Fa enkawl

August 24th, 2011 10:00 pm by H.Vangchhia

Mi tana sawi awl, mahni tana hman harsa ber pawla ka hriat chu fa enkawl dan hi ani awm e.

Mi tuemaw in, thiantha/hmelhriat tha tiin an fate enkawl an harsat zia emaw min hrilh ve thin a. Tlemte tal han sawipui loh mawi bik heklo. Chutiangah chuan enkawl dan tha zawk nia kan hriat te inhrilh hi a tha a, hlawkpui pawh an awm thin ngei ka beisei. A tam zawk te erawh chuan tha takin an ngaithla liam ve thoin ka ring bawk a. Anni pawh khan an rilru manganna kan hnenah an rawn hrithla ani ve tho mai!

Ka naupan lai chuan kum 30 hi upa lutukah ka ngai thin. Kum 30 kan tling a ka upat zual vak ka hre lova, ka ngaihtuahna pawh kum 20 bawr vel ka nihlai ang deuh tho kha ala ni mai. Kum 30 kan thlen erawh chuan kum 40 chunglam hi ka ngai upa leh riau tawh mai a. Amaherawh chu, a hma ang tho khan kan thleng chhova upat reng ka hre chuang derlo mai!

Upat inhre love tilo chuan, ka khawvel hman thanchhoh danah ka in kuaiher (adjust) thiam vak der si lova. Ka tum em aw tih pawh ngaihtuah tham tak a tling awm e. Ka vanglai hun ang khan ka tuina te, ka lawmzawng te ala ngai deuh put mai tih kalo ngaihtuah ngai vaklo.

Engpawh nise, fate neiin khawvelah kan awm anih chuan kan duh anga nun chhoh tir ngawt hi kan tum tur ani em tih hi ka ngaihtuah ve fo thin. Kan duh anga nun tir chu ni e kan tum tur ani a, mahse an hun hman (tun) hun milin kan hrilh thiam thin em aw? Mahni in enkawl pawh a harsat laiin chhungkua enkawl hi thil namailo tak anih pawh ka hrezual zel bawk a!

Kan fate khawvel hun hman mek, keini pawh kan la khawsakna mek tho hi kan hriat ve a tul niin ka hre ta a. Hman a ka sawi tawh, computer software pawh kan update zel peih anih chuan keini mihring te phei chu in update zel tur hi kan lo ni.

Kan chen mekna khawvel ang zel hi hria ila, chumi huna cheng kan nih hriain pawm ngam bawk ila. Chumi leh kan hun lo hmanral tawh, kan hmuh leh hriat (experiences) te nen kan fate hi enkawl nita thin sela chuan kum 30 emaw kum 40 emaw hi tar hmuhin an hmu ngawt bikin ka ring lova, fate nen pawh inpawh takin kan inkawm theih ka ring zawk tlat nia mawle!

