 pm
Ke kawr arh chu ka ha ve hman mahse ka la tlangval lo
Thuamchaka show hi ka en ve nual.Ka thianpa te in ah a thleng a.
Kan thil hriat kan zawt a nuih a za khawp mai.
Ka pu i englo a kawh lai hian rifle a khai kang vaw thei an ti a tak tak ani em kan ti mai chu a nuih a za khawp mai.
Dut tin kan han hip ru thin tih fuh loh chang chuan chukchu thi kan han hip chhuak nawlh mai thin te kha.
a let fe a tenawm pawh ka hria.
Report this comment
August 15th, 2011 at 12:05 am
Report this comment
August 15th, 2011 at 12:10 am
Hei tak chu i blog ah ka lo la chhiar lo. A ngaihnawm e thlalak hluiin ati hlu zual
Report this comment
August 15th, 2011 at 12:12 am
Hei tak chu i blog ah ka lo la chhiar lo. A ngaihnawm e thlalak hluiin ati hlu zual
Report this comment
August 15th, 2011 at 12:17 am
hmingtea#21 Tk-a PTC a instructor (thin!) khan tui tinkhat a khaikang va va thei hairehai
Min hlut saka ka lawm e. Midang pawhin nunhlui ngaihnawm tak2 innei hlawm theuhin ka ring. Han inphawrh ve ula aniang chu mawle.
Report this comment
August 15th, 2011 at 12:57 am
a van ngaihnawm in a then hi chuan lung a va kuai ve
Report this comment
August 15th, 2011 at 1:20 am
Report this comment
August 15th, 2011 at 2:00 am
Vaiho in Mizoram an lo tih retheih zia kha, kan duh lo chung min awp lui a, kan nula te leh nuho duh duh in an ti zui a. Bomb an thlak a, chutah anmahni kan duh hlei nem a ram a lom kan duh,,,, we dont want them we want the LAND min la tih khum zui. HV i naupan hun lai vel khan lo tlangval ve toh ila ka MNF chiang ang chu ooooo (tun a MNF ho ang ni lo in hhahaha). Snipar mu 100 vel chauh nen Vaisipai LAL nunrawng dan lo ang a che chin lo phil hmiah hmiah thei toh ila tra tur. Kha ti ang a sual huk na hun a thleng leh a nih vaih chuan an chak lo toh viau ang…. vai rilru chalak finvervekna nen kan bei let toh ang. BBC te CNN te Mizoram ah luh tir an phal toh em ang chu mo? Khaw khawm te kha oooooooooooo……….. Engineer leh engineer, doctor leh doctor, BA leh BA, MA leh MA, IAS leh IAS, thang kam thiam leh thang kam thiam kan inkhing toh ang tlem feeee zawk mah ila. Kan ram a nia, a leilung awm dan pianhmang an ai feeeeeee in kan hre zawk kan chak ai kaw tran chuan min hneh bik tawh lawng.
Report this comment
August 15th, 2011 at 4:16 am
A ngaihnawm khawp mai. Lalhleia te, Thangrehloa te chanchin hi dawt tlem phuah belhin kan chhiar atanga kan hriat ang ang kan sawi khawm laih laih zel, pa(man) hi kan han ti thei khawp lehnghala. Sikul uniform ah middle kan kal lai khan kekawr tlang tih arh hret kha kan uar ve ltk. Ka form a bal ber zel
Report this comment
August 15th, 2011 at 4:53 am
Ka u HV-a Life hi ka ngaihlu, U.S ka zin tuma duhtawk a ti ti na hun kan nei hman lo erawh a pawi ka ti. Tu’n thlenga ka rilru-a la awm reng chu, Chaw ei-ah mi a sawm, thiante’n min len bopui daih si, kan nanghman ta lo kha ka rilru ah a la thi thei lo ani ber, tun thleng hian ngaihdam ka dil nawn reng ka rilru in. Afanu molh kha, a fing a pa a chhun nge a nu a chhun tih pawh ka la hre thei rih lo, a hmelen kha chuan a nu leh pa an lo hmeltha bawk a, vaitawng tak chuan “, bahut sundar hai!!’ achha hai!!!. kha ani ri ngot mai a,, a finna leh a rilru en kha’n a pa leh a nu nge a chhun, a pu leh pi te zawk tih hriat a har ngot mai. Damte’n kan la awm ang a ka U HV-a’n min mikhual duh lo anih pawn an Inn ah ka thleng tho tho ang!!!:D
Report this comment
August 15th, 2011 at 4:58 am
flying, eng hunah pawh, khual tha paw’n khual chhia pawn le hairehai. In hawngzau mai mai asin
Nula ho vanga kawng bo tlat mai kha chu a chi tawh lovang
Report this comment
August 15th, 2011 at 6:37 am
Condensed milk hip ruk a nuam, fanghmir luh loh nan lehkha them thleh zum deuhvin kan hnawh va thin.
