Mizo Kristian-te zinga Kohhran mi tam takte hian Thlarau mi nih kan tum luat vang emaw ni, ram leh hnam, khawtlang thatna tura inhman leh tha leh zung sen hi ‘khawvel thil’ riauva ngai kan la awm nual a, chuvangin Kristianna leh ram leh hnam, khawtlang nun siamthat inlaichinna hi chhawp chhuah ve ka chak a.
Kan Kristianna, kan khawtlang nun, kan pianthar dan, Kristian tha tak nih kan tum dan, kan intihsakhawmina leh Lal Isua hnungzui theuh theuh kan khawsak dan hlawm hi in enchiang ila. Bible-ah “Rorelna zawng ula, hnehchhiahna tuartute chu tanpui ula, pachhia chu rorelsak ula, hmeithaite chu sawipui rawh u” tih kan hmu. Chu chu ram leh hnam, khawtlang nun siamthat kan tih chiah hi a ni.
Thuthlunghlui zawlneite kha rorelna diklo leh khawtlang nun thalo huai taka dotute an ni a, Lal Isua, mihring taksa pu a khawvela alen lai khan rorelna diklo leh khawtlang nun thalo dovin chanchintha hrilh leh thil tha tiin avak vel a; Farisai-te, Lehkha ziaktute, Puithiam lalte nundan tha lo a do thu kan hmu bawk. Tirhkoh Paula pawhin rorelna diklo leh khawtlang nuna thil tha lo ni a ahriat chu huaisen takin a do zel. Chanchintha hrilhnaah sual do hi a tel tlat a, chuvangin Paula hnua Missionary dangte pawhin khawtlang sual chu nasa takin an do thin a, an thih pui hial thin. Mizorama chanchintha rawn hril Sap Missionary ho pawhin kan khawtlang nuna thil tha lo awm apiangte chu do tlat turin min duh a ni.
America rama Chanchintha hriltu ropui Charles G. Finncy chuan, “Kohhran hna ropui tak chu khawvel siamthat hi a ni a, Krista Kohhran hi siam thatu inzawmkhawm pawl angin atirte ah chuan a ding a, Chanchintha hian khawtlang hmasawnna leh siamthatna lamah mite ahruai a; Kohhranin khawtlang siamthatna a ngaihthahna hian Thlarau Thianghlim ati lungngai a, harhthar lehna a dal thin a ni,” a ti. Kum 1982-a Grand Rapids khawpuia Evangelical Kohhran ho intawhkhawmnaah Chanchintha hril leh khawtlang siamthatna inlaichinna ti hian an sawi a – “ Khawtlang siam thatna hi Chanchintha rah a ni; Khawtlang siamthatna hi Chanchintha hrilhnaa tel tlat a ni. Khawtlaug siamthatna hi Chanchintha hrilh rah mai ni lovin; Chanchintha hrilh kai hruaitu a ni thei bawk”, tiin.
Mizo Kristiante rilru sukthlek hi a la hniam viau mai a. Tun hnai kum l0 chhung vel hi chuan kan mithiam thenkhatte atangin hemi kawnga tanlak atul ziate, ngaihtuahna zau zawk kan put atul ziate kan hre ta zauh zauh a; hruaitute chinah pawh athu chuan min chiah hneh sawt viau in alang. Tunah hi chuan mipui mimirte ngaihdan erawh a la kal khat ang reng fu mai. Chumi lo lan chianna em em chu Thlarau mi nih kan tum dan leh kan teh dan atang hian a ni. Kum 100 chuang Kristian kan nih chhung hian vawi duai lo kan harh thar a, han chhut let ila; Thlarau lam harhna, alan chhuah dan ber pawh hlim lamna a ni. Kan harhna chan tawh zawng zawngte ram rorelna leh eizawnna, khawtlang thatna leh inchhungkhur khawsak changkan phah nan hmang lova thih hnu Thlarau khawvelah hlir kan chan tir thin avangin Kristian ramah hian Kohhrau huang atangin khawtlang nun siamthat kan hmabak a nih hi. Tlawmngai pawlten khawtlang nun siamthat tumin beihpui thlak mah se, apawimawh ber Kohhran ho te kut kuangkuaha kan awm tlat avangin kan ekna ngaiah bawk kan e leh thin a nih ber hi maw. Zan khuain hlimin, lawmin, lam tlai var zak zak mah ila; Nu ber tuk thuan eirawngbawlin chaw chhum tur aneih miau si loh chuan a thlarau nunin atuar lo thei lo.