47 Responses to “Fa enkawl”

1
sisen Says:
August 24th, 2011 at 10:03 pm
A pawimawh khawp mai
Report this comment
2
XaiA Says:
August 24th, 2011 at 10:13 pm
A harsa a niang,China thufing pawn’Lalram pakhat enkawl aiin mahni fa te enkawl a har zawk’an ti em ni kha?
Report this comment
3
son of God Says:
August 24th, 2011 at 10:16 pm
Thufingin, “I fa i zirtir loh chuan ramhuai talin an zirtir ang.” a lo ti reng a ni. Pawimawh si harsa tak chu a ni. Amaherawhchu, kan zir tlan zel erawh a pawimawh khawp mai. Post tha tak a ni e.
Report this comment
4
Fergie Says:
August 24th, 2011 at 10:18 pm
I va’n ziak tawi e. Mahse, a tawi ang angin a tha khawp mai.
Ni e, fa-te nena kan inkarah hian Generation Gap zau lutuk lo thei sela fa enkawl chu kan thiam thei deuh awm e. ’3 Idiots’ Hindi Film kha i la en loh chuan lo en ve teh. Indian nu leh pate’n an fate an enkawl dan fuh lo lai a rawn tarlang tha khawp mai.
Report this comment
5
lr hlonchhing Says:
August 24th, 2011 at 10:21 pm
Kei chu ka la nei ve lova, sawi ve lo mai ang…
Report this comment
6
awmawmpuia Says:
August 24th, 2011 at 10:23 pm
Fa enkawl dan hi a inanglo nasa thei khawp a; thenkhatin a tul chuan vuak mai pawh a that hun a awm an tih laiin thenkhat erawh chuan ka fate hi tawngkam vin pawhin ka be ngailo reng reng kutthlak phei chu eng vang mahin a tha ka tilo te an ti ve mek bawk a. Mahni duhdan theuh hian enkawl ila, kan tifuhlo a nih erawh chuan mawhphurhna la ngam ila a tha ka ti. Thenkhat fa sual nei, mahni insawithiam zat zat leh fate enkawlna a an tih nasatzia sawi zat zat mai leh anmahni tihfuhloh hmu duh reng reng lo te hi ka ngei thei khawp mai.
Report this comment
7
paeia Says:
August 24th, 2011 at 10:29 pm
Fate enkawl dan tur hi zirlai pawimawh tak niin ka hria. Mahse zir thiam ngawt chi pawh niin ka hre lo. Kan hun tawn azir zela theihtawp chhuah a ngai ka ti. Kan rochan hlu berte an ni si a. Amarawh chu kan duh ang kawng ngawt chu an rawn zawh dawn lo.
Report this comment
8
kawlhawk Says:
August 24th, 2011 at 10:32 pm
A dik lutuk! Vawi za ka e!
Report this comment
9
ThaiBoy Says:
August 24th, 2011 at 10:34 pm
Hman ni chu ka fanu hnenah Fiamthu titakin “Ngaihzawng innei tawh em?” ka ti a; ani chuan “Nei lo” ti in min chhangliam mai a, Kei pek chuan “Nang ang rual ka nih chuan ka nei tawh i neih loh bik ngawtna chhan tur a awm lo” kan ti thla ngawt pek a. Ka ngaihtuah zui zel a; kan tleirawl chhuah tirh Love letter te kan dawn nalh nalh tawh khan High School kanla kal tlat mai a, Kan fate pawh hian SMS thlum tak tak chu an dawngve fo tawh ang, chuvangin hun in her mil leh an kum milte kan hriatthiam pui a ngai khawp mai.

Sual zawng zawng hi mifate ta; a tha hi kan fate ta a ngaih mai a awl khawp mai mahse kan fate chungah hian mifate hnen a thil thleng thin hi a thlengve fo a, mifate ang tho hi kan fate anive tih pawm ngam angai khawp mai.

Fate enliam mai mai lova chik peih a kawm nel a tha fo, pa fel lutuk fate pawhin an nel ngam loh khawp fel a awm theih, chung bula ah chuan fate an awm peihlo; hmuh phak loh ah chuan sual kawng zawh a awl, chuvang in kan fate nen hian in close thei ang ber a awm fo a tha khawp mai.
Report this comment
10
son of God Says:
August 24th, 2011 at 10:35 pm
#6 dik chiah.
Report this comment
11
H.Vangchhia Says:
August 24th, 2011 at 10:37 pm
#9 a dik hmel hle mai
Report this comment
12
Chhuaklinga Says:
August 24th, 2011 at 10:40 pm
Fa pa 3 kum 15, 13, 11 leh fanu kum 7 mi ka nei a, Pathian zarah hriselna tha tak neiin sunday school hi an kal theih tirh atangin an la kal kim hlawm a. Mipa ho khi chuan mei lo zuk ruk leh pawi dang lo khawih zauh an nei thin. An mahni ang rual ka nih a ka rilru hre rengin ka zilhin an lawm zawng pawh ka phak tawk ang angin ka tih sak thin a, ka thu pawh an zawm rih khawpin ka hria.

Kan rohlu an nih ang ngei a uluk a enkawl hi a pawimawh ber mai. Good post.
Report this comment
13
Ignatia (33-115 AD) Says:
August 24th, 2011 at 10:50 pm
Ka duh lutuk!

