( Elvis Presley thih champha nghilhloh nan)
Rilru zawng zawng a hmangaih, Thil dang zawng zawng pawh ‘Hnawmhne’ a ngaihtir theitu mihring han tawn tirh leh, beisei deuh si, beisei tak tak ngam chiah si lo, te nena chatuan thunung kan han thlun ni leh zante hi a hlim awm thin e ti rawh u.
Mahse kan hmangaihna a nasat a, kan Rilru zawng zawng kan lo pek zawh hneh poh ve leh, Inthen a lo tulin a na thin a, tawrh thiam dan a awm thei meuh lo a ni. Chutih hunah chuan, enge/Tunge kan ro hlu ber leh kan thil neih hlu ber mai pawh ni satliah lova, Kan neih zawng a lo chiang thin a ni.
Damchhung atan Nupa pumkhatah an insiam a, hunte hi a kal duak duakin a hriat a, Khawvela mi vannei berah inngaiin, tumah reng hi alo awt bik ngai lo.
Mahse Mihring mize in ang lo, thinrim thei, Induh tawk ve na riau nei, na na na chu, inhauh nikhua alo awm a, tawng insum kar loh avang leh Mahni induh tawk ve na avang pawhin, “Ka chhuak dawn”, tih leh “Tunge chhuak suh ti che, I duh leh chhuak daih rawh” tih hun alo awmin, a lo thleng lo thei si lo.
Chutah a chhungte an lo kal a, a bungrua an rawn la a, A hmangaih neih chhun; a nupui duh takin dim te leh hmanhmawh lo zet a, kawngkapui lam a pan chhat chhat lai chuan, a ke pen ri; nidang a a hriat tham loh tur chu, Mitthi dar ri tluk zet a ring leh thin ti thawng a chang zo ta.
Hmel ngui raih mai leh aw nem ngaihno bei em em chungin, “Ka Hmangaih che” tih a lo ngaihthlak thinna aw ngei mai chuan, aw nem dam diai leh ngui raih maiin, “Duhlai, Ka mangtha hlen tawh mai ang che aw” a han tih zet chuan, Patling thinlung hi a nghawr nghing dawt dawt a, Pa huaisen ve tawk ni a lo inhre thin kha, a tiril a khur ru der der ta mai le.
I hear footsteps slowly walking,
As they gently walk across a lonely floor.
And a voice is softly saying
“Darling this will be good-bye for ever more”.
Chu aw thangkhawk zet chuan, Pharoa ang maia thinlung khauh leh Chapo zam ngailo ni a inhre ve thin Pa thinlung a ti tui zo ta. Engmah sawichhuak ngam tawh si lo, sawichhuak mahse a sawt dawn tawh lo tih hre bawk si, leh inphah hnuai tak tak chu tlawmpa eksen a la bawk siin, “Ka dam chhan ngawih ngawih leh ka hmalam hun hlimawm tur ka lo suangtuah ve thin zawng zawngte a herliam pui mek ta”, tiin a thinlung a rum a.
He khawvelah Lungawina leh hlimna dang reng reng; a mah hnem zo tu a lo nei hauh lo tih a hmuchhuak chiang ta hle mai le. A hlimna inchhung ni thin chu; a ruak mai a lo ni ta. “Ka thil neih chhun, ka neih zawng zawng chuan mual min liam san mek chu a ni ta si maw…” tiin a thinlung a rum tak meuh meuh a ni.
There goes my reason for living
There goes the one of my dreams
There goes my only possession,
There goes my everything.
Chutia a inchhung chhuat dung a, a duhberin hnutiang hawi zai reng rel tawh lova mual a liam san lai mek chuan, a rilru chuan an nunhlui mualliam tawhhnu, an hlimlaini zawngte a chhui kir ta zut zut mai. Chu hmangaihna, a nunna nena inzawm tlat leh beiseina hlimawm lo pe thintu chu, a nupuiin a in chhuahsan a, a kawngkhar dim tak a, a han khar rik khap takah chuan mumang angin a tham ral zo ta.
As my memory turns back the pages,
I can see the happy Years we had before.