Tisa leh thlarau inzawmna hi kan thliar hran thiam a; kan chhunzawm thiam hma chuan ringtu puitling zia engtikah mah kan phawk chhuak zo lovang. Harhna alo thlenin eizawnna leh zirna, kan nitin khawsak rel leh kan tana tangkai tur ngawih ngawih pawh hnawla thlarau mi nih kan uar a. Tun atanga kum 10/20 hnua kan ei leh bar dinhmun tur ngaihtuah khumin chatuan ram kan thlir a. Khawvel hi kan mikhualna ram anihzia sawi vawngin, a Thlarau zawngin kan harh thar a. A thim zawnga hmalam han thlir chang phei chuan mangan thlak deuh mai a ni. Harhna hi kan ramah alo thleng leh ngaite anih chuan keichuan kan ram leh hnam, khawtlang nun siamtha zawng ngeiin lo thleng se ka duh ngawt mai.
Mizoramah chuan kan khawtlang nun chhe mek chik taka zirtu YMA-in a hmuhchhuah chu, kan khawtlang nun chhiat chhanah chuan chhungkaw inawp dan felloh vang a ni. Kristian thalaite, ram leh hnam, khawtlang thatna leh inunauna tinghet turin kan thawh tam a ngai. Khawvel hmasawnna tuifawnin a ruh no no chhuakah a tihmek laiin riangvaite hnena Chanchintha hril tura Lalber thupek vawngtu Kristian-te hian thlarau mi takin chu hna chu kan thawk ngei tur a ni. Ecumenicals hovin thlarau bo man manghilha, khawtlang thila inhman ringawt an lo uarna chu a dik tawklo tih an hria a, khawtlang siamthatna hi thlarau bo manna nen a kalkawp tlat tur a ni tih an hre chhuak a. Evangelical Kohhran-te pawhin khawtlang siamthat hnawla thlarau bo manna ringawt an lo uarna chu a dik tawk lo tih hriain, thlarau bo man leh khawtlang nun siamthat chu unau, phir ang mai a ni an lo ti ve bawk a. Kan ram leh hnam, kan khawtlang thatna turin Krista leh Kohran tan Kohhran mite i harh thar ila, thlarau mi tak tak nih i tum ang u.
Similar Posts:
- KAN ZORAM HI….
- World Council of Churches(WCC) Lam I Hawi Ang aw!
- Khawtlang nun siam thatnan inkhawm
- Kristian Chi 2 Te {Sunday Pual}
- Engtinnge Chanchin Tha hi kan hril?
:-D
August 28th, 2011 at 8:32 am
Mahse thlarau mi tih hi kan sawifiah duh dan leh kan thlarau mi tih a inang awm lo!… a then chu kan thlarau mi lutuk avang hian kan buai phah fo zawk a ni lawm ni!..
Rau lutuk-a, puakkeh lo chauh te hian kan awm ang nge..
Report this comment
August 28th, 2011 at 8:38 am
Thlarau mi nih ‘raw’ taka tum ngawt chu khirh deuh ani. Inkhawm te kan taima silo. Kartluan in office kan kal a, kan lo hah ve a, Sunday a inkhawm tura han inbuatsaih hi peihawmloh ee!! Kan thlarau mi loh vang chu a ni mai a. Vawiin pawh kei chu ka peih thlawt lo. Hei comment ka chhu zawt zawt mai.
Report this comment
August 28th, 2011 at 8:39 am
1st ka 2nd e.
Report this comment
August 28th, 2011 at 8:39 am
A tha khawp mai!..
Report this comment
August 28th, 2011 at 8:40 am
@chhuaklinga – I 3rd..he he!!!
Report this comment
August 28th, 2011 at 8:48 am
sheldon170@ 1st komen khi ka 2nd (thlawp) ka tia lawm, ahaa ahaa
Report this comment
August 28th, 2011 at 8:49 am
Report this comment
August 28th, 2011 at 8:50 am
#Chhuaklinga Hnar hnuaiah phatna bo lo..he he
Report this comment
August 28th, 2011 at 8:57 am
sheldon170@ nia, huuuu… hu.
Report this comment
August 28th, 2011 at 9:02 am
Tha khawp mai. Pathian hi kan nun a Lalber leh nun kaihruaitu berah hmang tlat ila. keimahnia awm Thlarauthianghlim kaihhruaiin awm tlat ila, a duh loh zawng kan hriat rengte hi ti lui tawng tawng lo ila, Thlaraumi chu kan ni mai.
Report this comment
August 28th, 2011 at 9:03 am
Engpawh nise he post hi ka
e.
Report this comment
August 28th, 2011 at 9:08 am
Misual chhuahsan in ka han inkhawm thut dawn mi aw..?
