Min hringtute u, in hun laia mithalote thil tihsual avang leh mithate in ngawih reng avanga in thlahte ho ina kan tawrh nasat zia ka rawn hrilh ang che u. Rawn tho leh thei ni ula chuan min hnutchhiah ram hi chenna tlak a ni tawh lo tiin thenkhat in pem bo anga, midang chu inchhir avangin in intihlum nghal hial duh maithei ani.
Hydel Power Project in kalpui danah tihsual in nei; North-East a kawlphetha siam chhuak hnem ber dawttu ni siin kawlphetha indaih lo ber kan ni leh lawi si a. Kan luitui chakna zawng zawng te chu nangmahni avangin mi ramah a lut ruih ruih a, keini lah chu tihtheih nei lovin kan uipui tui lian thlir vel mai mai tawh anih hi maw.
Aizawl kawngpui in zauh theih loh avangin cable-car leh monorail min hnutchhiah a, in cable-car chhe lutuk avanga nunna chan zat pawh in hre awm der si lova. In monorail siam tum vangin kan kawngpui neihsa in chhu chhia a, mahse he project pawh hi tun thleng hian zawh a la ni chuang bawk si lo.
In hun lai khan lir hi a nghing thei tih in hre miah lo ami? Richter scale-a 5.4 hi hmun dangah chuan a na lo, mahse kan awmna lei hi hnuai lam atang hian a rawn inhawng ta emawni tih mai tur khawpin Aizawl chuan a chhiatpui nasa asin. In insak danin a zir loh em avanga chim ta te hian engzat chiah nge a delh hlum pawh in hre awm der si lova. In khawpui chhuan ve em em thin pangsir thenkhat, a hmaa in ropui tak tak te dinna thin, ruak ta hei huai te hi in mit ngei hian han hmu ve thei sela aw..
Foreigner hip nan PAP in hlip a, mahse a bak tihtur dang pawimawh in tih leh chuan si loh avangin kan ram hmasawnna tur khawp ram dang mi an rawn lut thei/duh bawk si lo. PAP hlih tak chu remchanna a lain a hnu lawkah central sorkarin ILP min thlahdultir zui a. Tourism industry thanlen tir in tumna lamah tourist ni miah lo, vai ho kan ramah an vei tak suau suau hi. Chung vai sumdawng lian ho chuan kan nula lepchiah deuh an bum te chu thuhran, pulpit tlang bal zut fai pha chin ho thleng thlengin ani an bum tak ni.
Kan ram leh hnam hi a damlo ta tak tak ania aw. Manipur-a hel hlawhtling theiloten min rawn zuam a, awmhmun an khuar nghet ta sauh sauh a. Kan thenawm state-te lahin kan ramri min chhuhsak zel a, Burma atanga suahsualna lungpui rawn lum thla lah a lian telh telh zel bawk nen. Chhim lama district council pahnih in hriat thin te kha – pakhat zawk UT a ni tawh a, a pakhat dang zawk hi engtikah nge a nih ve dawn tih chu kan inzawhna lian ber a ni zel bawk ania aw.
Kohhran lam phei chu ngaihtuah ngam pawh hi thil harsa ani. Kum 50 chhung velin Mizoramah hian biak in zauh emaw, sak lenbelh thawm hriat tur a awm ta lova, kan sawmapakhat thawhlawm pawh vai hovin min eisak thin tawh tih thawm te a lo la ri ve chhen zui bawk a..
Ka thusawi hi in awih lo amaw? Rapthlak leh dawt hmang angah min ngai amaw? Ka han hrilh ang che u, heng ka thu rawn sawite hi ka la khuhmawi then zawk mah mah a, hrilh loh che u ka la ngah asin. Mi thalote u in thiltih diklo te kha sim ula, mithate u ngawi reng tawh suh u. In inthlak duh loh avanga kum za chhung leka kan ram danglam nasat zia ka rawn hrilh che u ani. Ka thusawi hi ngaithla ula, in ngaihtuah fim ula, in thlahte hnena ram in hnutchhiah tur hi khawngaihtakin dawn chiang teh u…….
Similar Posts:
- Ka ba nge min ba?
- Modem buaina. Min pui teh u
- Kan Himna Kulh
- Autumn In My Heart – II
- A bug in Mimi’s CD
September 5th, 2011 at 8:32 pm
post tha tak ani
Report this comment
September 5th, 2011 at 8:45 pm
SIPMIU ila sawi tel lo.
