(Ka BLOG lamah ka post tho na in misual lama post hi ka chak riau a. Ka rawn ri leh pawp mai.)
He khawvel a kan lo pian chhuah hian siamtu chung Pathian in kan khawsak dan phung tur rel fel sa a nei thin a. Chung zingah chuan Pathian in mihring te min pek zinga ropui ber mai hmangaihna hian mi tin min fan a, min bual anih hi.
Hmangaihna hi tungcho a piang he khawvel a seilian mihring te chuan kan hringnun a kan tawng ngei ngei tur leh kan neih ngei ngei tur thil a ni a. Khawvela misual ber pawhin hmangaihna hi chu tlemte tal chu a nei ve ngei ang. Pathian in he khawvel ah hian chi tam tak thlaha awm turin min ruat a. Chuvang chuan mihring te inkar ah hian he hmangaihna ropui tak hi a dah a. Kan nun a bet tlat, kan pian tirh ata kan neih sa thlap a ni. Hmangaihna nei lo mihring a awm theih loh a. Hmangaihna nei lo a inhria pawhin hmangaih tur a neih loh avanga hmangaihna nei ta lo emaw a a inngaih vang chauh a ni. Kan hmangaih zawng erawh a inang lo thluah hlawm ang.
Hetiang anih avang hian Pathian in min pek angin kan rilru a kan hriatthiam hunah hmangaihna duhawm tak hi chawrchhuah tir thin a ni a. Chumi avang chuan he khawvel ah hian mi chihrang hrang kan lo awm phah a, kan khawvel in a tha lam zawng leh a chhe zawngin hma kan sawn char char ni. Nausen lo piang chuan hmangaihtu a neih loh chuan a thi mai thin. Khawvela misual ber pawh hian hmangaihtu a neih vang chauha sual thei a ni tih hi hre mawlh teh se. Hmangaihtu nei lo a inhria chuan a hre thelh duaih a ni. Nu leh pa hmangaihna a dawng lo anih pawhin khawi lai emaw a hmelhriat leh hmelhriat lem lohte hmangaihna a dawn vang chauha puitling thei a ni. HMANGAIHNA hi a lo va hlu tehlul em!!!!!
Kei pawh ka nu leh pa te hmangaihna azarah ka lo seilian ve zel a. Mihring ka ni a, ka famkim tawk bik lo. Chuvang chuan hmelma lian tak mai ka nei ta tlat mai. Hun reilo te hnu ah phei chuan he ka hmelma hi ka hnehloh em avangin a bawih ah ka tang a ni titih der mai a. Theihtawp in tal chhuah ka tum thin a, ka thei mai bik lo. Ka bei rei tial tial a, ka theilo tial tial thung. A chhan chu ka hriat miahloh in ka lo hmangaih reng tawh zawk vang ani.
Ka hmangaih tih ka inhriatchhuah meuh chuan a zun ah ka lo uai nghet hle tawh a. Tunhma ka nun dan tam tak te ka thlak a lo ngai ta bawk a. A duh dan dan in min herkual a, min sawisa kual ta thin a. A thu chu ka awih em em ringawt tawh mai. A zun a uai chu na tak ani. Amaherawhchu hetiang taka a zun a ka uai avang hian mak ve deuh mai chu vawi khat mah HMELTHA ka ti ngai lo. Heti chung hian ka duh em em a, ka ngai ngawih ngawih a, a tel lo chuan nikhat pawh rei ka ti thin. A zei em em chu a ni phawt mai…..
Hun a lo kal zel a, ka hmangaih a, ka thlakhleh a, a tello a ka awm theihloh tak chinah phei chuan ka taksa hriselna thleng in a lo tuar ta a. Amaherawhchu ka hmangaih em avang chuan ka mawhchhiat phal lova, amah avanga chutianga awm ani tih ka hre phal ngai lo. A tan chuan ka inpumpek a, kan in hmuh theihna tur anih phawt chuan engmah tih hreh ka nei ngai lo.
Ka hmangaih hmu tur chuan ruahsur hnuaiah zan khaw tairek ah pawh ka chhuak peih a. Ka damloh pawhin amah ka ngaih em avangin mi tirh tur remchang ka zawng a, amah hmuh dan tur ringawt ka buaipui thin a. Ka hriselna bakah ka sum leh pai thlengin min eihek mahse pawi tihna ka nei lova. Amah ka hmuh theihna anih phawt chuan sum sen ka hreh ngai lo.
Ka hmangaih chu chance ka neih tawh phawt chuan ka fawp ngei ngei thin a. Vawi khat mai duhtawk loin ka fawp nawn sek thin. Ka fawh avang chuan nuam ka ti a, ka taksa mamawh zawng zawng min pe in ka rilru a tinuam sawng sawng hian ka hre thin a ni.
