Baptist Church of Mizoram chuan kum tin a tihdan pangaiin September thla ah thla chawhma lam ni 15 thleng thuzir tur a buatsaih thin, Beirual thuzir an tih thin chu tan ani ta a. Dt.1.9.11 (Thursday) khan zir tan ani a, Thuzir tur hi kohhran hrang hrang ah tihdan a in ang lo maithei a, keini chuan thuzir zirtirtu hrang hrang (Zirlai 1 ah zirtirtu 1 theuh zel in)neiin zir ani a, thenkhat chuan mi pakhat chauh in zirtir tura ti te pawh an awm mahna.
Thuzir tur hi Siam thar lehna(Transformation) tih ani a, kum dangah chuan Assembly thupui apiang zir thin a ni a, kumin ah erawh chuan zirlai thupui hi a hran thlan ani. Zirlai lai hi Reverend kai chin thiau 7 in an ziak ani a, siam thar lehna hi thlarau lam nun siam thar lehna chauh nilovin, tunlai khawvel a kan nun a thil pawimawh tak tak, mimal nun, chhungkua, khawtlang, ram leh hnam, kohhran leh mission lam a siam thar lehna kan mamawhna lai te ani a, a phur awm rual in mitin in kan hlawkpui a, khawtlang in hma a sawn ngei a beisei awm hle ani.
Mizoram kohhran ten beirual kan hman tan dan hetiang hi a ni : Kum 1918 March thla khan Hmunhmeltha khua ah mizoram kohhran chhim leh hmar infinin inkhawmpui (Presbytery) neih a ni a, palai 1700 zet an kal khawm a ni. Hetih lai hian mizoram ah ringlo an la tam zawk a, kalkhawmte hiam mi pakhatin 10 zel a changin Pathianthu hril nise, chu chu a rualin bei ila, ringlo ho chu hneh vek ang u, tiin deirual hi an rawt chhuak ta a ni.
BCM chuan kum 1926 ah Beirual neih hi a rel a, kum 1927 January atangin neih tan niin sawi ani. Khua a vawh em avangin hun lokal zel ah September thlaah an lo sawn ta a, tun thleng in la kalpuii zel ani. Beirual hi thla khat chhung hman thin ani a, thla chanve hmalam chu tawngtai nan hman thin a ni a, Biakin ah kalkhawm in an tawngtai a, Biakin a kal ve hman lo te pawh in mahni awm hmun ah an tawngtai thin ani.Chutiang a thla chanve an hman hnu chuan thla chawhnu lam ah chuan an fehchhuak ta thin a, zanriah eikham ah dar vua in mualah an kalkhawm a, lenna tur chan insemin intin ah Pathian thu hrilin mi pakhat tal Krista hnen a hruai thlen tumin an vakchhuak thin a ni. Hun an hman zawh hian mahni a tin mai lovin mual ah an kalkhawm leh a tawngtai na te neiin an tin ta thin a ni. Hun lokal zelah mizoram chu Kristian vek kan lo nih hnu hian hetianga hun hman hi tul lovah ngaiin Kristian nun dan in zirtirna hun atan hman thin a lo ni ta a ni.
Chhim lam a an hman tan dan hetiang hian sawi a ni bawk: Favang awllen lai hian pawl ho insiam in khaw hrang hrang ah Pathianthu hrilin an vak chhuak thin a, he pawl hi Fangrual tiin an sawi bak thin.Kan sawi takang khian Kristian kan lo nih vek hnu chuan hetiang a vak chhuak thin te pawh chawlhsan a lo ni ta a ni.
Kumin a BCM thuzir tur Siam thar lehna tih hi a bu a buatsaih a ni a, zirlai 15 awmin thla zhawhma lam zantin zir thin tur a ni a, Pathianni zingah chuan thupui hmangin Pathian thuchah sawi tur a ni thung a, zirlai pakhatna tih loh ah chuan zirlai tin ah sawi ho tur dah vek a ni bawk. Sawi ho lai hi a nuam leh hlimawm lai ber a ni a, Mipui in chanvo kan neih ve na hun a ni a, inkhawm dangah chuan sermon tu in a duh zawng leh duh ang angin a sawi mai a, mipui in sawi ve tur kan nei thin lo a ni. Beirual ah hi chuian mipui in kan ngaihdan te duhdan te kan sawi ve thei a, hei hian he hun hi a ti hlu hle in ka hria.