Thaiboy comment.
Report this comment
14
vakul Says:
August 24th, 2011 at 10:53 pm
A tha khawp mai. Thiam lem lo mahila han tui hle phawt mai ila-awh, han ngaipawimawh hle mai phawt ila.
Report this comment
15
No Comment Says:
August 24th, 2011 at 10:54 pm
No Comment.
Report this comment
16
doc_lib Says:
August 24th, 2011 at 11:16 pm
Hei chu a ngai te bawkin, ka la khelh loh game ania, ball ka pet ngam hrih lo e tiin kan sawi leh mai ange.He lai ah kher kher chuan a practical a ka tawn loh ani bawk a, goal ah ka pet ngam der lo aw Pu HV
Report this comment
17
jemi Says:
August 24th, 2011 at 11:19 pm
Kei zawng kawp pui hi ka neih ngut pawh ka ring lo.. fa enkawl tur phei zawng ala hlat hmel
Report this comment
18
eL Says:
August 24th, 2011 at 11:40 pm
ka chhiar chhuak a…han apply maina tur ka la nei tlats lo…
Report this comment
19
hnapmana Says:
August 24th, 2011 at 11:46 pm
I thupui ah i lut hman lo tep alom mawle! Engpawh ni se i ziak tha e. Ziah leh sawi mai ang hian a tak ah a kal dik zuih mawh khawp reng a ni, an ti!
Report this comment
20
century child Says:
August 24th, 2011 at 11:50 pm
Kum 30/40 tar hmuha an hmuh chuan chi awm loh beee,kan tar mai dawn tlat..:D
Report this comment
21
Saitawk Says:
August 24th, 2011 at 11:53 pm
Ka naupan lai chuan kum 30 hi upa lutukah ka ngai thin. Kum 30 kan tling a ka upat zual vak ka hre lova, ka ngaihtuahna pawh kum 20 bawr vel ka nihlai ang deuh tho kha ala ni mai. Kum 30 kan thlen erawh chuan kum 40 chunglam hi ka ngai upa leh riau tawh mai a. Amaherawh chu, a hma ang tho khan kan thleng chhova upat reng ka hre chuang derlo mai!… ka sawi i hriat a nilo maw??

Fa 10 leh fa 1 hi enkawl uluk dan a inangreng tur a ni, an tam tak viau avanga inthlahdah ngawt tur a nilo.
Report this comment
22
doc_lib Says:
August 24th, 2011 at 11:56 pm
21 Ku Saitawk. kum 30 han tlin feeling chu ka va hre ve chak e Khelh loh game hi khelh chak awm viau mahse a huphurh awm ve tho mai a
Report this comment
23
LR_rengsi Says:
August 25th, 2011 at 12:20 am
Fa la nei ve lo tan chuan sawi tur vak pawh ka hre ve lo. A har a niange…a nei tawh te atangin. Fa neih hma a ‘fa ka neih ve hunah chuan ti a duhthu kan lo sam ang ngawt hi chu a ni dawn lo ani.
Pastor/ Upa te pawn fa sual tak an nei a, chutihlaiin zu zuar( tu’n ka tawng lo haw lo se) fa fel tak2 hmuh tur an lo awm ve bawk si a. A mak ani. Pathian kut tak meuh ni hian ka hria.
Thenawm te fa theuh hi in enkawl sak ila kan thiam ber ang an tih hi dik hmel viau in ka hria.
Hmangaihna leh khawngaihna thliar hran thiam a pawimawh khawp ang….Aaa, la khelh loh game ah ball ka’n pet tak vak chu(h)…hehe.
Report this comment
24
H.Vangchhia Says:
August 25th, 2011 at 12:34 am
Fa enkawl hi thil harsa ber te zing ami ani awm e. Tunah fanu 2 leh fapa 2 ka nei a, pakhat zawk chu kum 21 a tling tawh. Kawmngeihin thil inhrilh thin mah ila kan hriat lovah engemaw tih an nei tho ang. Chumi chu mihring zia a ni tlat.

Mihring zia anih vang khan a thalo lam aia a tha lam an zawh theihna tura kan fuih char2 leh kan fuihna thu behchhan thei tura keini nu leh pa te pawh kan nun angai reng a ni.