Pathian thu chuan,”I hmelma te chu hmangaih rawh,” min ti a. Chuvang chuan he ka hmelma lian ber, min tiche tu hi ka hmangaih a, ka fawp thin ani. Chu ka hmelma, ka hmangaih, ka fawh thin chu eng dang nilovin MEIZIAL hi a ni e.
Similar Posts:
- Hmangaihna – Naupang ah
- Khawinge Hmangaihna zawk niang le?
- Hmangaihna
- I Duhlai Hlu Ber Kha…!
- Suangtuahna Huaisar !
August 20th, 2011 at 2:11 pm
Zephenath
Report this comment
August 20th, 2011 at 2:12 pm
Chhiar phawt teh ang!
Report this comment
August 20th, 2011 at 2:15 pm
Mi bum chiang khawp!
Report this comment
August 20th, 2011 at 2:17 pm
No Comment.
Report this comment
August 20th, 2011 at 2:18 pm
Mipa lu leh Rel lu chu a khu tur a ni
Report this comment
August 20th, 2011 at 2:18 pm
ZU emaw DRUGS emaw a tawpah khian i ti dawn emaw
ka tia …. Van hmangaih awm vet2 ve le …
Report this comment
August 20th, 2011 at 2:19 pm
‘A no ber mai, A no ber mai’
Report this comment
August 20th, 2011 at 2:19 pm
A ngaihnawm hle mai.. ‘ka fuontain pen’ tih article kha min ti hrechhuak zawk..
Report this comment
August 20th, 2011 at 2:23 pm
Meizial tih khi biri emaw churut emaw ania.
Report this comment
August 20th, 2011 at 2:38 pm
‘HMELTHA ka ti ngai lo’ tih ka chhiar thlen hma zawng khi chuan Nula sawina ah ka ngai a. HMELTHA atang khian ZU sawina ah ka ngai leh a. ‘fawp ngei ngei’ ka thleng a, ka buai hman tep. Chan loh khan-ah mawi takin min keuh thlu a ni ber a lom le.
Post tha khawp mai.
Report this comment
August 20th, 2011 at 2:41 pm
A ngaihnawmin mi a bum thei tep alawm mawle. Mahse i hmangaih hi na rimchhe reuh mange hairehai
Report this comment
August 20th, 2011 at 2:42 pm
Tiang hi a tam tawh ngawt mai
……..
Meizial hi chu thil tha lo tak a ni……..
Report this comment
August 20th, 2011 at 2:43 pm
Ngaihnawm e. Hmangaihtu leh hmangaih tur neih hi a nuam, a hlim awm a, a thlamuan thlak. Mahse, meizial ai chuan in nu kha i lo fawp tawh zawk thin dawn nia aw. Hmangaihna hian thinlung sak ber ber pawh a ti nem thin.
Report this comment
August 20th, 2011 at 3:11 pm
Comment a ngaihnawm hlawm hle mai.
Report this comment
August 20th, 2011 at 3:13 pm
kei chu tu zun / eng zunah mah hian ka uai tak tak thei lo aniang.
Report this comment
August 20th, 2011 at 3:17 pm
@doc_lib, uai na tur i hrelo zawk anih kha.
Report this comment
August 20th, 2011 at 3:19 pm
#11 & #13: Post-tupa hian Meizu thinte nun dan thiam takin a rawn tarlang a ni mai a ni lom ni?
‘Hetiang mi hi ka ni e’? a tihna a nih ka ring chiah lo mang e. (Thlavang kan inhauhsak sual em lo’ng chu maw!)
Report this comment
August 20th, 2011 at 3:24 pm
#17
Report this comment
August 20th, 2011 at 3:34 pm
@SaNgpuiipa uaina tur neih chu sawi loh, ka zuna uai tum ho pawh ka hnawt tiau zel
Report this comment
August 20th, 2011 at 3:39 pm
Haha..keipawh min bum nalh khawp mai mahse i hmangaih khi lo hmangaih tawh suh. A hmangaih ve si lo che a..
Report this comment
August 20th, 2011 at 3:53 pm
Hahaha.min va bum chiang mei2. Ka bula awm lah chu i rih fawk ang.
Chuan a theih hram chuan i hmangai khi thleng rawh. A ho lutuk.
Report this comment
August 20th, 2011 at 4:09 pm
A ngaihnawm hle mai a.:D
Report this comment
August 20th, 2011 at 4:14 pm
Hmangaih leh duh ber mai an hmui thianghlim tak maia duhthawh taka kan han fawp vang vang hi chu a nuam a, hreawmna zawng zawngte pawh hian hnutiang min chhawn ta mai emaw tih rum rum awl tak chu a ni.
Report this comment
August 20th, 2011 at 4:19 pm
Judas Iskariota meizial fawh kha “kan-ral hmang” Pathian a ni.
Cigarette hi zu tawh miah lo tura khawih lo rei tawh ka nh vei nen, September 2010 atang khan ka KISS tan ve leh a, tunah chuan HUG and KISS a ni ta rawt e. Sim a ngai!