Beirual thu zir nuam vek ule………
Similar Posts:
- MSU Shillong Freshers’ Social 2011
- Eng Sakhua hi nge dik ber?
- Kalphung thar vrs Sawrkar Thar
- BCM Assembly neih mek a ni
- UPC pawl pahnih an inkhawmho
September 4th, 2011 at 7:33 pm
Be1 hmasa ber phawt teh ang
Report this comment
September 4th, 2011 at 7:40 pm
Bei2 na na chu an hlawhtling thin.
Beirual lo chhuah dan ka vawi1 hriatna.
Report this comment
September 4th, 2011 at 7:54 pm
Transformation hi siam thar lehna tihna chiah chu a ni lo nachungin a tum erawh chu a tha khawp mai.
Report this comment
September 4th, 2011 at 8:06 pm
Beirual nge Beihrual? Synod lam hi chuan Beihrual kan ti in ka hria.
https://mizoramsynod.wordpress......upui-2011/
Report this comment
September 4th, 2011 at 8:07 pm
Beirual thup thup ila ni mai lawm. Hlawk pui theuh tum ila…
Report this comment
September 4th, 2011 at 8:09 pm
Presbyterian nen chuan kan zir a in anglo anih khi..hehe….Siamthar lehna chu a pawimawh khawp mai..a bengvarthlak e.
Report this comment
September 4th, 2011 at 8:22 pm
Thupui hi chhawpchhuak law law teh ang:
(serial number hi date a ni nghal a)
1) Siam thar lehna
2)Thlarau nun siam thar lehna
3)Taksa hriselna
4)Pawn lam incheina
5)Inrenchem(economics)
6) Chhungkaw relbawl dan
7) Thilsiam humhalh leh vawn thianghlimna
8 ) Chhiat ni that ni
9) Zirna tha(Qualitative education)
10) Khua leh tui tha(good citizen).
11) Sawrkar tha siam tura kohhran mawhphurhna.
12) BCM inrelbawl dan.
13) Pathian ram (realized kingdom/social gospel)
14) Theology of mission.
15) BCM leh Mission.
Report this comment
September 4th, 2011 at 8:33 pm
Report this comment
September 4th, 2011 at 8:35 pm
Khawnge hlemhlet dona lam pang ve thung leee???
Report this comment
September 4th, 2011 at 8:57 pm
Keini hmar lam kohhran hi chuan, Kum 1918-a hmunhmeltha khuaa presbytery khawmpui-in a rel angin, beihrual hi hemi kum vek sept. thlaa hman tan a ni. a tirah chuan pathianthu awih lote BEIH nan an hmang ber. 1944 atang khan, ringtu kan nih deuh vek tawh avangin kohhran leh ringtu nun sawh ngheh nan leh intihsawtna lam hawi a hman chhoh a lo ni ta.
Report this comment
September 4th, 2011 at 9:12 pm
Kan hriat dan a inang lo hret. 1918 khawmpui khi chhim leh hmar infin lai ni lovin, mizoram hmar chan zawng2 hi presbytery pakhat hnuaia kan la awmho lai… Ni zawkin ka va hre ve.. Lehkhabu ka’n keu chhin..
Report this comment
September 4th, 2011 at 11:43 pm
Han chhui zau hret a, Mizoram Presbyterian Kohhran lamin an hman dan tur leh an thupuite tarlan tel ni ve ta se, post khat rau rauvah a kim deuh ni mai tur… te ka ti.. kei misual lu buk hian..
Report this comment
September 5th, 2011 at 7:55 am
A thupui leh a chhung hi inmil deuh emaw chu aw a tih theih in ka hria..
Report this comment