Report this comment
August 28th, 2011 at 9:19 am
Kan unau Bru ho chuan Kristiana awm a,thawhlawm leh sawma pakhat pek tih vel chu an hnial lo. “Thlarau-ah awm rawh u tih leh a, thlarau khe khe kan lau” an ti, an ti fiamthu thin. Kan Kristian satliah a kan thlarau mi leh si lo thin reng a ni. Thumps up…
Report this comment
August 28th, 2011 at 9:38 am
article puitling tak anh hi..hman hunah uluk deuìn chhíar ang
Report this comment
August 28th, 2011 at 9:40 am
post tha tak ani
Report this comment
August 28th, 2011 at 9:50 am
A va dik ve(Y)
Report this comment
August 28th, 2011 at 11:48 am
Theology a inthlak hian Spirituality pawh a inthlak ve mai. Tunah chuan Spirituality in the 21st Century hi kan redefine a tul ve tawh hrim hrim. Hmanlai/ Kristian hmasate thlarau mi dan kha model/criteria-a kan hman reng chuan a fuh bik lo maithei.
1st&2nd World War hma khan theology pakhat a chhuak a, chu chu Classical Liberal kha a ni-Chu Classical Liberal-ten spirituality an teh dan chu khawvel bak beisei nei lo leh khawvel hi vanrama siam tumna kha a ni a; lei lama rilru dah kha a ni deuh mai. Mahse indopui a lo chhuak a, a theih loh zia an hre ta a-a hnual ta hle.
Chutia hnual taka an awm lai chuan neo-orthodoxy a lo chhuak leh a-hei hian van lam ngaihna hlir a rawn tuipui a-harhna zia pawh a keng tel. Khawvel hi chu engmah ni lo-van lam chauh pawimawh-vanram ngaihtuah hian min tilawm a-tih hut hut kha a ni mai a.
Mahse a lo tling tawk chuang lo- lei lam ngaihthah a, van lam ringawt buaipui hi Pathian thu ber lo tih an hre leh a-Existentialist an lo chhuak ta a.-leia kan nun dan leh vana kan nun dan hi a inzawm a-kan nun dan hian kori a tu khawp tih thu angin sawi ta ila min dem lutuk lovang chu.
Mahse 21st century kan lo thlen hian kan political, social, cultural & economic dinhmun thlir hian engtin nge spirituality hi ka sawifiah ve tak ang le. individualism thlipuiah hian engtin nge pawl anga intelkhawm Kohhran hi kan ngaihpawimawh ang- individual spirituality hi engtinnge kan sawi ang-tam tak chu kohhran hmu pha lovin lehkha pawh an zir mek reng bawk a.
Harhna hrin kohhran chuan huau huau hi kan ngaina tlangpui a, inhmuhkhawm loh chuan kan thlarau mi mawh deuh. Harhna hi hmanlai ang khan a thleng tawh dawn si lo. Hmanlai chuan zan lamah Pathian thu an ngaithla a, zanah tih tur dang awm chuang hek lo an sawi zui zel a. Chhunah an feh a-an inlawm a-an kalho va-an sawi ho zel a. Tunah chuan thu tha tak pawh ngaithla mahila-in thlen veleh kan thu hriat kha a bo titih zel tawh-Computer, Tv, Mobile leh current issue hian kan attention hi a draw hneh lutuk. Remote village-ah chuan harhna hi khawtlang angin a la thleng thei mahna.
Thlarau mi han tih pawh hi-sawifiah tul tak a ni tan ta mai. Paula’n ‘Thlarauva khatin awm rawh u’ a tih pawh kha khah pung reng lam a ni lo-a huna khat thei tura inpekna lam a ni zawk( a tense lam kan en chuan) khah pung reng kan tum a, kan buai mai thin zawk a ni. Thih thlamuanna pawh hi lo neih lawk tum chi vak pawh a ni lo va, a huna lo thleng keuh tur chi a ni. Mahse thleng thei tura lo inbuatsaih lawk lam kha a pawimawh ber.
Report this comment
August 28th, 2011 at 12:41 pm
“Nangmah mahni hmunah, kei ka hmunah…”
Engang mi pawh ni ila, kan sakruang Mizoram tan tih rilru kan put theuh chuan kan la zia ngei ang. Mahse secular state kan nih hi hriat reng tur.
Report this comment
August 28th, 2011 at 2:28 pm
Mi pakhat a ba a Pathian chawimawi, a hnu a pek tur nei leh si lo, min ti hre chhuak.:D.:) Post tha khawp mai.. Kan awmna hmun apiang ah rinawm leh dik takin tih tum theuh ila, chu2 thlarau a awm awmzia chu ni mai in ka hria. Ram leh hnam khawtlang nun siam that pawh hi thlarau mi nihna nen inhmeh tak a ni.
Report this comment
August 28th, 2011 at 2:30 pm
I thu a puitling khauh khauh hle mai. # 17 vakul tui hnihna pawh hi a tha thlawt e.