Buai lai khan parachute puan kha thingtlangah chuan naupangten kekawr atan an thui thin. Parachute hrui fei tak kha kan ngaisang thei asin aw!
Post ngaihnawm reuh, thil dang a keu hawng ru riau!
Report this comment
August 15th, 2011 at 8:57 am
Ngaihnawm thin e. Ti ta mai mai ila, hman a i nu thlalak kha; a hmeltha kher mai a, Nu hmeltha tak hian fapa duhawm tak an neih hian an duat sual ve duh riau a, i nu favourite child i nih ka rin laiin, i nu hi i sawi chhuak khat ang reng a, i pa hi i sawi tam zawk teh tlat a. Pa hmangaihna hi chu a puitling a, a hmu thui i ti ve em?
Report this comment
August 15th, 2011 at 2:07 pm
hmanlaia parchute nalh deuh an zar thin kha ngatinge kan changkan hnu hian silpouline hian kan thlak le? A aia nalh hi kan phak/tlin awm vei nen
Report this comment
August 15th, 2011 at 3:38 pm
In thlahtute a lo fingfel hmasa bawk a, panlai thla I nei tha bik thin tak mange aw…
Report this comment
August 15th, 2011 at 3:40 pm
PKfanai#33 ka nu chu ka la khekkhal alawm
Ni e, pa te hian an hmu thui thin ngawt asin!
kawlhawk #35 mai mai a che…
Report this comment
August 15th, 2011 at 3:43 pm
HV, i thianpa kekawrbul bel arh ngei mai chuh..dan dangda ve! khup chungah arh deuh haks awm sia…a lem ka hmu chak lutuk!! lol
Report this comment
August 15th, 2011 at 3:46 pm
bmw, Kulikawn ah chuan PC-a tiin an hree vek ang. PCa = pachanga. A hming a put chhan pawh, “Kan jeep a nung thei lova, pachang pachang atia, a tawpah chawkchaw awrrrr a ti leh thin,” a tih atangin. Koh nan tupawn an hman ania a haw lo.
Report this comment
August 15th, 2011 at 4:25 pm
Ku HV-a nge nge, a document te nen lam i post thin a, a man hla thin khawp mai.
Kekawr bul chu i ṭhui arh ve ṭhin tho em?
Report this comment
August 15th, 2011 at 4:26 pm
bauhbauh, kekawrbul chu thuiarh ve love hairehai…em an a.
Report this comment
August 15th, 2011 at 4:27 pm
Ku HVa hian ka naupan laiin vawi 1 min vel tawh
in sawi thei mai mai 
Report this comment
August 15th, 2011 at 4:29 pm
bauhbauh, ka awihlo.. ka naupan lai chuan miin min vel thin zawk asin
Report this comment
August 15th, 2011 at 4:34 pm
seriously….nang anga mi tumruh leh entawn tlak hi an ngaihsan awm ka ti ngawt mai. Tunlai mizo thalaite te tan entawn tlak ni zel ang che
Ka lo zin hun chu ka rawn thlen chilh rup tawh ngei ang che ma le
Report this comment
August 15th, 2011 at 4:40 pm
bauhbauh, mifel tak2 an tam lutuk…keini ve te mai mai chu a…
I duh phawt chuan lo thleng rup rawh.
Report this comment
August 15th, 2011 at 4:44 pm
#44
Report this comment
August 15th, 2011 at 7:28 pm
mi vannei BER i ni e, i thiante i sawi hi (fam) deuh zel anni bawk si, i pic saw a hlu ngawt mai!!
Report this comment
August 15th, 2011 at 9:03 pm
drake, ni e, engkim maiah hian ka vannei fo thin asin. Pathian malsawmna hi ka dawng tluang khawp mai. Uang miahlo vin, lawmthu bak sawi tur ka neilo a ni e.
Naupan tet atanga ka kawm thin ka thiante hi kutzungtang zat pawh an awm tawh awm love. Ala dam te erawh belebut ve viau thin mahse tunah chuan Kohhran upa te, veng khat YMA president tih te leh mi fel tak2 anni hlawm.
Report this comment