Report this comment
August 20th, 2011 at 4:21 pm
Blog lamah ka chhiar tawh tlatin ka inhria…
Meizial ka zu ngai lova, ka tan chuan thu ngaihnawm sathliah leh tha tak a ni e.
Report this comment
August 20th, 2011 at 4:25 pm
Judas Iskariota meizial fawh kha “kan-ral hmang” Pathian a ni.
Cigarette hi zu tawh miah lo tura khawih lo rei tawh ka nih vei nen, September 2010 atang khan ka KISS tan ve leh a, tunah chuan HUG and KISS a ni ta rawt e. Sim a ngai!
Report this comment
August 20th, 2011 at 4:34 pm
Motor chuanlaia meizial an lo zu ve sek hi a rim chhiain a ninawm…
Report this comment
August 20th, 2011 at 4:35 pm
Hmangaihte chu fawp reng ila ni mai lawm. Hmangaih lo fawh ai chuan, mahse cigarette ka zu thin ka ti miah lo a nia.
Report this comment
August 20th, 2011 at 4:39 pm
Post-tupa Mizo hian Vaihlo chi engzat nge kan neih ang aw…???
Ka fawp ngai ta lo. Tleirawl ngaihzawng leh Biri zuk chu fawh sek an ngai an ti
Report this comment
August 20th, 2011 at 4:40 pm
lr hlonchhing chu i sas nih a va hahthlak duh om ve!!! i fawh sek chuan hmui a rep duh awm vei
Report this comment
August 20th, 2011 at 4:42 pm
Hmangaihte chu fawp reng ila ni mai lawm, hmangaih lote fawh ai chuan-cigarette ka fawp thin ka tihna erawh a ni lo. Hiu2
Report this comment
August 20th, 2011 at 4:45 pm
chaw poh a ei hman meuh dawn lo anih chu
Report this comment
August 20th, 2011 at 4:49 pm
A tha top post tupa good job
Report this comment
August 20th, 2011 at 4:50 pm
31 khi lo lut hman ni maw, ka delete e.
#ma-i sas ka duh loh na chhan alawm
Report this comment
August 20th, 2011 at 4:52 pm
Engmah i ti man dn lo anih chu
Report this comment
August 20th, 2011 at 4:54 pm
Fawp reng ila tih lem ah a hun leh hmun ah chauh ti ta ila
Report this comment
August 20th, 2011 at 4:56 pm
khati mai tur kha alm hahahaha……..fawp reng ila i ti chiam vei anih kha hahahahaha
Report this comment
August 20th, 2011 at 4:59 pm
Mi hma ah te chuan ka fawp ngam bik nang…
Report this comment
August 20th, 2011 at 5:29 pm
I hmangaih khi – kan room ah a bung an lo paih ruk pawn ka hnar in a hre nghal. Chuan i hmangaih i vawnna kutzung tang ah pawh khan a nam ang. Hawh, thildang fawp tawh zawk la..
Report this comment
August 20th, 2011 at 5:58 pm
Cigarrette hi thil nghei har ber pawl chu ani…a la ti ve lo chuan tih ve chhin pawh tum reng reng suh u.
Report this comment
August 20th, 2011 at 6:02 pm
Vur fawh lamah inleh san ka tum.
Report this comment
August 20th, 2011 at 6:10 pm
Ropui tih hrilhfianna atan he posthi kan hmang tawh ang e….
Report this comment
August 20th, 2011 at 6:15 pm
@eL, a va ropui ve. Chawimawina sang tak anih chu.
Report this comment
August 20th, 2011 at 7:04 pm
80’s bawr vel khan hetiang style hian college mag. ah ka ziak ve tawh thin. lung i ti leng hle mai. Nang pawh hi i lunglengin i file hlui i hai chhuak a nih ka ring. gud post.
Report this comment
August 20th, 2011 at 9:49 pm
A tawp dan ava dangdai teh nulh ve..ka duh lutuk
Report this comment
August 20th, 2011 at 10:15 pm
Spi pa, ngaihnawm lutuk! Thu thiam inthup I ni e
Report this comment
August 20th, 2011 at 10:37 pm
#lr hlonchhing Infawh chu a tul ve thin bawk alawm. Remlo chung chung in ni nghe nghe se….
Report this comment
August 20th, 2011 at 10:41 pm
’95 vel a tang khan ka nghei ta a,zu tawhlo mah ila-tun thleng hian rimtui ka la ti reng mai!!!
Report this comment
August 20th, 2011 at 11:59 pm
Hman deuh tawhah khan hetianga thuziah hi a lar khawp mai. Tunhnuah chuan a tlem ta deuh- a rawn chhuak thar leh mai ang-history repeats itself
Tawngkam ‘chhimthal bekang puah’ thlasik mau puah’ hman uar lai pawh a awm kha.
Meizial hian tuina leh thatna dang a nei tehchiam lo a neih chhun chu ‘chak a ti reh’ a ni mai.
Report this comment