Report this comment
September 5th, 2011 at 8:46 pm
“Kan ram leh hnam hi a damlo ta tak
tak ania aw. Manipur-a hel hlawhtling
theiloten min rawn zuam a,
awmhmun an khuar nghet ta sauh
sauh a”.
AW ZORAM, HARH RAWH!!
Report this comment
September 5th, 2011 at 8:54 pm
Thupui awmzia ka man lo.
Report this comment
September 5th, 2011 at 8:54 pm
#2 ngawiteh ka rawn sawi vek thei thlot lo ani a thui lutuk dawn a..
Report this comment
September 5th, 2011 at 8:59 pm
Kum 100 a ngai lo ang, i sawite hi kan tawng mek…ZG, Zoramah hian khua a var ka ring lo
Report this comment
September 5th, 2011 at 9:01 pm
Kum 100 lo awm leh turah hi chuan Mizo hnam hi a mang tawh hial zawk mai thei asin.. Tun ang zel kan nih chuan..
Report this comment
September 5th, 2011 at 9:27 pm
Heng zawng2 te hi in EIRUK rah ani ka ti lo thei lo..
Report this comment
September 5th, 2011 at 9:39 pm
Post tha kher v le e…
Report this comment
September 5th, 2011 at 9:48 pm
‘Zawlnei Au Thawm’ tih mai tur a nih hi maw le. Chhuan lo awm zel tur thlir chung zela chhuan awm mekte hian mahni hun theuh kan hman hi a pawimawh reng a ni. Tan i la tlang teh tak u hmiang.
Report this comment
September 5th, 2011 at 10:01 pm
Ka (kan) ram ka vei em vanga post ka ni a, MISUAL ho hian tan i han la tlang deuh deuh teh ang u hmiang…
Report this comment
September 5th, 2011 at 10:12 pm
A bul atanga a tawp thlengin tha ka ti. Kan tawng chho tan der a ni lo maw
Khawpui a chep …. cable car, leiverh etc …. khawpui tih zauh lam ngaihtuah an awm miahlo!! A zauh nan a rem ber chu sipai an la pe zui. Hel hlawhchham ..
Report this comment
September 5th, 2011 at 10:27 pm
Kan va thim tawh tak em! Khua a var har tawh ngawt ang. Eng kan ti zo ta nge ni le? Mi hausa te dithlifarfem-ah mi retheite kan huh zo ta bawk nên.
Post tha tak a va han ni em!
Lianchhiara chuan tha a ti leh chuang lovang he2(huat awih loh)
Report this comment
September 5th, 2011 at 11:26 pm
Ngaihtuah a ti thui kher mai.
Report this comment
September 6th, 2011 at 12:14 am
A dik reng
Tu thawhah mah ni loin state ralmuang ber pawl kan ni a. Kan ralmuanna chuan hlemhletna kawng a hawng mai mai anih hi!
Report this comment
September 6th, 2011 at 12:47 am
laltheri hian “in eiruk” a ti…a eiru lo tak2 nih cuan dam reng rawh seee..
Report this comment
September 6th, 2011 at 12:56 am
A tha hle mai….
Engmah phutlet nei lova thahnemngaihna hi kan ram chuan a mamawh ber tawh mai ni…a rethei em em mai si a, a khawngaihthlakawm tlat… Mihring nise kekawr mawngpawp lo chu hak tur a nei tawhlo hialin ka ring..,..
Report this comment
September 6th, 2011 at 7:38 am
Aizawl “City” zauh tih ringawt hi a tul ber lo. ADA Master Plan a Aizawl zauh vak vak an tum dan te hi tha ka ti lo. Aizawl hi a lian tawh lutuk a, pawisa a control lutuk a, hetia zauh vak vak ai chuan khaw dang ti changkang zawk ila. Chhim lam khawpuite ti changkang ila. Champhai, Kolasib, Thenzawl leh Serchhip te zauh zawk ila. Aizawl hi tih zim tum zawk ila, state chhhunga awmte income a rualrem zawk ang. Mizoram mipui chanve gnawt Aizawla kan awm chuan a dik lo reng reng.
Report this comment
September 6th, 2011 at 8:47 am
Ngaihtuah a ti thui kher mai.
Report this comment
September 6th, 2011 at 12:39 pm
Hetiang lampang chi hi ka hne..pessimist thlak..hma kan sawn ve zel hi maw…kan pi leh pu te kha mawhpuh tur zawng ila ava tam dawn tak em,an nundan thalai hlir ania kan sawiuar zawk ni.
Report this comment
September 6th, 2011 at 3:28 pm
@18 Aizawl pem kan khap mai dawn ami
Report this comment