Now the Love that kept this old heart beating,
Has been shattered by the closing of the door.
Ania sin, Thilsiam dang zawng zawng te mawi tiin tha tihle mahse, amah kawm hlim tak tak a, a rilru zawng zawng luahtu, Tlai ni nema a van ropui leh nuam kalsan a, a zuk pawl hlim thin a rilru zawng zawng a ahmangaih, a hmalam hun hlimawm tak a lo thlir phah thinna; Mihring hmasa ber Evi leh Adama ten, A hmangaihna ringhlel a, amah an phallo anga ngai a, Hmelma pa Setana Bumna an lo awih zawk tak siah khan, Pain a ka a lo ang tawh si a, Eden huan atanga Mittui tla chung leh thinlung keh chung a, “Chhuak rawh u” a tih a lo ngai ta si.
A hmangaih leh a rilru hlimna ber Mihring ten, a Eden huan an han chhuahsan hnak hnak chuan , an ke pen tin chuan Pa thinlung a nghawr dawt dawt a, a thutiam pawh sut leh hial a duh rum rum a ni. Mahse, Pathian a ni si. Cherub ten, Eden Kawngkhar a han khar rik khap chuan, thu a tawp a, an inthen tak tak ta tih a entir si a.
Mahse, Pa hmangaihna chuan chutia inthen hlen ringawt chu a ngai ngam thei ngang lo. Mahse, Diknaa rorel thin chuan a man a pek ava ngai nasa dawn tak em. Ama fapa ngei chu A hmangaih hringfate ko kir leh tur chuan, an bawhchhiatna aiawh a, a hrem a ngai ta si.
Mahse Pa hmangaihna chuan, ihe lovin a tiam nghal hmiah mai a ni. He hmangaihna ropui leh Pathian Fapa thisen meuh chhuah tir ngai khawp inrem lehna hi I ngai nepin i la hnawl zel dawn em le?
(A Video chu Pu HV a chanah dah ang aw)
Similar Posts:
- Ṭiavuta Hmangaih Biahthu
- Mihausa chu!
- Mipa leh Hmeichhia
- Hmangaihna Ka Ngen ani
- What is Love? What does it mean to me?
August 16th, 2011 at 11:06 pm
Thu thiamin in han ziak tawh chin hi chuan chhiar a kal zut zel mai
There Goes My Everything:
https://www.youtube.com/watch?v=2PvupzOSfqk
Nuthlawi ho nen kan ngaihthlak thin hairehai
https://www.youtube.com/watch?v=lnm0dLThp9c
Report this comment
August 16th, 2011 at 11:06 pm
Nghak leh lo mai ang
Report this comment
August 16th, 2011 at 11:10 pm
A ngaihnawm kher mai. Tumah rawn lovin Sermon ropuiah ka puang e. A thluk dik tak hmanga benga ngaihthlak a chakawm hle mai. Post tha tak a ni, Thu leh Hla lam atanga teh pawhin a class a nep lem lo hle mai.
Report this comment
August 16th, 2011 at 11:28 pm
Report this comment
August 16th, 2011 at 11:29 pm
kan ngaihtuah kan ngaihtuah hian Elvis kha chu ngaihawm ka ti ngawt thin mai
Report this comment
August 16th, 2011 at 11:33 pm
He hla ngaihthlak hi chuan kan emotional ta vek thin a. Chuan…Nuthlawi nen kherlo pawh ngaihthlak theih ang a!!
Report this comment
August 16th, 2011 at 11:54 pm
Elvis-a thih chamah a chhuak hman a, a lawm awm e. Mihring rintlak tur ni a ka ngaih hi chu ka tisual zen zen lo viau. A video pawh kan neih nghal mai khi. Ka edit uluk viau amaw ka tia, typo a awm nual tho mai a.
Report this comment
August 17th, 2011 at 12:16 am
I va ziak thiam sur sur ve.
Report this comment
August 17th, 2011 at 12:30 am
Ngaihnawm lubuk!
Nula lem I thiam fu ang a…
Report this comment
August 17th, 2011 at 12:34 am
chhiar a nuam thin dap dap hle mai.