Kan fa te hian sawn an thlak ang nge sawn an pai ang tih pawh kan sawi theilo. Engtia enkawl nge tha ber ang tih pawh hriatthiam har tak a ni. Ka pa hian keimahah hian a hre chiang khawpin ka ring bawk. Chutiang anih vang chuan tha thei tura kan hriat te hi thawh khawm a, hriat tlan zel hi a tha ka ti a, infuihna tha tak pawh nitheiin ka hria.

Tha a ka hriat ka sawi ang, tha a in hriat te in thawh ve bawk ang chu
Report this comment
25
muantea Says:
August 25th, 2011 at 12:54 am
Mission field 3 ka neia chuta ka hnathawh dan chu Chunglam a Mi khian grading a lo siam mek a ni.
Report this comment
26
Saitawk Says:
August 25th, 2011 at 1:01 am
@doc_lib #22, kum 18 feeling nen a danglamna a awm lemlo (as per Post)

In ngaihtuah ve threuh tawh in ka ring a, vanduaina leh engemaw vanga Nupa trangthren tamtak an awm tawh Mizo zing-ah, chung nupa trang thren kara naupang han thlir hian a tlangpuiin Pa te enkawl aiin Nu lam enkawl hi an puitling zawk zel.

A Post tu ang em hi chuan fa chu ka la ngahlo tawp. Fanaute hi Lalpa laka kan rochan an ni lawi si.
Report this comment
27
Saitawk Says:
August 25th, 2011 at 1:06 am
Kan belh leh lawk, mahni infakna lam nilo se la, tunah hian fanu pakhat chiah ka la nei a, ka fanu hian keimah ang tak mihring hi pasal atan tawng se ka pawiti miahlo.
Report this comment
28
Asteric Says:
August 25th, 2011 at 1:08 am
Ka ngaihtuah fo chu, fa ka neih hunah ( ) keia ka fate Pathian thu ah leh zirna kawng ah a ṭhat zawk ka ring tlat ṭhin. A chhan chu ka ṭum sualna apiang te hi ka kalsan hnu ah zir chiang leh ṭhin a, keiin arkhawthim daia ka sualchhuah hi ka fa ten an rochun ngei ka beisei ṭhin.
Report this comment
29
Asteric Says:
August 25th, 2011 at 1:22 am
#28 Edit: Ka ngaihtuah fo chu, Pathian zara fa ka neih ve hunah chuan ( ) ka fate kei aia Pathian thu ah leh zirna kawng ah an ṭhat zawk ka beisei tlat a ni. A chhan chu, ka ṭum sualna apiang te hi ka kalsan hnu ah a root aṭang ka phak tawkin ka ngaihtuah let leh ṭhin a, sualna awmzia hrethiam tura arkhawthimdaia ka lo dai zet tawh te hi ka fa lo la awm tur ten dai ve ngai lo tura an rochun theiha ka hrilhfiah thiam theih ngei ka beisei ṭhin.
Report this comment
30
jesuslovesme Says:
August 25th, 2011 at 1:23 am
Asteric @ HA HA HA…
Post tha tak ani e. Comment dawn a, a sei dawn riau mai a, post dang ah ka ti mai ange..
Report this comment
31
H.Vangchhia Says:
August 25th, 2011 at 1:34 am
Saitawk, kei ve thung chuan e, ka tlangval lai ang khan nung velo sela ka ti ngawih ngawih. Chumi chu ka hlauhthawn ber thin a ni fo.
Report this comment
32
LR_rengsi Says:
August 25th, 2011 at 1:52 am
Achang chuan field chhung a awm ai chuan a pawn atanga a fiah zawk chang te hi awm ve thin a…:-):-) Fate enkawl naah hian,nupa tanrual hi a pawimawh dawn khawp in ka hria. Tunlaiah nupa tangruallo nupui/pasal te lak a fate sualna zep avanga harsatna tawk tam tak an awm a ni. Pahnihnaah chuan chhungkaw in kawmngeih a pawimawh ang. Hetah hian nu leh pa an pawimawh khawp ang, fate tuipui zawng kha eng e maw chen chu kan tuipui ve a tul ang a, an khawvel kan va hriatthiam pui a ngai khawp ang. Chuan pathumnaah chuan nu leh pa kan nih avangin thil kan ti dik vek bik dawn lo a ni tih kan hriat a pawimawh khawp ang. A tul hunah chuan fate hnenah ngaihdam dil kan hreh tur a ni lo ang, kan tisual a nih chuan. Heng lo pawh tam tak a awm thei ang. A pawimawh berah chuan theih tawp kan chhuah ang a, a bak chu Pathian kutah. Tiin a kotlang atangin ka rawn au ve a ni e…hehe.
Report this comment
33
Asteric Says:
August 25th, 2011 at 2:30 am
Kum 13,14,15 an tlin chhoh hi a hautak lai ber mai chu a ni a, hetih hun thlen hma hian nupa ṭanrual hle a ngai a ni.
A hmei a pa in duh leh awh an ngah zual lai, tlangval tum ṭan, nula chiahlo hnute um ve ṭan anih lai hian demand annei sang duh hle a, nu leh pa zilhna pawh an bengkhawn vak lo. Nu leh pa te aiin ṭhiante thu an ngai pawimawh chho ṭan a, in chhung ah an ṭawng tlem a, ṭhiante bulah a an ṭawng tamin nuih an duh thunga. Nu leh pa ngaihdan tunlai lo an ti chho ṭan ta ṭhin…….