I sawi dik e. Kohhran hi Mizoram-te ang ah ngat phei hi chuan social institution lian ber a ni mai a. Ram siam that hna a vei leh vei loh hian kan khawtlang nun hi a nghawng thui khawp ang. Kohhran hruaitute hi chuan an thlir zau thiam viau tawh niin a lang a. Mahse, pulpit tlangah ‘social gospel’ lam hi an tlangpui chuan, mipui hian ‘liberal’ ah kan chhuah chawk. Kan hun tawn chhoh zel tur ngaihtuahin social gospel hi kan la mamawh telh telh dawnin a lang a. Chuvangin, hun hian mipuite hi min la thawng harh chho ve zel turah te pawh ngai i la a tha awm e.
Report this comment
August 28th, 2011 at 2:36 pm
‘…an tlangau-pui chuan…’ tih zawk tur
Report this comment
August 28th, 2011 at 3:49 pm
Thlarau nazawng hi a awm a … Pathian atanga chhuak ngei a thu dik hi a dika vawngtu hi thlarau mi a ni. Heidan real Over lye, over lem lo pawhin Pathian Thlarauvin a pawl nun mi hi chu an awm.
Kaisa thil tihkhap a ni chuang lo va, Pathian thil pawh. Khawvea cheng kan la ni tlat!
Kan Lalpa pawh khan Tiberia dil kamah khan Thlarau lam thil aiin, zankhuaa len deng hlawhchhamte chawkaw puarna tur a chhawp hmasa thung a, an sangha man chawp 153 zinga tel lo, hem hminsa diam a chhawp thung. A hnuah zirtirte a ordain chauh kha le.
Report this comment
August 28th, 2011 at 3:51 pm
Thlarau nazawng hi a awm a … Pathian atanga chhuak ngei a thu dik hi a dika vawngtu hi thlarau mi a ni. Heidan real Over lye, over lem lo pawhin Pathian Thlarauvin a pawl nun mi hi chu an awm.
Kaisara thil tihkhap a ni chuang lo va, Pathian thil pawh. Khawvela cheng kan la ni tlat!
Kan Lalpa pawh khan Tiberia dil kamah khan Thlarau lam thil aiin, zankhuaa len deng hlawhchhamte chaw kaw puarna tur a chhawp hmasa thung a, an sangha man chawp 153 zinga tel lo, hem hminsa diam a chhawp thung. A hnuah zirtirte a ordain chauh kha le.
Report this comment
August 28th, 2011 at 4:13 pm
Kan khawsakna hi khawvel a ni miau a,khawvelah chuan tha leh sual a awm a,sual hian min dominate loh nan thlarau ngunhnam(Pathian thu) hman a lo ngai a,thlarau mi kan nih a lo tul a,thlarau mi chu a rah atangin a hriat theih a: “Thlarau rah erawh chu hmangaihna te, hlimna te, remna te, dawhtheihna te, ngilneihna te, thatna te, rinawmna te, thuhnuairawlhna te, insumtheihna te a ni zawk e; chutiang kalhzawngin Dan thupek reng a awm lo ve.” (Galatia 5:22-23) tih kan hmu a,hetiang a rahchhuakte hi thlarau mi nia ka hriatte an ni.Kei chu mark ka hmu sang lo.
Report this comment
August 28th, 2011 at 4:41 pm
#17 @Vakul … i tuihnihna hi a hlu hle mai.
Hmasawn lo zawnga sakhawmi nih hi thil awlzate a ni. Kan ramah hi chuan kan ram leh hnam siamthatna turte, rorelna dik lo hmachhawn turte, khawtlang nun tha lo siamtha turte hian Kohhran hian a taka luhchilh a inrawlh a remlohna a tam. Amaherawhchu, kohhran chhung a sakhaw mite hian khawvel thila ngaia midangte tih atana leh midangte siamthat atana an khek hi a tam tawh lutuk tlat.
Sawrkar leh Kohhrante hi Pathian siam ve ve an ni a, Kristianna tihmasawn turin inrem takin an thawk dun zawk tur a ni a. Presbyterian Kohhran pate zinga mi John Calvin-a phei chu mipui rorelna tihmasawntu a ni a, Presbyterian Kohhran inawp dan lo chhuahna pawh a ni. Keini hi chu lei si lo, van thleng si lo hian kan la buai rih hi a ang thin.
Report this comment
August 30th, 2011 at 10:55 am
Thlarau lam sawi duah hian min ti a tuih tuih in ka bo tuih2 thin. Kei mi mawl ve tak hi chuan THLARAU tih hi ka hrethiam thei meuh lo, THLARAU tih hi chuan “After death” tih lam sawina ah han ngai phawt ila. Dam lai hi chuan han Thlarau ngaihna vak ka hre lo. Inti thlarau mi deuh te hi dawt an sawi nge? aatna chikhat nge kan chan ve loh vang zawk le? Damlaia renga han thlarau dan vak chu a awmin ka hre lo.
Report this comment