Report this comment
August 17th, 2011 at 1:03 am
Lung ti leng ve! Ka thianpa pakhat hi a nu a thihin a pa in he hla hi a ngaihthlak tlut tlut thu min hrilh a. Kum 15 lai chu a liam tawh, mahse ka la hrechhuak ziah he hla ah hi chuan.”There goes my everything” han tih tawp mai chuh…
Report this comment
August 17th, 2011 at 1:22 am
Pu Jb-a (fam) khan a daikal dawnin a sa ul ul thin. Mithlaah alo lan chhuah zawk chu a hairehai
Report this comment
August 17th, 2011 at 3:05 am
wheres my everything? Tih mai a va awl ve..thilsiam zawng2 hi maw in tha hle mahse..! Va dik e…
Report this comment
August 17th, 2011 at 3:30 am
Report this comment
August 17th, 2011 at 4:43 am
Wow!
Report this comment
August 17th, 2011 at 5:42 am
a sei tha khawp mai, mahse a ngaihnawm, a khamawm loh , rinlawk rilruk ang ngeiin a tawp lamah thiam takin Pathian hmangaihna, dek nalh leh hle mai. Ka like mawlh2 e.
Report this comment
August 17th, 2011 at 5:43 am
Report this comment
August 17th, 2011 at 8:28 am
A ngaihnawm hle mai
Report this comment
August 17th, 2011 at 9:13 am
Sermon tha tak zawng a ni e.
Report this comment
August 17th, 2011 at 11:40 am
@ dawntliang & Sparta, thanks lutuk. @ kawlhawk, kei mi zakzum lutuk, dangawk bawk si hi nula lamah chuan, nil ve tak ka ni.hehe…@ Aduhi, Hriman thu tha pawh a thlah lova a kal bosan hrim hrim tum che khan, “There goes my everything” i tih ve hrim hrim hi ka ring hrim hrim. Nupa tang thenna lek phei chu aw…@ Telphawka, min lo va hrechiang tawh awm ve?
Report this comment
August 17th, 2011 at 11:59 am
Eros atang a Agape a in thleh luh dan chu a va dak nalh thlarh thlarh ve le. A ngaihnawmin a pawmnaawm e.
Report this comment
August 17th, 2011 at 12:39 pm
Ka lo en liam mai mai thin kha mi fate chuan thil mawi leh awmze neiah an lo chhuah leh ta bik zu nia!!. Hei pui roh hi rinaiin a dek nalh zek mai, mi all round tak a ni ngei ang. Sport lam pawh a neu miahlo ang. A love lett ka chhiar chak kher mai.
Elvis-a hi a lo sakhaw mi zek anih hmel ve….?
Report this comment
August 17th, 2011 at 1:05 pm
22. Shylo, Pathian hmangaihna (agape) hi mihring tawng a hril/sawi fiah zawh rual anìh ka rin loh laiin, Nupa kara inhmangaihna chung chuang (eros) phuah chhuahna hla tha ho hian an entir pha ve riai ruaiin ka hria.
Report this comment
August 17th, 2011 at 1:11 pm
Hei chu a va heyden rial ve aw. Eros to Agape. He hla hi chu a mawi ka tia, ka ngaithla ngam chiah thin lo.. a tak takin kan sak a ngai roh ang tih te pawh a hlauhawm alom.
Report this comment
August 17th, 2011 at 3:05 pm
“There goes my everything” tih ve kher ngailo tur hian mahni chhungkua theuh hi in hmangaih tawn ang u tih hi ka rilru-ah a lang nghal a.Nupa inthen hi tha ka ti ngailo reng reng a ni.Tin, Pathian hmangaihna zawnga i han “Pet goal” zaih mai pawh hi a ropui e, a ti hlu leh zual. Thu ziak ngaihnawm tak a ni hrim hrim.
Report this comment
August 17th, 2011 at 4:06 pm
Tha e.
Report this comment
August 17th, 2011 at 4:50 pm
Hemi hla play pah khian kan chhiara, angaihnawm hle mai. I ziak tha lutuk e..
Report this comment