hemi hma beginner, primary leh junior dept. a an thut lai hian thawn thu te ngaihnawm an ti a, zawhna an ngah a, nu leh pa titi tibuai khawpin thil zawh an peih chang a awm ṭhin. Hetih hun lai hian nupa inlungrual taka awm a, thawnthu leh Pathian thu ṭha te, hlauh tur leh hlauh loh tur te a tam thei ang ber an beng zat lai hian fah mawlh mawlh mai tur a ni. Hau leh vin chunga thu ṭha hrilh ngai lovin an beng zat lai hian hrilh an nuam ber a.

An intih nulat tlangval chhoh chin ah chuan eng anga thu ṭha pawh sawi ila an beng a zat loh miau avangin leh ṭhiante thu an ngaihpawimawh tawh avangin kan inti thinur in kut kan inthlaka, nupui ten chu2 an hmu ngam leh si lo, a rukin an sual te poh kan thup sak ṭang2 phah ta ṭhin a ni.
Report this comment
34
zoho Says:
August 25th, 2011 at 2:44 am
Post tha mai nilo, post pawimawh lutuk a ni e. Mahse inringtawk ang u, a puitling zawk kan inrinzawhloh chuan engtinnge kan faten he khawvel hi confident taka an hmachhawm ngam ang? Kan inring tawklo a nih chuan a chhan zawng chhuak ila, inthuamtha ang u. Parenthood a mi hlawhchham hi sam leh pai ah leh thildang ah hlawtling eng ang mahse, Pathian in ‘Hlawhtling’ ah a ngai ve chuang tlatlo, hlawhchham a ti tho tho tlat a ni.

Hman a i post ‘Naupang titlutu chu an nghawng ah buhrawtsawmna awrh tir…. ti a Isuan naupang tihtluk a huatzia i post khan min bengharh hawk asin. Naupang tihtluk tih hian midangte emaw kan lo ti a, kan fate kan enkawl thatloh hian kan lo titlu reng mai a lo ni.

Point lam zawng a thawh an awm lem silo a, ngawi ve hrih mai teh ang.
Report this comment
35
H.Vangchhia Says:
August 25th, 2011 at 2:47 am
zoho #34 i thuhlawm 2 na khi ka pawm zawng tak mai a ni.
Report this comment
36
Asteric Says:
August 25th, 2011 at 3:12 am
Khawvela sualna zawng zawng 100 a 100 deuh thaw hi chhungkua aṭanga in ṭan anih avangin Pathian thu ngaipawimawh/duh inti chuan a ngaihpawimawh ngei ngei ka ring. Paula chuan Kohhran rawngbawltu atan “..mahni chhungkaw rêl fel thiam si lo chuan engtin nge Pathian Kohhran a enkawl theih ang (ITim 3:5)” a ti.
Report this comment
37
lushai_er Says:
August 25th, 2011 at 3:14 am
Fate enkawl chungchang a ka rilru a lang daih chu……An duh vang pawh ni lova FAHRAH te hi an ni!

Keini zawng kan chan bik hi kan vannei hle….Fa nei thei miah lo thiante ka nei nual, an duh vang a ni bik si lo.

Chuvangin fate mahni thlazar hnuaia enkawl thei te hian kan vanneih zia hi i hre thar teh ang tih lam daih rilru ka pu
Report this comment
38
lushai_er Says:
August 25th, 2011 at 3:21 am
“Some are born great, some achieve greatness and some have greatness thrust upon them”
Report this comment
39
ma-a Says:
August 25th, 2011 at 4:11 am
Har ngawt ang!ka la neih ve loh a vangin han sawi vak tur ka hre lo!fa te a beiseina neih san leh lutuk hi chu thil awm ve thei chu a nih ka ring.kan duh ang diak diak a an awm lo a vang a a sual han tih mai ang chi hi a that ka ring lem lo.mihring tumah sawisel bo leh tha famkim kan awm thei lo!Mahni nun leh tleirawllai in en ila,nu leh pa te thin kan tih nat fo chang a tam ve bawk a!khawvel chu tiang vel mai mai hi a lo ni,fa ten fa an rawn neih hunah an buaipui ve leh in ‘fa enkawl a har’ an la rawn ti ve leh ang a!Haire hai! a chhan chu khawvel hi a mum a,a in her kual vel mai mai ang deuh hian hring nun pawh hi a in her kual vel mai mai a,kan hun a lo thlen chang a awm ve mai a,tun a nu leh pa ngaihtuahna ang kha fa ten an rawn ngaihtuah a, fa an neih ve hun tur a rawn in her chhuak leh vel mai mai dawn a lo nih awm hi maw! Don’t worry be happy!
Report this comment
40
H.Vangchhia Says:
August 25th, 2011 at 5:17 am
#37
Report this comment
41
triplestar Says:
August 25th, 2011 at 8:24 am
Post tha leh pawimawh tak a nih hi, uluk takin ka chhiara comment pawh a tha hlawm khawp mai
Report this comment
42
ChhanaPa Says:
August 25th, 2011 at 8:46 am
Ka pawm zawng tak a ni e
Report this comment
43
Pakak Says:
August 25th, 2011 at 10:17 am
post leh comment ka chhiarchhuak dap e, a tha hlawmin a van bengvar thlak tak em….
Report this comment
44
PKfanai Says:
August 25th, 2011 at 11:02 am
Tha hle mai. Comments ho pawhin Lunghlu an pai fur e. Kum 25-30 vel ka nih lai khan ka hmel hi a tleirawl lutuk a, patling hmel put ka chak thin lutuk a. Tunah, Patling tak tak hmel ka pu tan a, ka tleirawl lai hmel kha ka ngai tan leh si. Ka fate pawh kum 14 an lo tling chho tan a, hma bak a ko hle mai. Tun thleng hi chuan ka la tihsualna em em ka la hre rih lo. Lalpa puihna leh enkawl puina ka va mamawh em.
Report this comment
45
lrpa Says:
August 25th, 2011 at 3:06 pm
Post tha tak ani e
Fa enkawl dan hi kan zir nasat angaih hmel ta khawp mai. Tun hnaite ah kum 9-15 vel inawkhlum an awm ta nual mai. Hei eng vangnge ni ang le? Tun generation a teenage ho hi enge an mentality? keini tleirawl lai ngawt chuan engkimah, a tha emaw tha lo zawng pawhin an bengvar zawk chu a rinawm a, fin pawh an fing zawk ngei ang. Pu HV sawi ang khian nu leh pa te pawh hemi mil tur a in sawirem thiam chu a pawimawh khawp ang.
Report this comment
46
H.Vangchhia Says:
August 25th, 2011 at 4:12 pm
lrp, pa han nih meuh chuan ngaihtuah hi a kal ding duh khawp mai
Report this comment
47
youandme Says:
August 25th, 2011 at 8:12 pm
ka ngaih ve dan mai2 chuan mihring te hi mize in ang lo tak kan ni hlom a vang hian an zia kan hriat chian hmasak a poimoh viauin ka hria.
eg; thenkhat i vuak a,an fel phah viau laiin,thenkhat chu an ni hauh lovang……………
Report this comment